et6's Profile

之前同朋友食過一次銅鑼灣果間，原來佐敦都有分店，試吓啦！必點湯底「龍皇海鮮鍋」，有龍蝦、大蝦、扇貝、大蜆、蟶子⋯⋯店員會建議客人先飲湯食海鮮，食完再加湯打邊爐，睇住佢分都覺得開心！龍蝦，厚肉，甜、爽，算不錯大蝦，勁甜、彈牙(仲有幾隻添)扇貝、蜆、蟶子呢d貝殼類都ok，有隻蟶子肉有d殻碎，小朋友食要小心～個人食牛鍾情濃味牛肉，記得上次店員推介牛邊位，今次水準依然，牛味濃郁鮮甜，不油膩～脆鯇骨腩，打邊爐必點！唔錯，鮮、甜、脆湯底冇蠔，後加咗份廣島蠔，一上枱有少許腥味，灼熟後都有少許腥，有d失望⋯⋯基本上，叫呢個湯底灼咩都勁甜勁好味，灼海鮮、菜類更加冇得輸！店員反應快，勤換碟，醒目地主動提供協助，加分！唯分店環境銅鑼灣店較好～…Read More

難得大家都準時放工出到尖沙咀，本身諗住行吓先食飯，目標行緊去Apple Shop，路過大家都比呢張相吸引住，「嘩試吓囉！」，就衝左上4樓喇！哦？門口放左好多酒類裝飾，又有個備長炭牌，就趟門睇吓。當時7pm左右，以星期五來說客人不算太多，店員話新開張仍在試業中，慢慢睇吓menu，亦有推介築地直送活魚同埋魚缸海鮮，望住個魚缸見到d蝦同龍蝦好活潑咁同我地打招呼。好！小試牛刀啦不如～A5和牛，淺嚐一下，好juicy燒到剛剛好(充滿住炭香味，備長炭燒係唔同d喎)我地叫左個浜燒二人前，見到師傅幫另一位客人燒緊花竹蝦⋯⋯我地下次食！蟹肉蟹膏甲羅燒、帆立貝、鮑魚、海蝦店員會幫我地處理燒物，唔駛我地操心，加分！一個字「鮮」！尤其我好鍾意食甲羅燒，主要我食晒～壽司盛刺身都新鮮，可惜佢今日既風頭比海鮮搶晒囉！綠茶可樂，OK啦～下次要多d人嚟，可以叫多d野食，食多d海鮮，又可以試吓佢d sake/whisky⋯⋯或者涼d可以考慮坐出面outside area望住廣東道飲野應該都好feel！…Read More

同 octopus 行完書展，想喺附近搵間特色餐廳食飯，就呢間。海南雞係必叫既，因為我鍾意食！半隻，份量頗足，雞肉算滑(當然有其他比佢更滑既餐廳啦，但就獨孤一味)。有三款醬汁跟，我鍾意辣味，食得開胃d銀魚咸魚芥蘭，芥蘭爽脆，愈食愈追住食(太惹味)油鬆餅，因為見到印巴藉師傅整緊，所以好想叫嚟食。佢已經跟埋小碗咖哩汁(都辣辣地既如果點得多)肉骨茶，係 octopus 想食。馬來西亞版本既淡口版本，飲後口腔回甘，足料，跟埋份油炸鬼粒(指定配料)。個人建議出一碗裝，方便少人都可以叫多幾樣野食椰青，好fresh，好飽都忍唔住食左少少椰肉好full好滿足，店員姐姐都讚我地犀利話我地今晚唔駛宵夜添～…Read More

之前喺灣仔返工時食過一次，覺得好食。今日路經灣仔，同 ms. octopus 去試試啦！諗都唔駛諗，一定叫至極雞白湯，配粗身普通硬度拉麵！出左個新既唐揚炸雞，叫埋試吓！睇住師傅喺你面前製作食物，全open kitchen (雖然遮左半身，基本見唔到個爐)，但見到拉麵一碗一碗出好開心！有得食啦！先呷一口湯，好濃好好味！味道仍然不變！佢個拉麵係用雞肉叉燒，配埋雞白湯完全掛麵⋯⋯試過就知咩味道架喇！唐揚炸雞，估計油炸得太多野，顏色有d深，不過味道係唔錯既！特別留意枱面有盒醃芽菜，好好食，記得要試吓喇(店員追係自家製)…Read More

