lky212的个人专页

科學園性價比極高韓燒  — 梨滿園韓國料理，人均只需$260！餐廳內光線充足，座位之間空間闊落，用餐過程舒適，最怕餐廳光線昏黃，根本判斷唔到食物生熟程度。飲品同雪糕都係自助，飲品櫃非常大，茶、果汁、汽水，仲有獅威啤酒任飲。坐低後店員先送上生菜、蒜頭、豆瓣醬及三款小菜 —  泡菜、菠菜、芽菜，小菜清新解膩，豆瓣醬開胃，生菜、蒜頭免費任添。Qrcode落單簡單方便，無出現過漏單情況，除左豬牛雞海鮮蔬菜可以燒，仲有刺身、壽司、韓式小食、前菜、煲類、炸物、主食可以叫，選擇多到兩個人都食唔完全部，好彩份量唔算大，我地盡量試唔同食物。大多數肉都醃過，無需再額外加調味，不過餐廳都有比兩款醬汁大家。雞腿肉已經去皮，燒過後肉質依然滑嫩。美國牛肩肉，油脂分布均勻，肉質比較結實。當日肉類MVP絕對係美國橫隔膜肉，口感軟嫩，咬落有肉汁，而且肉味濃郁。青口、魷魚肉質飽滿，帶子即使切半後都覺得厚肉。蔬菜有南瓜、粟米、薯仔、茄子、洋蔥，其中杏鮑菇同翠肉瓜忍唔住叫咗幾次，大件燒起上嚟唔乾身，咬落有汁刺身厚切，新鮮肥美無腥味，其中以三文魚最為出色。海鮮煎餅用料好足，食落唔油膩。紫菜包飯可以一嚿嚿咁叫實在太好，試到又唔驚食得太飽，肉同菜都塞得好滿，同飯嘅比例啱啱好，而且壓得好實，唔會散開。最後仲叫咗大醬湯，送上嚟嗰陣仲滾得好激動，材料仲多過湯 ，有肉、豆腐、大蔥同瓜，味道濃。當日仲有五人同行一人免費優惠，極吸引冇諗過任食放題嘅韓式料理質素都咁高，唔會比外面嘅專做韓國料理嘅餐廳差。當日有兩位服務員都非常盡責，經過見到我哋張紙燶咗，主動提我哋唔好再放食物上去，等佢哋換完張紙先繼續，送熱食上嚟嘅時候又提醒我哋小心。…查看更多

位於將軍澳海濱公園海旁，分有室內及室外用餐區，景觀開揚舒適，入夜後昏黃的燈光營造出浪漫氣氛。𝗨𝗹𝘁𝗶𝗺𝗮𝘁𝗲 𝗕𝗹𝗮𝗰𝗸 𝗔𝗻𝗴𝘂𝘀 𝗕𝗲𝗲𝗳 𝗕𝘂𝗿𝗴𝗲𝗿 $𝟮𝟰𝟴肉質粉嫩多汁，油香混合肉汁充斥全個口腔，牛味非常重，配上黃油及蘑菇汁令人回味無窮。𝗠𝟮+ 𝗝𝗼𝘀𝗽𝗲𝗿 𝗚𝗿𝗶𝗹𝗹𝗲𝗱 𝟯𝟲 𝗦𝗼𝘂𝘁𝗵 𝗚𝗿𝗮𝗶𝗻 𝗳𝗲𝗱 𝗥𝗶𝗯𝗲𝘆𝗲 $𝟯𝟮𝟴安格斯牛肉餅份量極足，有250g，配煙燻紅洋蔥果醬及自家製醬汁，非常特別，但包邊稍微過燶，口感微苦少少失望。員工貼心友善，主動提出漢堡可以切開，方便分享食物，非常加分。…查看更多

