misdo's Profile

今晚熱辣辣走上斜路去食呢間上海菜。叫了小籠包、台式牛肉麵、蒸銀絲卷。小籠包幾好味，湯汁多，皮夠薄。雖然不及鼎泰豐和樂天皇朝精緻，但比翡翠拉麵和上海姥姥的造得好味。台式牛肉麵麵底好食喎，牛肉合格，下次可以試下其他的麵食。蒸銀絲卷就比較失色，包卷入面條條不分明，吃不出絲絲的感覺，變左白饅頭點練奶。…Read More

專程走上半山，尋訪拿波里認證的pizza。 舖頭得一張枱，好彩剛好有位。自己坐好，再慢慢睇收銀台上掛住的menu。 無侍應的，他們都在廚房工作中。要按叮叮叫人出來落單，只講英文，都禮貌的。一個簡單的Margarita Pizza，餅底係簿的，好味！和pizza hut/pizza express都不一樣，原來拿波里pizza就是咁樣的，都幾美味還order了triple O burger & fries,仲有開心果gelato, 咁樣一個weekend brunch都幾chill:)…Read More

難得去西環，特登找到了這間舖頭。買了一個南瓜燒餅，一個原味燒餅 和 一包鳳凰卷。 舖頭細細，賣的都係香港的懷舊中式餅食😊南瓜燒餅：軟林林，但無乜南瓜味，就是橙色的。原味燒餅：即係無餡的，個人平日都喜歡食豆沙餅的皮多過個豆沙餡，所以覺得好好味，唔會太甜，正呀～鳳凰卷：未食😅…Read More

前幾次食過佢的點心外賣，覺得不錯，所以特登去試下堂食，結果有點失望。燒賣：明明之前覺得好好食的，今次只是覺得正常，仲有舊不喜歡的肥肉。山竹牛肉：正常，沒什麼特別。芋絲臘腸排骨荷葉蒸飯：大大份，足夠兩個人食，但飯偏淋，臘腸唔係靚嘢，排骨被鬆肉粉那得過份。以為芋頭切成絲係會炸過脆口，係想多左的，都係淋的。所以成個飯除左臘腸硬，其他都係淋淋的。蝦米煎腸粉：口感係淋的，只是表面煎脆左，唔好食。食多幾舊仲覺得有點餿了，向店員反映，得到的答覆只是：唔會的，我地日日新鮮做，成朝都無人投訴！但你碟嘢真係有問題丫ma。最後是沒有換過碟，也不肯退貨，浪費唇舌！唔好食，味道不同了，無下次。…Read More

特登book左二人Lunch, 試一試的，特色東歐菜，十分期待的:)午餐價錢在中環算係平的了，有湯有沙律有飲品，選了羊扒和豬肋骨，還有羅宋湯。羅宋湯有驚喜，好味，好特別的，和港式羅宋湯不一樣，多了香草和紅菜頭的味道，清清地的蔬菜湯，好味道。羊扒都好味，煎得肉淋，不過肥肉比較多，配薯蓉，個汁酸酸甜甜都好夾的，但我就唔係好鍾意d芫荽。燒豬肋骨唔係美式嗰種醬燒，個樣有點似紅燒豬軟骨的，肉有點鞋，但味道好好，配飯撈埋汁都幾正。最後見幾枱人都有叫蜂蜜蛋糕，我地都叫左一份，原味，幾好食呀，雖然$88有點貴，但係烏克蘭蜂蜜蛋糕未試過丫ma…Read More

上次星期五晚七點後到達，結果無位食唔到。今次係平日晚上，七點前不用等位。兩個人叫左青咖喱雞，大蝦金邊粉，沙嗲串燒（雞豬牛各兩串）青咖喱雞味道ok, 都辣辣地ga, 加左碗白飯送，如果有得配薄餅就更正啦。沙嗲串燒勁香，好野味呀，雞牛都好食，係豬肉韌左d。金邊粉就炒得好好味ga, 味道比對面商場的泰菜館好味好多的。支持小店，埋單的時候仲附送微笑:)，多麼難得。…Read More

