bigbigeater.foodie's Profile

又係bbq 的季節，唔想自已準備bbq的用具同食物，燒烤場係不二之選。燒烤場來來去去都係嗰幾個，今次終於去新地方la, 係對住青馬大橋同無敵大海景的珀麗灣挪亞方舟酒店。bbq在酒店，環境同食物都比一般燒烤場好得多，價錢也相差不大。燒烤套餐（Chill極致海陸空活海鮮燒烤套HK$1,888 ）有齊不同肉類同海鮮，照顧到唔同人的喜好，如有香茅醃澳洲保濕豬鞍、有機露絲瑪莉醃紐西蘭羊扒、手造迷你澳洲和牛漢堡、香料蕉葉烤紐西蘭海鱸魚柳、蜜糖茄醬燒原隻緬甸野生海虎蝦、日式大葱醃鹿兒島無激素雞肶肉、美國穀飼安格斯肉眼牛扒等，食材全是高質，仲有腌料調味適中，帶出食材的鮮味，加上bbq的燒烤味，正。而分量都唔少，我地4個人食完都捧住個大肚腩走，大滿足。…Read More

上湯焗龍蝦伊麵🦞龍蝦的鮮嫩肉質和濃郁的湯頭味道好夾,每一啖都感受到龍蝦鮮甜🥰伊麵煮得剛好彈牙,吸收晒湯汁嘅滋味,增添了口感的層次🫶🏻豉油王乾煎蝦🦐將蝦煎至金黃酥脆,外層嘅煎炸處理令蝦食落更加香脆可口👍豉油王醬汁亦令菜式增添了風味,鹹香嘅味道令人回味無窮😋除了菜品出色以外,海鮮可以提前預定，餐廳嘅服務亦令人印象深刻🥰整體而言今次嘅用餐俾人一種舒適和溫馨嘅感覺,好適合全家一齊過嚟食🥳…Read More

今日同事拍板帶我去勁有泰國風的餐廳，來一個忙裏偷閑的午飯。用餐環境寬敞乾淨， 好有渡假feel. 其實中環返工真係揾食艱難，又多人又貴。難得呢度價錢適中，有lunch set, 仲唔使趕住交枱。我同同事一人一個套餐，有前菜，主食同飲品。唔夠食，可以加配湯同甜品，埋單一人都係百零蚊。真係環境舒適，大大碟，抵食！軟殼蟹沙律 - 好大碟，足足有一整隻軟殼蟹，沙律菜夠新鮮爽口。Getaway 秘製烤雞 - 半隻秘製燒春雞，同事對個秘製醬汁讚不絕口，帶少少甜少少辣，最重要係肉質非常鮮嫩多汁。個伴菜是酸酸地的醃菜，同雞的味道非常夾。西京燒比目魚配喇沙意大利飯 - 我好鐘意呢個西京燒比目魚，大大塊之餘，比目魚非常肥美，肉質好滑。…Read More

如果食韓燒，第一間會諗起喜來稀肉。已食了好幾年，都維持都質素，另一個原因係有爐邊蛋。所以今日同honey 講想食韓燒，佢即刻做到野，即刻上網訂枱。今晚一如以往叫了兩款肉，加個海鮮煎餅，再有少少配菜，兩個人都可以食飽飽。最鐘意食爐邊蛋，不用加錢，有芝士同泡菜口味。另外，值得欣賞的係有個自助區，可以任攞自己鐘意的配菜和調味，食邊款食幾多自己話事，唔會浪費，必攞生菜同蒜片，配燒肉食一流。海鮮煎餅 - 夠熱，外脆內軟，夠足料。燒肉方面，一個豬的護心肉同真雪花牛肉。超推護心肉，一來價錢ok, 二來很柔軟，又唔會滿口肥肉。真雪花牛肉，價格比較高，有少少厚度，真係有雪花，帶均衡牛脂，適合燒烤。服務不錯，職員會主動不時留意有冇需要換燒板。是晚2人用餐費用大約$500. …Read More

今日係客到開完會，返公司時經過Bakehome見到有新出品，係馬卡龍包包，賣$18一個，就買晒3隻味返公司俾請同事食。由於有人話想試齊所有口味，就分開幾份齊齊食。馬卡龍包外層烤到酥脆，入面係軟綿麵包同夾心餡，就好似係馬卡龍一樣外脆內軟。而中間的夾心餡係滿滿，非常滿足。朱古力馬卡龍包 - 我最鐘意呢款，個餡係香濃的朱古力榛子醬，可可味濃。抹茶馬卡龍包 - 呢個係抺茶控必食，用上日本抹茶粉和抹茶醬，個餡質感係好絲滑，食落係濃郁甘甜抹茶味，非常濃郁。忌廉芝士馬卡龍包 - 最特別係呢款，係淡淡的酸甜的忌廉芝士醬。…Read More

