Eddith5's Profile

原本想去呢間大廈2樓嘅牛肉放題試下，但後期見到牛放題餐廳飯點時間竟然不是太多人，所以諗住之後先至試！搭𨋢經過一樓見到好多人出嚟呢一間餐廳，以為有好嘢，於是入去諗住訪問下！啲叔叔嘅態度一絕，嗰邊有卡位，開嚟兩位自己入去坐，點餐嘅時候估唔到神戶牛/柳跟西冷只係相差六蚊，仲只係神戶牛柳有沙律送，當然梗係要試下呢個神戶牛柳啦；另外落單嘅姐姐提醒我哋：原來晚餐嘅牛柳同主餐牌嘅牛柳份量是不同的，咁我哋當然想有大滿足，於是乎貪心的叫了兩個主餐牌的鐵板餐。仲有例湯分別有羅宋湯和牛尾湯選擇，本來想叫普通紅湯，點知姐姐就話梗係叫牛尾湯囉，點知原來個牛尾湯傑过罐頭湯，真係非常有心思！主角出道嚟，果然係以前初初出嚟做嘢嘅情懷，當時見到呢啲咁嘅份量簡直心花怒放非常之興奮,牛肉嘅質量相信同以前都係一樣，乸到非常之淋一啲肉味都冇，但係我可以講，神戶牛柳同西冷啲肉質係有分別嘅👍不過最攞命嘅就係佢放喺枱面嘅餐具同埋紙巾係有茄汁㗎,仲有嗰隻筋係有油漬嘅，呢一個真係好復古，相信而家啲人嘅洗碗質素係冇進步過。…Read More

最近畀個肥仔攞牛肉搞到呢間店變咗網紅，超级及巴閉荃灣店話食四個鐘根本上係訂唔到位。結果轉場訂旺角moko，已經係三日前訂亦都確認咗，結果嚟到超級離譜，畀張二人枱叫我哋集邊坐多一個變成三人枱，想請問點樣食法，個鍋擺咗喺中間連碗筷都冇訂擺，所以決定即走！連門口都唔使旨意入唔想幫襯，香港咁嘅服務態度同安排，真係冇辦法。員工服務態度又差，係咁㗎喇，冇辦法，安排唔到。。。。。你估真係唔使錢$308午餐加一，又冇長者優惠有冇生日優惠！😡🤬😤真心想报東張負評呢間嘢！…Read More

咁啱經過呢一間叫做叉燒大王，諗住佢啲叉燒點都唔會咁欺場，但係大家睇相都已經唔想食，又乾有硬有柴！正價138蚊一斤，行過見到佢星期二特價半斤62，其實都係畀正價平七蚊，都唔使畀啲咁嘅貨人啦！有陣時真係好失望，香港嘅食肆係咪可以爭一口氣，每樣嘢都做得好少少，尤其是打正旗號係叉燒，如果我行過呢間叫做燒鵝大王，我都唔會有咁大期望，真心希望大家可以做出水準來！…Read More

營業時間7：30am-6：00pm, 就算在即將懸掛八號風球的早上，仍提供暖暖的環境！感覺呢間小店的誠意，坦白講招呼的哥哥仔不會面帶笑容，但仍然內心地推介house blend Coffee n SOC 嘅分別！選擇咗house blend也挺不錯！專程去試佢嘅avocado egg benedict👍, 特別係嗰個軟法包非常好食！如果咁啱朝頭早有呢個闲馀時間，靜靜去嘆過早餐都正。而且價錢定位，我覺得非常合理，~$88一個半份嘅牛油果蛋多士，早餐嚟講很好！…Read More

雖然國寶鴨，真心幾好味，不過覺得個價錢overpriced. $980 我覺得偏貴！ 酥炸牛仔骨都做得唔錯，但係如果係200蚊樓下會好啲囉！蛋角仲離譜，$138, 完全沒特別簡單炒個菜都要百幾蚊，幫襯一次就ok喇！另外要吐槽一下，原本訂咗七點半，我哋7點40分去到嘅時候，仲要畀面色我哋睇話我哋遲到，佢哋搞錯咗以為我book七點半，所以六點半有客買唔到張枱！食完之後看返whatsapp對話，跟住在whatsapp同佢傾佢哋先知搞錯咗！怪唔得知而家我哋都唔慣性喺香港消費！…Read More

