為食小先蜂's Profile

終於終於可以取餅喇~~~大家都期待以久的LAMLAMLI千層蛋糕由訂到取餅足足要排半年.果然人氣!!!有一次跟朋友打算直接去店買, 只剩下最後一件.當時只是下午1點30分.  下點1點才開舖....好誇張.我諗應該好好食, 所以決定訂一個試下.由於店的規模太少, 蛋糕是人手整作. 店主需要很多時間整餅, 所以回覆Message的時間比較慢.幾經辛苦, 終於到我喇！！！！既然咁辛苦先訂到，當然訂個好d... 要最大最多層既朱古力千層蛋糕雖說7寸好細，但實際比我想像的大賣相當然不及坊間有名的名店手工制的當然會有瑕疵，人都唔會完美，有缺陷美才真實蛋糕面舖上濃厚的朱古力粉一不小心鼻孔吸左朱古力而咳中間舖滿了朱古力cream, 好滑淡淡的忌廉味再加上層的朱古力粉，中和了飽滯感，真係真係好好味屋企人全部都話好味，比連鎖店的生日蛋糕更特別！！當日仲比我買到最後一件切餅，是伯爵茶味。Size比較細件，我估係6寸蛋糕切出來的伯爵茶味濃，有些少苦澀，整體感覺比朱古力的厚，唔夠smooth. 如果有機會都想試其他味道！！就算等好耐我都會返轉頭架。請繼續努力，大家要支持小店…Read More

Rabbit Rabbit Tea終於開第2間分店喇，成日搭車經過天后都會見到招牌，但從來都好少行去天后一齊都無機會試知道8月初會係林生公司附近開非常開心第一日林生已經急不及待幫襯左😏今日搵個藉口話接放工先試到咋！！ 舖頭唔大，香港租金貴係可以理解既。門面同天后店一樣都係以黃色做background, 店外有一個大大既兔兔霓虹燈可以拎住杯野飲影相打卡鍾意飲黑糖既我緊係要點＃布朗黑糖珍珠鮮奶同埋店內推介既＃淑女伯爵荔枝檸檬冰茶，雖然布朗黑糖珍珠鮮奶是固定左甜度，但真心唔係好甜，一個人飲哂成杯都唔會有好大負擔，珍珠黑糖味道剛好，而且煙韌有咬口唔會煮到過淋少甜既淑女伯爵荔枝檸檬冰茶係林生揀架，第一口荔枝味比較重，飲多兩啖茶底就慢慢滲出黎，杯入面有好多檸檬，會食到少少檸檬肉，荔枝既甜mix檸檬既酸味うまい建議水果茶要叫少甜，咁先飲到水果既鮮甜味架等飲品既時候見到店內既電視介紹杯好靚既smoothie🙈要搵機會再encore。…Read More

