stephanie_11ho's Profile

作為一位甜品控，其實以前都已經試過幾次mocchifon既蛋糕，今次試多左兩款蛋糕覺得幾好味想同大家分享下😍同埋今日發現可以網上落單門店取貨，方便好多，當然門市都有現貨可以即刻買！🍰 黑芝麻豆乳蛋糕 $50呢個係佢哋嘅新口味，芝麻味好濃郁同豆乳好夾，入邊嘅麻糬一如既往地出色好煙靭，而且完全唔會過甜或者過油🧁 開心果檸檬杯 $48開心果味同檸檬味出奇地夾，加埋檸檬忌廉更加清新，每一層都有唔同驚喜，入邊有檸檬皮開心果碎堅果脆粒口感好豐富🥮流心黑芝麻麻糬月餅咁啱有機會試食到月餅，呢款唔係傳統月餅，佢哋啲味道好創新作為一個黑芝麻控對呢個月餅好滿意，外層係黑芝麻曲奇皮，加熱咗之後入面個黑芝麻餡做到流心效果，加埋佢哋招牌嘅麻糬，令口感更加豐富，黑芝麻味道濃郁甜而不膩整體嚟講呢間店主打健康甜品，所有口味都係低油，而且選擇都好多味道創新，如果大家經過不妨試吓Overall: 9.5/10…Read More

同朋友紅磡食完飯想搵甜品食，又唔想排隊等出名果幾間，咁岩見到呢間新開既小店就決定試下，結果一試好有驚喜！芒果麻糬可麗餅餅皮新鮮整出黎熱辣辣而且好煙靭，芒果好甜，加埋d cream就岩岩好，麻糬係細細粒既手工麻糬好有咬口，同埋值得一讚既係食到最後都仲可以食到餡，唔會得返個皮！所有可麗餅都係即叫即整，我地等左大概六至八分鐘，買完之後老闆娘提我地如果唔想等咁耐下次可以打電話嚟落單先😍朱古力雪山曲奇椰奶冰呢個刨冰好有驚喜，同出面一般用牛奶整嘅冰唔同，佢哋專登用咗椰奶去整，椰香味好重，老闆解釋個理念係因為唔係個個都食得奶製品，配搭埋朱古力雪糕同埋oreo，層次感好豐富！但係因為用椰奶整而唔係用水刨再落醬，所以比較易溶，我哋企咗喺度即場食食到最尾都就黎溶晒，所以如果想保持最佳口感最好即場食我哋嗰日去到有個買滿35蚊送輕量版既糖水優惠，但係都絕對唔馬虎，佢哋送咗自家製仙草，食得出先草味好濃，甜度啱啱好蛋白燉鮮奶因為啲甜品全部都太好食，所以我哋忍唔住加錢買咗個燉鮮奶，奶味好重，而且好滑，值得加錢試埋佢！整體嚟講呢間小店好有驚喜，我對呢啲家庭式經營嘅小店特別冇抵抗力，而且感覺到老闆一家好有心思，係真係鍾意整好食嘅甜品比附近街坊食，大家經過嘅話可以試吓支持吓佢哋❤️Overall: 9.5/10…Read More

今日試咗我朋友媽媽推薦嘅呢間餐廳，好耐冇試過咁樣生咁足料嘅Comfort food，所以扚起心肝出post推薦俾大家😍🐔 招牌花膠雞濃湯米線 $68湯底勁濃郁，唔好睇佢表面好似好多雞油，但係飲落完全唔肥膩，雞件肉質嫩滑，而且真係好有雞味，花膠比我想像中厚實，唔會煮到太腍啱啱好，米線爽口有彈性，配埋花膠雞湯簡直完美配搭🐔藥膳黃酒花膠雞濃湯米線 $68藥膳味比我想像中重，但係絕對唔會苦或者過龍，當歸同紅棗再加埋紹興黃酒既香氣，比起招牌花膠雞濃湯又別有風味🐷豬肚鹹菜重慶酸辣粉 $42我哋揀咗小辣，連我呢個唔食得辣嘅人都覺得可以接受不過佢麻味比較重啲，如果真係唔鍾意麻嘅感覺嘅嘅朋友要小心豬肚比我想像中多，紅薯粉好煙靭，配埋個酸辣湯底簡直一流🌽椒鹽粟米$32面頭鋪滿炸蒜，配埋椒鹽味粟米好惹味整體嚟講呢間小店好有驚喜，佢啲花膠湯仲有個爐熱住，如果冬天嚟食一定好正，就算特登過嚟食我都覺得值得😍🤤🤤Overall: 9.5/10…Read More

