relinggirl2005的個人專頁

今日去開佐敦買嘢，經過一間外籍人士開的店舖，餐廳內有不同的fast food. 包括Burger，尼泊爾餃子，炸雞等。店舖的老闆是尼泊爾人，他曾在港島經營過不同的餐廳，而且餐廳光顧的大部份都是外國人。所以他烹調的食物全部迎合外國人口味。這個burger 好有驚喜,芝士味十分濃郁，有別於一般香港人經營的漢堡包店。值得一試這是尼泊爾人做的餃子，他們名叫momo ，他們獨特製作的醬汁，味道非常獨特。他們這些這種炸雞，雞食落好新鮮，十分推介。這間店的性價比高，值得推介…查看更多

今日經開西環，要到香港大學進修，所以上堂前要食個晚餐先。這間漢堡店裝修特別，而且顏色（綠綠地色）吸引我入去試試，他們的漢堡。我見到有個易拉架，吸引了我入去試試。這間店舖有三個90後的年輕人經營，創意十足，他們很有心經營的，招牌菜係招牌手打牛肉漢堡，牛肉是自己打的，而且牛味十足。值得一試本人十分推介這個炸燒賣，味道好特別，他的燒賣不及出面一般的燒賣，食起來好有驚喜，值得一試這個咕嚕肉菠蘿漢堡，也是本店的招牌菜，味道特別，而且十分足料，性價比超高。…查看更多

今日經開灣仔見客，見到間好熟口面的馬來西亞菜，於是入去睇睇。餐廳的負責人介紹，原來這間餐廳之前在謝斐道開的，已經開了30多年，但由於當時社會運動及加租，店主就沒有再經營了。趁而家市道好返少少，就係這個地址開返。我叫咗個外賣返公司食，佢個海鮮喇沙好正，好香好濃。有酒店級的水準，原來餐廳的老闆是馬來西亞人，在香港做了餐飲業很多年了，怪不得能夠做出這個質素的美食。這個海南雞也是餐廳的招牌菜，隻雞好滑，配自家調的醬汁，味道一流。…查看更多

今日去開VCT學校返學，路過見到一間新開嘅印尼美食店。主力賣印尼米線及串燒。喺店員嘅介紹下，原來餐廳嘅負責人的外母係印尼華僑，所以他烹調的印尼食品非常正宗，而且好適合香港人口味。我點了一個豬肉卷印尼雞湯米線。豬肉卷十分好食，全人手製作，肉汁滿滿。流心蛋好似日本店的流心蛋。配這個印尼米線一流。佢個印尼雞湯值得一讚，飲落去完全沒有味精，完全不口渴，值得推介👍他還送了一塊印尼蝦片，好香好脆。我還點了一串印尼雞腎，佢個沙嗲汁好香濃花生味，都好接近印尼口味。這間小小的店鋪，所有食品用心烹調，值得推介…查看更多

今日去開天后見客，早咗見完客。諗住去食個下午茶，行行吓見到有間新開的冰室，就去試試，因為店舖都裝修得好靚，入入到去見到裝修擺設咗不少糧油雜貨，我估老闆係從事糧油雜貨批發，點知問吓店員，原來唔係，我食咗個香草雞髀加西多士。香草雞髀好特別，而且即叫即炸，十分好食。我食咗個西多士先，之後就食唔落隻雞髀，所以打包了雞髀。海南雞都好好食，最特別唔係隻海南雞，而係佢整啲自家醬汁，配搭海南街非常美味。臨走時同店員傾兩句，點知原來佢係老闆之一，佢話之前是幫大集團開冰室，怪不得食物有保證。而家自己同幾個拍拖出嚟開，小本經營，值得支持👍…查看更多

今日經開廟街，見到間新開冇幾耐的清湯腩，舖頭入邊裝修靚，而且坐得舒服。感覺唔會好多舊式清湯腩牛雜麵舖，全部都係麻甩佬入去食，這間有不少白領人士幫襯，所以就入去試試，梳化仲有我鍾意的Tiffany Blue顏色。因為減肥的關係，我叫咗碗清湯蘿蔔牛腩淨食，佢外賣碗都用得好精緻，唔會好似出邊啲牛腩麵檔咁， 仲用緊白色發泡膠盒。睇嚟老闆都好用心經營這間店。清湯牛腩食完唔會好口渴。值得推介最值得推介係個醉雞，雞味濃肉，而且香滑。我仲買咗佢幾粒餃子，好新鮮，原來他每日即整即包。值得推介👍買來打邊爐係一個唔錯的選擇。…查看更多

