阿愁's Profile

將軍澳坑口TKO Gateway內部大裝修後,吸引了很多新商戶進駐，其中在商場地下原有的街市及郵局部份，大裝修後改建成一個大型美食坊。由於我是日本壽司控，一看見這間日本壽司店開業便打算要來試一下。它的裝修很有日本傳統壽司小店的風格，店內座位不多，是板前，深夜食堂的那種風格。店面林林總總的清酒，要不是午飯時間我一定要喝兩杯。店面很多魚生用料都有放出來，看似很新鮮，我點了幾款廚師推介的壽司試試。先來的是劍魚腩壽司，很有鮮味，油份也不錯，是個人的最愛之一。火炙左口魚裙邊壽司，火燒程度剛好，火炙後油脂感更佳。帆立貝壽司夠大件，也很鮮甜。火炙鵝肝壽司有驚喜，有入口即溶的感覺。火炙鰻魚壽司不過不失。特大牡丹蝦壽司很新鮮，爽口彈牙，是個人另一推介。當中最令我印象深刻的，是海鹽輕燒大吞拿魚腩壽司，及特上海膽軍艦；想不到在將軍澳也能嘗到新鮮的海膽壽司。這次小試牛刀後，己決定下次再來試試它的海鮮丼！…Read More

又好味有舒服的韓式烤雞 - Goobne Chicken中環一向都有好多高級餐廳選擇, 今日嚟到中環威靈頓街Goobne Chicken, 等左一陣坐低發現呢度裝修走簡約路線, 好有企理樸素嘅感覺, 坐得好舒服. 我同朋友拿起檯上的 menu 很快瞄了一遍, 二話不說就點左呢度嘅招牌菜－雙併烤雞同砂鍋魚糕湯.平時韓國炸雞就食得多, 烤雞就真係第一次. 呢個 Half & Half Special Menu 有分 tender 和 crispy 兩邊, 總之在其中一邊選兩款心儀的味道便可. Tender 有 原味烤雞, 韓式BBQ醬煙燻烤雞, 火山烤雞, 而 crispy 則有 甜辣烤雞, 果味蒜香烤雞, 黑椒烤雞. 我們點了原味烤雞併火山烤雞. 上桌後, 我地都急急咬了一口, 好正呀. 雞經過烤焗後油份少左好多, 但係照樣可以鎖住啲肉汁, 肉質唔單至更嫩滑, 而醬汁嘅辣味係漸漸滲出嚟, 愈食愈辣愈過癮⋯⋯鮮嫩多汁, 食到lam lam脷, 鍾意食辣一定要試吓! ! 烤雞另一配菜－酸白蘿蔔, 食幾件雞之後再食幾粒酸蘿蔔, 可以令口感清新, 仲可以解解膩, 成為左呢碟烤雞非常重要嘅配角.然後講返個砂鍋魚糕湯, 賣相唔錯而且配料好多, 爽口的雕魚板串和濃郁帶點微辣的魚糕湯聽說是韓國人常吃的料理之一. 近日終於有點冬意 當然是馬上飲翻啖魚糕湯啦. 湯底第一啖感覺清甜 後勁帶點微辣...飲完馬上渾身有股暖意～魚糕種類都有好多種 亦有韓式魚蛋 生菜做配料! 好好味呀.飲品方面就叫左杯酒精調配飲品－Corona Rita, 其實而家都好多餐廳有得飲, 我自己很喜歡食烤雞的時候飲少少啤酒, 而且因為支樽是倒轉的關係, 基本是陰D陰D咁飲唔會醉的 =) 抵讚!…Read More