又係串燒😆不過今次係中式串燒🤤呢間餐廳係主打多國菜，有好多唔同種類既野食，除左串燒仲有意粉、意大利飯、牛扒、沙律，而且仲有好多款手工啤酒，整體裝潢風格好有特色係走古風，紅磚外牆配搭木系檯凳今次我同朋友主要叫串燒，最推薦係菠蘿！🦪炸日本吉列蠔呢個蠔炸得啱啱好，外層啲粉唔會太厚，蠔都好新鮮🐽 串燒辣肉腸呢個腸肉汁豐富，配埋酸甜嘅菠蘿，增加風味🐽 醬汁燒豚肉串豬肉正常發揮，但值得一讚係唔會燒得太老🐮 鹽燒牛舌牛舌一串三件，口感軟腍爽口🐮 一口和牛牛味好重，但唔會太肥膩🐟 鹽燒白鱔白鱔係我嘅最愛，加埋檸檬汁一流🍍燒菠蘿呢個係全場最驚艷！菠蘿勁多汁鮮甜😍大推🍆燒茄子燒茄子係串燒必備，加埋蒜蓉勁香口🍺手工啤酒推介Kwak比利時傳統琥珀啤酒，麥香味好濃，配串燒就岩岩好LINDEMANS Raspberry呢個適合女仔飲，莓果味好清爽，同埋夠甜🥰Overall: 9/10…Read More

岩岩係日本返黎但係都係掛住日本野，見到呢間燒鳥omakase幾特別就book左試下，呢到d串燒係以雞營既唔同部位製作，出面係bar枱可以睇住廚師燒串燒，入面仲有酒吧一次過滿足你兩個願望🍺串燒枱面有七味粉、山椒粉等調料，其實本身串燒已經夠味，不過可以根據廚師推薦搭配🐮牛舌牛味濃郁，口感肉質緊實，配埋Wasabi同埋紫蘇葉令味道增加層次感🐔雞大腿呢個係燒鳥必點，雞肉夠厚同多汁😍🐔雞頸肉雞頸肉相比起大腿比較肥啲，而且雞味比較濃，推薦可以試吓呢個🐷豬腩肉呢個豬腩肥瘦均勻，食過都唔會太肥膩啱啱好🐔雞肝呢個部位比較少見幾特別，鍾意食內臟嘅一定唔可以錯過，味道濃但唔會腥🐟白鱔呢個燒到啱啱好，塊皮好脆，配埋肥美既肉，夠新鮮而且唔會腥，加埋廚師推薦既山椒粉口感一流🐔雞冠雞肝係我第一次見同試，佢個口感好爽脆好特別🐔雞膝軟骨我好鍾意食有口感嘅串燒，雞軟骨口感好正燒得啱啱好🍡花見團子我本身都好鍾意糯米野，次次去日本一定會食醬油團子，而且呢個甜度啱啱好唔錯🍚親子丼雞肉嫩滑香口，加埋洋蔥同滑蛋，整體味道惹味，撈飯一流🍙燒飯團配雞湯個雞湯好驚喜勁香濃，充滿滿滿嘅骨膠原，飯團做到外脆內軟口感一流甜品🐟鯛魚燒燒到外皮好脆，裏面既紅豆餡甜度適中，完美作結Overall: 9/10…Read More