就黎又到父親節，為咗避開人潮同埋比較貴的節日餐單，今年決定提早慶祝，到鉄人旨花食高級鐵板燒。套餐的選擇不多，但全部都是珍貴食材，極度吸引，思前想後最終還是點了白象拔蚌二人前套餐。鐵板燒都比較肥膩熱氣，先吃沙律就最好不過，蔬菜切成細片容易入口，健康的藜麥増添口感，調味加了少許芥末配合沙律醋更突出了蔬菜的鮮甜。紅酒煎鵝肝勁厚勁大件，入口即化，紅酒香帶出鵝肝的甘甜味，配合多士及碟邊的意大利黑醋，完全減退了肥膩的感覺，而且擺碟好靚，色香味俱全，連花瓣都係食得架！日本白象拔蚌將內臟拿走，取其最鮮嫩的部分切片，其實所剩下的份量不多，十分矜貴。師傅用小許醬汁快炒，盡量保持原汁原味，咬落肉質脆嫩，味道鮮甜。最驚喜的是碟邊的特製醬料，由鮮磨日本芥末加忌廉及三文魚子而成，突顯了象拔蚌的鮮味又加添了一個味覺的層次，超好味奶油法國白蘆荀由成長到採摘都不能受到陽光照射，數量極稀少，所以擁有’貴族白美人‘的稱號，顏色越白、荀身越粗就越珍貴，口感細緻，營養價值極高，是法國的頂級食材之一。師傅用簡單的奶油煮已經非常好味，白蘆筍超級鮮嫩爽甜，而奶油中暗暗滲出薄荷葉的香味，更清新脫俗。熊本縣產A5和王牛堪稱為和牛之王，從品種、飼料、飼養方法及時間、到生產出來的肉質和油花分布都受到嚴格管理及驗證。因為油花比較豐富，師傅推薦七成熟，可以優化口感，減少油膩增加咬口，至於味道不用多說，綿化濃郁，齒頰留香。師傅還提供幾種調味的食法，喜馬拉雅山玫瑰岩鹽、日本鮮磨芥末、烤蒜片，全部都可以提升肉味，芥末更可以解膩，超好味。其實旁邊的配菜都唔講得小，茄子仔、南瓜、大啡菇，優質蔬菜，鮮甜多汁。和牛炒飯採用日本產的米，粒粒飽滿而香甜，師傅的功架炒到每粒飯都沾滿蛋漿、乾身而粒粒分明這些不在話下。重點是炒飯用了鵝肝及和牛釋出的香油，絕對係夢幻組合。清酒雞湯起初以為雞味會很濃主導了這個湯品，誰知一入口立即感受到醇厚的清酒味揮發出來，伴隨著回甘散去才慢慢地細味到清澈的雞湯，幸好有帶子的鮮甜美味至令我沒有醉意柚子雪葩甜品的選擇經常會轉換，我喜歡清新的柚子香甜味，雪葩入口即溶可以簡單直接將甜味轉送到味蕾，缺點是太快食晒。其實都不是第一次來這間餐廳，環境、服務、上碟等等的細節都做到一絲不苟，而且一直有進步，值得推介。…Read More

唔想對住四幅牆食飯.特登繞路到灣仔同大爺食晚飯再回家.為左方便老公食完快快返公司, 只可以係佢公司附近食.而我最近想食日本野既念頭間唔中都會湧出黎. 所以就揀左家賀屋, 呢間專門食吞拿魚刺身既日式料理餐廳.主打有壽司同刺身飯, 當然亦有其他日式小食.呢間店位於大有商場附近.十字路口對角位, 近街市既其中一座商廈入面.門口有大大個家賀屋既招牌, 一入門口就有侍應招呼, 由於時間尚早, 入座時只有一枱客人.店內裝修其實不太像日本餐廳, 餐桌, 椅子都比較像西餐廳, 比較暗黑.不過牆上就掛滿日本畫. 亦有一個好大的酒櫃, 好吸睛店員好快就遞上兩杯熱茶.而枱上已經放左MENU, 有單點, 以及DINNER SET.因為老公未到, 我就先點了杯Orion 生啤($58)嘆下先.大大杯, 夏天真的必要黎一杯消暑!!!我第一次飲Orion, 很適合女生飲, 不會太苦, 易入口, 但小心飲醉酒後謹記不要駕駛然後兩個人點了 1)特選海鮮丼 2)旗本壽司定食 3)炸墨魚咀 作為晚餐先上了特選海鮮丼 ($288) 整碗飯上鋪滿了多款刺身.有原隻鮑魚(一分為二), 海膽, 三文魚子, 中吞拿魚腩, 象拔蚌, 牡丹蝦兩隻, 油金魚, 三文魚腩, 左口魚以及印有家賀兩字的玉子燒賣相非常滿意, 第一關PASS, 當然要試下味道.首先先試鮑魚,用醬汁醃好, 入味但不咸, 而且很軟, 好好味刺身方面, 說實話咁多款刺身, 每一款都好新鮮.連我不喜歡三文魚子的腥都沒有.其中的吞拿魚腩我最喜歡, 赤身我是不喜歡的, 但自從吃過大吞拿腩後真正愛上有點魚油又不會膩, 所以非常期待試這裡的TORO,果然是入口柔軟, 淡淡油香!!!I LIKE IT海膽有兩大行, 不腥不苦, 偏奶香味既海膽, 送飯一流!!!牡丹蝦非常新鮮彈牙. 這碗魚生飯性價比真的很高.份量又不少, 一個女生可能會吃不完. 2)旗本壽司定食($225)定食包了沙津, 炸雞, 味噌湯, 壽司8件.其實壽司定食有幾種可以揀, 當然是用料不同, 我這款旗本壽司定食是中間級數, 還在一款是有海膽的.相對刺食飯, 壽司定食就變得普通了, 不過用料也不錯, 不是隨便的貨色.星鰻亦都非常好味, 不比重重的鰻魚汁蓋過, 反而吃到魚的鮮味炸雞不過不失, 不吃也沒損失, 味噌湯比較多蔥,是我不太喜歡的種類 3)炸墨魚咀炸粉很薄, 不會太熱氣, 但這樣就會失去了脆脆的口感. 不過 墨魚咀還是很軟, 但作為佐酒小食還是不錯的選擇整體而言: 我喜歡這裡的刺身飯. 賣相好又夠新鮮. 讚!!!重點:價錢不貴, 又坐得舒服我會再ENCORE的!!!…Read More

