peggymakk's Profile

同老公出黎行街買野，行到攰攰地，又凍冰冰，想食返碗熱辣辣既米線暖下胃，原來海港城有間新開既譚仔！😋好耐都冇食佢地既米線啦！最近仲新出左2款新口味米線：泡椒酸菜魚湯米線配脆肉鯇同香茜皮蛋魚湯米線配脆肉鯇！當然要一人叫一碗試下啦！除此，我地仲叫左2個小食：川風香辣黑柏葉同巴蜀爽脆生腸，同埋2杯飲品：菠蘿冰同新推出既凍豆花黑糖薑母茶。泡椒酸菜魚湯米線配脆肉鯇：湯底由5小辣起跳，飲落酸酸辣辣好開胃，脆肉鯇食落好爽脆，另外仲加左滷水豬大腸，豬大腸食落有咬口，滷水味香，配埋米線一齊食👍🏻👍🏻香茜皮蛋魚湯米線配脆肉鯇：湯底帶點芫茜味，仲有魚湯既鮮甜，配埋爽脆既脆肉鯇同埋松花皮蛋，就好似打緊芫茜皮蛋湯既邊爐咁😆😆不過只係海港城店限定，其他店食唔到架！有興趣可以黎試下！ 川風香辣黑柏葉 同 巴蜀爽脆生腸：秘制辣汁香辣惹味，黑柏葉同生腸都好爽脆，作為冷盤好開胃呀！菠蘿冰 ：菠蘿冰酸酸甜甜又解辣，重菠蘿味，仲有好多菠蘿粒係入面。凍豆花黑糖薑母茶：薑母茶帶點微辣既薑味配埋滑溜溜既豆花，唔算好甜，又養生。…Read More

呢幾日凍冰冰又想食下午茶，但出去食又要分2枱🙈😍貼心既柏宇爸爸就去買左DK Cuppa Tea 既「粉鳥伊人」外賣下午茶返黎食齊食❤️❤️連餐具、食物架都有附送，輕鬆在家High Tea。餐點包括鹹點同甜點，2人餐，每款2件。仔仔最愛就係迷你牛角包，酥脆又重牛油味，另外仲有英式鬆餅，配埋玫瑰醬，鬆脆又香甜。而我就鐘意食紅豆芝士蛋糕，原來紅豆同芝士可以好夾，好特別，另外柏宇爸爸就鐘意食巴馬火腿芝士串，咸咸香香😋…Read More

今次book左 DK Cuppa Tea 既「森林搖籃曲」，同老公同仔仔黎食。「森林搖籃曲」係以貓咪為主題既下午茶 Tea Set，食物同裝飾都有貓咪元素，好可愛呀！可愛到唔捨得食呀！「森林搖籃曲」下午茶內有有甜點同鹹點並配上有機花茶。雖然係2人份量，但2大1細都夠食，當中仔仔最愛係蕃茄羅勒鬆餅，咸咸香香，香草味都突出，唔近乎食曬2個，只留左一啖俾我試下。而我就最鐘意貓腳掌榛子味馬卡龍，唔會好甜膩，食落去榛子味好突出，配上有機花茶，解膩，小貓造型既棉花糖就非常可愛，完全唔想咬落去呀！呢到環境好relax，輕輕鬆鬆過左一個悠閑既下午。…Read More

心思思想食古早味蛋糕，終於開到入黎北區啦！之前經過食過海苔肉鬆，面頭肉鬆鹹鹹香香又香脆、蛋糕有蛋香味，又鬆軟，軟綿綿非常夾呀！拎到返屋企即時清曬。而今次就試下芝士愛肉鬆同雲石紋朱古力 ，一個熱食一個凍食芝士愛肉鬆，返到屋企叮30秒，芝士有少少流心，肉鬆鹹香鬆脆，夾埋綿綿既蛋糕，正呀！雲石紋朱古力，熱食已經好好味，朱古力味香濃，又唔太甜，我就鐘意放入雪櫃雪凍食，另有一番風味。而每次出爐只有十件，賣完即止，所以去之前當然要上網睇定出爐時間，再預早時間去排隊，咁就唔會錯過心水口味蛋糕啦😋！下次想試埋伯爵茶同流心鹹蛋黃😍…Read More

