阿啦's Profile

最近成日食火鍋，今次揀左間120分鐘任食台式火鍋，分別有lv 1, 2 及3，價錢$278-488，我地揀左lv2，因為除左任食牛肉，仲有任食海鮮，最吸引我的是九節蝦、蟶子皇、鮑魚、廣島蠔......，飲品更有啤酒、韓國燒酒及台式特飲。20款湯底真係款款都想食，所以揀左鴛鴦湯底，田園蕃茄濃湯牛肉，有濃濃蕃茄鮮甜味，加上牛肉的肉香，好正。日本壽喜燒湯，又香又甜好夾肉類。掃碼下單任食，調味、飲品及雪糕是自助任食。美國Prime Grade 極上牛頸脊，肉質鮮嫩，油花均勻，口感彈牙多肉汁，滿口牛脂香氣。Prime Grade 牛肩胛肉，中間有條筋，肉質結實，但切薄片涮熟，口感柔軟，牛味濃郁。西班牙伊比利亞黑毛豬，估唔到肉質嫩嫩彈彈，冇渣又滑溜。海鮮好吸引，比較少火鍋任食有齊幾款海鮮任食，而且高質。九節蝦非常爽口彈牙，蝦味突出。海蝦鮮嫩爽彈，肉質細緻。蟶子皇好大隻，而且又爽又脆，嫩滑多汁。鮑魚柔軟易咬，新鮮好味。廣島蠔脹卜卜好肥美，又滑又嫩，蠔汁鮮蠔膏濃，仲要唔腥。沙白蜆飽滿無沙，爽口鮮甜。火鍋配料都有好多選擇，黑毛肚特別爽脆，鴨血腍滑，手工牛丸夠彈牙，三星蔥貢丸好重蔥香，爆醬濃芝牛丸超多拉絲芝士好正，手工黑松露墨魚滑爽口彈牙又鮮味，稻庭烏冬又滑又煙靭。羽衣甘藍吸哂湯汁又唔靭，好好味，唐生菜新鮮爽脆，響鈴唔油仲吸湯汁好味道。Movenpick 士多啤梨味，酸酸甜甜又有果肉，雲尼拿味好香甜滑溜，勁多雲尼拿籽，好香好正。Dreyer's 芒果雪糕，好香芒果味，質感綿滑，好好味。…Read More

今晚係銅鑼灣睇完戲，見夜附近見到有串燒店，好岩我地晚上食少少野，不過實在太好味，最後越叫越多，好飽好滿足。食完覺得要推介一下海鮮類，估唔到晚上都食到好味海鮮，生蠔同扇貝都好好食。即開新鮮蒜蓉大生蠔 $35/隻生蠔夠哂大隻，蠔肉肥美脹卜卜，邊位爽口好咬，燒得香口又帶有鮮甜蠔汁，加左蒜蓉好惹味。香濃芝士扇貝帶子 $75/2隻熱辣辣勁香芝士味，扇貝彈牙嫩滑，旁邊芝士咸香，配埋個醬汁甜甜地好夾扇貝，超正。紐西蘭羊架 $45羊架厚切唔會好肥，羊肉有咬口連住邊位少少脂肪，好香好正，而且唔會羶，加上孜然粉調味剛好。蒜蓉金針菇 $45賣相平平但入口好蒜香味濃，金針菇吸哂醬汁同蒜味，而且份量都幾多。芝士原條茄子 $45茄子好大碟，因為用上原條茄子，好多肉好正，燒到茄子軟腍，加上大量拉絲芝士，咸香芝士味重，每啖都係芝士同茄子。薄切牛舌 $25，唔薄仲感覺幾厚身，燒得乾身，邊位爽口中間厚肉位置軟腍，調味粉都好香。肥牛金菇卷 $28，又係好正，滿滿調味粉，傳來陣陣香味，肥牛油香加爽口金菇，配啤酒一流。免治雞肉棒 $20，我地叫左每人一串，係雞肉碎同加左d軟骨，增加咬口，味道同口感都好味。墨丸 $22，大大粒好彈牙，再燒得香口d 更正。川北炒粉絲 $68好夠鑊氣好香呀，超大盒，粉絲吸哂醬油調味，咸度剛好，炒得乾身唔油，有腸仔、胵蛋、雜菜......幾多配料，食完好飽肚。…Read More