今日只有一個工作，就係打老虎！！大爺尋日話想飲黑糖鮮奶佢竟然話想飲，估佢唔到為左老公，當然要嘗試打老虎啦，不成功不成仁但係最近老虎堂太火紅喇，真係驚要排兩個鐘先飲到本身諗住一早辦完私事，係大爺放工前一個鐘去排，但我既拖延症又發作，慢吞吞先去。結果早10分鐘先去到由希慎一路行去渣甸街，望到舖頭無耐見到有人排隊，由於只有我一人，只問了隊尾的是否排老虎堂就直接排了。無辦法再走上前確認。驚返黎又多幾個人。由於落雨（幸好不算超大雨），排隊的人比我想像中少，因為我都看到舖頭係對面，前面最多40人左右啦。不過落雨排隊始終比較狼狽，又要顧及行人，雨水。。。渣甸街人流又多店面小小，入面有超過6位少女店員工作最後，始終唔可以係大爺到來前入手。但已經誇了一大步，很快就可以order，之前上網有做過功課，大概已經決定要order 那一款。招牌有兩款，波霸厚鮮奶及虎虎生風厚鮮奶兩款都含奶霜，大爺話想試大小珍珠，所以我們點了虎虎生風厚鮮奶（$30）真的很幸運，由排隊到虎虎生風厚鮮奶入手只用了30分鐘，天助我也！終於入手了，店員很細心的提醒我飲之前要先搖15下才飲。顏色好靚，黑糖配上鮮奶這美美的顏色，打卡呃Like真是一流搖均後顏色跟普通珍奶一樣，急不及待要嚐一口，天啊！真係好好飲，甜度剛好。鮮奶味重。但搖均後黑糖的甜都減輕了，不會過甜。由於不能要求減糖，少冰。還在想可能會很甜，但完全沒有這感覺，冰也不會過多。可能是因為珍珠是微熱，溶化了冰。我剛拿上手時發現底部是熱的，所以就知道珍珠是熱的。虎虎生風就是有大小兩種珍珠，波霸的口感很好，很有咬勁。但小珍珠就太小一顆，好像我們的西米大小。下次再來會喝波霸…Read More

是日要去深水埗買電話卡，當然都會去搵食啦。除左食左超好味既劉森記，腸粉之外，今次仲食左新野-康瑞甜品。我都係剛好上openrice 搜查時搵到，不過要4pm先開門，好彩唔係差好耐時間，就諗住慢慢行過去，食完就走人。行到去街口發現有人排隊，其實都唔知發生咩事。心諗應該唔係排隊食糖水卦走近了就覺得應該係排隊喇，有理無理排埋一份先。大概等了5分鐘，見到開門喇。謎底終於解開，大家真係等開門食糖水，有老有嫩，今次仲唔係食到好野。沒想到是大家都在等開門吃糖水，真是奇景。被安排坐到4人枱，大家為的都是吃台灣仙草芋圓甜品。款式不算多，大約十多款。比較精重點是每款都只是$25。比我之前吃過的便宜很多特色仙草百配，有小丸子，芋圓及地瓜圓。當然不少得紅豆及仙草啦。這款是凍糖水，在炎熱既夏天吃最爽，透心涼糖水不會太甜，材料很豐富，每一啖都夾雜著不同口感。芋圓，地瓜圓不太粉，煙煙韌韌。另一款是暖胃薑汁配，點解咁熱要食佢？因為我喜歡薑汁，辣辣地。但我錯了，熱天真的不應該吃熱糖水，出哂汗。薑汁味重，配上蛋花，但蛋花不多，令到賣相食相都有差，整碗薑汁配比較稀，吃著很空虛。但我想冰凍既冬天吃會加分。下單到上枱時間很快，不用等很久。要跟大家說，我坐下不到15分鐘，全店滿坐。外面還有很多人在排隊，亦有人外賣。好厲害。想不到此店深得大家喜愛，有外區人（如我）特登去食，亦不乏局內街坊支持。小店真的要支持先可以讓他們繼續生存…Read More