今日返去婆婆到食飯，路經啟田街市美食街，當然要買d小食返去加餸啦！今次就簡左瀛風，佢地係日式外賣店，有壽司、刺身、丼飯、小食等等，價錢都大眾化，而且有我最愛食既軟殼蟹當然要試下啦！我就叫左瀛風卷、珍寶軟殼蟹同芝士蟹肉甲羅燒。食物都係即叫即整，大約等候15分鐘左右。瀛風卷 用上秘製辣醬料配上炙燒三文魚，三文魚燒得剛好，食落少少辣，口感嫩滑加上魚油香，再包著三文魚刺身同青瓜增加清爽，好味珍寶軟殼蟹好大隻好多肉外面脆卜卜，入面d肉仲好嫩，而且仲有膏，好滿足呀！仔仔自己都食左半隻，下次要叫多隻先！芝士蟹肉甲羅燒面頭有芝士、蟹肉、蟹子、蘑菇，而底層仲有通粉，蟹肉份量都不少，食落口感豐富，放耐左都好味…Read More

今晚凍冰冰，最岩打邊爐❤️聽人講左好多次森港，今日終於試左啦！超方便外賣打邊爐，送到屋企樓下交收而且好味又抵食，$128/位今次簡左花膠雞煲，雞煲份量十足，花膠好入味，雞肉又唔老，湯底仲好濃味。除左雞煲外，仲附有邊爐料同混醬六寶時令海鮮拼盆：今日有蟶子、蜆、魚片同青口，都算新鮮。另外仲有肥牛、雜丸拼盆、烏冬等等⋯仲有飲品每人2罐4個大人叫左4人份量，結果份量多到食唔曬，好飽呀！最後食淨左d丸同肥牛，仲有菜，聽日買多d料，又可以食多餐啦！下次再試下其他煲先。…Read More

雲津美食😋真係聽過好多次，心思思成日都好想食，今日終於都去左！😍當然要食招牌香辣雞翼尖同炸壽司啦！仲買多左幾款唔同小食同老公開心share❤️#招牌香辣雞翼尖少少辣又好惹味，雞翼尖好入味，夠大隻又有肉，食完一隻接一隻。#招牌炸壽司今次簡左唔辣，外面脆，入面煙韌，甜甜地，好特別。#招牌炸豬扒好入味，又唔會炸到好乾身#蜜糖炸燒賣 炸到脆卜卜、甜甜地，好match呀！ #蜜糖八爪魚腸又甜又咸，好似BBQ既燒腸仔#雲津炸蛋細細粒又好彈牙#香辣糯米雞翼香辣煙韌，惹味又飽肚😋又平又抵食，下次宵夜可以再Encore 。…Read More

😋剛剛開幕既時候，已經去飲過佢地既黑糖珍珠沙冰，雖然係沙冰，但黑糖珍珠仍好Q彈，甜度適中，配搭好好，所以今次再去試下佢地其他飲品。今日就點左餐牌上推薦既 芝戀莓莓🍓同 熊貓蛋糕奶茶🎂🥛☕️。芝戀莓莓🍓用上新鮮士多啤梨加冰打成沙冰配上濃郁既芝士奶蓋，咸香既芝士奶蓋中和左士多啤梨甜味，飲落好清新，而且仲食到有少少士多啤梨肉😋😋好正呀！士多啤梨迷必點！熊貓蛋糕奶茶🎂🥛☕️用上Oreo碎(熊貓)配上蛋糕cream，oreo碎好有咬口，剛開始飲既時候，食到脆脆既口感，飲耐左，oreo碎吸收左奶茶開始融化又變成另一種感覺，奶茶奶味都濃，配搭上而好夾呀！😍2杯味道都好好，咁近屋企，下次要再黎試下其他野先。…Read More

今日同老公食川菜，平時老公自己食得多，今次帶埋我一齊食，因為我怕辣。好彩菜式有分唔同辣度，可以叫小辣，同我一齊食。今餐我地食左2個冷盤、3個餸同招牌炸饅頭首先上枱係$1口水雞同涼拌皮蛋。$1口水雞，例牌份量都唔少，雞肉夠滑、味道夠曬麻辣👍🏻👍🏻涼拌皮蛋，辣油唔算太辣，作為前菜好開胃。酸湯肥牛，湯底夠酸夠辣，肥牛夠嫩，熟度剛好，金菇夠入味，芽菜可以解辣。川式回鍋肉，豬肉肥瘦均勻，肥而不膩，味道又夠濃，好岩送飯。椒鹽鮮魷，不過不失。招牌炸饅頭，賣相好靚，打卡一流，而且饅頭炸到外面脆，入面還保持鬆軟，配埋煉奶一齊食😋又甜又脆，作為飯後甜點唔錯。總體，餐廳環境乾淨舒服，坐得舒服，食物份量都多，我地都差d食唔曬，所以有d食物想試都叫唔到，下次有機會會再黎！…Read More