今晚同友人食定量火鍋，比起一般任食，呢款套餐定量主要肉類，但可以任食火鍋配料、飲品及雪糕，相對地價錢較低，我覺得性價比高。套餐有A-H $128-188，我地揀左B 餐 $138 有Prime Grade 牛肩胛肉及無激素豬肉片，90分鐘任食任飲。湯底有12款選擇，我揀左藥膳椰子雞湯，好香椰子味，湯底清甜不膩，越食越顯奶香。友人不食藥膳，所以揀左日本壽喜燒湯底，甜甜地好夾牛肉。每人都有1份牛肉及豬肉，不過自助火鍋配料之中，有沙茶牛肉、雞腿肉、魚柳......肉類，都是可以任食。Prime Grade 牛肩胛肉，柔軟好咬，牛味濃郁。無激素豬肉片，嫩彈多肉汁，配柚子醬油或芝麻醬都好正。沙茶牛肉大塊又入味，仲好嫩腍。雞腿肉超大隻，啖啖肉又嫩彈。魚柳柔嫩不腥。蔬菜有幾款選擇，新鮮乾淨，當中更有貴價的羽衣甘藍。丸類都很台式風味，金沙魚丸有爆醬咸蛋，芥末魚籽丸刺激味蕾，魷魚羹好爽彈，黑松露豬肉丸好香松露味，食左10粒超正。飲品選擇都很多，而且有冷/熱飲，另外，掃碼下單都可選擇任飲的台式特飲，水蜜桃錫蘭紅茶，有果香，微甜好飲。愛文芒果茉莉花茶，茶清香甜。雪糕都很多選擇，MOVENPICK 的椰子味很少見，椰香清甜，而雲尼拿仍然咁香咁好味。另外海鹽味同豆腐味都吸引。DREYERS 的芒果味都果香滿滿好香甜。…Read More

今日帶朋友來慶祝生日，揀左一間有手切潮汕牛肉的火鍋店，有A, B & C 不同價錢的放題選擇，價錢 $198-388 。我地揀左 B潮汕牛肉放題 (150分鐘任食任飲)，送海鮮拼盤，勝在放題時間較長，可以慢慢食，我地亦被手切牛肉吸引來。取火鍋配料時，見到師傅即場手切牛肉，而且擺盤都好靚好用心。八款湯底可選，我地當然揀[招牌潮汕牛骨湯]，有陣陣牛肉香，肉湯已經好飲，用來涮牛肉，味道更濃郁，最後食白蘿蔔都超正，吸哂牛肉味又有牛脂香，清甜多汁唔膩。手切牛肉有 五花趾、吊龍、匙柄、雪花、牛胸油，全部都涮5秒，入口嫩滑多肉汁。細心地令款牛肉都有紙牌仔注明部位，鐘意邊個部位就再追加。五花趾爽脆有嚼勁，帶少少筋好好咬。吊龍脂肪較少，但肉味夠重。匙柄肉質細膩，軟嫩易咬。雪花好柔嫩又重牛油香，入口即化。牛胸油最爽口，又重牛脂香，但竟然唔油膩。海鮮拼盤的鮑魚好彈牙爽口，桶蠔好肥美脹卜卜，蠔味濃郁唔腥，超正推介，海蝦新鮮爽彈肉質扎實，沙白都大隻好味。美國特級牛板腱中間的筋位不硬，易咬又有肉味，特級肥牛脂肪超多，鐘意油香肥牛就岩食。手工墨魚滑好彈牙味道鮮，手工黑松露蝦滑唔算好彈，但就好香黑松露味。手工餃子有三款，韭菜鮮牛肉餃好似牛肉球咁正，鮮蝦水餃皮薄蝦肉爽口，芹菜豬肉餃肉嫩多餡。生炸南乳雞翼好香脆且不油膩，最重要唔乾，雞翼仲好多汁。手工咸蛋黃魚皮，好好味，超多咸蛋碎好咸香，脆卜卜好味。紫菜響鈴更加要食，比一般響鈴更正，紫菜味好濃好香，響鈴吸哂湯準好食。飲品好多選揀，較少見放題有紅酒白酒任飲，另外也有啤酒，我地揀左花茶類，清爽解膩又唔太甜。雪糕櫃有6-8款不同牌子/口味雪糕，必食朱古力同奶茶味，脆皮雪條同甜筒都好多人食。…Read More

