Polly 33's Profile

有朋自遠方來，尋找兒時回憶的食物，雲吞麵店是其中一個必去點😋.#炸醬雲吞撈麵（午市套餐）$55炸醬微辣，豬肉混有瘦肉及肥肉，味道不會太濃，醬汁份量剛好撈勻麵條. 3隻雲吞另外放在大地魚湯內，湯內灑上新鮮韭黃，雲吞的蝦很爽口，大地魚湯清甜. 套餐包一杯飲品.#招牌炸両 $35淨睇價錢，覺得有點貴. 但係食完後，覺得物有所值. 油炸鬼不是淋身，仍然脆身，腸粉薄身，滑滑. #炸蜆蚧鯪魚球4粒 $46鯪魚球表面炸得很乾身，鋪滿了米粉碎，食起嚟特別脆口，鯪魚球大大圓圓，食完好滿足. 蜆蚧醬汁奉旨好鹹，蜆肉都少.…Read More

知道銀杏館有早茶後，一直都想嚟食，剛好朋友從外國回來，我哋在尖沙咀海旁晨運後，就即刻去嘆個早茶！燒賣～1件$9，用一個細細的蒸籠裝，好cute🥰， 餡料有豬肉，蝦，冬菇，蝦子，燒賣屬於結實形，餡料多，大大粒，味道適中，不濃味，鍾意食燒賣嘅我，要俾個讚師傅👍.蝦餃 ～ $1件$9，肥嘟嘟坐在蒸籠內，蝦仁新鮮爽口，蝦餃皮屬於厚皮，不濃味，蝦餃做得非常有水準，一定要試.潮州粉果 ～1件$9， 一般粉果的餡料，但餡料內加了一種香料味道，我同朋友都食不出是什麼香料，覺得是屬於香草類嘅味道，跟我哋食開的味道不同. 鳳爪排骨飯 ～$18，細細碗，鳳爪及排骨份量相對多，調味不濃，飯的份量相對外面酒樓是少啲，我和朋友都是飯筒，覺得這個飯做得好好味.馬拉糕 ～ $9，大大件，唔會太甜，略嫌鬆軟度不夠，屬於飽肚實淨形. 醬黃蒸鳳爪 ～$22正常鳳爪一碟，不濃味，多花生配菜.茶位 ～$1/位，有香片及普洱兩個選擇，茶葉及熱水放在餐廳的一張枱上，自己去沖茶. 我哋選了香片，茶葉香，質量唔錯. 職員姐姐好好人，好有禮貌解答問題，佢哋的點心不落味精，全部由老師傅做. 期待下次再嚟飲早茶，試埋其餘點心😊.…Read More

陪朋友去太子買嘢，之後想食個Tea, 要好食，又要坐得舒服，一定係呢度.#香煎豬扒丹麥吐司配薯條 $62豬扒值得一讚，厚身，調味清淡，肉質嫩滑. 丹麥飽經過烘底後，少了油膩感，三文治中間再加入蕃茄及生菜，一個好好味的豬扒包. 配菜的薯條炸到熱辣辣，唔會太乾，加埋沙律菜配黑醋，應覺健康啲🤣.#明太子海蝦意粉 $68有4隻大蝦，新鮮又爽口. 醬汁微微辣味，估計是明太子的原因，醬汁份量適中，剛好掛在意粉上，這碟意粉真係無叫錯.每個餐，包一杯飲品. 我哋叫了：#凍美式咖啡，走奶走甜，咖啡好濃夠味，幾香.#熱香茅生薑蜜，充滿香茅及生薑的香味，微甜.另外要讚一讚餐廳的服務員，好有禮貌，服務態度都好好，絕對要加分比餐廳服務員👍.…Read More