由於疫情關係去唔到旅行，🥺又好掛著台灣既美食，好彩洪瑞珍終於黎香港開店，唔洗飛去台灣都可以食到佢地4款超人氣經典三文治，可以止下癮。佢地既三文治吐司咬落口感鬆軟，加上香濃鮮奶油同家族祖傳方美奶滋的黃金組合，再配埋唔同既配料，當中我最愛係芒果起司，芒果醬酸酸甜甜，再配上濃香起司，又咸又甜，好特別呀！仔仔見到咁吸引，都即時食左2件，仲讚好好味呀👍🏻！❤️4款經典口味：1️⃣ #滿漢（火腿 🍖+ 起司🧀）$222️⃣ #招牌火腿🍖 $203️⃣ #芒果起司 🥭🧀 $194️⃣ #原味起司 🧀️ $20原來首店開幕期間(16-30/8)，仲有開幕優惠，每日首50名客人可獲買3送3優惠，而買1盒6件三文治套裝再送1件指定口味。新張期內，每人限購一盒6件，要食就要早d排隊，每日數量有限，賣完即止。…Read More

對上一次食別府已是多年前，今次剛好經過就入去再試，今次就食左和風豬軟骨拉麵，湯底濃郁，但豬軟骨就略咸，另一個黑蒜油腩肉拉麵，湯底滿滿黑蒜油香味，腩肉軟嫩，好味！最後仲叫左櫻花蝦薄餅，櫻花蝦鮮味，中厚蔬菜香甜，底層酥餅卻不夠香脆，整體感覺很淋。…Read More

正宗潮式食物，潮式滷水雜拼鵝片，一次可以試勻多款滷水食品，鵝片嫩唔鞋口，滷水蛋、紅腸入味，魷魚夠彈牙，腩肉夠肥美，其他都好出色，款款滋味。花蛤蠔仔粥很鮮味，材料豐富，十分足料，花蛤新鮮大隻。煎蠔餅，蠔味十足，脆口而不油膩。韭菜豬紅軟硬適中，有咬口，韭菜入味。價錢合理。…Read More

稻庭烏冬嫩滑，湯底調味適中，吉列豬排味道較淡，面頭炸粉脆身不硬不油膩，不會太厚身，配合上沙律醬食用味道會比較好，而餃子因為外賣關係，外皮有點淋身，不脆口，餡料係豬肉餡，味道一般。店舖位置不大，只有4-5個位置供應堂食，大部份食客都會外賣享用。…Read More

性價比高，食物種類多元化，冷盤、熱食、刺身、甜品都齊全。新鮮生蠔任食，重蠔味，尚算肥美，不過去到自助餐尾段，就會比較瘦，長腳蟹腳重海水味，味道比較咸，不太鮮甜，刺身種類約5-6款，三文魚刺生肥美，厚身，鴨肝多士入口即化，配上黑醋醬汁解除油膩感，好味，多士會有變化，一開始會配上法包，之後就配上麥包方包，甜品種類豐富，有蛋糕、慕絲，自助pancake，仲有Hagen Dazs雪糕，😋海鮮狂熱自自助午餐值得回本。環境都不錯，有BB櫈提供，但未有BB餐具配合。…Read More

食物種類繁多，熱食、冷盤、刺身、甜品齊全。海鮮方面，長腳蟹味道鮮甜，不會過咸，螺肉青口同樣鮮味。熱身種類都多元，有中式有西式有印度式，食物不過不失。甜品種類都算多，pancake同waffle 即叫即整，味道不錯，另外雪糕係haagen dazs，味道約2-3款口味。食物Refill速度快，每次取食物都有足夠份量食物，服務員收取空餐盆速度都快。餐廳面積大有室內同室外空間，環境不錯，不會太過擠逼，如果喜歡室外風景，可以訂枱時request。…Read More