荃灣新開不久的CAFE，開揚的落地玻璃，座位都有距離感，坐得舒服，又享受到美食，同友人飲啡暢談的好地方，CAFE 除了意粉及主食，飲品也很多選擇，我被手工意粉吸引來的。是日餐湯是甘筍湯橙黃色的甘筍溫熱順滑，清甜不膩的湯，飲完更開胃。松葉蟹他他好多松葉蟹肉，自己拌勻蕃茄粒同牛油果蓉，有蟹肉鮮味同蕃茄清新的味道，牛油果軟滑令食材融合一起，配爽脆沙律菜食，味道很好。蟹黃醬手工意粉蟹黃醬很豐富多料，蟹黃好香，味道濃郁，配上手工意粉，柔軟彈牙且有嚼勁的口感很好，意粉好重蛋香，食完令人回味，我覺得比一般意粉更掛汁更正。紅酒燴牛頰肉配砵酒汁牛頰肉原來入口好柔軟多汁，CAFE做得好好，因為牛頰肉兩面都焦香甜美，脆甜的醬汁包著軟熟的牛頰肉，加上砵酒香味，估唔到CAFE 都整到咁高質，配菜的薯仔及蔬菜都很美味。Pistachio Latte材料有Homemade Pistachio Paste, Fresh Milk, Cream，自製開心果醬混合牛奶，味道濃郁香滑，開心果味突出又濃厚，重點係唔會太甜。另外仲有一款是加了咖啡，我諗一定好好飲。Pink Mix (蘋果西柚香橙檸檬汁)果香四溢，酸酸甜甜的清新味道，開胃又消膩的飲品，維他命滿滿。Tiramisu賣相好靚，入口好滑順，手指餅鬆軟濕潤，有咖啡及朱古力味，層層交織的口感，輕盈不膩的甜品。…Read More

男友book左呢間90分鐘任食牛扒嘅餐廳，$298/位，任食三款［澳洲和牛］牛扒、湯、沙律、薯條及即煮意粉。仲可以飲品加$50無酒精，加$100有酒精，海鮮拼盤加$130，但我地無加，專食牛扒，睇下抵唔抵食。牛脊肉，最好咬，牛味最濃郁，個人最喜歡。燒牛肉，細嫩少脂肪，燒得好靚。牛冧肉，最腍嫩柔軟，燒烤香味重。沙律好清新爽脆，酸酸地消膩開胃，我點左4次。南瓜湯偏甜，溫和順滑。麵包烘熱，加牛油好味，牛油好細滑。薯條係粗薯，炸得脆口，薯味突出，襯熱食，凍左麻麻地。食到中段，會有侍應拎意粉出黎分俾客人，要幾多可以同侍應要求。忌廉意大利雲吞，好creamy，餡料係芝士，好味香草蕃茄牛面肉大通粉，蕃茄醬汁惹味，牛面肉好咬口，大通粉彈牙掛汁。最後仲有青口大通粉，太full無拎到。…Read More

今日慶祝男友生日，由於佢好鍾意牛扒，所以今次冇揀dinner set，因為我地揀左有優惠的牛扒拼盤，好豐盛的600g牛扒。600克牛扒拼盤 $588，有2款配菜及3款醬汁。成個畫面係牛牛牛，好豐盛好滿足，我地2個人竟然食得哂。澳洲牛胸腹扒，帶點筋膜，紋理較粗，但煮得已經較嫩，很有咬口，且牛肉味濃郁。阿根廷安格斯肉眼牛扒，柔嫩又多肉汁，烤得外香口，肉質好好。澳洲和牛牛脊肉，肉質非常細嫩滑嫩，而且脂肪少，所以相對地牛味唔太重，係優質牛肉部位。醬汁有3款，分別係帶有酒香的白蘭地醬汁，還有富有牛油、香草及香料的巴黎牛油汁，以及法式芥末。前兩款醬汁都很夾牛扒。配菜有脆口又清甜的西蘭花，還有烤薯仔粒，入口粉綿，外層烤得香脆，用鹽調味特顯薯仔香味。煎鴨肝，油封鴨腿意粉 $225鴨肝唔算厚身，入口有濃郁肝味，香濃且不油膩。油封鴨腿已拆肉成小塊，方便進食。鴨肉又嫩又香，意粉微彈有咬口，醬汁creamy，係少見的鴨肉意粉，又好味，都係我個人必點推介。非常滿足，所以都無點甜品，但主角很滿意。服務很勤快貼心，加水及上菜都配合得剛剛好。…Read More