再發現咗一間隱世居酒屋，佢係位於中環嘉咸街，街市附近一條斜路上面Menu好豐富有唔同嘅日式串燒、小食，整體所有嘢食都係中上水準尤其是串燒十分驚艷豆腐沙律呢個沙律係豆腐加生菜粟米小蕃茄茄，再加黑醋，做餐前沙律非常開胃難皮餃子雞皮餃子好香，入邊雞肉好嫩滑，配埋佢特製嘅乳酪醬，成件事好邪惡酒盗芝士呢個係芝士再加一啲酒漬嘅魷魚，配上梳打餅去食螢光魷魚漬呢個正正常常煮牛筋牛筋反而有啲失望因為佢切到比較細塊，我鍾意一大舊有口感嘅牛筋，蘿蔔煮得好入味唔錯免治雞肉棒呢個雞肉佢加咗紫蘇葉入去，如果唔鍾意呢浸味嘅朋友可能未必啱食，我就好鍾意所以好評雞橫隔膜第一次食橫膈膜本身以為口感係好爽脆，但實質識落其實同雞皮口感類似牛舌芯牛舌係爽口嗰種好香好好食鹿兒島A4和牛串呢個牛味好濃唔會燒到太老啱啱好三文魚腩串三文魚腩正常發揮活白鱔白鱔厚實多汁，加埋炭燒味，呢個推薦…Read More

本身見到網上面啲人話呢度點心好正期待好高，但係嚟到發現點心都係中下水平，蝦餃個皮偏厚，招牌嘅點心包都係正常發揮餡料偏少同埋坐嘅位置比較窄啲環境嘈雜，如果想食好食嘅點心有好多其他選擇，不會回訪…Read More

葵青區呢邊比較少有Yogurt食，所以呢間店我次次去葵芳掃街都會幫襯佢有好多唔同嘅配搭同埋口味，我比較推薦水果口味，配料都好多選擇，之前試過蜜糖脆脆都幾得意抹茶控 配 希臘式乳酪雪糕 $48今次試咗抹茶味佢個抹茶糯米好煙靭甜度適中，一邊層次豐富加埋啲脆脆好好食，不過抹茶味可以再濃啲，呢間嘅乳酪係偏厚身嘅口感，奶味都好足…Read More

次次喺葵芳想食甜品都會嚟呢間店，已經回訪咗好多次，朋友一人嗌咗一份甜品椰皇桃膠燉雙皮奶呢個雙皮奶份量偏細，可以揀杏汁或者椰汁，我哋揀咗椰汁都幾濃，桃膠份量唔算多，原隻椰子咁樣都算有誠意榴槤黑糯米呢個入邊有榴槤雪糕榴槤蓉同埋黑糯米，榴槤味好重，再加啲珠珠做點綴，幾有咬口，整體以一個榴槤甜品嚟講幾出色，推薦比鍾意榴槤嘅人環境方面呢度座位比較狹窄，同埋我去嗰日都幾多小朋友所以比較嘈雜，如果想同朋友舒舒服服傾吓偈未必好適合…Read More

如果想飲嘢但係又唔想咁肥果色都係一個唔錯嘅選擇，呢間店有幾種嘢飲可以揀，分成smoothie 果昔 水果茶雜莓乳酪火龍果乳酪我同朋友試咗兩款，兩杯都嗌咗半糖，本身乳酪有少少酸，咁樣就啱啱好嘢飲嚟講好健康而且好清新，有好多款生果可以選擇，如果想飲茶嘅都可以揀水果茶或者奶蓋，又好睇又好飲…Read More

Bakehouse開咗好，耐實不相瞞其實我一次都未試過嗰日經過見到蛋撻啱啱出爐，我就走咗入去買，終於第一次試到個sourdough蛋撻，啱啱出爐熱辣辣好新鮮，個皮好酥脆同埋好香，個蛋汁都好濃郁，但係如果要我特登去排隊就未必啦，經過見到啱啱出爐可以一試…Read More

