Fafawa2018's Profile

樂天經典是主打懷舊南洋菜式的餐廳，即係馬來西亞及新加坡的菜式。今日放工去左康城睇戲，呢間樂天經典就係戲院隔離非常方便。馬來海鮮麵：呢個係海鮮炒麵，海鮮份量不算多，但係特別加左龍躉魚片，肉質結實唔會散開，麵條用左馬來西亞的參巴醬炒，味道酸辣微甜，食落好開胃。馬來風光：即是馬拉盞炒通菜，加了馬拉盞和蒜粒爆炒，香氣十足味道可口。苦瓜炒蛋：見到menu有粵菜揀都想試，苦瓜炒蛋就炒得岩岩好，蛋仲好嫩滑口感好好，苦瓜仲好清甜，絶對比想像中好食，大家都可以試下佢地的粵菜。…Read More

極力推介的港式小菜館，餐廳地方整齊清潔，有別於一般大排檔，加上各個小菜都超有鑊氣，味道又係水準之上，絶對會再encore!💗1. 蜜薯牛柳粒：牛柳粒肉質鮮嫩多汁，煮得入味，配上蜜汁薯仔香脆可口，味道甜甜鹹鹹好好食，每一淡都好滿足。😋2.椒鹽脆鮮魷：呢個係大排檔必選，永遠要食下炸野先開心。炸粉唔厚所以食落一d都唔油膩，外皮仲大keep到好脆，魷魚仲係好彈牙。3.大排檔小炒王：食小炒王最開心係好多配料，有腰果、蝦米、白飯魚、脆魷魚、菜脯同韭菜等，加埋醬油及糖等調味料快炒而成，味道比較重口味所以送飯一流。❤️❤️❤️4.砵仔焗魚腸：呢道小菜屋企未必會自己做，材料簡單只要魚腸、雞蛋同調味就得，焗的火喉要拿得好好，先可以做到面層好脆，內面的蛋又要好滑，不過呢個魚肚再多少少就正。5.BB乳鴿：經典廣東美食，烤乳鴿肉質鮮嫩，表皮香脆，甜甜鹹鹹味道香口，仲有蝦片送埋，好有心思。…Read More

愉景灣絶對係周未relax時的好去處，呢個地方的生活節奏好慢好寫意，住宅區自成一角，同餐廳區分得好開。今次去完坪洲再搭船過黎食晚飯，同老公拍拖果時已經食過呢間餐廳，見佢裝修得好有西班牙特色，地方又夠闊落，可以揀室外座位對住個海景食飯，或者好似我咁樣揀室內窗口位，一路涼冷氣一路嘆街景，同樣寫意。烤羊架配雜菜 $248去西餐廳好多時我會叫羊架食，一來屋企好少煮，二來老公鍾意食。上枱有3件羊架，大約7成熟，份量都好足夠。外皮焗到有少少脆口，內層的肉仲好嫩口，唔會覺得乾同埋冇咩羶味。雖然餐牌係寫住普羅旺斯烤羊架，但係上枱時就轉左做紅酒醬汁，不過都幾好味，旁邊仲有烤得香口嘅薯仔同bb蘆筍。香辣鮮蝦意粉 $138呢道菜的鮮蝦係用左西班牙傳統大蒜奶油蝦的做法，蒜頭香味十足，加上用香辣汁炒出黎的意粉好惹味，少少辣得黎又唔會話好辣，令我忍唔住食完一啖再食一啖 。意粉軟硬度適中，比起羊架更顯得出色。西班牙小食炸鮮奶配雪糕 $66呢個小食岩岩炸起，食落個外皮仲好脆內層的鮮奶就好軟棉棉。其實佢同中式的炸鮮奶都差不多，不過就配埋個雪糕球，等你可以享受冰火感覺的時候有另一番味道。整體黎講，環境舒服地方闊落，可以用情人或者閨蜜黎享受美食的地方，而且有好多食物款型同酒類比大家選擇，值得再去的餐廳！…Read More