紅葉茶屋位於尖沙咀帝國中心，位置方便，木系裝修和式設計令人感覺非常舒適。餐牌食物選擇非常多，炸物、定食、鍋物、甜品應有盡有。腐皮壽喜燒定食野菜份量非常多，而腐皮吸收了壽喜燒湯底，每一口都品嚐到湯汁的甜味。白飯拌上溫泉蛋，每一顆米都被金黃的蛋汁包裹着，更加增添口感。角切刺身茶漬飯可以選擇兩種湯，分別是昆布湯或香濃蝦湯，因為擔心蝦湯會遮蓋魚生的鮮味，所以我選擇了昆布湯。餐廳職員貼心地茶漬飯的食法指引，第一碗先不加湯直接品嚐魚生的鮮味，當中以帆立貝最為出色。第二碗加湯後，更加帶出新鮮魚生的甜味，而且滾燙的湯水亦製造出魚生半生熟的口感。吉列帶子串外表炸至金黃，咬開後內裏散發出陣陣熱氣，帶子肉質厚實。自選炸物盛盒挑選了廣島蠔、雞件及豆腐魚餅，廣島蠔蠔肉新鮮肥美，雞件依然保留肉汁，而豆腐魚餅炸漿薄，內裡鬆軟可口，所有炸物亦非常出色。抹茶缺餅新地用碗狀窩夫裝着，賣相非常吸引新地雪糕牛奶味濃，抹茶雪糕配上紅豆甜而不膩，抹茶缺餅口感軟糯，底層配上忌廉及粟米脆片，口感豐富。…查看更多

Amitie Kitchen位於尖沙咀厚福街H8 9樓，超大玻璃窗設計可以看見街景，環境舒服。餐廳燈光偏暗，但是每枱設有坐枱小燈，浪漫有氣氛的同時，拍照效果也不錯。食物選擇非常多，令人眼花撩亂，可惜只有兩位女生，不能每款都嘗試。麵包拼盤麵包一共有三款口味，每款兩個。印象最深是胡椒餅乾，香脆可口，微辣的胡椒口感非常特別。田園沙律 $48沙律份量非常多，令人喜出望外，新鮮的蔬菜加上沙律醋的調味，健康又開胃。炸薯條 $48 (加黑松露醬$10)作為黑松露狂熱愛好者，有黑松露醬炸薯條是必點的。薯條炸至金黃色外脆內軟，配上黑松露醬非常惹味。加拿大海膽松葉蟹膏蟹肉忌廉汁意大利麵 $238超大超厚肉蟹棒鋪上金黃鮮甜的加拿大海膽，非常吸睛，忌廉汁非常creamy，而且非常濃郁的蟹膏味，蟹肉非常多，每一口意大利麵都會掛滿醬汁和蟹肉，真材實料，非常值得推介。精選芝士蛋糕 $48選擇了巴斯克蛋糕，芝士味非常濃郁。超高水準西餐廳，食物美味可口，員工態度親切。餐廳最近在做紅酒白酒的推廣優惠，喜歡的話可以嘗嘗。…查看更多

去年曾經跟朋友約在The Grill Room 聚會，性價比極高，所以這次朋友聚餐我便再次推薦，果然不論食物跟服務態度依舊保持水準。還發現了經 網上平台 訂座，可享有折扣優惠入口處的開放式廚房很有情調。新鮮黑松露巴馬火腿配露筍溫泉蛋沙律$98賣相精緻，用鹹香巴馬火腿包捲著流心溫泉蛋，上面鋪上黑松露切片，下面墊上新鮮露筍。爽脆的露筍上沾上滑溜的蛋汁，作為starter很開胃。忌廉牛油蒜香雜菌$58 鬆脆厚多士配上沾滿濃郁忌廉牛油醬汁的雜菌，口感香滑美味，這個絕配的組合令人食指大動。蒜蓉牛油烤蔬菜$68看似有簡單的西蘭花和椰菜花組成，但配上蒜蓉牛油香烤過後，健康又美味。鐵板燒汁烤吞拿魚扒配蒜蓉銀魚椰菜花$238吞拿魚扒烤至半生熟，外表看落與一般肉扒無分別，幾乎可以以假亂真，份量非常足夠，與杏仁薄片非常配，魚扒味道偏鹹，而椰菜花味道清甜可以中和鹹味。香草鮮茄紅酒燴牛面肉扁意粉$168蕃茄汁酸甜開胃，牛面肉軟腍有口感，肉的份量足夠多，而且牛味極濃，令人贊不絕口。…查看更多

