CannyMa's Profile

星期六嚟呢度飲茶，第一次黎，入到去門口冇人帶位，門口呀姐叫我地隨便坐都得，跟住我哋就隨便坐。之後有個阿姐過嚟話唔坐得，叫我地坐近廁所一張，但係全場只係得三份一人，有好多吉枱。我話我唔想坐近廁所，可唔可以等令一張枱但係嗰張枱因為要從啱啱食完要執個阿姐唔肯。跟住就不停鬧我哋揀枱，其實我哋都冇鬧過佢，佢就不停話唔可以揀枱，跟住我哋都嬲到冇食走咗。上到嚟睇返原來先至話依家嘅服務好差，我勸大家唔好黎！！！！…Read More

其實每個星期都嚟食，中午食飯，食完等咗好耐想埋單，都冇人理我哋，所以行去收銀度埋單，跟住個金髮女部長就好大聲鬧員工，其實俾說話我哋聽，大叫開mic話台客走咗都唔知，因住走數。我同佢講我係想行去埋，其實我成日都嚟食我都唔係第一次行去埋單。說話極刻薄趕客咁樣，跟住上黎望一望原來發現好多人都話過呢一個部長同埋員工服務態度差。真心嬲，平心靜氣同佢講唔好咁講嘢，佢鬧翻你話我只係教訓我啲員工。以後都唔會嚟食。…Read More

今日食中午飯，發現呢間酒樓疫情之下仲比其他客人10幾個人坐一張枱，中午食午餐由叫餸到上菜等咗半個鐘，食晏得壹個鐘點等咁耐。見到你枱係得兩三個客，阿姐都唔招呼你，問多兩句就鬧客。其實啲嘢係幾好食，但係真係好受氣。…Read More

從來不寫食評，但真係比呢間野員工激死，態度超差，入到去唔招呼不突止，叫伙計過來就黑面飛個menu過黎，係真係飛過黎，問四色刺身有咩又黑面，話蟹，魚子，三文魚同一款刺身law.之後個女人伙計又唔知咩原因走過黎我地張枱講多次張單，我地以為佢唔記得，好心講一次，佢就話；我知，我數下有幾多碗湯。我地發誓全程態度好好，唔知做咩得罪個伙計，食到好嬲唔會再黎，至於食物我地覺得ok ge，係食到成肚火唔會再黎，貼錢買難受…Read More