以前係元朗已經飲過依間台式飲品店「沐白小農」，但因為太遠，只喝過一次。今年4月，正式於尖沙咀開設第三間分店。位置放便很多，就在K11後面。店入面的裝修也別俱一格。仲少有地有d bar枱位俾僱客坐係度慢慢飲慢慢傾計。最正係，就算自己一個都唔驚禁到個電話無電，店長很貼心配備charge電位置。欣賞這台式飮品店因為店主選用天然食材，絕無人工添加，令我飲到全天然的飲品。今天帶埋兩個朋友嚟一齊飲我哋叫咗大熱飲品黑糖波霸鮮奶和大甲芋頭鮮奶同埋好適合夏天飲嘅翡翠檸檬。「大甲芋頭鮮奶」真材實料的芋頭很有飽足感，攪拌後顏色帶著淺淺的紫色，喝起來非常香濃！芋頭口感細緻綿密，如芋泥的沒有顆粒感，芋頭香氣滿溢，不會太死甜，真的是芋頭控必喝。「黑糖波霸鮮奶」聽說是選用鮮奶、台灣黑糖和全天然蔗糖來製煮珍珠約兩小時，以使每粒珠都有淡淡的黑糖味，十分有咬口。喝起來也不會太甜膩。「翡翠檸檬」是夏天的首選。鮮榨檸檬酸酸甜甜再加上淡淡的綠茶香氣，令人感覺清涼又解暑。…Read More

油尖旺真係多餐廳到自己都唔試揀, 晚飯時間又到, 今晚OT完都唔知食甚麼, 想起之前同同事提過的土耳其餐廳, 就走了上去看看. JD Euro (Jade) Cafe & Bar 嚮海景絲麗酒店19樓, 算係幾方便, 我果日去到剛好不用等太久, 老闆很親切地讓我坐在靠窗邊的卡位.一坐低我地就叫了熱蘋果茶, 還有JD Euro Salad, 因為成日坐在冷氣房, 所以個人比較鍾意熱飲多啲. 老闆說在當地茶是人民最廣泛飲用的飲料. 離遠聞落已經很香. 配合蘋果的成份茶已經是相當甜, 不過老闆說如果需要的話, 也是可以加白糖的. 至於個 salad, 我覺得賣相十分不錯, 有沙律菜, , 粟米, 蕃茄仔, 青瓜等, 食落口都非常新鮮也很開胃. 主菜我 order 了香草蕃茄雞肉配飯, 一上檯發覺實物係9成9跟足menu張相咁, 雞肉的分量足夠我吃飽, 氣味都很濃很香, 我輕輕食左兩啖, 我自己就喜歡佢D 配菜十分鮮味, 飯粒也非常彈牙.最後老闆推薦了我試試米飯布丁, 那個質感很特別, 一試難忘. 而且小小杯的.....令人吃過番尋味.…Read More

好耐冇黎淘大，因為之前一路都冇咩野好食。但最近見朋友介紹呢間釜飯好正，所以今次專誠嚟試吓。呢度出名食鰻魚飯，淘大一絕鰻魚飯。個鰻魚燒得幾香，鰻魚表面有少少焦香嘅味道。鰻魚肉夠厚，軟熟。我估應該係條鰻魚最厚嘅部份。以百幾蚊食到咁嘅質素嘅鰻魚飯真係超值。同埋我見台台都叫鰻魚飯，啲鰻魚去得幾快、幾新鮮，呢個係信心嘅保證！聽講鰻魚汁係鰻魚飯個精華。依度仲可以任加鰻魚汁值得一讚👍依度用日本越光米，我相信好多人都聽過。淨係依個名一聽就知勁，仲要啲飯都唔少。加埋鰻魚汁簡直係天衣無縫天下一絕。我建議如果兩個比較細食嘅人，可以share一個飯再加一個小食。另外在叫咗個鐵板雞燒魂個雞扒好招積即叫即煎，都值得推介。塊雞皮煎得有脆又香口，雞肉亦都好軟熟。另外仲叫咗個梅乾手羽先，雞翼夠脆，仲有淡淡的梅香，令到成隻雞翼嘅味道昇華。呢度仲有啲emoji紙牌，可以比鍾意自拍嘅人用嚟影相留念，好適合年青新一代。總括而言呢間店有咁嘅質素以及價錢絕對可以再次光臨。…Read More

