fatfatmum's Profile

星期六兩點Tea Time, 只得Tea set 可以叫。冇其他選擇。份量正常,咸點好食但數量不多。餐飲叫了士多啤梨花茶, 一套茶壺兩個茶杯成壺上,重幫我地加左2,3次熱水,好抵飲。。慢慢hea慢慢飲。。適合女孩子們談心影相。Tea set $328/2 persons…Read More

食飽飯後, 倆口子買左一個朱古力爆炸糖 cup cake, 食之前以為好似一般cake咁凍凍地, 原來呢一間既cake係室溫既...但係點解無雪過既cake都硬硬地吾鬆軟既?? 個樣係幾得意既, 但味道就一般, 吾係吾好食, 但係就真係幾一般囉.....…Read More

一心想去亞龍咖喱,可惜是日休息,所以去左呢間試下~1) set dinner:curry羊,跟飯&可樂- 個汁畸為稀,味道不算好好2) 芝士烤餅- 吾太夠芝士味,差dd3) 小食拼盤- 香料既味道有點怪4) 一樣好似秋葵既蔬菜,我吾鍾意那種質感,怪怪地...但個汁都ok都好旺場,落單亞姐好嚴厲,令人覺得不太友善,間鋪吾係太乾淨,有一隻大大既小強經過,最終被侍應消滅了!…Read More

同屋企人食飯,4人order左3個set dinner+1個小菜:1) 海南雞飯- ok既,但可以更好,份量吾算多,油飯不太油,附送既沙嗲串燒吾係咁得,基本上成個set都不太好!2) 銀雪魚扒- 肉質好滑,但畸油左d,ok既!3) 西冷牛扒- 都ok "un",吾好食既!4) 參乜- 呢個小菜我都係第一次聽同第一次食,都幾好食,酸酸甜甜咁,最好食既一樣野~侍應態度不錯,環境舒服,裝修都幾好,但食物方面吾算太好,有待改善呢!…Read More

一行7個女仔大約7點到,都唔係full哂,但7點幾就已經有好多人門口等,所以一定要book定位or早d上~我地叫左一個4人餐$328(白湯4客+飯/意粉2款+7吋pizza+小食拼盆+熱飲4杯,凍飲另加錢+pancake),另加3杯野飲,4客小食~個餐要左白汁西蘭花海鮮太極墨魚麪,葡汁焗海鮮黃薑飯,金牌至尊pizza,而4個小食:芋茸西多$28(細細件,口感好Q,沾d奶一齊食好好食),椒鹽鴨魚條$20幾,煙三文魚沙律$45,XO醬炒年糕,所有野食都幾好食,份量唔係好大,上菜太快喇,完全無位擺,d飲品都ok大杯既~有一兩位女侍應態度唔多好,笑都唔笑咁,相反地男侍應重好人!overall都值得去~最好就多人去~total$606…Read More

2個女仔order左:1) Shepherdess Pie Combo -豆蓉餡+薯蓉+芝士...好食但真係好溜2) ...Burger (有三款:Bean Burger,Tofu Burger&重有一款吾記得,我地就係order左呢一款) Chips連埋薯皮,好好食,burger中既扒好好食,脆脆地夠干身,再配上大大份蔬菜,好大碟~2個女仔都無咩可能可以食得哂,好大既份量!*自製既沙津醋好好食,份burger包左一款醬,有dd似蕃茄醬,但自製既好食得多~今次去有2個後生女侍應,佢地都好NICE,講左好多MENU上既野食係D咩,又叫我地唔夠BURGER醬時問佢攞,又幫我地影相,比起之前0個個黑面女人好得多,我都見倒個黑面女人,好在唔係佢service我地啫~~~…Read More

唔得,入口有ｄ澀,飲完個口都澀澀地,好似好鞋口咁,蓮子有ｄ硬,無蓮子既清甜味,飲左一半已放棄,唯一好處就係好夠熱,熱到好似啱啱煲好咁!-熱腐竹薏米白果(加蛋)：幾好但甜左ｄ-凍綠豆沙：裝到好滿,海帶份量都幾多,入口夠凍但煲得唔係咁起沙雖然唔係話超好食,但真係好抵食,大大碗糖水(可以雙拼)先$6,味道都ok!…Read More