今日早放去咗荃灣行街，竟然見到炯記燒味。平時去開尖沙咀炯記食午飯，覺得性價比高，燒味不錯。所以即刻買少少燒味返屋企，為晚餐加餸。餐廳門口有個大大的牌寫食"大特價", 非常吸引，覺得最抵食係呢個，而每一日的特價的燒味都不一樣。因為想食燒鴨，就㨂了組合B, 有脆皮燒鴨半隻和叉燒拼燒腩仔例牌，一共$138.返到屋企一開，份量真的得多，抵食之餘，味道同質素也可以。我最鐘意食燒鴨時配酸梅醬，而炯記好大方俾了幾包，分量充足。…Read More

今日食晏無乜時間，要趕返公司開會，又唔想食三文治，又唔想食頹飯，唯一諗起就係公司附近的炯記燒味，上餐快之餘，味道又有質素。簡簡單單叫咗平時必叫的太子鵝油撈麵加配燒味同飲品。係尖沙咀食午飯，呢個價錢同味道都算抵食。太子鵝油撈麵的麵是爽口彈牙，配上非常惹味同帶點邪惡的鵝油和適當的調味，增加味道的層次，令撈麵不再是配角。仲有另一個主角就係秘制煙燻燒鵝，大大碟全部都係啖啖肉，而鵝皮燒到色澤均勻，帶少少香口同煙燻味，配上燒鵝專用的酸梅醬，平衡了燒鵝的油膩感。同事比較鐘意食牛，一如既往叫了清湯牛魔王撈麵。同事話驚等陣開開下會會肚餓，仲叫多個鹽焗手撕雞腸粉一齊食😅 次次都係食鵝油撈麵，今次第一次食手撕雞腸粉，手撕雞夠入味，腸粉都好滑。係炯記又多一個必食菜式。…Read More

銅鑼灣長期要排隊的Flipper's 係尖沙咀開咗分店，平日中午時間嚟係唔使排隊❤️第一次食Flipper's 緊係要食原味。疏乎厘班戟最重要係夠疏乎，呢個原全做到，空氣感充足。最特別係餐廳知道呢個特點，非常貼心心，特別準備兩支叉用嚟食班戟，因為真係太軟綿綿，用一隻叉係食唔到。而味道方面，有香濃的蛋味，熱辣辣嘅班戟配上凍冰冰嘅忌廉，口感一流。唯一美中不足的係無配搭糖漿，鐘意甜食嘅我覺得有少少不足。另外叫咗杯cappuccino，味道唔錯，不過無拉花，用嚟打卡爭少少😂…Read More

又係中環搵食艱難系列。最近好想食waffle，一揾之下原來中環無乜地方有waffle 食，唯有近近地食個香港式窩夫頂住先。一如以往，午飯時間唔使排隊，不過要等一陣，因為即叫即整，熱辣辣，個餅就唔會好似西式waffle咁脆脆地，佢的口感係軟熟的。餡料滿滿，牛油、煉奶、白砂糖和花生醬填滿整個格仔餅，超肥但好好味。價錢：$23 食物：唔錯唔錯 (餡料豐富)服務：快（唔使排隊俾錢，即叫即整5分鐘左右）環境 : N/A (外賣）…Read More

又係中環搵食艱難系列。今日有朋友自遠方嚟揾我食個飯聚下舊，所以就㨂咗間遠遠地係大館附近的cafe，諗住唔使同人迫又可以坐耐少少都唔尷尬。兩個人就一人一杯咖啡，可以㨂fruity定nutty的咖啡豆，好專業咁，仲拉花好靚tim。跟住就叫咗一個係社交媒體成日見的金莎tiramisu bagel,另外仲叫多個開心果巴斯克芝士蛋糕。金莎tiramisu bagel - 朋友鐘意呢個，覺得個tiramisu 份量夠多同滑。開心果巴斯克芝士蛋糕 - 香濃的開心果味，比平時原味的多咗層次感。我鐘意呢個多d。價錢：正常cafe價 (見唔到d蛋糕有寫幾錢😂）食物：可以再食 (咖啡唔錯，甜點ok)服務：職員好友善環境 : 原來weekday午飯時間無乜人…Read More