平時都去沙田新城市廣場飲中茶，不過真係好多人等位，所以見附近帝都酒店都有茶樓，就去[國穗軒]飲中茶食點心，人流唔算多，但都滿座8成，所以剛好不用等位。環境靚又乾淨，原來新開不久，服務貼心有禮，可以掃碼下單，亦可用點心紙下單。我地2個人點了6款點心小食，還有一個燒味粉麵 (燒味飯可用掃碼下單，燒味配粉麵需用點心紙下單。)月半灣筍尖蝦餃皇，值得一讚，因為皮夠薄又無爛，柔軟有彈性的皮，包著大隻蝦仁，調味剛好。蟹籽鮮蝦燒賣皇，大大粒很美味，豬肉肥瘦比例好，又嫩又彈的口感，加了蝦肉更顯鮮味。香苗牛肉腸，也是很出色，腸粉皮又薄又透好吸引，入口滑溜，牛肉餡脹卜卜好足料。醬皇金錢肚，醬汁入味，金錢肚易咬開又不黐牙，最底是粉粉綿綿的芋頭，吸哂醬汁味。鮮蝦腐皮卷，材料豐富，鮮蝦爽彈，腐皮煎得再香口會更吸引。陳皮叉燒酥，賣相很美，酥皮好鬆化好油香，叉燒香甜，食完唔膩。燒腩瀨粉，燒腩肉的皮好鬆好脆，腩肥瘦相間，肉嫩彈有油香，芥末醬唔會好辣又可消膩，上湯味道清香配爽滑瀨粉很好味。…Read More

睇戲前，係附近覓食，諗起叫間食過幾次都一樣美味嘅越南菜，今次點左極品牛三寶河，再加小食同飲品，快上菜，味道好。極品牛三寶河粉 $74有生牛肉，牛丸，牛展，生牛肉好嫩腍，牛味重。牛丸爽口彈牙。牛展入味又軟腍帶點咬勁。河粉滑溜且份量十足，好飽肚。加豬頸肉 $33呢款小食好味又抵，好香口惹味，唔肥又爽口。加蝦餅 $33口感唔同左，無咁爽彈，蝦味也淡左，粉粉的質感不太好味。凍鎮奶茶 +$10好濃香滑，生度剛好，茶味甘香，好奶滑口感。…Read More

銅鑼灣的樓上餐廳，主打美國南部地方菜，食物份量會偏大份，非常滿足。店內放有黑膠碟、DJ台，仲有變色燈效氛氛，同朋友或情侶來進餐都好合適。凱撒沙律 $88沙律菜乾淨，爽脆口感，加上大量芝士粉同香脆煙肉碎，仲有脆口麵包粒，調味到位，味道好，食完仲好開胃。鵝肝松露意大利粉 $198意大利粉可以自選，我地揀左扁意粉，上菜已經傳來陣陣松露香，好誘人食慾。意粉沾滿creamy 醬汁同松露菇碎，加上數款菇，令整個意粉都充滿菇味。驚喜位是鵝肝，煎得剛剛好脆脆地，鵝肝扎實不散，質量細緻柔軟，而且不油膩，入口即化滿滿油香，超正必食。草飼澳洲肉眼牛扒 $348 (12oz)有8安士或12安士，最岩肉食人仕，賣相吸引燒得好靚，切開睇睇5成熟的粉紅嫩肉，牛肉味濃郁且多肉汁，柔嫩帶點咬口，每咬一下都有肉汁好正。烤蘑菇也是鮮味多汁，沒有菇的澀味。燒汁帶有酒香，配牛扒好好食，另一款醬料咸咸地有胡椒香辣，好惹味。…Read More