朋友成日推介歡樂，話又抵又好食. 今日3個老朋友終於得閒聚一聚. 食店光猛，乾淨，裝修有特色. 伙記有禮貌，推介的餸菜非常啱口味，仲要無加一，是一間絕對可以encore的食店😙. #大蟶子+煎米底 （$144+$60）大蟶子$48/隻，最少要叫2隻，伙記姐姐見我哋3人，提議叫3隻，再加$60配煎米粉底. 蟶子真係好大隻，新鮮嫩滑，豉椒汁炒. 最驚喜是煎米粉底，米粉煎到好香口，薄薄一底，完全不油膩，非常讚賞👍.#蝦膠韮菜餅 $88 圓轆轆的韭菜餅，煎到好香口，蝦膠把韮菜粒包裹住，不油膩，有驚喜.#冰梅欖角骨 $88伙記姐姐話，唔好成日淨係識叫咕嚕肉，要試吓冰梅欖角骨. 是炒肉排，醬汁由蒜頭，欖角，蜜糖混合， 非常有鑊起，配啤酒，汽水一流，真係無介紹錯😋.#秘制梅菜肉鬆蒸菜心 $88菜心及梅菜肉鬆份量好多，但菜心略嫌有啲老，我諗非戰之罪，始終菜心不是夏季的時令蔬菜.#椰皇燉奶 $38差不多食完後，有姐姐推住車仔出嚟，有椰皇燉奶及芒果布甸. 由於實在飽飽，我哋只係叫了一個椰皇燉奶，不甜，有椰皇及奶香味，做得好有水準.…Read More

朋友從美國返嚟敘舊，食完午飯，想搵個地方飲咖啡及繼續傾偈，經過蘇媽，見人不多，可能因為今早掛黑雨. #檳城亞參叻沙米線 $68湯底跟我在馬來西亞食過的亞參叻沙比較，蘇媽的食譜是辣味重過酸味，算是非常辣，選食這碗米線時要有心理準備🤣. 米線好滑，魚肉，洋蔥等的配料都配合得不錯.#馬來西亞拉茶（凍） $29正常拉茶一杯.#熱桔仔檸檬茶 $25正常桔仔檸檬茶一杯.#熱怡保白咖啡（走甜）$25朋友口水多過茶，要再叫多一杯飲品補充水份😆. 朋友話這杯咖啡好香，值得推介.…Read More

今日同阿妹嚟長沙灣買嘢，買完後，阿妹想搵間餐廳可以坐得舒舒服服，食個午飯. 我便帶佢嚟到大丈夫，餐廳闊落，樓底高，唔會嘈. #壽司烏冬定食 $72烏冬的海帶份量好多，沙律菜的份量也多，還有5件壽司，最喜歡是滑嘟嘟的日式蒸蛋. #南蠻炸雞定食 $77炸雞調味適中，雞皮脆脆，雞肉Juicy，配上麵豉湯及日式蒸蛋.#茄子天婦羅 $22 （4件）鍾意食茄子嘅阿妹，一個人食咗3件. 天婦羅嘅粉漿好鬆脆，茄子仍然保持濕濕潤潤.阿妹話今日的餐廳無介紹錯，要多啲嚟😋.…Read More

表妹回港探親，晨早起身就話想食沙嗲牛肉麵，坐兩個巴士站就嚟到好好運，只係晨早8點😴，唔洗等位. 我哋都係第一次嚟，見到大部份人都叫‘百搭早餐' $46（任選三個餸）沙嗲牛肉＋煎蛋＋紅腸＋公仔麵五香肉丁+炒蛋＋紅腸＋公仔麵聽聞佢哋嘅沙嗲牛肉好出名，真係又大塊，又厚身，肉質軟腍，沙嗲汁有好香嘅花生味.紅腸是另一個驚喜，第一次食咁厚嘅紅腸，肉質厚實，不似街外的紅腸肉質散散.唔怪得咁多人都叫紅腸.加埋兩件奶醬多，食到捧住個肚走😆…Read More

行完商場，想飲杯嘢解渴，便上嚟3樓，行到‘走鬼檔’前，睇到飲品的照片及介紹， 幾吸引， 便試一試.惹火呀婆 $38～紅色火龍果+蘋果榨汁. 有排毒，幫助消化的功效. 兩款水果都甜，大熱天飲完涼快無比.健康五青汁 $38～青椒+西芹+青瓜+苦瓜+蘋果+檸檬榨汁. 有排毒功效. 這杯五青汁加了檸檬，遮蓋了草青味， 一杯好fresh的飲品，諗唔到加了檸檬係咁夾👍.注意呀，飲品沒有加冰，沒有加糖水. 價錢比附近的果汁檔高，但我覺得真材實料，物有所值，下次再嚟葵廣，會再試佢哋其它飲品. …Read More

