我愛吃吃吃吃4's Profile

細佬話開左間新野食, 見得閒就全家去食.好彩醒目訂定位, 去到見到好多人等緊位.我地6個人, 3張2人檯排埋, 都算幾闊落.叫野食由母親大人負責, 因為我地幾兄弟係乜都食.串燒油麥菜-----我個人就認為無普通左d, 無乜特別味, 咪普通食菜咁食, 但母親大人就話好好味, 鮮菜味加辣辣地.串燒韮菜-----我好懷疑佢地係點串d韮菜? 不過唔理, 我地全部勁like, 燒到香香地, 辣辣地, 韮菜又唔老易吞, 我地共食左3碟.燒龍脷柳-----錫紙包住燒, 龍脷柳索晒d醬汁, 而且啖啖肉, 唔腥, 好正.燒青口-----腥左d, 而且唔大隻.燒玉子-----本身已經好味, 再燒香左, 全家係爭食. 結果叫左兩客.成餐都算係滿意, 第時母親大人唔煮飯既日子, 又多個選擇.…Read More

旺角行完街,唔知食乜好,咁o岩接到派傳單,於是就上左黎食.都係一般放題既野食.刺身-----都係三文魚, 甜蝦, 北寄貝, 鮑片之類.三文魚,北寄貝, 鮑片都夠鮮甜. 甜蝦就差左d.芝士年糕-----呢樣係放題必食. 但有時有d係好難食, 呢度唔錯, 夠香, 口感都幾好.炒雜菜-----太咸, 同埋乾.餃子雞翼-----呢個好好味, 無骨, 外同內都夠晒味.天婦羅-----天婦羅 蝦, 天婦羅蕃薯. 天婦羅 蝦唔錯, 有蝦味, 炸得夠脆. 天婦羅蕃薯就稍嫌唔夠甜, 無乜味.…Read More