即使過了午餐時分，門外依然有不少客人等待，大約等待20至30分鐘可入座。坐下後自行用QR code掃碼下單，可自行選擇份量、走蔥木耳紅棗、少酒，非常方便，大大減去下單時間，不需5分鐘後已送餐。醉香雞湯麵$54必試招牌米線撲鼻而來的酒香，令人食指大動。米線幼滑容易入口，而且煙韌彈牙。湯底非常清甜，濃烈的酒香味，但入口沒有酒的苦澀味，完全真材實料熬製。雞肉質地嫩滑多汁，而且非常入味，配上靈魂醬料—特製辣椒豉油，更加突出鮮味。正常麵與少麵面之間份量的差別。雖然入座後限時一小時後交枱，但是上菜速度很快，所以不用擔心。…查看更多

位於尖沙咀嘅三日月係一間日式鐵板燒餐廳，仲要有日本人師傅坐鎮，日本人出名對食材嘅質素同處理都好有要求，所以非常值得去試吓。師傅落手之前先比我哋望下食材，非常新鮮。前菜分別有豆腐、茄子、雞肉刺身，建議由淡到濃味食。豆腐係用芝麻做，唔係一般用黃豆做，口感實淨，而且有好重芝麻味。茄子非常入味。雞肉刺身係煙燻過，口感好特別，好彈牙，好似食緊煙三文魚咁。海葡萄沙律海葡萄粒粒晶瑩剔透，咬落好爽口，配上新鮮蔬菜同沙律醋，非常開胃。刺身三點分別係赤蝦、吞拿魚、油甘魚，全部新鮮厚切，色澤鮮艷誘人，其他油甘魚最肥美季節時令生蠔宮城縣產嘅生蠔，肉眼可見飽滿肥美，口感濃厚滑溜，好Creamy。茶碗蒸木耳增加口感，魚子增添鮮美，最特別係加咗黑松露油，香味濃郁，口感滑溜。北海道帆立貝大粒厚肉，外表燒至金黃色達致半熟狀態，肉質鮮甜。帝王虎蝦坐喺吧枱位嘅好處，就係可以親眼望住師傅點樣處理食材，睇住佢將虎蝦拆開，分開唔同嘅部位有唔同嘅燒法，處理Ha新嘅時候，睇住佢手起刀落，輕輕一下就將蝦肉切開，動作流暢，最後仲可以將隻蝦完整緊拼湊番出嚟，實在係太神奇。至於味道當然係非常好，蝦肉嘅肉質彈牙，醬汁係用蝦膏同牛油去製作，非常惹味，而且成隻蝦冇一個部位係浪費咗，連蝦殼都可以食埋，師傅已經燒到非常脆口。日本野菜香口但又可以保留到蔬菜黎明嘅水份和牛封門柳五成熟口感岩岩好，肉味香濃，咬落仲好有肉汁，配上蒜片可以解膩。同時仲可以配搭三種唔同嘅醬汁，蘿蔔蓉葱酸汁、師傅自製味噌汁、芝麻醬，我個人比較鍾意配味噌汁，可以令到鮮味更加豐富。鐵板炒飯加入咗櫻花蝦同白飯魚，味道鹹香，最後再加入會梅醬，酸甜嘅味道增加層次，最後仲可以加入堅魚湯做茶漬飯，換一種食法又係新嘅體驗。甜品紅豆雪糕甜而不膩，清涼嘅口感為，呢一餐鐵板燒畫上完美句號。無論係食材、師傅嘅功夫、服務態度都非常高質素。…查看更多