為了減肥可以去到幾盡，要食得健康，好耐無大魚大肉，早幾日大人終於請我去大吃特吃。平時好少會吃🍔 burger, 只會久不久突然想吃才會行動，並唔係唔喜歡，只係吃得多有罪惡感🙄此店位於百德新街，我放工過隧過海，不用6點就到了，很方便。以前有吃過一次店當時在嘉路連山道附近。百德新街店可以坐店外或室內，大熱天時當然要跑入店內涼冷氣啦店內位置不算多，大約25個左右，店員會先安排坐位，遞上Menu，要自行到收銀處下單付款，之後會送上食物。餐具已經放在枱上，亦有corner提供sauce ，飲管以及開水，自助形式。飲品在下單後自己去雪櫃拿，很方便Lime perrier($25),Lemon Tea($28)Lemon tea 比較甜，但已經是之前渴過的peach tea好。其實我覺得係burger 店食沙津係好奇怪，唔係應該食美國食物，雞翼，薯條嗎？老公話要減低油膩感，平衡下，所以必須要點沙津。十萬個不願意下點了個田園沙津（$48）沒想到是一大碟，佔了半張枱。店員很主動問我地要唔要碟share, 瞬速遞上兩隻碟給我。沙津有生菜，紫洋蔥以及蕃茄配沙津醋。生菜好爽口，紫洋蔥沒想像中的苦，少許甜。如果有麵包糠就perfect了。沙津汁味道可以再豐富點，略嫌有少許清淡。旋風薯條（$28）好懷念呢款薯條，所以我決定點這個。薯味香，回憶的味道，只是嫌薯條太碎，很多都是斷開，沒有圈圈的形狀，算不上旋風薯芥末醬不太辣，反而酸味較重。主角來了，墨西哥辣椒芝士雞柳漢堡（$90）很細心切成兩份，方便我同老公share 非常重量，雞扒很大件。說是雞柳，其實更像雞扒。很嫩滑，不會燒得乾柴麵包是有烤過的，麵包上的芝麻香整個包是靠墨西哥辣椒帶出辣味，我也接受得到的辣，整體味道很夾下圖中間看到的綠色便是墨西哥辣椒還有很多蕃茄跟芝士等配料。口感豐富另一款是大烤菇芝士漢堡（$105）這款看起來比雞柳漢堡細，但吃下就知道份量也不少。上層是大烤菇，芝士，牛肉漢堡，蕃茄以及生菜，配上千島醬絕不欺場。大烤菇非常好味，依然保持水份。菇汁滲入麵包，非常濕潤。漢堡扒肉汁滿瀉，我見我老公吃到d肉汁流到兩手都係。漢堡扒既肉不會太硬有咬口Juicy! ☺️ 兩個食肉獸食到好開心，很滿足，攬住肚腩走人。其實下次可以叫一個包再加小食好了。我見其他小食都好吸引，很想試雞翼同其他薯條。BURGEROOM既漢堡包種類非常多，下次想要試鵝肝，軟殼蟹整體味道不俗，份量大，價錢亦算大眾化。如果晚上都有combo set就更加好店員好friendly, 主動收拾枱面。…Read More