呢間野新開左一排，亦食過好幾次，今次真係忍唔住要同大家分享今日既經歷⋯⋯坦白講，野食係ok既，但今日錯漏百出！我地叫3碗米線。我果碗叫左走蔥走芫茜，嚟到咩都落齊(店員上菜覆單時有講走蔥走芫茜架⋯)，然後多左雞肉(我冇叫雞肉)！同事果碗就少左雞肉(即係落錯左我果碗)！另一同事就得芝士腸，落漏左份蘿蔔，後補返⋯我地叫3碗野，3碗都有野錯囉！今日咩事亂到咁呢呢間野！唉…Read More

見Openrice 突然冒起呢間雞煲，放工就去試吓啦經過街市，終於都到，一推門，店員話冇訂枱冇～位～OMG，喺門口迷惘緊點算好呢⋯⋯店員推開門話比你地食左先啦！好！見枱枱都食雞煲，唔諗咩湯底喇就叫個雞煲啦！佢唔係分1隻/半隻收費，而係分大/小煲，2個人就梗係叫細啦！個雞煲一上枱，店員用枱面飯勺兜兩野就食得。雞件略細、碎骨略多、偏辣(叫左小辣咋)、唔夠麻，味道普通吧！廣島蠔，一上枱就聞到鯹味頗濃，灼熟後都有d縮水，有少許蠔殻碎片，唔太好食脆鯇腩，一上枱佢比左半片半腩我，明明我叫腩都要搭幾片魚片？算！嘩多碎骨到呢⋯⋯成碟得2件係正常腩，太取巧喇啩？油麥菜，冇乜特別，係有d爛囉整體食物麻麻。p.s. 成餐飯都有烏蠅飛來飛去，枱底又有蚊咬，睇嚟要搵人滅吓蟲啦！…Read More

一直都想試，深水埗、之前旺角店都太多人，點等呀⋯⋯今日經過將軍澳，唔駛等位，梗係試啦！必試既：酥皮叉燒包、黃沙豬潤腸，仲叫左幾款大路點心晶瑩鮮蝦餃個人覺得大小適中，蝦夠爽口，皮唔 "lim" 口，唔錯喎！我覺得飲茶必食蝦餃既會like！黃沙豬潤腸筷子一瞥落去，有d失望，皮太削，夾唔起，豬潤唔夠滑(可能期望黃沙潤會比普通豬潤更香更滑啩)酥皮焗叉燒包好鮮好新鮮，似一焗好即出，餡亦好熱辣辣，但酥皮唔夠鬆化，加上個人一向唔太喜好叉燒包，一般啦美味鮑汁鳳爪算入味，八角味略濃(唔好八角味既要留意)煎釀虎皮尖椒略油，但好香口鯪魚肉亦好彈牙，like白灼青油菜全走，一般西生菜唔駛形容啦唔駛排隊等既，唔想去酒樓要加一既，可以一試！可能深水埗店出色d啩？…Read More

放假都輕輕吓，突然想食德國菜，好想食咸豬手beer beer佢爽吓，朋友提食呢間！訂左位，7點去到都唔太多人，可能d人未夠鐘食飯啩，我地因為多計傾想早d開始囉⋯第一時間梗係叫啤酒啦！問問店員(外國人)有咩推薦，我地信佢叫左一支gold、一支dark沙律一定最快到喇，賣相不錯，佢比足5大片蜜瓜你配Parma ham 食，balance 返個鹹香味，不錯不錯！仲有少少mixed green，略多醋略酸主角係要等20-30分鐘，佢上枱時經已切開晒，你見唔到佢原隻個樣係點，wow望好脆好滑肉，忍唔住趁熱食落口，皮好脆，肉都唔太散淋都滑，配埋個酸菜食好舒服，個mashed potato好香好好味香腸拼盤(小)，份量都足，食到大家投晒降下次唔食豬手可以試吓佢d 2人餐，有扒有腸有薯角有菜…Read More