而家冇得去旅行，唯有係香港發掘下不同的離島景點同埋美食，止住個旅行癮先。今次就去左坪洲一日遊，由中環搭渡輪過去大約30分鐘有一班船，交通都好方便。由於島上曾經出現過百間廠房，好似火柴廠、傢俬廠、造船廠、紡織廠、牛皮廠等等，所以有好多值得去參觀同打卡位。雪糕菠蘿包 $33菠蘿包夾住兩個朱古力雪糕球，非常吸精打卡一流。佢中間冰凍外層就有少少暖，菠蘿包皮仲有少少脆添，食落又可以夾到喎，仲幾好幾清新。蝦膏炒飯 $62唔知係咪太肚餓的關係，見到隔離枱個炒飯好香，跟住叫左一個蝦膏炒飯。蝦膏味好香濃惹味，配料都好豐富有蝦仔、火腿、椰菜絲同蛋絲，食落非常有離島特色。 佢地個飯仲炒得好有鑊氣，而且夠乾身，份量仲好大，結果我忍唔住食完一啖又一啖，直至清碟。呢個絶對有大排檔水準。紅豆冰 $27細個果侯好鍾意飲紅豆冰，大個左知道好邪惡，所以好少飲。不過今日天氣真係好熱，要飲D甜野補充下，呢個紅豆冰正常水準，有勁多紅豆，好味道。整體黎講，由於我係平日過黎，好多鋪頭都關門休息，未能夠去哂所有美食地點，大家可以留意番佢地的開門時間。好在呢間出名食雪糕菠蘿包的茶餐廳仲有開，雪糕菠蘿包無特別驚喜，不過炒飯就好出色，黎到坪洲不妨一試。…Read More

Megabox星期六日真係特別多人，仲要係多小朋友的家庭客，所以想係度揾食都唔係咁容易。呢間拉麵冇得拿飛，要企係門口等大約20分鐘先成功入位，枱同枱之間冇咩空間加上座位本身都好窄，為左去IKEA買家品，只好黎個快食. 慢煮牛舌黑椒湯拉麵慢煮牛舌係季節限定口味，見佢幾特別就試下先。賣相其實一般般，黑椒湯底好濃味仲有少少辣味，但都係偏咸左少少。牛舌方面就好淋不過冇咩牛味，拉麵都OK，唔會太淋或者太硬。食日本拉麵黎講我就最鍾意食溏心蛋，呢隻蛋黃就岩岩好又有流心仲好有蛋味。櫻花蝦龍蝦湯拉麵另一個櫻花蝦龍蝦湯拉麵，一望個湯底就知非常重口味。龍蝦湯底過份濃郁而且有少少咸，結果突顯唔到龍蝦的鮮味，配埋大量櫻花蝦食，每一口拉麵都變得比較heavy。雖然拉麵係正常水準，但係配搭起黎就唔算好好味，有d可惜。 整體黎講，食物質素只係一般，主要問題係湯底上面，所以呢個90幾蚊的拉麵，性價比都偏低。…Read More

星期六去灣仔做野，係附近食左個lunch先。咁岩揾到呢間舖頭唔算好多人，bar枱仲有位，自己walk-in自己係收銀點餐俾埋錢，再返埋位等食。香茅豬包法包見到好多人食個法包，覺得試下實冇死 ，揀左個香茅豬扒法包，十分有驚喜。個法包黎到已經覺得好大份， D餡料都好多，見到入面有超多既酸蘿蔔絲，扎肉同埋一大快豬扒。最重要係個法包， 一口咬落去個皮好脆個包好軟熟， 口感一流。每一口都食到包、蘿蔔絲同豬扒的味道，層次好豐富非常有滿足感。脆燒腩湯河平時越南鋪食到的通常係烤牛肉或者豬扒 ，脆燒腩比較少見 ，特別叫左個脆燒腩湯河跟餐再加左春卷小食都係$80左右 ，價錢都親民。脆燒腩雖然唔算多得5件左右，但係整得幾脆口，比起中式燒肉更加香脆, 加埋個甜酸汁，食落開胃得黎又幾夾下喎，都不錯。春卷方面 ，餡料就有芋頭蓉同豬肉碎，食落個皮真係脆卜卜，不過我稍微覺得油左少少。整體黎講，兩款食物都好不錯，餡料豐富味道出色，可以Encore的鋪頭。但係座位比較窄，枱同枱之間空間比較少，主要係滿足口腹之慾的地方。…Read More

抓緊夏天的尾巴，見天氣咁好去左一間郊區的西餐廳，望住個湖景食飯心情都特別閧心。餐廳前身係叫小白鷺餐廳，上年岩岩完成大裝修後新開多左一間歐陸西餐廳叫「Billow」，餐廳以白色同藍色配搭突顯歐陸海洋風格，彷如置身外國的小鎮。而家天氣都仲係比較熱，食Lunch的中午時間我就揀左室內用餐，涼住冷氣歎住湖景品嚐美食，絶對適合同家人或者閏蜜一黎的好地方。平日黎好好彩餐廳安排到窗邊位置坐，全程可以望住戶外湖景同埋水上活動的範圍。介紹番野食先，中午時間得set lunch揀。自家製手打牛肉漢堡配薯角 $158漢堡包黎到就覺得份量十足，漢堡包同中間牛肉都幾厚，食落好香口配埋溶溶地的芝士，超級美味，一d都唔干。配菜的薯角烤得岩岩好，由原隻薯仔整出黎的薯角係最好味。Fish of the day配烤焗蔬菜 $188 本來以為普通煎魚加上配菜，原來係紙包焗魚。雖然用左檸檬去焗都仲有少少腥味，不過係可以接受。魚的肉質都唔錯， 有魚的味道亦唔算多骨， 所以都食清哂。但係配菜得薯仔少左D。整體黎講，環境一流食物都可以接受，不過用餐時間得75分鐘係有D趕。但係都好難得有個湖景望住食野，叫做到此一遊！…Read More