難得可以平日同爸爸媽媽食午餐，媽咪是素食者，所以選揀了食素。之前同佢地食過大自然素食，食物都蠻合口味。加上媽媽是某佛堂會員，有優惠又近屋企，尖沙咀店是我們首選。昨日先打電話訂位，已經有少少不對辦。接電話那位姐姐只問了時間，人數姓名就完了。我主動問要不要留電話，還沒說完已經被收線。那位姐姐連byebye都沒講，害我自說自話。爸爸媽咪先行到達，他們說店員只拿了正價以及套餐的餐牌給他們，原來下午是有午市套餐（送例湯）價錢$44-48左右。媽媽見到隔離枱的阿姨都是問店員才提供，隔離阿姨睇完就借比我們。後來我坐下也發現店員沒有主動提供午市餐牌。很多客人都是熟客，他們都知道有午餐供應。為何不主動提供，要每枱客人去問呢？既然不想人家order午餐就不要有午餐menu, 只做正價食物就好了。感覺太小家。還有最不愉快的是，我們枱上還有食物，店員很「主動」的問，你們仲食唔食，不如幫你打包，出面好多人等位。這時候真的火起，我還沒吃完就趕人走，我不是吃快餐，當然想舒服的吃飲杯茶，知道有很多人等位，而我是吃完在嘆茶的話，你們提出我是願意結帳但我只坐下45分鐘，而且我們一直都有在order。最不舒服就是這樣。如想在中午翻枱，可以設限時。客人可以決定要不要進來吃，那位大姐的詢問確有問題。店員的態度很差，只想多做幾單生意，又經常漏單。食物本身味道沒有問題，我覺得不差的。但我絕不會再給這店再一次機會。如果大家是中午去吃的話，記得問他們拿午市餐牌，午餐真的蠻抵便宜的。一個人的人就要有心理準備跟人拼枱了。…Read More

是日經過利東街, 完全唔知道有呢間店, 看到門面的櫥窗放了很多水果tarts,很日本.而且店外的指示都係用日文同英文寫的.沒有中文.令我在想, 此店應該是日本來的.當下被水果tarts吸引了,色彩悅目. 有大約10款, 有時令的熊本ゆうべに士多啤莉tart,有Tiramisu, 只有雜果,芒果口味.跟老公揀了又揀, 爭持不下, 最終老公都聽我的買了Mix Berries雜莓口味帶走.店員有問要不要冰包, 我想我倆很快就是消滅這tart所以就提出不用了.包裝很精緻, 提供了外賣用的木叉雜莓撻$58, 有藍莓,紅桑子, 士多啤莉上層舖滿生果, 有一層忌廉, 一層吉士醬, 最底下層就是我喜歡的餅底.滿大一件的, 份量很足. 但我們走出店外沒多久就享用, 但忌廉已經開始溶. 像是放在室溫一樣.點解呢?忌廉好滑很輕, 跟吉士配合得很好. 各種的份量一半一半. 吃下不會覺得有負擔.餅底很脆有口感整件餅凍一點味道更好. 個人感覺不過在香港吃到此類型的tarts還是很開心的. …Read More

前陣子經過金馬倫道, 見到大廈外的看板吸引了我.大大張看板佈滿了很多牛的介紹, 很吸睛. 那個全牛盛合的份量吸引了我的眼球.我跟自己說一定要帶老公來試試.我在網上查過這間店是從鹿兒島來的. Beefar's在日本有5間分店. 香港是海外分店第一店店家自己有直營的農場, 牛肉都是鹿兒島出名的薩摩牛, 而且牛肉的級數更是最高的最高.Beefar's 最出名的就是4%奇跡之牛. 點解叫4%奇跡之牛, 店員有解釋到是A5中最高級的.  一隻牛中只有4%.可以說是最矜貴由於是新開, 店面還很新, 很時尚既感覺. 我看到大約有9張枱, 大部份是4人桌. 還有一間箱房, 私隱度高Sofa椅後擺了很多日本酒.當日我入座時間尚早, 只有一枱客, 店員很熱情介紹他們店的主打.薩摩牛全部都是由日本直送我地本來屬意是Order 4%奇跡之牛, 始終是稀有嘛.但經店員解釋後, 我倆覺得是A5中的極品, 感覺雪花會比較多. 吃起來會比較油膩.所以我倆最後選了"牛之藏和牛盛合" $398 二人前. (之前在日本吃過比較多雪花的, 自己不太喜歡)每個坐位有3款sauce+檸檬, 來配合吃不同的牛部位. 店員有逐一介紹, 不過我都是按自己喜好嘗嘗.盛合有6款肉, 上桌時店員都有逐一介紹點食, 由左上開始吃, 然後順時針吃就最好.牛肉都很新鮮, 完全已經解凍好. 其實不用點sauce或鹽都已經吃到牛的肉味.不過有些肉有少少筋, 要慢慢咬才行.最後那款肉是薩摩牛牛後腿肉. 要先用牛脂肪燒一燒爐, 讓牛放上去後不會太快"痴"爐, 店員很好, 幫我們燒那肉很薄. 大約20秒左右就可以吃. 可以像吃壽起燒一樣, 沾上生雞蛋吃.由於Set中沒有牛舌, 所以另點了極上牛舌$118, 外觀太正, 好似一朵花. 有4片我最喜歡吃牛舌, 燒肉怎可以缺少呢.這裡沒有厚切, 所以燒一會就可以吃. 加點檸檬吃最夾. 不過如果可以厚一點就好了牛湯飯 $68, 店員有提醒過是有點辣, 是可以接受的. 但由於有辣油的關係, 吃起來油油的. 感覺吃完會肚痾這樣的XD最後當然沒有.湯飯中的牛肉很軟, 不用費力咬就溶化入口. 不錯不錯.如果是清湯的那種更喜歡魷魚$58, 很大只, 店家已經在魷魚身切了幾刀, 這樣燒起來會容易熟.還附上剪刀, 熟後來起來剪開就可以吃. 配上鰻魚醬汁, 很可口.本來還想加點其他的. 例如牛油蕃薯, 但吃著吃著其實都很飽. 下次可跟幾位朋友一齊試全牛盛合.Beefar's的服務不錯, 只是我地吃飯其間都沒有提供茶水, 到我提出才給. 不過店員也很細心的問要熱水還是冷的.但我看其他客人一坐下就提供,我想只是一時忘記了吧?除了這點, 吃飯其間店員都很幫忙, 收拾桌面的用具. 還會主動換爐網. 讚整餐飯也吃得很舒服. 重點吃到日本來的燒肉也不貴, 而且質數仲咁高.值得!!!! …Read More