放假行街真係好開心既，不過天氣實在太悶熱，大家諗唔到食咩朋友又想食蕎麥麵就去呢間喇⋯⋯嘩，7點幾到要等位喎，行住商場等啦⋯⋯行左陣，都算快有位既，入到去都幾鍾意個店內環境，而佢四人枱只入2位，令大家唔駛同隔離位唔識既食客咁近，另外佢張櫈背高到呢(成年人住果張櫈個椅背會高過個頭囉)，like!朋友好快已經決定食陶板燒蕎麥麵套餐，我就食吉列豬扒。落完單店員就會張相關既道具比左你先，等你慢慢等食。陶板燒到先，坦白講個陶板係傳熱快既，但d雞油彈到成手都係(加上佢跟比客人既煎雞筷子太短因為用普通外賣即棄筷子)，呢度唔夠細心扣分，佢配雜菌同煎既牛油令菇香而不膩，正(利申：本人鍾意食菇)由於我全程幫朋友煎雞扒(太專心)，我個吉列豬扒喺雞扒差不多食晒時都未到，朋友幫手追問係咪漏單(朋友話如果我唔係專心地煎雞扒應該早就追單了)。最後，吉列豬扒喺我地食晒煎雞後終於出現！(扣分漏單)到我食野果刻，已經攰到冇乜胃口，加上等左咁耐，而吉到列豬扒又唔係特別出眾，一般啦(唔夠鬆化、肉有d乾)最後，朋友向店員提出想要柚子湯配蕎麥麵汁混合飲用(感覺似味噌湯)，為晚餐畫上句號總括而已，食物尚可，但漏單令我感覺欠佳⋯⋯…Read More

平時夜晚好瘋狂多人等位，自問耐性一般，多數半途而廢。今日陪老細去食，因為早左出去又訂定枱就梗係食到啦！店內環境真係幾正，有一刻會以為自己去左日本添 (當然快速清醒知道身在apm啦)。例牌影返幾張相先⋯佢有午市定食，唔駛煩，叫左個壽司盛，老細梗係食好西 — 鐵板燒啦 (帆立貝、牛柳粒)D野食都算快到，蕎麥麵湯底清清地，有幾粒菇，麵略淋，還ok吧！前菜都係普通野，牛舌漬物主角到，壽司定食 — 吞拿魚、油甘魚、三文魚、魷魚、腐皮、三文魚卷，真係普通質素食物而已。坦白說，如果唔駛等位我會食晏，但如果要我排好耐隊食晚餐我會選擇放棄吧⋯⋯呢個價錢，相信有更好選擇啦！…Read More

平時行完PMQ就會返去soho果邊食飯，朋友介紹行完可以食埋飯先走，沿鴨巴甸街上斜，就見到呢間小店(左前) Grapefruit Lemonade朋友話好酸，開胃得滯喎(右後)Shirley Temple酸酸甜甜，好正！Garlic Prawns蒜片炸得金黃香脆，蝦爽甜彈牙，好惹味Meatballs口感好特別，佢不是好彈牙既手打肉丸，但，好有特色(出面少有呢個味道及口感)Spaghetti Carbonara自己加左少許黑胡椒，提升香味，但佢個芝士實在太濃了，真係食少少已經好有飽肚感(喜愛cheese既朋友要試吓)Roasted Chicken係烤得太熟？定係咩原因？雞肉好淋好散，很一般Creme brulee全晚最期待既dessert，點知，糖唔夠脆，蛋味亦唔夠濃，很一般Tiramisu賣相真係唔太吸引，反而呢個tiramisu比Creme brulee更好食！食到濃郁既咖啡酒香一坐低就見到tentcard，直到結帳，佢會比張$168既sugar點咭你，此刻令你完全相信真係世上真係有免費午餐！…Read More

吃飯地點，也要平衡大家工作地點，是晚約了港島區朋友，就選址香港區。前幾天見到雜誌廣告說$38一條魚，朋友說恆生優惠小菜，好啦就呢間~~經扶手電梯上去，見店員出來迎接，嘩，太好招呼喇啩？一坐低，就見到$38魚及$33恆生小菜，大家同意先叫幾款試試…紅燒雙菇 $33好香好惹味，我地個個都鍾意食菇~~鎮江小排骨 $33好脆，滲出酒香，不錯不錯~~份量也不少榨菜腎片 $33看起來平平無奇，吃起來辣味十足，但令你想一口接一口蒜香四季豆 $33冷盤，爽甜，味道ok黑蔗糖叉燒店員話唔係燒焦左，叫我地唔好擔心。入口偏甜，叉燒也算鬆化，頗特別頭抽煎封海魚 $38很香口，頭抽亦很香濃，抵食~~薑汁方魚炒芥蘭芥蘭好爽脆，也夠薑蜜味燒脆鱔燒得香脆，有一層薄薄的蜜汁，果然皮脆肉滑，like金不換燒海魚因為頭先果條魚ok，所以encore，試另一款，風味完全唔同，呢款魚肉更滑，唔錯！食飽，仲有甜品送，幾好！…Read More