Pici係以主打食自家製的意大利麵出名，餐廳係冇得BOOK位， 1點前黎到岩岩仲有位，weekend得一個tasting menu可以揀，每位$258，有2個前菜，3個意粉，2個甜品，可以試盡不同類型的意粉。StarterTuna Tartare (+$10)這個「吞拿魚牛油果他他」是必點的前菜，吞拿魚切成粒狀有淡淡的魚味，配搭上牛油果的質感令吞拿魚口感再豐富左。加埋檸檬、青檸等的酸味，非常清新開胃。Beef Carpaccio 另一個係意大利有名的前菜，將生牛肉稍微燒過冷凍後再切成薄片食用，所以要用上新鮮的肉，配搭上火箭菜同埋巴馬臣芝士一齊食，鹹香得黎略帶出牛肉的味道。Signature DishesTagliolini Truffle 鮮刨黑松露意大利細扁麵 (+$25)Pici最受歡迎的菜式之一。一上枱見到意粉鋪滿勁多黑松露，仲有陣陣松露味，非常有驚喜打卡一流。鮮製的意粉質感偏軟身，蛋香味特別濃，仲有少少芝士係面，口感順滑得黎又香口，是松露迷必試菜式！Chitarra King Prawn大蝦海鮮濃汁黑幼麵這款的醬汁做得非常好，濃郁的龍蝦高湯味，加上有少少微辣令整體海鮮味更加突出，意粉的質地亦非常吸收醬汁，令每一啖都食到豐富的海鮮味。黑幼麵的質感就比較牙有口感，煙韌得黎又容易咀嚼，十足的意大利風味。Lasagna Classica經典牛肉千層麵 (+$10)剛剛焗好的千層麵，切開時最上層係脆卜卜，非常香口惹味，我最愛層面。但係千層麵入面唔覺有好多拉絲的那種，亦唔係好多層；牛肉碎偏少，味道就好濃郁，每層麵都吸收了好多醬汁所以都幾heavy，重口味之選。DessertTiramisuPici 的 Tiramisu 比起一般的版本更加口感順滑，Cream幼滑得黎仲帶有香醇的酒味，味道亦唔會過甜，加上面層的可可粉，令人回味無窮。Panna Cotta意式奶凍質感都滑的，上面有紅莓醬酸酸甜甜，都係個唔錯的甜品。…Read More

第一次食天園餃子係旺角分店，因為見到門口有Error所以入左去食。雖然主力食餃子，不過都已經有7-8款俾你揀，仲有特色小食例如麻辣雞卷真係要食，越食越上癮的一個小食。介紹番今日lunch叫左10隻韭菜豬肉水餃同埋手工奶茶，外賣自取十分方便仲好準時喎，真係要讚！韭菜豬肉水餃$40：水餃皮的厚度非常適中，而且煮到岩岩好，唔會食到唔熟的皮，超級鍾意❤️。小店仲十分有心特別將水餃同湯分開，咁樣就唔會令水餃浸到爛晒。最緊要水餃饀的豬肉同菜都好新鮮，唔覺好多味精，感覺好健康。性價比高，絕對會幫襯。手工奶茶$16: 小店有3款手工茶，包括檸茶，奶茶，咖啡。今次飲奶茶，茶味濃厚，奶味反而唔太多，甜度就岩岩好屬於微甜奶茶，我覺得整得唔錯，下次會試埋其他2款。…Read More