已經有一段時間冇嚟韓國街，啲鋪頭都唔同晒。咁啱今日朋友話想食韓國嘢，走來呢度逛一逛，就見到呢間oppa coffee bar restaurant就入嚟試一試。呢度環境唔錯喎，坐得亦都好舒服。其實呢到最出名係芝士，例如火山蛋漿熔岩炒飯和留心芝士小丸子，但係可惜朋友唔鍾意食芝士。所以我哋就叫咗三個無芝士嘅菜:魚糕湯、三色韓國煎餅和甜辣無骨炸雞。甜辣無骨炸雞無骨炸雞的外觀看起來其實有點像雞塊，我地都怕熱氣，所以兩人叫了半份。份量比我們想像中的還多不少，剛剛好。炸雞下面還有剛炸好的薯條墊底，好邪惡吖！炸雞表層的皮是比較薄的，沒有裹太多粉或是雞皮去炸，所以整體是以雞肉的口感為主，帶點少許肉汁跟甜辣醬。三色韓國煎餅始終中國人食飯都係要d澱粉質落下肚，所以叫左呢個三色韓國煎餅。三種味道包括泡菜、葱、南瓜味一次過試整曬，經濟又實惠！紅色泡菜餅酸辣清脆、綠色葱餅清香勁道、黃色南瓜餅柔嫩甘甜，外焦裏嫩，口感十足。魚糕湯因為食太多煎炸野所以叫咗個魚高湯清清地，消一消油膩嘅感覺。魚糕好夠魚香，質地柔軟，跟熱湯都好搭。在落雨天，吃著暖暖的串魚糕，喝杯熱湯溫暖一下，感覺很好。下次一定要試下佢d芝士名菜，見到隔離食真係覺得香噴噴！當然我哋點嗰三個亦都令人一再回味啦~如果大家下次都想黎，最好book定位。因為呢度入坐起計75分鐘要交枱。不過佢上菜都好快，所以75分鐘都會夠時間食，仲可以慢慢傾吓計添。…Read More

小弟最近工作忙了整整一個星期十分疲倦, 忙完後當然要獎嘗一下自己, 任食日式放題絶對是生命的調劑.總括來講, 燒魂一在TST的旺區, 地點方便易搵, 水準不俗, 下次當然要再來幫襯啦!一坐下來我很快就 order 了一下的食物:厚割牛舌 - 牛舌燒香後肉汁豐腴而極富牛香，質感嫩滑; 而且是因為厚切，口感更豐富.騷騷牛裡肌 - 這個可以說是必點的 item，油香同肉香兼備，略帶點騷味！燒的時候不用燒太久會更好食.深海野生大蝦 - 女友喜歡吃蝦也讚不絕口. 蝦肉也十分肥美, 入口回彈的感覺很不錯.日本宮城牡蠣 - 這個蠔是產地直送, 蠔隻肉厚肥美, creamy中又有爽脆, 未燒時聞落有海水味又滲出甜味, 可以話看得到吃得出的新鮮味道.炭燒 Coffee 煙肉焗蠔 - 焗蠔肉厚，鮮甜肥美，上面鋪滿煙肉碎，入口好香蠔味; 加上有淡淡的咖啡香, 一點都不覺得肥膩~奧斯卡豚后肉 - 豚肉肉質嫩滑，脂肪分怖適中.和風炒野菜 - 賣相ok討好份量也足夠, 椰菜頗為爽口也ok清甜, 不油不鹹, 適合晚飯後段order.鹽枝豆 - 枝豆軟熟, 表面灑左d鹽, 入口必出粒豆時同時食到表皮少少鹽, 增加一點味道, 讚.這裡 waiter 單反應超快, 常常主動清走食物碟, 食物上枱時間亦都夠快, 不會等候很久才有得食或出現漏單情況, 難怪每次黎都座無虛席, 預先訂位也是必然吧!…Read More