用餐之前有一次經過此店, 見到Lunch set $98, 10件壽司連烏冬覺得好抵食.但當日並沒有用餐. 後來看到雜誌介紹此店係日本人開. 有港版美登利既稱號.就因為這樣很想去嘗試.日本的美登利本人去過多次. 很了解美登利既質素.終於找到時間於午市時同阿姨去試下如何?裝潢很日系, 感覺好舒服, 不過二人枱比較細, 本身枱上已經放了調味架, 再放上食物不太夠位置.下單是用Ipad的, 可以讓食客慢慢挑選. 茶是用綠茶粉, 跟元氣沒兩樣我跟阿姨各點了一個午市套餐($98) +一份蟹膏沙津($68)我想Lunch set的款式大部分都會一樣, 亦有可能因應當造材料改變.刺身都很新鮮.很鮮甜, $98能吃到鮑魚, 蔥吞拿魚, 牡丹蝦, 真係值回票價.只是每件壽司飯都比較少. 比元氣的還要少. 女生吃都還好. 男生的話可能差一點.壽司飯是比較硬身, 飯粒分明. 但質素跟美登利還是差了一點. 對不起, 跟套餐的烏冬忘記影相. 烏冬很軟, 煮得過淋了. 本人很喜歡吃冬的, 這裡的讓我覺得有點失望單點的蟹膏沙津($68) , 很巨型, 份量十足. 蟹膏很鮮甜, 中間亦包含了很多蟹肉, 吃著都吃不完, 這款真值得推介. 如果午市套餐可以再豐富點, 可能會追上美登利, 但現時看來還差很多.但在香港來說, 此類的壽司店可給市民多一點選擇.看著其他的食評.他們出了三色壽司丼、很想去試. 再嘗蟹膏沙津回味一下…Read More

當日病住想食清D, 而呢間又無食過. 但個心又好想試下佢地既牛腩, c就c啦...叫左個牛腩飯.飯係有例湯送既, 我本身唔想飲架, 好驚係味精湯.位叔叔話要老黃瓜,好好味架. 就係佢誠意提議下, 我就恭敬不如從命入面好多豬骨, 又有老黃瓜, 好好味. 少鹽岩哂我. 有位姐姐會問夠唔夠飯....我當日因為病諗住唔會食太多, 猶豫左一陣應該夠既....姐姐好好, 佢話唔夠再問佢拎啦. 我覺得咁樣幾好, 記碼唔會浪費先.唔夠食再叫佢地加.牛腩只有細飯碗一碗, 我心諗咁少既.但食落其實都幾多, 碗底唔會有蘿蔔充數. 以前很喜歡吃重味既牛腩. 現在比較喜歡清湯腩.因為咁先可以吃到牛腩本身的牛味, 坑腩好淋, 咬下去鬆化. 加上香蔥伴飯最美味吃著飯時, 店內還有其他熟客同老闆吹水, 聽著他們說說以前的事, 回憶回憶係佢地傾到興起之時, 我不好意思打斷話題, 跟姐姐說[我要加飯]XD老闆毫不猶豫說:"好"姐姐後來說:你病呀, 要食多D食藥. 既然有留意到我病. 又同我傾計. 雖然只是閒話, 但有人關心總覺得好溫暖雖然店子小小, 而且裝潢也很舊. 但亦阻不了我會繼續幫襯之心. 加油…Read More

