肥肥婆仔仔's Profile

上網睇到人地讚凱施餅店既蛋糕好食左, 今日舖蛋糕癮又起, 於是就去凱施餅店買左呢個芒果熱情果蜜糖忌廉蛋糕 ($112) 回家試試. 呢個蛋糕個賣相都相當吸睛, 蛋糕底仲係我鍾意既朱古力蛋糕! 開頭以為面果浸D橙黃色生果有晒芒果同埋熱情果喺度, 原來面果浸得芒果, 熱情果係攝左喺蛋糕夾層既cream入面! 咁多粒芒果都幾香甜, 而D熱情果就酸酸甜甜, D生果感覺都OK新鮮咁! 朱古力蛋糕食落去夠鬆軟, 同埋蛋糕夾層入面原來仲有D細細粒既朱古力脆豆, 咬落去加左D脆卜卜既口感, 口感即刻豐富左. 而呢個蛋糕嘅亮點, 絕對係D白雪雪既忌廉! 忌廉質感超輕盈幼滑, 仲要每食一啖都有陣蜜糖既味道, 但又唔會覺得好甜溜, 真心幾正!…Read More

之前聽過同事話呢一間米線好味, 所以早排有晚就過黎呢度食, 佢D米線份量有大/中/小揀,  我唔係好清楚D份量有幾多就叫個中size試下吧. 我叫左麻辣雞米線 (中size) ($32), 本身落單時有問店員有冇得揀辣度, 但原來只有一種辣度.而呢個雖然叫“麻辣雞”, 但我由開始食到最尾...好細心咁樣食...都完全食唔出有任何麻辣味一味得個死辣..仲要係好辣下....麻辣雞除左有D雞肉, 仲有唔少洋蔥. 其實呢味餸個味道係唔算差, 但係就好好好油膩... 而且最重要既麻辣係完全唔合格...或者就咁叫辣雞米線會適合D吧!…Read More

好耐冇黎茶木食喇, 今次想食飯所以冇叫到佢既名物"蜜糖磚塊", 反而叫左款肉燥飯試下. 我揀左炸雞排肉燥飯,  單點要$68再加一, 價錢唔算平, 但黎到發現都叫做值回票價啦, 因為賣相好好之外份量都好多.塊雞排比想像中巨型得多, 大大塊仲要幾厚下, 而且係即炸仲熱辣辣架! 塊雞排炸到外脆內軟, 肉質都幾嫩滑, 咬落去口感正. 而肉燥味道都正正常常唔差, 撈飯食唔錯. 伴碟仲有涼拌青瓜同埋半隻滷蛋, 整體味道都唔錯, 下次都可以再黎食過.…Read More

早排見屋企附近既商場有沛公甜品擺檔, 就買左呢個芒果千層班戟 ($20) 做飯後甜品. 好耐之前食過一兩次都覺得唔錯, 但今次食完都幾失望, 好似同以前唔同咁, 唔知係咪做緊優惠價既緣故...每層既蛋皮仲係薄薄一塊, 但食落竟然冇乜蛋香味, 唔知食緊一塊乜野咁...而蛋皮同蛋皮之間夾住好多忌廉, 真係超多忌廉, 忌廉算滑, 但因為食唔到蛋皮既蛋香味, 所以每啖都剩係食緊齋忌廉咁, 我本身都幾鍾意食忌廉既野, 但都覺得好"漏"下! 芒果粒亦都幾少....整體唔多OK...食完呢個甜品都冇開心既感覺....…Read More

第一次黎呢間"老爹茶居"食, 聽個friend講都開左喺馬鞍山呢區好多年, 以前係商場入面但近年就落左地舖. 間餐廳環境都唔錯, 樓底夠高幾舒服, 坐近窗邊有落地玻璃咁. 我就叫左款午餐粟米汁炸龍脷柳飯試下 ($50包飲品再加一), 價錢還OK啦, 不過午餐就最好唔洗加一...塊龍脷柳比想像中細塊少少, 不過勝在塊魚柳應該係即炸既, 咬落外脆內軟都幾好味. 粟米汁就得好少, 因為唔夠撈飯食所以要叫侍應加汁, 好彩個侍應都樂意拎多少少汁比我既,  而個粟米汁味道都唔錯! 整體都OK, 隻碟又幾靚, 個地方都適合約朋友食下飯傾計.…Read More