之前同事話呢間點心好好食，一直都想試下。上網見到要排長龍，等好耐的。不過有得電話落單落好單，話等廿分鐘就有，幾好。燒賣＄25有兩粒，大大粒，有兩粒大蝦的，無乜肥肉，好食。山竹牛肉＄23有三件，又係大大件，味道正常好味。四寶雞札＄30兩件，芋頭夠淋，舊雞無乜肥膏，都唔錯。流沙奶皇包＄25三個， 真係會爆餡的大件夾抵食，味道又好，見堂食都好多人。等疫情好d，會堂食試下煎炸的點心。…Read More

上次外賣好食，今次就試下堂食。點左外面好少見的羊肉希臘沙律彼得包，羊肉唔羶，配埋粒粒芝士的沙律好fresh，成個包好好食。有兩件，好夠飽。 薯條係我鍾意的幼薯條，脆口好味，茄汁都足夠。包餐的檸檬茶唔係自己加糖水淡如水嗰種，大大杯好抵飲。另外他叫左個雞漢堡，個樣都好靚，佢都話好味的。…Read More

上次買外賣時，收銀小姐推介下次可以試下午巿便當，話係抵食的，今次就試下先。（係一到五先有的，每十日轉餐牌）叫左個糖醋魚便當，一打開個就覺得好豐富，雖然糖醋魚得三塊，但好食。涼拌木耳都正。個蛋炒飯係粒粒分明，唔會好似其他飯盒咁成pat嘢。食哂成個便當飽哂Overall午餐便當係幾正，下次會試下其他款的。…Read More

黄大仙呢間比moko嗰間易等位喎，第左幾分鐘就可以入位，不過餐廳冷氣唔多夠，坐角落位要靠坐地風機送風，但之後都俾調位，坐番中間就涼d la~叫左兩個常餐：鮮牛肉米粉VS沙嗲牛肉麵鮮牛肉米個湯有好多薑絲(俾我揀晒出黎)，個湯好清但好味，醒鮮牛肉係清啖又美味，只是個米粉質地唔係我喜歡的，推介俾愛清啖的。沙嗲牛麵，見幾枱都有叫喎，亦是一向的心水茶餐廳美食。金記又係整得幾好味喎，牛肉和湯都good, 會encore的…Read More

今日要去始創買嘢，就選了食夏麵館。之前去過鑽石山的，太子這間係第一次去的。兩個人，點了鮮肉小籠包,回鍋肉粗炒和砂鍋雲吞雞。小籠包：皮太厚，餡的味道還可以。回鍋肉粗炒：好味，原本怕回鍋肉會好肥，但又唔會喎，還有椰菜,青紅椒，豆腐乾做配料，粗麵唔會淋，味道好好。砂鍋雲吞雞：有半隻雞，5-6粒雲吞，白白的湯都好飲，全部飲哂，之後沒有覺得口渴，應該沒有落太多味精。整體覺得ok, menu還有好多選擇的，會想下次再幫襯。…Read More

點左幾款餃子，招牌的,蝦的和芝士雞餡的，還點了炸雞。最好食的係芝士雞的餃子，cream cheese和雞肉好夾，好好食，幾特色。炸雞好似有5件，炸得好食，唔會肥冧冧。下次都想再食…Read More

6人聚會選了這間無時限的餐廳，被咁多like厄左。泡菜海鮮煎餅：淡而無味，只靠鼓油調味溶岩豚肉炒飯：太咸了，味道唔好鐵板炒魷魚：d魷魚好梅，勁怪。投訴了，不過被hea過還點了醉雞翼和炸豆腐，味道係正常的。全晚覺得好味的係菠蘿冰，真心好味！…Read More

本來想食糖門的椰皇盅的 ，但四點幾都未開門。行前小小都找到呢間。一樣有。叫了個榴槤牛奶布甸椰皇盅外賣，等左一陣就有啦，用保鮮紙包到好實，返到屋企都無漏。一打開，榴槤好香好滑，夾賣牛奶布丁超正。夠大份，我就係兩個人一齊食的。有驚喜，好好味：)…Read More

星期六特登訂枱食泰國菜。三人。叫左柚子蝦沙律<---好味，推介，柚子又甜又大粒。蝦餅<--都ok，但其他餐廳無咩分別。菠蘿炒飯原隻上，又香又好味。令人失望的係碟炒芥蘭，咸,多汁,唔好味。還有嗰個我期待左好耐的芒果糯米飯，芒果係酸的，黑白糯米中的黑糯米太硬:<哪裡才有好味的芒果糯米飯?…Read More