好少黎fashion walk 食飯，今次一家人食中菜。黑醋脆鱔 $108脆鱔酸酸甜甜又香口，食3-4條就岩岩好。 蔥油熗海蜇頭 $108海蜇頭質感厚實又有咬口，配埋甜醋係一味好開胃的前菜。招牌小籠包 (6件) $78小籠包size都大隻，夾起黎個皮好薄又唔易穿，咬落去仲勁多汁，無諗過呢度的小籠包會咁好食，真心推介必食！京滬酥香烤鴨 (全隻) $398因為全家都鍾意食片皮鴨，所以好期待呢味菜。一上枱就俾個九宮格配料吸引住，俾起平時食的青瓜，京蔥，醬汁外多左山楂，蜜瓜同蘿蔔，其中山楂最特別而且配埋個皮食仲好消滯。片皮鴨方面，睇落唔算好多，但食落都足夠6人份量，先講下個鴨皮切得幾薄身，一口咬落香脆鬆軟油香濃郁，如果鴨肉可以多少少就更加好。松子魚 $208一直都好喜歡松子魚的甜甜酸酸味道加上炸過的魚肉外脆內軟，配埋松子，青豆，栗米等的甜酸汁一齊食真係超級好送飯的菜式。上湯火腿津白 $98津白好大棵好在煮得都好淋身，配埋個金華火腿有少少鹹香味啱啱好。清脆萵筍 $98萵筍呢個菜係比較少有得食，黎到上海鋪就一定會點既，萵筍非常清甜可口。…Read More

好多年前食過呢間燒牛肉，平時都見到要等位先食得，今日好早過黎鑽石山睇戲岩岩見冇咩人就再去回味一下通常我會叫SET LUNCH，包左前菜、牛尾清湯、燒肉及飯1.雞肉及豬肉定食$692.牛肋肉及牛腹胸定食$72 + 另加$35追加牛肩肉雞肉同豬肉都比較普通，牛肉就好少少，食落有牛味同埋肥瘦合適送飯一流。整體上呢個價錢相對地個食物質素可以接受。地方就坐得好舒服，仲有個燒烤爐比你自己燒，2個人都會比張大的4人枱，真係幾好。…Read More

芽荏係我其中一間非常喜歡的飯堂，越南野可以話食極都唔厭，而且CP值好高!燒牛柳沙律 $108呢個燒牛柳沙律真係好足料，牛柳超級地多，燒到勁香口但肉質仲好JUICY，個酸辣汁係絶配，仲有好多青瓜呀蕃茄呀等等的菜，真係好好味!芥蘭苗 $68芥蘭苗唔係度度有得食，呢個落左好多花生同蒜頭，D菜食落都仲好嫩同埋甜甜地。河內雞絲粉 $80雞絲粉就普普通通，雞絲有少少干，但係減肥食就幾好的。整體來講，食物質素好平均，大部分都好好食，環境舒服。…Read More

今日約左朋友食晚飯，佢平時唔食菜突然話要食齋就帶佢黎三德，因為選擇多得黎又煮得好味，而且枱同枱之間都有好多空位，地方算闊落。什菓沙律卷：一共有8條沙律卷，岩岩炸起好香脆，主要係什菓加沙律醬，食落甜甜酸酸係我好鍾意的味道。椒鹽猴頭菇: 猴頭菇炸完感覺好特別，外脆內軟，香口得黎又一D都唔油膩，係咁越食越多，唔食齋的朋友都覺得超好味。鑊仔雲吞雜菌時菜：呢碟份量好大，有4粒水餃仲有好多枝竹，菇同菜，味道岩岩好得黎完全冇味精的感覺。今次食素菜令我覺得其實選擇都好多， 如果要我日日食都可以，而且好美味。…Read More

和民實在有太多食物選擇，星期日行完街唔想諗食咩，一見有套餐就即叫，食落發現都好飽。4人餐包左：前菜，沙律，三文魚生沙律中規中矩，魚生都有6片仲要厚切，都不錯。一品料理：玉子燒玉子都好有蛋味，不錯。主食：泡菜石碢飯泡菜豚肉撈埋個辣醬，加埋石碢keep住好暖，食落都幾好味。鍋物：海鮮鍋材枓十分豐富，有蜆，魷魚三文魚，豆腐同好多菜。因為全部都未煮熟同埋無連蓋，所以等左幾耐先水滾。不過食材好新鮮，都值得等下。飲品：柚子梳打，青檸梳打，薑茶，柚子蜜…Read More

呢間咖吔店食飯時間長期都有人排隊，通常都要等一陣，不過因為係商場，可以行陣街先，好快就入得。地道老鼠粉 $88只係聽呢個餐個名，真係完全唔知食咩。見佢咁特別，就試下先，原來係炒銀針粉，加埋咸香肉碎，蝦米仔，菜莆，花生等等，成個粉都偏咸味。中間有隻溫泉蛋，可以中和到個咸味，而且用砂煲裝住可以keep到個温度。馬來燒雞配油飯 $68呢個係我最愛的一款，燒雞烤得勁香口又唔肥，仲配有勁多配菜花生，魚干，青瓜，洋蔥，半隻流心蛋，同油飯撈埋一齊食，真係可以成個飯清哂，真心好味。午餐包飲品，有馬拉拉茶，青檸梳打等都好好味。無論環境定食物質素都好穩定，所以成為我平日的飯堂。…Read More