大角咀一直都有好多好野食，隨住依家交通愈嚟愈方便，開始有更多餐廳選擇係到開舖。之前放工就同同事去左吉勝吉列串揚專門店食，一入到舖頭餐廳員工都非常之嚴謹，會望實每一位顧客有冇掃描安心出行，仲要量度體溫先安排大家入坐。6:30去到嗰時已經有人食緊，都不斷有人walk-in同買外賣，非常受歡迎。外賣除咗有刺身、壽司拼盤，仲有串揚、沙律，亦都可以散叫壽司。餐廳而家改緊用QR code落單，又快又方便，仲減少左落錯單嘅機率，想睇清楚啲可以拎Menu睇，另外仲有時令精選，每日都會唔同款。芥辣八爪魚伴青瓜螢光魷魚伴芝士兩樣都係前菜，食材都非常新鮮。八爪魚嘅肉質爽口彈牙，好有咬口，芥辣味重嘅話可以同青瓜一齊食，舒緩到個辣味。螢光魷魚的味道濃郁，入口嫩滑，芝士嘅味道同樣濃郁，但同魷魚一齊食又出乎意料地夾。赤貝刺身三文魚刺身油甘魚刺身各款刺身都好有鮮味，無論肉質同色澤都係上乘嘅佳品，赤貝刺身即開即食，味道雖然較三文魚同油甘魚淡，但肉質非常爽口，而且有少少甘甜嘅味道。三文魚同油甘魚肉質肥美，厚切嘅口感極佳。陶板燒牛舌淨係望到過爐已經覺得非常之有誠意，自己去燒特別過癮，首先將啲脂肪燒成油，再將牛舌放上去，望住啲牛舌慢慢燒到變色，微微焦香就可以食啦，其實唔需要落調味料已經好好食，肉質微彈，香味濃郁。而家做緊啤酒買一送一嘅優惠，仲有季節限定嘅味道揀。揀咗青蘋果同埋白桃味，水果嘅味道非常容易入口，上面嘅泡泡有沙冰嘅口感，非常適合女性飲。另外仲送兩串串揚，超級抵。油甘魚加州卷份量好大，油甘魚都好大塊，厚切之餘仲好新鮮肥美。串揚嘅粉漿好薄，外表香脆可口又唔覺得油，咬開後裏面仲冒着熱氣嘅，無論係蔬菜定肉類，都仲有肉汁，絕對唔覺得乾身。最欣賞黑豚肉蘆筍，薄片豚肉卷住蘆筍，豚肉Juice得來蘆筍又俾人清新嘅感覺。最後仲有大福做甜品，哈密瓜味同焦糖味。食物嘅味道好好，份量又足，性價比超高。…查看更多

之前係銅鑼灣做嘢，經過Firebird一直都好想試吓，但係都冇機會，佢夜晚好多人排隊，好受歡迎。適逢聖誕節嘅餐廳嘅裝修都好有心思，好有氣氛雖然坐得迫少少，但終於都可以試到。聽個名都知道餐廳主打雞肉，餐廳嘅雞肉全部都係用日本產嘅雞，大隻得嚟肉質又好。餐牌入面有好多相，所以點餐嘅時候一啲都唔迷惘到樣樣都好吸引，仲有Cocktail同埋mocktail，好適合坐低同朋友飲杯嘢傾吓計。軟殼蟹沙律呢個沙律含金量非常之高夠軟殼蟹成隻手掌咁長，仲足足有四舊，材料用非常豐富，雞蛋菜芝士蕃茄仔，口感層次豐富，用嚟開胃最啱。牛油果加州卷蟹子嘅份量好多，多到跌到成個碟都，每一個飯卷入面都好足料，而愛卷上鋪咗幾塊牛油果，個熟到啱啱好，口感好豐富。火山熔岩鮭魚卷鮭魚卷放到好仲一座山咁高，望落就好似火山噴發咁，上面好似鋪咗炸蘿蔔絲咁，加上有少少辣味嘅沙律醬，食落又唔算太膩，鮭魚卷輕微咁炸過，所以有少少趣，口感非常之正。重量級火焰原隻燒雞腿視覺上嘅享受嚟啦，係你面前點着火燒雞腿，感覺非常震撼，而且撲鼻而來嘅焦香味，雞腿大隻到好似火雞咁，肉質香滑非常入味，再配上椰菜同甜椒，中和返個肉膩感，果然係呢度嘅名物。日本雞肉及野菜天婦羅盛盒冇諗過足足有五大舊雞肉咁多，食完之後真係好飽，個粉漿炸得好薄。兩杯嘢飲又靚又好飲。…查看更多