我老公成日推薦我去文輝食, 之前有跟佢去食過一次, 我都覺得好味既.今日行完街又唔想食咁肥膩, 自己由灣仔長征到銅鑼灣.為左就係佢地馳明既紫菜墨三鮮先嘗一口湯, 上湯味道, 不是淡而無味的. 不用過濃的湯底, 就可以帶出墨魚既鮮味.嘗過一口湯非常滿意, 就加了點魚露及辣油, 刺激味蕾.紫菜沒有沙, 小墨魚大約有4-5粒, 很嫩. 不會過韌.墨丸大約有兩粒, 很滑重點當然是大墨魚的鬚, 很爽口. 很喜歡雖然索價要四十多元, 但份量真的很大, 食得開心…Read More

之前有同事試過悠蔬食既晚飯, 而佢又知道我媽媽係素食者, 所以提議我帶媽媽試下.幸好悠蔬食係尖沙咀都有分店, 如果要去銅鑼灣的話我諗我媽媽未必會去...始終老人家行唔到太遠一早已經訂好位, 同爸爸媽媽3人行.店剛開始營業所以人未算很多, 不用等就可以入座.店內裝潢以白紫色為主, 很舒服, 亦很光猛.坐下不久,店員先幫忙斟水, 又叫我們先看看menu,之後再回來介紹店方推介, 店內亦有多部電視, 介紹他們的食物.每款都拍得很好, 真的想每款都嘗試我們先點了3款點心, 一份午餐 (午餐有前菜, 湯品, 主菜, 飲品各一) , 價錢由$88-$108不等, 亦可以以優惠價加點甜品一份.以及店員推介的黑松露薯蓉焗大啡菇, 他說這款是必食的.剛好3件一份足夠我們3人一人一件.先端上新薯蔬果青醬藜麥沙津, 新薯已經煮淋了. 配上近年健康新寵藜麥, 口感一爽一軟,配上黑醋酸酸甜甜.但個人不太喜歡就是沙津中另一款醬汁. 有點印度香料, 有點濃烈. 西洋菜南北杏蓮藕湯, 清甜, 淡淡地, 我覺得夠味, 但有人會覺得比較淡. 隨個人口味加一點點鹽就好了點心3款, 有燒賣, 粉果, 腐皮卷, 很欣賞點心, 湯品都非常熱, 點心要剛蒸好熱啦啦即食最正燒賣好足料, 入面是用豆品料, 混合甘荀, 素翅打成包好. 厚厚腐皮卷, 好多涵料. 醬汁都浸入了腐皮卷, 腐皮卷的汁看似很深色, 以為好重味, 其實不太咸, 用來送飯一流!粉果就還好, 正常味道, 沒有之前兩款咁吸引紅麴豆腐冬菇粉絲煲配珍珠飯紅麴豆腐冬菇粉絲煲比較的骰, 兩三啖就可以KO了, 男生食的話肯定不夠飽材料很豐富,  蔬菜菇類都很多, 珍珠米比較乾身, 我們都以腐皮卷的汁送飯,味道剛剛好.單點的黑松露薯蓉焗大啡菇  ($148)每一隻的啡菇都非常大, 剛上桌時有聞到黑松露既香味, 但吃下去只有淡淡的, 可以松露份量不多.啡菇中心釀了薯蓉, 上層再有一層芝士, 再配上蕃茄醬, 茄醬還有蕃茄粒的. 菇味突出, 賣相亦不錯.雖然是焗, 但竟然沒有很熱, 只是剛好而已.這個有點扣分,我期待的是吃到是剛出爐熱騰騰的大啡菇吃罷此道我覺得我還可以吃...所以又點了一份午餐. 就是點心拚盤配青菜雜菇煨麵 ($108)剛好拼盤的點心跟我們之前點的有不一樣. 春卷好脆很喜歡, 而且不油膩, 素义燒包醬不錯, 包皮又不太厚.青菜雜菇煨麵, 湯底很香, 麵很軟但煮得又不會太淋, 夾起來不會容易碎開.真的跟上海舖吃的差不多不過如果拼盤可以多加一至兩件點心會比較好, 感覺會化算一點這個套餐是LUNCH SET中最貴的餐飲點了檸檬蜂蜜跟檸檬蜂蜜生薑茶, 兩者只加了生薑的分別.但味道真的有分別, 爸爸話檸檬蜂蜜那杯比較甜, 要加水才行. 生薑茶多少份薑味, 很合兩老的味覺.雖然好飽, 但係吃甜品會有另一個胃.點都要試下佢地既甜品, 有芝麻卷同宇治抹茶紅豆乳酪蛋糕店員叫我地先試宇治抹茶紅豆乳酪蛋糕再吃芝麻卷.乳酪蛋糕即係chesse cake,我係吃了一口才知道是chesse cake.其實我係唔多喜歡吃chesse cake. 很怕那種重口味的chesse 味.還好chesse 味不重, 不會很酸, 抹茶味剛好, 不是苦澀味.chesse cake比較實. 我喜歡那個餅底, 脆脆的細細件, 我還可以將它KO. 多少少的話會很膩店員話芝麻卷, 佢地係自己炒芝麻, 烘焙, 自家磨的. 真的很久沒吃過芝麻卷, 芝麻很香不會很甜, 易入口先試宇治抹茶紅豆乳酪蛋糕再吃芝麻卷.會減輕乳酪蛋糕的滯後感.…Read More