想不到香港也會有微熱山丘……只是企在門外，也感覺到那台灣的感覺。悠閒，其實很簡單…店內空間感十足，很舒服很放鬆…不論你是否購買產品，先讓你品嚐一件鳳梨酥及一杯冰凍烏龍茶先呷一口茶，舒緩暑氣店員介紹這是香港版的鳳梨酥「夏顏」，酥皮是用法國頂級牛油，而鳳梨採用六至八月採摘的份外清甜相信，香港難得有這種台灣風格及態度的小店，毫不吝嗇讓你品嚐原件(未開封)鳳梨酥，這胸襟在香港太難找到我們還是買了台灣版的(店員說台灣版比較酸)，想回味一下台灣那種悠閒。可惜茶要連杯購買box set，如果增設只買茶包，我也想買一盒呢~~~希望香港可以多一點這種小店，先不計較，相信客人只會更加慷慨(起碼我一定會)…Read More

因為太大安旨意有位，出事了，去到，full晒，店主叫我地門外等，走廊等位感覺確實有點吃力(焗、攰、餓)。幸好，20分鐘左右有人出來，終於可以入座了！由日本人主理，店內有濃厚和風味道，亦見吸引日本人光顧。本人對沾麵未至於鍾愛，只覺得好食既野一試無坊啦！小食種類不算多，叫左1人1客細版沾麵、炸雞、秋葵、燒酌炸雞好香脆juicy，雞肉亦算嫩滑秋葵灑上味粉及芝麻，好香，好惹味烏龍燒酌味淡淡，不太好酒精既我不大感興趣主角到了，相信店主刻意把製作沾麵放在open kitchen，讓客人看見沾麵的準備過程……先來冷麵版，我們只點了2小辣(怕太辣頂唔順)，眼見醬汁有大量芝麻，聞起來好香！一吃，入口微酸，好fresh好舒服，吃多幾口，辣味滲出，嘩，但這味道令人追著吃再來熱版，熱版味更濃，辣味較快滲出，對淡口味的人來說略鹹熱版較惹味，又多了一隻糖心蛋，叉燒亦較冷版好吃香港主打吃沾麵的店不多，不知會否繼拉麵店後，又有一系列沾麵店進駐香港？…Read More

放假唔駛咁早起身，約埋朋友去中環望住海景食lunch真係唔錯~~~如果日頭去呢間餐廳建議好天先去，唔係就嘥晒個view喇樓底高，落地玻璃，天氣勁好，望住個維港食野，真真真爽！Lychee & Rose Twist清新幽香，茘枝甜與玫瑰香氣頗襯，不錯。Midnight Gloria深藍色的藍蝶花茶+橙色的果汁，視覺效果一絕Green Apple, Banna & Tangerine青蘋果、香蕉、橘子，朋友話幾fresh，夏日之選Strawberry & Banana Smoothies朋友話唔太甜奶味唔太重，幾okLime tempura smelt fish with spicy kimchi mayonnaise魚唔腥，配呢個醬好正，出奇地matchCrispy fries with black truffle mayo見好多人都話要試呢個薯條因為呢個黑松露醬，一試，真係好好好好正~~佢有個估佢唔到既化學作用Rice paper and red beetroot roll以米紙+紅菜頭捲住蝦肉、煙三文魚等等，沾一點泰式香醋，可提升海鮮的鮮甜味Crab cakes with edamame beans and organic corn with yuzu mayo以蟹餅裡的蟹肉絲非常幼細，蟹味偏淡，但吃起來整體感覺清新Wagyu beef burger with black truffle mayonnaise and homemade pickles由於有朋友唔食太生既牛肉，所以叫左Medium Well 的和牛漢堡，可能太熟令肉質偏乾，沒有肉汁，肉味亦偏淡，感覺很一般Banana Crème Brûlée見好多人大讚既甜品，日間叫看不到火光(因現場太好陽光了)，香蕉薄片鋪滿燉蛋，唯面層糖漿不脆，蛋香也不夠，淋上少量Espresso，感覺味道是怪怪的環境真係好好，但食物真係唔係樣樣ok，食評可以參考，都係隨心叫野食吧~~~…Read More