今日去開屯門探朋友，諗住去新墟街市買餸返屋企煮飯，點知朋友介紹咗間新開的越南法包外賣店，這間店裝修都有唔少越南風格。門口有個類似外賣車，感覺好似喺越南街邊檔賣越南法包咁。首先，越南法包好正宗，係等緊外賣的時候，見到越南太太的先生，佢同我講，佢老婆係越南人，之前喺越南做會計，之後嫁咗嚟香港，就鑽研家鄉美食。所有醬料都是越南進口。所以味道正宗，而且所有包都是即整即做，十分新鮮。這個豬肉越南檬粉粉好特別，他們秘製的醬汁好特別，有別於一般的越南舖頭，而且他們的豬肉是肉丸製成的，豬肉都是用越南香料醃製，味道非常正宗。最近冇得去越南旅行，食完簡直覺得自己去咗越南一樣👍…查看更多

以前同事喺觀塘返工，佢介紹咗一間冇味精住家外賣餸及湯包給我。本人自己好鍾意飲湯，成日搵唔同完全無味精的湯包，好多都好濃味，而且飲完好口渴。所以今次搏一鋪試試這間小店，竟然有驚喜。這包杏汁豬肺湯，真係完全無味精，同媽咪喺屋企煲湯味道一樣，飲完好舒服。完全做到住家口味香煎蓮藕餅都好有驚喜，他不是普通的家庭式肉餅，食落去好有肉汁，絕對係五星級大廚烹調的食品，估唔到外賣餸包都咁高質。梅菜扣肉，好香，送飯一流。總括然而，臨走時同老闆娘傾了一陣，原來他們還有做中西式到會，絕對係中式私房到會。食物絕對有保證，值得一試…查看更多

今日去裕華國貨，見到一間新開的潮州打冷店。這間餐廳之前喺土瓜灣做了幾年，但原來這間的餐廳，第一次創業是在佐敦附近開設的，但後來因為業主加租，而無法經營，之後搬了去土瓜灣，最近因疫情的關係，租金稍為回落，所以就在重新裝修，搬進佐敦經營。店主的父母從事潮洲打冷店已經10幾年了，他們因為潮州人，十分勤力工作，靠這間店養活他們的下一代。他們的下一代，兩位兒子，眼見父母工作十分辛勞，所以決定接受這間店，與父母一起工作，減輕他們的工作量，更希望把潮洲打冷獨有的風味，繼續傳承下去。我十分欣賞他們年輕人的拼勁。好想讚吓這個蠔餅，我從來冇見過蠔餅用Pizza盒房，好明顯睇得出店主的用心，用潮流的包裝，而且蠔餅好香好脆，即是外賣返屋企食，都仍然保留到香脆的味道。非常值得推介這個拼盤都好好食，唔會好似一般大冷舖滷水超咸，而且油膩。而且滷水香料充足，迎合了年輕一代健康的味道。小油少甜…查看更多

今日去開銅鑼灣剪頭髮，因為疫情的關係，天氣又突然轉涼，所以好想打火鍋。途經v point,睇吓有咩食，點知俾我睇到一間隨便雞煲，之前經開佐敦，好多人排隊。所以冇去試。但係呢間嘢都好出名，喺馬來西亞、內地等地已開設海外分店。冇睇一間普通的火鍋店，但原來已經有工場，藉以穩定產品的質量。招牌麻辣雞煲，味道獨特，而且配料充足。雲吞好足料，而且鮮蝦彈牙。竹笙份量好大，而且好抵食。性價比超高。牛肉好高質，新鮮本地牛肉牛脷都好靚，食材好新鮮，而且牛味濃郁。整體覺得呢間材料新鮮，足料，呢個價錢，絕對值。…查看更多

今日去開黃金商場，諗住行吓附近，韓國見到有間越南餐廳，因為這個舖位之前係茶餐廳，見佢而家轉咗手做越南餐，便試試。店舖內擺放精緻，有越南茶葉及咖啡賣。正宗越南茶，當你進入餐廳食嘢，店員會為你送上一杯越南茶，非常好飲。滿有越南的風味。店舖所有人都是越南人。包括員工及老闆娘。老闆娘來了香港多年，積極拼搏， 佢十多年前做美甲店，現在又再做越南餐館。他所做的春卷，全部都是人手製作。還有招牌生牛肉湯河，只是$49，性價比好高。平時食開招牌越南糖糖都要70至80元正。店員同我講他所有湯底都是每日新鮮豬骨煲出來。即使外賣返到屋企，都好好食。紙米卷的材料新鮮，值得推介👍感覺上係一間平民性價比高的越南餐館。…查看更多

