sccv's Profile

晚飯時段兩大人兩小童叫了3個扒套餐及一客炒飯，套餐餐湯是龍蝦湯，夠熱夠味度!我自己主菜選了鵝肝拼澳洲肉眼，澳洲肉眼合乎預期，選五成熟剛剛好無過火，配菜係薯角新鮮炸!鵝肝外脆內軟!最後杯餐飲㗎啡亦唔錯，會再幫襯!…Read More

1月25號晚飯團年,由於要分兩輪,選擇了8時入席及預先訂了蜜汁火方,誰知催了兩次至差不多食晒其他飯餸先上。第ㄧ次食火方是連住豬皮,金華火腿有油益味及太咸,蜜汁唔香,伴碟南瓜竟然還是生的!埋單的女部長才說漏了單!有理由相信這味餸未夠火喉及用料有問題!其實漏單你可以先問客人要唔要,(預訂菜都漏單就預咗比人鬧)但點都好過求其煮出嚟!做壞招排!今次晚飯我們還叫辣子雞,腩肉加百頁,燻魚,蟹飯,雞汁白靈菰,麻醬油麥菜。味道是不錯的!…Read More

前幾日經過科學園，見到有間新餐廳，今日打完波唔想煮飯，想起不如試下新嘢，便過去開飯。原來這餐廳只開了三、四個星期，看餐牌是屬於Fusion,西餐為主，再加上泰式，少少中式，不過席上有西人親戚，所以我們都是主打西餐，不過頭盤試了泰式的芒果沙律味道不太辣，酸酸甜甜幾閞胃，另外點了雞同牛沙爹，無用過份醃料，亦無燒得太乾，好好味，還有煙三文魚凱撒沙律亦對辧。主菜點了肉眼扒、羊扒及大蝦蟹肉天使麫，扒類火喉剛剛好，天使麪非常得，大蝦爽口，唯蟹肉不多！可能同老板有計傾，他送了我們cheese cake, 味道都不錯，五個人埋單仟多圓，環境及食品質數都好，以後多個飯堂選擇(家住沙田區☺️)順帶一提，這餐廳是7日都開的(求証於老板)唔知點營業資料上寫三日？！…Read More

跟舊同學聚餐，多日前已訂枱，預訂了西米布甸。我們九人點了半席全包宴，另外再加餸。內有一般的招牌菜，如炸子雞，炒飯，炸水餃，大良炒鮮奶，燕窩羮，燒味拼盤，另有一味叫啜魚兩食....其中炒魚片的糊椒味勁重，完全蓋過魚味，欖菜蒸魚就還可以。炒飯是最保持水準的，炒得乾身不油。其他的是不過不失。侍應提議半席內以件頭計的餸可以加，態度不錯。但焗布甸就完全失望，內只有很少蓮蓉，只有一、兩個人食到少量好似係蓮蓉既東西，因為太少，所以嚐不出味道。另外我們加了一味芥菜，侍應落單可能幫我們加大了，埋單時發覺要成一佰七十多元，好貴呢！如果對食物沒有要求，還是可考慮幫襯的，而且平日客人不多，不失為三五知己飯聚的好地方！😁…Read More

原本約了兒子在沙田等，準備去屯門食飯，但小兒的學校今日有活動，工作了7小時，雙腳累得很，明天還要參加步行籌款，所以改在新城巿晩飯，見時間尚早(6時半左右),未有人龍，便選擇食這間餐廳。其實以前水準還可以，但今天就....我們點了二人餐，有海鮮湯，三文魚沙律，自選薄餅及肉眼扒或西冷！湯及沙律還可以，但薄餅就很硬，而肉眼扒就更差，完全無牛肉味.又鞋口，叫侍應攞鹽又無影，結果是牛扒吃了數口以經吃不下，薄餅是勉強吃了有料的部分，餅邊是硬得咬不開！今日食飯其實都無要求，只求食飽早點回家休息，結果回家要自己再煮麫食！:-(((…Read More