龍城冰室的西冷牛扒水準不錯, 推薦! 今天晚上OT到7點多, 打算在外面吃些東西便算. 同事阿姐說淘大果邊有間美味的餐廳叫龍城可以當飯堂. 因此便過條天橋去試試才回家.幸運地, 剛好有一台食客離開, 我坐下後便點了鐵板套餐內的招牌美國西冷牛扒配燒汁.跟餐我 order 了白餐湯和凍檸茶. 另外, 原來加$8可加配牛油豬仔包, 不過怕太飽, 所以沒有點到.說真, 這裡的西冷牛扒確是好味, 燒汁的濃度也很夠. 西冷牛扒我們叫了7成熟, 上桌時我可以用餐刀把肉切開, 內裏有紅肉但沒有血水, 而且更保留有肉汁. 整體來說這個鐵板餐我會讚好呢, 邊位有些煎肉的香味令我覺得很滿足.另外, 雖然是屬於快餐廳的種類, 這裡的餐湯和餐飲也毫不馬虎. 餐湯的質感很 rich 很 creamy 也夠熱. 而凍檸茶則甜度適中, 沒有刻意落太多的冰塊, 再加上有少少苦澀, 所以真係好正.最後, 剛才在餐廳門口看到有斑蘭瑞士卷, 心想可以第朝早當早餐, 於是便買了回家. 系咁易拿了一片來吃; 蛋糕質感算系好鬆軟, 斑蘭味都夠香, 值得推薦.整體說, 這裡的食物都在大多港式餐廳的水準以上, 而且餐廳內的環境都很整潔. 雖然今晚只是普普通通的晚餐, 原本只是隨意找間餐廳, 不過卻出奇地感到驚喜呢.…Read More

今次嚟咗依家炮台山地鐵站對面嘅茶餐廳叫做表哥茶餐廳睇落門面光鮮坐得舒服所以就揀咗依間茶餐廳食第一次嚟食茶餐廳野真係要試吓去啲煲仔菜啦第一樣就叫咗個沙嗲牛肉粉絲煲個味道都唔錯有浸花生醬味道啲牛肉都林好入味同埋入晒味嘅粉絲送飯一絕第二樣叫咗個炒通菜啲通菜都嫩同好入味又係一個送飯嘅小菜仲嗌左一個叫黑醋雞花球嘅小菜個黑醋味調得好好佢係炸完先去撈黑醋我建議要即刻食因為炸都脆係一個幾開胃嘅菜野中國嘅山楂骨有意曲同工之妙常便飯得來，d菜又幾有特色，值得下次再試其他小菜。…Read More

最近在附近的餐廳食午飯覺得吃了太多次, 於是上網搵餐廳食飯. 眾裏尋他 一眼就比紅煮意的食物照片吸引到, 於是在油麻地電影中心買了戲飛後便即刻黎食野.首先餐牌上好 user friendly 咁有新品推介以及人氣菜色推介呀, 對於我呢 D 懶人來講真係方便.我和友人分別選了 "海鹽燒加拿大比目魚扒襯香草忌廉汁及配菜", 和 "炭燒紐西蘭西冷牛扒襯燒汁芥末及配菜", 兩份都是跟餐的. 跟餐其實都只是加多$20左右便可以有法式烤包, 餐湯或沙律, 以及冷熱飲品了.落了 order 後才有時間細心看看餐廳的環境, 呢度雖然是在電影中心旁邊人流密集的地方, 但由於是樓上的關係, 氣氛都很舒服而且也不會聽到外面的嘈吵聲, 呢度好適合朋友傾計！食野啦, 比目魚配飯真係好香, 廚師把比目魚塊煎得帶點金黃色放在碟的中間, 好美觀. 然後我也看到沙律菜和白飯交疊一起很豐滿的樣子. 很快的時間我便把魚塊放入口中, 魚肉很滑溜也很香口, 比起之前食過的餐廳, 一定是水準以上啊.至於牛扒, 我們點了5成熟, 上桌時我可以用餐刀把肉切開, 肉質十分嫩滑, 而且更保留有肉汁. 咬落十分鬆軟, 邊位有些煎肉的香味令我覺得很滿足. 整體來說這個牛扒我下次有機會的話都會再點呢. 由於我們很快就已經把兩個主菜都吃了, 所以我便又 order 了一樣小食, 那就是 "三重芝士焗黃金石蠔(2隻)", 這個吃了後覺得都是值得推介的, 雖然等候時間都需要大約 10-15 mins, 但是食落口都很濃芝士味, 而且蠔又比較大隻.…Read More