喺附近返工聽朋友講呢間Cafe好好食，終於得閒過嚟試到，成間店唔大不過都唔會坐得好迫，氣氛唔錯感覺舒服流沙溫泉蛋卡邦尼呢個卡邦尼同平時最唔同嘅位係佢加咗一個半生熟咸蛋黃，加埋芝士醬整體好香濃，意粉麵條軟硬適中，煙肉都唔會好硬，所有嘢加埋一齊啱啱好…Read More

估唔到係牛頭角會有間連續五年獲《米芝蓮港澳版》推介泰式美食市集😍餐廳好闊落，好啱一大班人聚餐沙嘇豬肉串燒 $48一客一共有4串，豬肉肉質嫩滑—d都唔會乾同柴（加埋沙慘醬汁再令成個調味昇華烤香茅豬頸肉 $48呢個有成大碟豬頸肉好抵食，勁香柴火味，外層烤到脆脆地，但係可以鎖住肉汁，裏面好嫩滑，做到外脆內軟，配埋泰式酸辣汁一流，呢個大推蝦炒金邊粉 ＄128金邊粉同出面嗰啲唔同特別煙靱，啲蝦好爽彈牙，調味唔會好似出邊有啲金邊粉咁成浸蕃茄膏味，同埋好足料加埋芽菜蛋碎豆腐乾，兩個人分都覺得好多蛋咖喱配牛肉$188+薄餅 $25咖喱完全唔會辣，好啱我呢啲唔識食辣嘅人，牛肉嫩滑，加埋啲滑蛋洋蔥三色椒好滿足，薄餅唔會太厚煎到好脆，點埋啲咖喱真係絕配斑斕椰汁千層糕 ＄58斑斕味同椰汁味都好濃，帶有少少鹹味，完全唔會膩，一啖一啖停唔到落嚟，一嘢就K.O.咗兩舊泰式茶湯力 $38泰式茶茶味濃郁，加埋tonic既甜味，中和返茶嘅澀味，呢個搭配既特別Overall: 9.5/10…Read More

今次係我第二次嚟呢間餐廳，呢兩次都係因為有一大班朋友聚餐先過嚟，同埋喺OpenRice見到有優惠我哋嗌晒Menu上面所有pasta ，三樣都正正常常但係份量偏少藍莓芝士法包口感有啲奇怪，食唔出芝士味手切番薯條正常發揮，同埋份量太少烤美國濕式熟成肉眼牛排配鴨油薯粒，呢個薯粒薯條都可以飲添幾抵，同埋即炸幾新鮮，但係每次refill都比較慢啲，牛扒都幾嫩正常發揮我哋去嗰陣有個優惠Sangria買一送一，但係比較細杯整體嚟講最推薦牛扒薯粒薯條，如果經過可以試吓，其他嘢正常發揮…Read More

呢間係中環新開既意式餐廳，一入去就俾佢地既北歐風裝修風格吸引，燈光好柔和整體好舒服😍🦐 🥭 Shrimp Mayo with mango and crab roe $108呢個係烤到好脆既麵包片配蝦仁薯蓉，個醬係蛋黃醬配上芒果同蟹籽，蝦仁好爽口同埋整體搭配好開胃！🥓 Parma ham roll $108呢個係waiter推薦，本身以為係炸野，結果原來係Parma ham包住蘆筍，個醬加左d醋酸酸地好開胃，蘆筍好嫩多汁Pasta呢間店主打手工義粉，我同朋友叫左兩款🐔 Pesto cream chicken farfalle $138青醬好creamy，螺絲粉係al dente好有嚼勁，雞肉都幾嫩滑，最驚艷係個醬加埋松子真係好香🍄‍🟫 Mushroom with cream sauce farfalle $128今日冇曬farfalle 所以我地轉左spaghetti，同fusilli一樣好有質感咬口十足，個忌廉醬芝士味好濃郁，意粉好掛汁配埋一齊好正整體黎講以呢個地段黎講價錢唔貴，而且座位好闊落環境舒服，仲有手工意粉，如果想約fd傾下計呢間餐廳係個唔錯既選擇Overall: 9/10…Read More