口感幾好,好多粒粒糙米但芝士真係唔多夠,一袋8片,但頭尾2至3片都已經無咩芝士~最中間既都還可以!感覺好似好高纖好健康,因為有糙米而且又用脫脂奶做,下次試下高鈣脫脂鮮奶麵包…Read More

朋友叫左皮蛋艇仔粥,好少可會有咁多料,d皮蛋大大件,個粥底夠綿唔會好稀,但味道略淡,要加d鹽調下味~我叫左碟魚片腸(走油),佢地幫我豉油另上,呢度既走油真係走得好,平時出面粥店叫走油時,d腸粉走極都會有dd油既光澤,但呢碟完全無"令"既效果,所以夾時好黏住哂,成碟都好清,魚片加上一d薑絲,其實d味真係好普通,d腸粉比較厚同唔夠滑,試過就算!美孚呢間好多人幫襯,人流都幾多!而且亞姐幫你落單後會送埋d野食黎你枱面,唔駛好似沙田咁,要自己出去攞(大家樂咁)…Read More

7點幾上到去,我地2個人安排左坐二人位,個位設計好特別,好似坐0係個大型木盤咁,好有大藥煲沖涼feel,入去座時極度唔方便,有好多個步驟,首先要開左度門,再提起條腿跨過個門檻,好高好難跨,入左個箱坐低後記得close番度門,重有個門栓,好一個大step先安頓好!d位真係好fit size,即係坐低左會極唔願意起身,個位啱啱夠一個人坐,連袋都無得擺,我諗大大隻既人應該會坐得唔多舒服,造型設計上我俾滿分,但舒適度就真係差d喇,我相信女仔會接受多d!我地叫左3樣野:1)一直想試既白咖喱雞扒飯$29.5(唔知係咪因為節日關係,所以今日無set供應,我響樓下menu見倒白咖喱set幾抵食,唯有等閒日再試過)---有二塊細細既雞扒,份量唔太夠,個汁就夠,白咖喱唔辣又甜甜地咁,真係好好味~2)XO醬炒蘿蔔糕$39---熱辣辣配埋辣辣既xo醬真係幾惹味,但食多幾舊開始溜,下次都係多個人先再叫,2個人食好濟,我地都食唔哂,因為個飯都好多3)什菌扒西蘭花$35---西蘭花好大舊,食時唔係咁方便,菌類唔多,好少菇食,好普通既一味,下次會試下其他款菜Total連加一$113…Read More

尋晚星期四同媽６點幾就食晚飯,原本一心諗住食蒸雞飯配三色米,但只得粟米肉餅,而且好多野都無,eg:咖喱類,冬瓜盅,鐵板餐,得好少款!所以響無得choose既情況下叫左例牌!1)焗豬扒飯（連湯$30）湯係節瓜章魚排骨湯　　－個湯清清地幾好飲,都有幾多湯渣食,唔會得啖水!個焗飯不太好,唔係用焗盤而係用紙盤,ｄ豬扒都幾"鞋",好既就係一ｄ都唔會好肥,我覺得ok,但媽媽就唔多鍾意"白拾"feel,飯唔係炒飯底～白飯一大盒,豬扒兩大塊,唔係太過差但下次一定唔會再食!2)瑞士雞翼$3 －好好食,甜甜既瑞士汁夠哂味而且肉質又滑,size都ok…Read More

呢間鄰近黃克競ive,所以好多ive學生都會黎呢度,今日同班同學仔黎但我無食,所以都係出自番佢地既意見,各自叫左焗豬扒飯(配低糖綠茶) & 輕盈餐既粟米肉粒飯(配一塊肉醬多士+紅豆冰)＜焗豬扒飯＞等左都幾耐,重以為等咁耐即係啱啱整好會幾得,但出到黎係就係好熱,但一ｄ都無焗既感覺,雖然有好多汁但係好水汪汪咁,跟本都未焗到收汁,白飯底(大家樂既係炒飯底,好食好多)完全唔係一個焗飯,只係一個茄汁豬扒飯,D豬扒亦無大家樂既咁淋滑,唔合格!低糖綠茶依然好甜~<輕盈餐>唔駛等,個飯都真係幾輕盈,塊多士好脆都幾新鮮,多士面上既肉醬完全係肉醬意粉feel,唔錯!行遠ｄ西九龍既大快活好好多!…Read More