早幾日去開銅記, 就諗起好耐冇食過半熟芝士撻了, 特登行去駱克道嗰邊買返一個食! 幸運地撞岩出爐無耐, 拎上手仲係辣手架, 未咬已經聞到香味. 影完張相即刻要開動咬一大啖~但太熱有少少辣親咀.....奉勸各位食既時候要小心慢慢吃, 唔好好似我咁猴擒.內裡既半熟口感芝士餡真係好好味, 質感好得意, 好滑溜好鬆軟兼入口即溶,  最好係佢並唔係"流心"嗰種效果所以唔會食到好"呢 hea" . 味道上都有好香既奶味和芝士味, 芝味香濃, 甜度也OK! 除了個芝士餡抵讚, 撻皮也無令人失望, 仍然保持到鬆化香脆口感, 焗得好靚, 令到成個芝士撻口感有晒層次.呢兩年黎食過好幾間既芝士撻, 都係呢間最值得返轉頭. 付出$22便換來開心和滿足, 值!…Read More

前排有晚路經呢頭, 見到有間裝修幾光鮮既海皇粥店, 門口楝左個牌有臘腸糯米飯食....都好耐冇食過就食下啦! 除左有單嗌臘腸糯米飯($31), 仲有個臘腸糯米飯套餐有埋油菜和豆漿($43), 因為想飲野, 我就叫左個套餐啦.海皇粥唔係主打臘腸糯米飯, 我都冇抱太高期望, 可能就係因為冇期望所以都冇失望, 糯米飯份量望落都較少, 對我來說份量剛好, 但如果男士就可能唔夠食. 味道唔差, 食落去唔會好油膩成口油咁, 糯米飯既軟硬度亦都適中, 最唔好既地方就係唔夠熱, 只係暖暖地... 相信熱D既話一定好食好多! 反而跟餐既油菜就好大碟, 生菜幾爽, 硬係覺得出街食既油菜好食過自己煮既...豆漿都幾香豆味, 整體都幾好…Read More

第一次入來食嘢，環境光猛，裝修不錯。由於已經是下午四點多，只有一兩枱食客，我一位都可以坐卡位～看看menu，這裡主打的是湯飯，但距離吃晚飯時間只有三小時左右，今次就先點碗米線吃～我叫左一款“蕃茄湯雞肉米粉“轉米線，飲熱奶茶。蕃茄湯雞肉米線，湯底都ok，食完唔覺得好口渴，唔會好鹹，但menu相片上面的一塊塊蕃茄就欠奉了，只見到一兩粒蕃茄籽。。這裡的米線屬粗身款，幾滑不過就稔身啲。雞肉有好多件，每件都大大件，但味道唔新鮮，有陣怪怪的味。。雖然我知道一定係急凍雞脾肉切件，但其他米線店食都唔會有呢隻味道。。 而熱奶茶茶味濃，奶味濃啲會更好，入口唔算滑，屬普通水準。反而要讚一讚這裡一個男侍應服務幾好，主動有禮，另一個女侍應的服務就好一般了。…Read More

前排路經美心西餅, 見到有款牛乳甜品杯, 個杯幾靚有乳牛pattern又白雪雪咁都幾吸睛, 所以用餅卡換左兩杯再加杯芒果甜品杯回家做飯後甜品.牛乳杯入面主要係牛乳奶凍, 奶凍上面有舊細細地既cream, 上面插左一張乳牛紙卡仔, 感覺有少少唔環保.  奶凍牛奶味幾香, 質地頗軟滑, 如果可以再滑溜D就仲正, 但勝在唔會太甜, 而底層仲有少少海棉蛋糕, 海棉蛋糕都算鬆軟, 所以$16一杯都試得過. 至於芒果甜品杯比左屋企人食, 聽佢評價就一般般啦, 芒果粒都幾酸.…Read More

Chocolat Double 朱古力雙層芝士蛋糕, HKD220/pc, 個蛋糕尺寸比我想像中要細, 睇leaflet介紹上層係半熟芝士蛋糕, 呢一層口感還可以, 都算幾滑,芝士味就確實係太淡..個人認為佢個軟芝士同鮮奶油既比例真係需要調整一下.  而下層就係由芝士同朱古力做既烘焙蛋糕,  口感都係同平時食開既new york cheesecake差不多, 冇乜特別, 而呢一層既味道...我食到好甜好甜既朱古力味..對我來說真是太太太甜了..而芝士味就相對地顯得更少之又少了.  吃完整個也仲未感受到 leaflet上所講的"醇厚的可可芳香與濃醇芝士" .. 以這個價錢黎講, 這個質素真係麻麻地....所以, 試原味的興趣也隨之減退了..…Read More