幾年未嚟過，今日去深水埗買布，順道上嚟維記食個下午茶， 人物依舊🥰，食物水準仍然保持高質，比出面好多冰廳好食. 公司三文治：$41～三文治的餡料有午餐肉，火腿，雞蛋，蕃茄，生菜. 麵包烘得好香口，同餡料非常配合， 要比個大Like 佢👍.～凍奶茶吉列豬扒配薯條：$37～豬扒厚厚，唔會醃到好鹹，麵包糠脆脆，炸完後的豬扒唔會太乾身，師傅手勢真係一流😋. 配上我最喜愛的粗身薯條，簡直食到停唔到口. ～熱檸茶老板和落單姐姐好有禮貌及友善，咁多年都無變. 今日重臨舊地，食到好味嘅下午茶餐，個人即刻開心晒😁…Read More

同表妹行完花園街， 買了T-shirt, 頸鏈，耳環，滿載而歸. 諗住搵間茶餐廳食下午茶，順便休息吓. 花生醬西多士 $32～西多士上的牛油，睇個牛油賣相已經唔滿意， 好彩西多士味道過得去. 洋蔥豬扒包 $36～豬扒肉質好乾，冇厘味道， 一個不合格的豬扒包.今日的下午茶，破壞我哋開開心心嘅shopping心情.…Read More

每個星期日與家中兩老的例行活動：早茶. 最近兩個月改往潮庭飲早茶，晨早8:20已到達酒樓🥱，侍應姐姐好有禮貌，好快手就開好茶送上. 我哋也好快手選好點心落單， 我家最鍾意澱粉質， 腸粉，包包，糕餅一定出現. 布拉腸好滑， 叉燒腸包裹豐富的叉燒粒，豉油鹹甜適中， 一定要食腸粉😋.黑糖馬拉糕也是必食👍，超鬆軟，黑糖香，不會太甜， 大人細路都鍾意食. 老豆最鍾意食皮蛋瘦肉粥，料多，粥軟綿綿， 粥底有咸蛋，多了咸香味，佢哋嘅粥都值得推介🫶.其餘的點心，蝦餃，叉燒包，鳳爪，鮮竹卷，鵪鶉蛋燒賣的水準都是中上. 每次飲完早茶，都懷着滿足，愉快的心情回家🥰…Read More

每次在千色店的天橋行去綠陽新邨商場，都會望到這間餐廳的𥦬門位置. 今日午飯時間入去食晏，選了口水雞飯及芙蓉蛋飯. 口水雞飯，雞給了背脊部位，所以冇乜雞肉，相對便骨頭多. 辣油都幾辣. 芙蓉蛋飯，正常發揮. 我覺得佢哋嘅白飯都幾好食. 埋單比錢時有驚喜，老板娘（我估計係）送了一張VIP咭比我，每次有9折😁.…Read More

自費午餐. 今日嚟尖沙咀買嘢，買完後正好是午餐時間，想食韓國菜，又想食麵，便入嚟餐廳試吓，選了雞湯麵. 估唔到雞的份量咁多，有半隻雞，雞湯清甜，好似食緊人參雞😆. 麵是煙煙韌韌，我最鍾意食煙靭的麵，泡菜及羅白唔辣，如果辣味多少少就perfect 啦. 食完這碗雞湯麵，已經飽飽，算是有驚喜的一餐😊.…Read More

每日到午飯時間就好頭痕，唔知食咩好. 好耐無嚟樂悠商場的food court, 行完一個圈都未有頭緒食邊間，最後選了泰饌，因為未食過這店的出品. 選了豬頸肉煎蛋飯，$60，包一杯飲品及一碗湯.～豬頸肉好香口，唔會太濃味，配上一小碟酸辣香草醬汁，十分夾 😋.～飲品我選熱檸檬茶，原來茶是泰式味，好飲.～湯無味精，正常例湯一碗😆.…Read More

同朋友到大埔救世軍聽完認知障礙的講座後，大家都想食個下午茶輕鬆吓. 我哋幾個九龍人唔熟大埔地區，經過紅橋餐廳，見裡面光光猛猛，4點35分，都有幾枱客，估計唔會中伏😆.我哋3個人叫了兩個下午茶餐，額外再叫一杯飲品. 咖吔鮮油多士配雞中翼：～鮮油雖然薄薄，但係咬落去感受到牛油仍是凍冰冰，我覺得非常好食，我要比個👍廚師.～雞中翼炸得好香口，味道唔會太咸.法式芝麻蝦多士配薯角：～蝦多士上面鋪滿密密麻麻嘅芝麻，非常香口，我朋友最鍾意食熱氣嘢，佢話好正👍👍. ～我鍾意點茄汁，所以我鍾意食薯角，再點好多茄汁🤪， 熱辣辣嘅薯角配茄汁，正.…Read More