同一位朋友1/10星期日(國慶日)去唱k-lunch,我地12:15開始,先去到2:15,無人可繼續!D LUNCH得喎,未試個有d咁既野食,我地order左:1)豬頸肉石頭鍋飯$42(set連生雞蛋一隻&醬汁一碗用作撈飯,人蔘雞湯一客,泡菜一小兜,餐飲) 成set好多野,份量好足,勁大碗飯,完全食唔哂,有d芽菜仔,豬頸肉有好多件,但切得太大件,成件豬扒咁,但d肉質好淋好好食,個石頭鍋真係好熱,打隻生旦落去d飯到撈埋一齊好好食,唔會太生又有d旦汁咁,好食!我地食下又停低唱下咁足足食左呢鍋飯成個幾鍾,但d飯依然keep到熱/暖,好得!我地加$8轉特飲-唔知咩咩雪梨,都幾好飲,有d梨肉打成沙咁,好fresh!2)香草忌廉汁東星扒拼薯條$40(set跟冷/熱飲,我要凍檸茶走甜,都幾濃茶味) 又係好新鮮,好少機會唱k可以食到熱野,今次真係好,d藉條熱到辣口,用黎點個汁真係好好,魚扒有三塊,份量好足,但無咩配菜,如果多d雜菜會好好多,只得一件少少既西蘭花!開頭黎錯左甜既檸茶,但同d工作人員講完佢立即幫我換,一d黑面都無,重有講唔好意思tim,真有禮貌!最後我地唱到3:30先cut,學生重免加一,total$91(唔知點解會多左咁零丁既$1)…Read More

是日星期六1:35p.m.同媽媽黎到食lunch,叫左以下食物:1)咸豆漿$7.5 -杰杰地都幾好食2)咸粢飯$8.5 -熱辣辣都唔錯,但唔多夠肉鬆炸菜3)桑寄生蓮子蛋茶$14 -唔夠西源源記好,蓮子得幾粒　亦唔夠鬆化,都唔會太甜,試過下次唔會再叫4)熱生磨芝麻糊$12 -我覺得杰ｄ重好,但其實係ok架,只係我偏好較杰身既糊類,好似甜左ｄｄ,真係ｄｄ!P.S.唔知個老闆娘係咪上海人呢?我同媽媽都覺得佢似上海人～呢間食店細細,但ｄ野都真係幾好,不斷有人黎食,好快又一批客～糖水方面都係舊式糖水:如杏仁糊,麥米粥,紅綠豆沙,西米露...小食有:甜/咸豆漿,甜/咸/雙拼粢飯,大曼頭,菜肉包,燸米卷,粉果...所有野食出哂同一張meun上…Read More

一行六人order如下:1)雞翼凍檬-set lunch跟勝瓜+餐飲2)香芧豬扒飯-set lunch跟勝瓜+餐飲3)炒粉-個名唔知,但係炒得幾好食,有d雞蛋絲&札肉絲,食落甜甜地又唔太油4)春捲-有一籃生菜俾你包住食,春捲好細條,好似尾指既size,一客好似得4,5件倒,唔抵食5)牛肉蒸粉包-d牛肉好似茶餐廳0個d沙嗲牛肉麪既牛肉咁好淋,都幾好食,粉包既口0好似粉果既皮咁~6)沙嗲牛肉&雞肉串燒各2串-個汁一d都唔辣,甜甜地好好味,牛肉比雞肉好食7)炸蝦餅-一大塊切開左一件件,無食過唔知好唔好味,但個樣都ok價錢不詳,因亞sir請客!…Read More