尋日lunch time 比同事帶左黎呢度食, 叫左個吉列魚柳漢堡set lunch (價錢$69 另加一), 入面除左有個漢堡包之外, 仲有啲薯條同埋沙律菜, 同埋有個是日餐湯和飲品. 西餐來說價錢屬中等啦.個是日餐湯應該係雜菌忌廉湯, 可能我本身唔太喜歡飲呢種雜菌湯, 所以覺得麻麻地 味道太濃了, 我飲左兩三啖就放棄了. 而個吉列魚柳漢堡, 入面有一整塊芝士和生菜, 仲有一塊香脆的吉列魚柳同埋他他醬, 味道都幾好, 吉列魚柳炸得脆脆咁, 熱熱地, 食落口口感味道豐富.   至於啲薯條就唔多脆, 質感軟軟地, 鍾意食脆口薯條既人未必like, 不過我就偏偏鍾意呢種軟皮蛇薯條沙律菜就冇乜特別, 都幾新鮮既.要注意的是這間餐廳上菜比較慢, 如果lunch time得一個鐘的人就要食快D或者行快D喇.…Read More

今日去左屋企附近間凱施睇下買邊款生日蛋糕為母親慶祝生日之際, 竟然見到凍櫃入面有一樽樽布甸賣  (我一向以為這間餅店只售麵包和蛋糕)...最鍾意食呢D一杯杯既野, 價錢又唔貴, 就買左杯焦糖香草雞蛋布甸試下啦.返到屋企立即試下, 一打開樽蓋已經聞到好香vanilla味, 幾吸引！馬上食一口, 口感是意料之外的正~ 質地幼滑, 口感軟綿綿creamy, 最緊要係甜度恰到好處,  好好味!  食到最底有一層薄薄焦糖, 以香濃焦糖味作結. $13有如此質素, 我覺得好抵食! 絕對值得再幫襯～下次會試埋另一款綠茶紅豆布甸 …Read More

這個安格斯系列的"美式蘋果"漢堡剛推出了幾天, 我就去試下了~ 水準以$36一個餐黎講算係認真不錯, 個包幾大個, 入面有大塊蕃茄, 成大條煙肉, 牛肉, 牛肉底下的醬汁, 好多生菜, 沙律醬, 芝士同埋爽口蘋果切粒. 塊包的口感比平時食開的麥記包硬少少, 塊牛肉就有少少乾左啲, 不過overall算幾好味, 食完又好飽,  買呢個餐仲有個焦糖新地的coupon送, 幾抵食!!…Read More

要數大圍的米線店..除了譚仔, 就是這一間"雲南真米線".  今晚就點了吉列豬扒小鍋米線(麻辣湯底小辣).豬扒係即炸的, 入口夠熱, 口感都可以, 唔會太厚炸粉, 味道都幾好味. 旁邊有酸甜醬可以點來吃, 但我覺得就咁食已經好夠味了.  米線湯底尚可, 不過其實呢間既辣度真係幾辣, 唔講以為食緊中辣!! 好彩辣得黎都幾惹味幾香,  唔會太鹹,  (不過對於如果唔食得辣的人 我建議叫BB辣或者無辣)... 湯底入面既配料都係常見既肉碎芽菜韭菜. 一碗米線份量對於我來說是剛剛好, 男士食的話有機會嫌細碗~ 米線質地幾彈牙! 服務來說, 就非常麻麻...通常你一坐下, 阿姐就會即刻企在你面前好似要你即刻要落單似的..完全唔比時間你睇下餐牌..感覺有點被人催迫...…Read More

早排一個下晝嚟咗阿媽靚湯食嘢, 不過天氣咁熱就冇飲靚湯,  叫咗原味紅豆沙冰+豉油皇雞脾下午茶餐, 廿蚊真係好抵食! 一送上來已經聞到好香, 因為隻雞脾是熱辣辣的, 雞脾幾大隻, 真係好入味但又唔會過鹹. 入面肉質都幾滑, 唔會鞋~ 而紅豆冰雖然稍為有點淡, 再濃啲會仲好飲, 不過都算還可以, 同埋都有好多紅豆! 我留意到佢仲有好多款其他味嘅紅豆冰....下次都有興趣會試埋!! 同埋如果唔夠食的話, 仲可以加$9要半份西多士, 我見到其他食客叫左 賣相都唔錯!!…Read More