又係中環搵食艱難系列。隔離位同事差唔多日日都食焗豬，搞到我都心思思，決定試試香港站開咗無耐的金記。由於佢係港鐵站，所以餐牌都係得幾個選擇，價錢同一般連鎖快餐店差唔多。個蕃茄焗豬扒飯有好多芝士，大大塊厚豬扒，多汁，香濃蕃茄味，飯就正常炒底。因為我本身唔食青豆紅蘿蔔，所以最有驚喜係個焗豬無用到三色豆，今次我唔使左撩右撩。可以大大啖咁樣食。價錢：$50 (有飯有熱飲，算唔錯）食物：正常 (鐘意無三色豆）服務：OK (唔使排隊俾錢，好快拎得外賣）環境 : N/A (外賣） …Read More

返工返到悶悶地，今日要同屋企人慶祝生日，順便慰勞吓自己，就決定買我同屋企人成日想試的千層蛋糕。食千層蛋糕一定首選係Lady M. 佢的皇牌係原味，但今次就想試下茶味的蛋糕。伯爵茶千層蛋糕 ($510 - 6吋） - 法國出產的伯爵茶，經精心泡製，做成茶香芳郁的伯爵茶忌廉。均勻地塗在每片透薄的班戟之間，超過二十層之多。蛋糕面層撒上自家磨研的伯爵茶葉碎粒，並飾以矢車菊花的花瓣，幽香怡人。個蛋糕充滿忌廉令個口感好滑，每一層班戟都好薄好軟熟，而個茶味好出，真係好好味。價錢：$510 (OK, 手工蛋糕）食物：VND好食（個cream 好滑）服務：OK…Read More

又係中環搵食艱難系列。話說呢排熱氣，想食清d, 咁就決定食粥。㨂一粥麵係因為夠近，二來連鎖快餐店價錢會平過ifc的粥店。皮蛋瘦肉粥($33) - 味道不過不失，個粥都有瘦肉同皮蛋，都叫足料。份量方面，真係好失望，個碗個大細算正常，但個粥只有三分二😿 係咪我唔好彩啊😭如果個粥同個碗係一樣大小，呢個食評會係好評嚟，可惜可惜！😿😿價錢：$33 (OK)食物：正常味道服務：OK (都多人，要等，但個粥唔足秤）…Read More

週未同朋友踩單車，挑戰由大圍踩去大埔，去到科學園就覺得有d攰，就去咗Starbucks 買個咖啡係海旁坐下，休息下，聊下計。碎朱古力咖啡星冰樂 ($42) - 夏天的首選一定係星冰樂，而我的首首選一定係Java Chip Frappuccino. 由咖啡、朱古力醬及富口感的碎朱古力調製而成，再覆上香濃朱古力醬，係冰涼透心之選😍 職員會好細心問你要唔要cream, 一定係要！個配搭超好正🤤泡沫咖啡 ($38) - 呢杯係朋友嘅，佢鐘意轉燕麥奶，佢話成杯咖啡好飲咗。藍莓芝士蛋糕 ($36) - 其實Starbucks 係蛋糕方面無乜選擇，都係㨂個普通的芝士蛋糕，配個咖啡。價錢：$116 (OK for weekend chill)食物：OK(最鐘意Frappuccino)服務：快 (唔使排隊）…Read More

又係中環搵食艱難系列。轉工返咗嚟中環已經有半年，一直想試呢間有米芝連的點心店，奈何真的得多人排隊，午餐時間真係無時間排隊。由餐廳外面可以睇到餐廳的格局，跟茶餐廳一樣，坐得好密，基於疫情都唔係好想去多人的地方。今日唔想食粉麵飯，就買點心外賣。由於一個人食，簡簡單單買了一個點心。酥皮焗叉燒飽 ($26) - 呢個係必點，係添好運的招牌。一盒有三個，好抵食。個皮好脆，好少少似菠蘿飽個脆皮，不過呢個皮更加細緻，更加鬆脆。個包好軟熟，入面係滿滿埸叉燒醬同粒粒又燒，好惹味。外賣盒仲細心建議於一小時內品嚐。價錢：$23 (平，外賣有9折）食物：好味道 (夠熱，夠脆）服務：快 (要排隊俾錢，要等點心，不過好快）…Read More