由街邊幫襯到鋪頭, 常常掂掛住炒牛一丁, 今天想食個任性早餐, 但徹底失望而回。炒牛已不像從前有鑊氣, 丁麵湯底沒有味, 也沒有麻油, 麵又比較淋身, 最勁就是價錢, 例不設早餐, 現在的時勢, 我都覺得太奢侈! 若非情意結, 堅唔會再來! …Read More

怪不得成日都冇位, 廚子了得。 價錢合理, 但6:00pm 已全被訂座, 幸好是街坊, 5:55 入座, 7:00 前交枱才可初嘗美味。 下次多一兩位, 一定要試酸菜魚, 香辣雞煲及小食。…Read More

以為自己中咗新型冠狀病毒, 食咗落去冇味覺。今日外賣要咗個鰻魚炒飯, 但係除咗腥味之外, 唔覺得似食緊鰻魚, 不過照道理鰻魚都唔應該腥。仲叫咗個鐵板豬扒炒烏冬, 的豬扒勁雪味。希望廚師能夠改變一下。…Read More

疫情之下，生意難做，仍然用心去做，午市已經可以食到直送嘅魚生，加拿大海膽，一解有排都未能外遊嘅鬱悶。相信小店喺疫情之下，一定係百上加斤，有陣時冇飛機就冇新鮮嘅魚生，索性就要唔開鋪。但係今日好好彩，全部都係好新鮮。平時lunch time生意好忙，今日同場加映，可以同老闆娘老闆傾下偈。期望市道快啲好返，大家可以出多啲去食新鮮嘅嘢。 今日刺身勁新鮮芝士鰻魚卷，口感好好。燒煙肉荔枝，juicy!多春魚，D 春卜卜脆。燒一口牛，比較普通，略為遜色。燒焦糖菠蘿，幾有特色，酸酸甜甜消滯。…Read More

一睇假期前夕嘅價錢，$508+, 感覺上有啲貴，但係可以講係物有所值🤞,再加埋like FB, 仲享有79折, 真係值得推介。👍雖然實施咗限聚令，做小左客; 但係經理仍然熱情噉同我哋傾偈: 佢話之前試過有生蠔任食，有一臺客, 兩个女士食咗120隻同埋每人九杯雪糕。🍨🍧相比之下我哋有啲蝕，但係仍然大滿足。…Read More

成日見到有人喺呢間排隊，下午茶時間都成日都坐滿，結果限聚令之後，仍然都係人山人海，唔知以下圖咁樣算唔算犯規，仲成日叫人搭枱炒嘢雖然好大碟但係啲肉好有雪味，而且不熱! 結果衹能食淨一大半。…Read More

全程只係有老闆娘同埋個啤酒妹serve. 每件事都要等好耐。其實而家做食肆, 請人好似好睏難, 唔知佢係咪要我哋個個打包走。招呼唔周到不在話下, 仲要態度惡劣. 其實價錢係咪都要畀保證質素，豬紅唔夠就搭鍋筍，冇蝦膠突然間就畀個牛丸。啲牛肉質素又唔得。如果唔係真係覺得佢個雞煲尚可, 都唔會再幫襯. 淨係催个響玲, 都催咗個半鐘。…Read More

stupid policy for western dinner for just 1.5 hour. how can we finish our dinner so rush for the food coming in the last 15 minutes. Service is poor for they got our order confused and we are not allowed to order dessert. Anyhow food is good. esp the Pork Knuckle. …Read More

第一次來點了雞扒烏冬, 咖喱吉列豬扒飯, Not bad!.價錢合理. 環境及氣氛都ok. 街坊生意. 依家新張期內, 外賣自取九折. 但要12:00 才營業, 所以要食lunch 先好來呀!…Read More

D 侍應竟然掉頭走, 時運高, 睇唔到D 客。 第一碟放低的燒賣係凍的, 完全犯了點心的大忌, 但係啲夥記好似都已經習以為常, 平日都尚且如此, 到星期六、日，就更加不堪, 真系希望佢地會檢討一下…Read More