今日去開柴灣探婆婆，諗住喺樓下小西灣街市買餸，去婆婆屋企煮飯比婆婆食。點知比這間外表精緻的韓國外賣店吸引。全個場唯有得佢裝修好靚，於是就睇睇有什麼食。店舖主打係韓國炸雞及便當。店舖的炸雞好好食，我買外賣去婆婆屋企食，路程相隔半小時，買返屋企食的時候，個炸雞仲熱仲脆，同堂食沒有分別，值得一讚。平時買返屋企食的炸雞，返到屋企食的時候已經淋晒唔好食，但係佢仲保持得好好食，值得一讚。他的便當都好吸引，賣相做到好似日式便當咁，材料新鮮。這個韓式魚湯感覺好似韓國的街邊檔，食得出啲貨全部都韓國入口。喺街市都搵到一間咁精緻的韓國小店，真係好難得。…查看更多

今日去開長沙灣探朋友，路過見到一間小小的外賣店，本身諗住買串小食，一路行一路食。之後返屋企食晚飯。點知諗知叫咗串串燒後，聽了老闆娘的推介，話他們的飯丼好特別，是他自創的，所以買了個飯丼試試。飯真係好有驚喜，好食過任何一間丼飯專門店。D飯好軟熟，感覺真係好似返咗日本食嘅飯一樣。之後同老闆娘傾傾吓，原來這間小店係家庭式經營，老闆娘同佢先生主力做廚房，12歲的仔仔平時會幫手。老板娘的先生本身做廚房管理，有多年的飲食經驗，加上他先生在樓上開遊戲專門店，放工後就在串燒鋪幫手。好明顯係靠這間店養活一家，所以我買多幾串食物及多一個飯，來支持他們。他所有的串燒即叫即燒，沒有偷工減料，即使炸。所以燒出嚟好香。五花腩及豬頸肉都真材實料，分量大，性價比高。店主的仔仔年紀少少，已經懂事，幫忙屋企，真係抵贊…查看更多

今日因為公事要經開鰂魚涌，做完嘢可以早走，今日就同朋友食咗間泰國野。間舖頭的老闆和老闆娘好熟口面。原來他們只是在灣仔某間大型泰國菜做樓面，怪不得咁熟口面啦！因為我之前喺灣仔返工。原來而家同老公開咗間小店係鰂魚涌。老闆娘同我講，原來佢老公之前喺好多大型泰國餐館做主廚。啲嘢食真係好好食，佢仲同我講，以前個老闆係咁留佢地，如果唔係佢哋自己出嚟開，佢話之前嗰間的老闆都唔會俾佢去其他餐廳做。個咖喱汁真係好香，值得一試呢個船麵好地道，真係食到係泰國街邊檔的口味，好食過好多出面專食泰國船河的專門店。因為間鋪啲嘢太好食，忍唔住買多個炒飯今晚做宵夜，個炒飯炒得好香。老闆對每一碟送好有要求，每一道都是即整即做。而老闆娘就負責飲品甜品。夫妻檔咁樣做，真係食得出泰國地道餐館的口味。…查看更多

今日去開馬鞍山探朋友，因為冇得夜晚堂食的關係，唯有自己買外賣返屋企食。朋友樓下有個裝修好的街市，開咗一間外賣店。這間餐廳感覺一般，冇咩特別。但食完之後嘢食非常有驚喜。同餐廳其中一個負責人傾計，原來佢話老闆對食物要求好高。 佢話老闆成日周圍食好嘢，食成$4000位都唔覺得出面啲嘢有幾好食。可以睇得出老闆對嘢食的要求有幾高。首先講吓個蝦餅，真係超好食，蝦好彈牙，聽店員講，個哈師傅每日即整，客人叫先落麵包糠，再炸。店員有同我講，佢話佢哋海南雞，高風時賣到每日30隻，食落去真係好有驚喜，海南雞好滑，食得出係用上湯浸的。真係酒店廚師先有咁好心機做。青咖喱飯，個汁好香，好好餸飯…查看更多