真係大鄉里, 我同老公都未試過蒸氣火鍋,  自從前陣子在親戚屋企試過唔正宗既蒸氣火鍋, 覺得好得意.所以決定兩個人撐台腳試下, 而且有人服侍爽好多, 食物種類又會多D我倆大約6點多就走到, 不用等. 而且被安排坐在窗口位置.望著厚福街人來人往.別有一番風味每位$338, 8:00PM前埋單更有9折 (全食兩小時)除了有任食部份, 每位更有燉湯, 龍蝦半飯, 乳鴿半隻, 以及貝殼盛盆贈送.海鮮部份可以選4款, 我們就選了北寄貝, 鮑魚, 象拔蚌跟元貝. 都是貝類的醬料可以自己出去拿, 種類都很多, 飲料也是任飲的. 我就要了竹庶水, 清熱嘛燉湯味道還好, 不會很咸,但沒甚特別前菜都有3款, 青瓜很爽口, 蘿蔔不會很辣. 要不是之後要吃海鮮,我真的可以一口接一口吃完蒸氣火鍋原來是這樣子的, 前面有個計時器, 侍應會按食物要煮的時候去處理下面已經放了一些生米, 排骨跟南瓜, 等一會蒸海鮮時揮發的水就會慢慢把生米煮成粥, 雖然乳鴿跟龍蝦都是送的, 但絕不馬虎, 味道很好, 龍蝦也是用少許的蒜泥去蒸就已經很好味龍蝦肉又不會太淋,爽口蒸氣部份全部都是由店員幫忙煮,我們完全不用動手, 煮好後店員又會幫忙放到我們碟上象拔蚌跟元貝都會幫忙剪得小一點, 方便進食, 而且還會加上粉絲, 金針等配料一起去蒸. 真的很細心貝殼類的都不會過熟, 很鮮甜啊~吃完海鮮類, 就到任吃部份, 單上面都有很多款可以選, 有豆卜, 牛肉, 豬頸肉, 雞等等.真的好好味! 很鮮甜, 只需要點少少醬料就夠.其實吃了一轉就已經很飽. 不知足的我再加點了第2轉的牛肉, 這樣.....就眼闊肚窄了.因為之後還要吃排骨粥吃下的排骨粥會吃到有海鮮的味道, 而且已經很綿, 但耐何我太飽了, 只吃了一碗半就投降了最後還送上飯後生果西瓜作完結, 太讚了!!!!!!這餐真的太抵太讚, 兩小時不停的食食食, 不用自己動手, 店員亦十分細心, 不停問我們要不要加點東西啊~?就算負責我們枱的店員走開了,如果電爐的鐘響起, 另一位店員都會立即過來幫忙將菜夾起不會讓食物煮得太耐而且多人來的話,還會送白酒....適合多人聚餐…Read More