入座後，掃碼落單，付款後，食物由店員送上。店內提供免費自助酙水、自助調料……每枱都有即棄筷子、牙籤、紙巾，都很貼心乾淨。價錢親民，份量十足，味道好。紅碗豌雜麵套餐 $49 加牛肉 $13自從係大陸食過，就有點掛念的味道，大前提是喜歡豆，所以個人特別鍾意呢個口味。有豌豆、花生、肉末、油辣子，一定要拌勻食。味道香辣不燥，香料味濃郁，加上豌豆的軟綿感，令人更飽足，爽滑麵條沾滿濃郁肉末同香料，每啖都好滋味。加左牛肉更有肉感，嫩腍好味。超級碗套餐 $69 多拼澆麵材料好多，有滷蛋、軟骨丸子、肥腸、牛展……當中的軟骨丸子超正，口感有咬口，啖啖肉。雖然睇落好紅，但不算辣，只係帶點麻，味道好。串燒 $19 （3串牛，3串羊）香料味夠重，好味，牛肉連少少肥肉，味道正，香口惹味。羊肉只有微微羶味，好岩我地口味，只係份量偏少。白玉厚椰乳 套餐加$3超級濃椰奶味，香滑可口又甜，白玉爽嫩滑，增加口感，必飲。凍檸檬茶（套餐）味道幾好，但偏酸，有鮮檸，夠哂凍。網上付款，方便。…Read More

7月1日見有71折，飲品都有折，所以入去食燒肉套餐。我地揀左原價$498的［志］盛 燒肉套餐，加錢要白飯及味噌湯，或冷麵套餐。地方都寬敞舒適，2人也可以坐卡位，夠哂位放食物及坐的舒服。套餐有鹽味牛舌、黑毛和牛腹柳小排、黑毛和牛上肩肉、極上厚切牛胸腹柳、蔥鹽味雞腿肉、黑豚，2人前份量十足又豐富。鹽味牛舌好薄好快熟，口感爽脆微彈，味道好。黑毛和牛腹柳小排，好嫩有咬口，油脂分佈平衡。黑毛和牛上肩肉，柔軟富肉汁，牛味濃郁。極上厚切牛胸腹柳，超厚超份，燒至外層香口，剪成小塊燒熟即食，肉感滿滿，牛味突出，多肉汁又香口。蔥鹽味雞腿肉，加左蔥鹽好惹味，雞腿肉好嫩彈。黑豚好肥美五花肉，好有油香，最好用生菜夾著食或配泡菜食，消膩又酸酸辣好開胃。。冷麵夠哂冰凍爽口，麵質彈牙，配熱辣辣燒肉，真係降溫必食，又可清清味蕾。日本米吸哂燒牛肉的肉汁，好正，燒肉配白飯也是必須。檸檬highball及檸檬燒酒，好清爽又唔會太重酒味，清新爽口，飲完少醉，氣氛很好。…Read More

荃灣睇完戲，發現新店，裝潢以海與山為主，有新鮮感，餐廳樓底高有空間感，枱及座位都夠 夠位放哂食物，又坐得舒服。餐廳主打招牌鐵板飯、壽喜燒鍋、關東煮小食，價錢親民，份量十足。入座後，掃碼下單，好快就送上食物，享用完美食就結帳付款。日本宮崎和牛壽喜燒鍋 $188 加MEKO 檸檬茶 $6宮崎和牛油花超靚又平均，牛肉超嫩入口即化，牛脂味濃，吸左壽喜燒汁，香甜味與和牛好夾，而且唔會好膩，再沾蘭王蛋，好香滑又蛋黃味濃郁。食完牛肉仲可以倒入上湯食火鍋，加入新鮮又乾淨的蔬菜，仲有豆腐、蒟蒻絲、茼蒿、冬菇....全部都吸左湯汁好好味，煙靭彈牙烏冬吸盡湯汁精華帶有陣陣牛香味。套餐仲有酸酸地微辣的泡菜、爽口帶子群邊。肉類可追加，美國牛板肩 $38，牛肉味最濃郁，柔軟好咬。澳洲和牛 $38，牛脂好香，牛味適中，肉汁豐富。精選雞肉$28，好嫩彈雞腰肉，吸哂香甜壽喜燒汁，好正。漢堡扒牛肉鐵板飯 $88 加MEKO 檸檬茶 $6鐵板飯增量$10，加入自選蒜蓉醬汁，拌勻牛肉、飯及配料，鐵板熱度令牛肉剛好熟，散發微妙牛肉香，令人食慾大増。漢堡扒鬆化有肉汁，肉味重好正。牛肉好香同較有咬口，鐵板飯吸哂牛脂同醬汁好香，而且有鐵板熱力，仲有脆脆香口的飯焦。MEKO檸檬茶，唔會好甜又夠凍，食到熱辣辣一定要飲下降溫。…Read More