九龍城出名泰國餐廳多，自細就食過唔少間，今次食嘅呢間之前就從來都冇試過。泰象館門口同一般嘅茶餐廳冇乜分別，入面嘅餐廳佈置都好一般，但係菜式就一啲都唔普通，碟碟都色香味俱全。餐牌同牆上面都貼咗好多相，每一碟嘅賣相都好吸引，而且睇落份量都唔細。蛋包鮮蝦金邊粉呢個係廚師推介，睇相嘅時候已經覺得好吸引，啲蛋好似個網咁包住啲金邊粉又香又脆，仲好薄身，加上青檸汁之後，酸甜嘅味道非常之開胃，鮮蝦每一粒都好彈牙，分量多夠飽肚。馬拉盞炒芥蘭少少辣味，抄得好香口，芥蘭一啲都唔苦。椰汁咖喱雞離遠已經聞到咖喱香，食落嘢有椰子嘅甜味，無論係配返定係薄餅都好好食。薄餅口感煙銀，配上香濃嘅咖喱汁，美味可口。本來諗住叫蒜蓉包配咖喱汁食，發覺唔可以，蒜蓉嘅味道非常香濃，就咁食已經非常好味，個包又脆又軟，一定要趁熱食。上菜速度非常之快，喺茶餐廳嘅速度。兩個人$300唔使食到咁飽，性價比好高，餐廳就算平日星期四嘅夜晚都好旺場，門口好多人排隊，雖然好忙，但係餐廳嘅職員對待每一位客人都好好禮貌，態度好好。…查看更多

校長燒肉日韓料理不嬲都出名多嘢食，而且分店都有好多間，今次就去咗喺觀塘分店。位於觀塘廣場嘅15樓，鄰近地鐵站非常方便，門口仲有一個超級大嘅Iron Man俾人打卡影相。成間餐廳嘅佔地面積非常大，入面有好多座位，夜晚全場爆滿，非常之受歡迎，如果冇book定枱應該都幾難等到位。除咗門口超大嘅Iron Man影相之外，沿路入去都有好多打卡位。行到入去嘢食嘅選擇只係非常多，多到令人眼花撩亂嘅地步，淨係熟食都有唔同地區嘅選擇。入場嘅時候職員會比張貼紙你，有咗呢張貼紙刺身師傅先會比刺身你食，所以張貼紙一定要好好保管，如果跌咗就冇㗎啦。每一個corner都有人負責睇住，因為實在太多客人去拎啦所以職員會keep住嘅refill 食物，過程都會戴上手套，都好有衛生意識。火鍋都有三款湯底可以揀，所以唔記得晒唔同人嘅需求，亦都好欣賞佢有一個corner轉系課火鍋配料同埋花茶，花茶唔係一個個茶包，你真係比你自己去調配，仲寫咗每一種嘅功效同建議份量，都俾咗建議配搭你，唔識都唔使驚。而飲品果方面，淨係查都有5,6款，計埋啤酒汽水果汁，真係想時勢都冇辦法。打邊爐嘅煲仔比較細，放嘅嘢有限，不過都係快熟嘅嘢，所以都唔使等太耐。韓燒嘅食物，最鍾意就係燒佢啲牛扒，大小適中，亦都冇乜肥嘅脂肪，牛味好重。職員行過會主動幫你換紙，個個都會行過嚟較細你個火，可能係怕我哋燒得太多嘢食哈哈，反而刺身就冇乜點食，因為主打韓燒，不過刺身都好新鮮，肉質都肥美。最最最最欣賞就係佢嘅甜品區啦，包羅萬有，佢嘅伯爵茶奶凍，香甜爽口，食完熱氣野再食真係好舒服，雪糕嘅口味同平時見到嘅好唔同，有沖繩海鹽，伯爵茶等等，仲要每次出去都見到同上一次唔同嘅口味，真係好優秀。晚市人均消費$200都唔使，韓燒打邊爐刺身都有，實在係太抵啦…查看更多