頹飯招牌安格斯薄牛肉飯認真識食!近日和同事在中環工作時, 經常被附近的頹飯 le hea rice 的門面吸引住.我發覺永遠都係有一堆人嚮門口等外賣, 所以心入面真系好想去試一試.幸運地, 這天下午來到剛好有上司比我出去買lunch 先, 我一去到餐廳便同經理哥哥講話要一客招牌安格斯薄牛肉飯.招牌安格斯薄牛肉飯只要加少少錢便可以有紅豆冰, 收銀姐姐好細心介紹話配話黑椒汁應該唔錯, 咁當然係要聽下人家既意見啦 ^^.返到鋪頭後, 第一時間打開個飯盒, 哇! D黑椒汁色水真係好靚 而且又聞落好香令人口水直流. 立馬食了一啖, 說真, 這裡的午飯確是好味, 先講個飯, 十分軟熟而且有種淡香, 比很多茶記果D半生熟飯完全唔系同一個層次.然後個安格斯薄牛肉呢.. 分量多唔在講, 連D肉都係有少少肥糕, 卻十分煙韌! 如果喜歡食牛肉飯的朋友, 大可以前來試試.整體說, 這裡的食物都很美味, 而且餐廳門面的環境都很整潔.雖然對很多人來說只是普普通通的下午飯餐, 不過卻出奇地感到驚喜呢.…Read More

上星期在fb看到有朋友來試過, 十分吸引, 所以今天一有空就來幫襯.店鋪門面相當簡潔，而店內白色的牆壁上，除了掛上店內法式甜撻和樂隊們唱片封套的相片外，還有樂隊們親筆簽名的紙盒，好正~檸檬榛子朱古力撻呢個食落好似食緊新鮮原個檸檬咁，好適合剛剛飯後用來中和油膩的感覺，食落一股醒神芳香的檸檬味充滿食道，一面食我自己意面讚話好清新呀！雖然怕酸者可能不太習慣, 但是比坊間食過的檸檬撻的味道來得清香.唔知係咪檸檬味比較重和偏酸, 師傅在撻的上方放了三小瓣軟身的榛子朱古力，似乎希望用朱古力的甜來平衡檸檬的酸，呢個配搭可以豐富味道，讚!杏仁杏桃撻由於友人很喜歡杏仁的關係, 事先已經會選擇買呢個. 這個撻的面層撒上有杏仁果碎與杏仁糖霜，食落口感覺很豐富. 如果呢個撻有 birthday cake size 的話就好了.香橙伯爵茶撻呢個撻比較有趣, 有件橙坐左嚮件餅上面 XD 撻面有層伯爵茶慕絲，坐落在塗滿香橙醬的撻皮上，賣相精緻，味道和質感也具很多層次，吸引。另外, 在選購的時候, 師傅告訴我門這款撻是由於重點在於每日新鮮手製，平日到中午已經賣曬，所以可以話係必食 XD黑芝麻抹茶撻無可否認實在太多人喜歡抹茶喇，而且呢個撻仲揀左京都宇治抹茶粉所製。整個撻更不止單一抹茶味這麼單調，佢更特別的搭配了黑芝麻！個人體驗是要一啖咬到底，咁先食到抹茶同黑芝麻兩種味道。4個撻入面我最喜愛呢個, 佢整個結構係一層方形的抹茶，朱古力撻皮內係芝麻醬既蛋糕，最上放了一顆朱古力作點綴，層次感豐富，賣相好吸引！入口時我覺得抹茶味濃郁，而係黑芝麻的質感和味道配搭係幾得.…Read More