新開分店都幾多人等，約15分鐘可以入座，環境舒適，卡位位置都夠大，2人枱偏細，緊緊夠位放齊食物。我地點左2人晚餐$388，都多選擇同夠飽。不過我地食完先點甜品，所以要等20分鐘，最後當然放棄冇等，下次要預早點，只係我唔知食物會否太飽，所以未敢預先點。沙嗲雞肉串燒 （2串）雞肉微彈多肉汁，燒等香口，沙嗲醬濃郁惹味，好味道。生蝦刺身超辣超酸好刺激嘅醬汁，入口好沖激，但慢慢辣味散去，生蝦微彈，連蒜片食才是精髓。蟹肉咖哩配薄餅蟹肉份量都幾多，但咖哩超咸，辣度明顯。應該配飯會更好，或者再點蒜蓉包食。大蝦炒金邊粉大蝦爽彈，金邊粉炒得乾身同香，份量足。不過菠蘿炒飯比較吸引，可能配料多，感覺口感會豐富d泰式奶茶 （凍）+$5茶味濃郁，夠香滑，甜度剛好。…Read More

今晚同友人係屯門食火鍋任飲任食，估唔到仲有點心任食， 未見過兩者同時做任食，超吸引，一次滿意我食慾。我地點C餐 $348的 2小時任飲任食， 星期六 +$10，不過有85折，最後 $680/2位 食到超級飽。湯底揀左椰香冬陰公，香辣帶椰香，越食越辣，但味道吸引。紅燒牛肉湯，微微辣帶牛肉香味。澳洲純血和牛肩肉，唔會太多脂肪，牛味濃郁，鮮嫩口感，入口唔使點咬就吞到，味道好正。澳洲精選牛板腱，連住中間的筋位，牛肉嫩腍中帶點爽脆口感，好咬好味。澳洲上腹牛五花，纖維跟筋膜較多，肉的紋理也粗，但脂肪較多，入口有牛脂香。澳洲Q彈牛五花趾，酥脆肉質帶有筋膜，口感彈牙有嚼勁，多肉汁且鮮甜。豬梅花好嫩嫩彈彈，豬味都重，入口不會膩。海蝦大隻，肉質爽彈，食左10幾隻都係保持水準，好滿足。麻辣鴨血唔算太辣，也不太麻，大人細路都食到，鴨血味道幾濃，爽滑口感。鳳城鮮蝦水餃，調味剛好，有爽口鮮蝦同木耳絲，好咬多汁，鮮味突出。扇貝唔算好大隻，不過肉質嫩腍。蝦滑爽彈，蝦味都重。墨魚滑鮮甜，同樣彈牙好味。牛舌芯夠薄好快熟，口感爽脆，非常好咬。 蛋餃吸盡湯汁的味道，好正。任食點心都好吸引， 雖然選擇不多， 但蝦餃燒賣是必有的，而且即叩即蒸，夠哂熱辣辣。蝦餃皮薄嫩滑，蝦肉彈爽，燒賣肥瘦豬肉比例好，肉質嫩彈。菜苗餃味道清淡不油，有爽口蝦肉，食多幾隻都唔膩。薑蔥牛柏葉份量大，牛柏葉都原身爽脆，吸哂薑蔥汁，清爽不膩。火鍋配料多選擇，另外掃code 落單的台式小食也很多款。蔬菜有3款，夠新鮮乾淨。丸類有8-10款，台式風味的丸。甜品較吸引的牛奶布丁及芒果布丁都好受歡迎。飲品有汽水、茶類，而茶類選擇多又好飲，芒果味、桃味、蘋果汁……都好飲。最後食雪糕，每人一杯haagen-dazs，有5個味揀， 士多啤梨多果肉，酸甜好味。…Read More