幾年前食過I kitchen嘅午餐，嗰陣時個炭燒黑毛豬已經令我留下深刻嘅印象，今次再去食埋佢個晚餐，果然繼續keep到高水準。店入面嘅燈光氣氛都好有情調，坐低嘅時候店員仲會幫你點喺桌面嘅蠟燭，好有燭光晚餐嘅感覺。我哋坐低咗之後半個鐘已經坐滿晒人，建議大家都係book定枱安全啲。set或者散叫都得，不過散叫加錢都可以有餐湯同嘢飲嘢飲。醬燒美國豬仔肋骨豬肉嘅質地好軟熟，肥豬肉嘅位都唔算多，筋嘅部位亦都好少，一切就開，沾上少少盤上面嘅醬汁甜甜地更加好食。帶子紅甜椒意大利飯帶子粒粒都輕微煎過，外表金黃色，肉質飽滿，食到一絲絲嘅口感。意大利飯應該用南瓜煮過，所以每一粒都比金黃色嘅汁液包裹住，外表睇落好吸引，識落仲有南瓜甜甜嘅味道。三文魚牛油果薄餅實在估唔到成個薄餅都鋪滿三文魚，仲要唔係薄薄一層，底部應該搽上咗酸甜嘅醬汁，所以好開胃，加上三文魚同牛油果嘅最佳配搭，令人食指大動，而且加上芝士有拉絲嘅效果，無論係視覺定係味覺上都得到好大嘅滿足。餐廳職員都好主動留意客人，留意到我上映餐廳入面嘅環境，都主動行開避開我嘅鏡頭等我可以影到更加大嘅空間。…查看更多

身為雞翼控嘅我一早已經聽過wingman，今次終於約埋朋友放工一齊去試啦。位於旺角新城都算方便，一出獵就已經有個打卡位，等位嘅時候都可以影吓相。喺門口已經比佢個招牌漢堡吸引咗，所以一直諗緊到底食雞翼放題好定係叫burger食好。舖頭入面仲有唔少打卡位，霓虹燈嘅設計好特別好懷舊。餐廳嘅座位分隔得比較開，一啲都唔迫，無論係音樂氣氛同燈光，都好適合一大班人放工之後Happy hour。淨係望住個餐牌已經令我哋糾結咗一輪，食雞翼放題好呀定係散叫好，淨係雞翼放題都可以有三個價錢揀，不過到最後我哋都係想試吓佢個burger所以決定散叫再加小食。散叫雞翼每款會有六隻，我哋分別叫咗一款乾身同一款濕身嘅雞翼，分別係巴馬臣芝士蒜蓉味同埋黑芝麻海鮮蜂蜜。巴馬臣芝士蒜香味雞翼一送到上嚟就已經聞到好重嘅芝士香，雞皮做到乾身脆口，但雞肉依然保持有肉汁，非常可口。黑芝麻海鮮蜂蜜雞翼食落有淡淡的芝麻香，不過因為海鮮蜜糖都係比較甜嘅調味，所以呢一款雞翼味都偏甜，少少鹹，所以食落會比較口渴，但都非常惹味。burger做得非常出色，令人有喜出望外嘅感覺，餐廳只有兩款burger，一款那一款唔辣，所以落單嘅時候直接同侍應講要辣定唔辣就得㗎啦，burger入面嘅炸雞塊肉質鮮嫩，咬落好Juice，加埋脆炸雞皮非常有口感。因為唔知道burger會送埋薯條，所以我哋有額外叫多咗個黑松露醬薯條，蠢咗薯條都係做得出色嘅，外脆內軟就算唔甜醬都已經好好食。太口渴叫咗杯ice lemon tea，好大杯。估唔到除咗雞翼之外，其他嘢食都做得好出色，下次一定要再去試吓佢個雞翼放題先得。…查看更多