第一次嚟大角咀呢個Square Q。朋友介紹嚟到呢一間氣氛好好、裝修華麗、樓底又高的大角咀酒吧連餐廳。第一次嘗試有live Band表演嘅餐廳，這裡逢星期二至六的晚間及星期日傍晚，都會邀請本地歌手組合上台表演，十分特別。來到這類餐廳，當然要點下常見的薯條、雞翼等酒吧小吃。聽說這裡大廚曾在法國學廚，醬汁全是自家調配，味道鮮香濃郁。我地點了一個西班牙豚背油炸薯條，是用西班牙豬背油來炸，入口多了分油香。份量亦都好多，最後都食唔晒。另外，愛辣的我被九龍城雞翼的醬汁吸引，好正。店員介紹因爲九龍城區內，泰式餐廳和雜貨店林立，而呢個雞翼就淋上以南薑、香茅和是拉差等泰式材料烹調而成的九龍城汁，讓人回想起九龍城的特色。叫jor杯 La vie en rose,似玫瑰花茶都ok~食物價錢在大角咀區來說算ok，不過支持本地歌手的同時，又能嘗到美味食物，絕對值得捧場。…Read More

終於有機會試呢間馬辣鴛鴦火鍋，係大鴻輝中心8樓，易搵。最鍾意任食火鍋，呢度環境好寛敞，仲有好多卡位，坐得好舒服，好適合一家人或者一大班朋友一齊嚟暢飲暢食。 $158任飲任食兩個鐘，好抵。夜晚九點半後來仲平$20添。呢度仲有免費Wi-Fi。其實好想試佢個麻辣湯底，但係因為喉嚨唔舒服，所以叫左筦茜同埋沙嗲湯底，都好好味。最鍾意係e到有新鮮包嘅餃子，皮薄餡靚，大大隻！同埋有獨立包裝嘅韓國拉麵除咗一般任食火鍋店有嘅凍飲之外，佢啲熱飲都好正。有兩部自動熱飲機可以飲咖啡、奶茶、朱古力。另一邊，仲有茶包同埋乾花可以自製花茶，清一清打邊爐嘅熱氣。甜品部都好正，雪糕有好多唔同嘅味道。個人最喜歡青檸雪杷，食得出係自己新鮮整出嚟。仲有細細件cake, jelly, creme brulee, 麵包布丁,小朋友食得特別開心。…Read More

中環一向都有好多韓式餐廳選擇, 今日嚟到中環蘭桂坊附近的 Sodam Chicken, 等左一陣坐低發現呢度裝修走酒吧潮格路線, 無咩拘束嘅感覺, 坐得好舒服. 我同朋友拿起檯上的 menu 很快瞄了一遍, 二話不說就點左呢度嘅2人套餐, 話曬一個價錢可以試盡雙併炸雞wor.呢個 combo for 2 的無骨炸雞有好多選擇, 例如有正宗的韓式, 常見的蜜糖芥末, 甜酸和辣味, 又有比較特別的口味如雪花芝士, 檸檬柚子和黃金鹹蛋. 我們事先已經很想試這裡的檸檬柚子和黃金鹹蛋. 上桌後, 我地都急急咬了一口, 好正呀. 雞塊雖然炸得很金黃但油份不是很多, 而伴醬汁嘅檸檬柚子味係漸漸滲出嚟, 愈食愈過癮⋯⋯鮮嫩多汁, 食到lam lam脷.至於個換金鹹蛋, 鍾意食蛋黃香既一定要試吓!! 雞塊外面很脆很鹹香, 但是入面卻充肉汁很嫩滑, 感覺上令整個感覺很平衡.而另一配角炸薯條, 條條都很粗很長很多薯肉, 食落外面爽脆入面軟綿綿, 然後飲一啖即場追加的 Hite Bomb (即是啤酒加燒酒), 令到呢個環節成為左呢餐非常重要嘅配角.最後, 我地又叫左熱帶風情薄餅, 薄餅本身有層滿滿的蕃茄醬+菠蘿+火腿+蘑菇的 dressing, 十分野味. 而整個 pizza 都比水牛芝士覆蓋著, 有少少罪惡感tim XD值得一讚是餐廳經理全程同場走, 但是都很有禮貌解答我們的提問和要求, 比個 like 呀.…Read More