銅鑼灣sogo旁嘅漁獲浜燒永遠都唔會令我失望，每次食水準都非常高。去個時720ml清酒買一送一優惠，怕飲唔哂餐廳可以幫手儲存。經理幫我地揀左呢款鈴鹿川純米大吟釀，建議我哋係室溫放一段時間先好飲，因為個味會出好多，聞落有淡淡哈密瓜香氣，入口醇滑有少少甜味，好岩女仔飲。螢光魷魚鹽辛味道鹹鹹地，肉質有彈性，雖然咬落未至於有爆膏嘅口感，但係好鮮美。唐揚一口芝士熱辣辣，咬開後係滿滿嘅芝士，外表炸漿香脆可口，食落唔油膩。特製黑松露炙燒平目魚邊沙律沙律非常清新開胃，炙燒過嘅平目魚邊滿滿嘅魚油香，混合黑松露嘅香氣令人食指大動，配上洋蔥絲中和番個味蕾，牛油果增加飽肚感。金目錭活貝浜燒組合原本個set係波士頓龍蝦，我地加錢將龍蝦升級左做金目錭，所有海鮮都係肉眼可見嘅新鮮，睇過冇問題之後，魚就拎左入廚房切做刺身，貝類就係我哋面前燒。金目錭刺身厚切後魚肉好肥美，肉質細膩，網絡非常有光澤，魚嘅味道較淡，可以配芥末豉油，或者配加上薑蓉、辣蘿蔔蓉、葱粒嘅酸汁，更加有風味。文蛤、北寄貝北寄貝非常厚肉彈牙，味道鮮甜，我先試左北寄貝，以至於影響左文蛤嘅味道，文蛤肉質都肥美清甜。帆立貝可以選擇清酒/牛油燒，反正有兩隻就每款都試，清酒煮嘅吸收左酒味，帶有少許甜味，但味道偏淡，而牛油燒嘅偏香更惹味，兩款比較下我更鍾意牛油燒嘅，帆立貝肉質厚身肥美。和牛石鍋飯和牛嘅脂肪分佈好平均，色澤好新鮮，配上葱粒同蛋黃嘅賣相好吸引，比蛋液包裹住嘅飯粒粒粒金黃，鍋底嘅飯焦好香，而和牛入口即溶，口感特別好。金目錭魚骨麵豉湯話就話係用魚骨熬煮嘅湯，但魚肉都有好多，不過要小心慢慢挑出魚骨，魚湯非常鮮味，冇比麵豉湯搶咗味。番薯雪糕雪糕有番薯肉，甜而不膩。特濃朱古力窩夫中間嗰夾住朱古力蛋糕，窩夫都好特別，里面加有朱古力，雖然所有材料都係朱古力，但加埋一齊可以造出多種層次同口感。…查看更多

尖沙咀嘅The Grill Room一直都好有人氣，6:30去到已經坐滿咗一半嘅人，未到七點就已經坐滿晒，推遲少少都要排隊等位。一出獵就已經見到吧枱嘅位置，可以近距離見到廚師喺處理食物。餐廳有set可以叫，亦都可以自己揀starter、main course、dessert，亦都有酒水提供，都幾適合情侶dating或者朋友gathering。北海道刺身帶子沙律帶子刺身切成薄片舖左喺底，肉質新鮮，沙律嘅調味用咗黑松露油同埋紅酒醋，所以想落嘅時候有淡淡的香味，另外三文魚子嘅鹹味增加左唔同嘅口感。忌廉牛油蒜香雜菌每一粒雜菌都比忌廉牛油醬汁包裹住，好香好惹味好吸引，但美中不足嘅係只有兩塊多士，冇咗多士之後菌菇就咁食好肥膩嘅感覺。鹽味焦糖汁燒豬腩肉配青蘋果沙律話明係豬腩肉咁所以係一定會有肥膏位嘅，不過佢又唔算多，而且夾埋一齊後個口味幾好，豬腩肉嘅外皮係香脆嘅，已豬腩肉咬落軟熟仲有肉汁，肥膏夾咗係中間完全無肥膩感，配上鹽味焦糖醬汁幾開胃，而青蘋果沙律又可以中和個油膩感。香煎北海道帶子龍蝦汁扁意粉配三文魚子未入口就覺得龍蝦嘅味道好濃烈，撲面而來感覺，帶子嘅表面好似曬咗啲鹽咁，食落有少少鹹，而三文魚子同龍蝦汁都係鹹嘅，令到個意粉味道好重。黑松露薯條黑松露覺得一啲都唔手軟，唔止表面應該計嗰啲薯條都有，炸到金黃香脆可口。呢度每一份嘢食嘅份量都好大，我同我朋友不嬲都已胃口大出名，食完呢餐之後真係搞到要捧住個肚走，尤其係個忌廉牛油雜菇，食完之後真係飽到上心口。…查看更多