miki_1218's Profile

住碼頭的人都知餃里係悅湖好出名，而我係海趣見到佢圍板就已經好期待架啦！見佢開左幾日就即刻去試。我叫左個芝士粟米煎餃，配上撈麵（本身想配湯麵但前台話煎餃只可配撈麵，湯麵要正價）。咁我自己本身就外送食過悅湖間餃里既，都覺得唔錯，所以心裡都好期待。上菜時間較慢，等左約20分鐘，但當時店面唔係好多人。而落單時員工掛住吹水，要我叫佢地先反應黎。上菜後，佢個湯幾好，而我覺得芝士煎餃係好食的，都好香好惹味，但佢個撈麵實在強差人意，我諗係個醬汁出左事，有點太酸，應該落得太多醋。我食左一半就放棄左。結果個日開始無咩胃口，我自己脾胃一向較差，應該係d醋酸親個胃🥹…Read More

好耐無食過，偶爾都會黎幫襯的屯門名物-雲川！落左單後2-3分鐘就上菜，速度都算好快。眾所周知，佢的魚湯無得輸，最好食係豬頸肉米線！但今次叫左香茅豬扒。味道都幾好。而我以前都好鐘意食佢個雞軟骨最近一直都停售，希望之後有機會會有番啦！不過都有叫豬大腸及雞翼，豬大腸一如以往咁正，好香好脆，但係呢佢個份量好似少左。個炸雞翼就好一般，可以不叫。食過咁多間雲x雲x的米線，都係雲川最岩我心水，隔一陣就會想再去幫襯～ …Read More

我自己本身就好鐘意幫襯但馬屋集團，而咁岩去到大埔就再試下牛陣。已經係第二次去試。上一次去係感覺一般但覺得都算抵食（$149加一）。但肉類質素不太好，湯底亦太淡。今次第二次去，我叫左貴少少的午市放題（$189加一），有澳洲牛食。吸取上次教訓今次叫左壽喜燒湯底。濃d但都比一般餐廳淡少少。呢個餐仲有牛舌食，幾好食～今次去haagen dazs都有5-6款揀，都好豐富，而且每款都幾好食，我係食焦糖及曲奇味。而且佢d小食有沙嗲魚蛋、燒賣、麥樂雞、薯條等都幾好食。呢個價算係好抵食！…Read More

自從我樓下間食開的車仔麵執左，我就四處想搵各區好食的車仔麵，今次黎到大埔區！🥰環境都幾得意，有d復古既牌仔～但座位就唔係好多。一上菜個腩汁底都好香濃！ 餸方面我揀左3款，包括：牛腩、陳皮魚蛋以及瑞士雞翼，每種都幾惹味！ 而我自己本人就最鐘意食個牛腩，都好香口下，而且服務態度幾好～聽聞平時好多人排隊，今日可能因為落雨加上平日，揀左5點幾入去少人d，所以可以直入！但位置就稍微窄左1d，如果寬敞點就更好～下次有機會再黎😛…Read More

可能因為餐飲最近都面臨打擊，唔少店都推出時光倒流價的下午茶黎挽救生意！而最近我都俾燒肉like呢個推廣吸引左～ $48起燒肉套餐，星期一至五3:00起推出（無記錯的話），有150g肉、湯、沙律、飲同飲品～ 肉份量唔算多但都飽肚！而我就建議食$58的牛五花及牛舌套餐，肉質唔錯，食得好滋味！仲要唔駛加一，的確係窮人恩物xD不過燒肉個爐就同其他分店一樣，好容易好大火（特別係肉有太大油脂的時候），所以要定時mon住個爐較大細呀！…Read More

V city雖然餐廳好多但令我真正想一再encore的就係呢間但馬屋火鍋～我基本上每次都係點佢地最平（有豬同牛）的套餐食，就算唔係貴餐我覺得肉質都算好唔錯！而出面拎的蔬菜及配料種類都算豐富！仲有水果及哈根大師雪糕可以食既～我最愛就係羽衣甘藍🥬每次都食得好滿足！ 而且今次去服務都好好，職員都好貼心好密執碟，值得不斷再encore! 唯一一點係覺得環境較逼，桌與桌的距離太近，桌子又太細，不過除咗呢樣都滿意！…Read More

以前晚上食過千兩，單點的話每人食$200-$300都唔太飽肚，所以都覺得比較貴。最近突然有朋友介紹可以黎食午餐，話性價比高d，呢個餐$108加一，都幾多野食，有天婦羅、壽司、烏冬、湯同果茶。壽司佢應該即點即造所以等得比較耐。但感覺上呢個價位，份量都幾足夠，款式又豐富！而且壽司都新鮮、天婦羅炸得好香脆，環境又坐得幾舒適，係杯果茶好似太甜了，除左呢樣野都值得再encore！下次會再試下佢地其他set🥳…Read More

今日去咗成日經過但都無入到嘅湊湊～被佢個午餐半自助吸引到！我叫左個酸菜魚煱～ 仲有其他配菜及甜品！甜品係豆腐布甸幾好食，酸菜魚口感同個湯就差d～個湯唔係好流質，係比較「結」的，但旨在份量都好夠～申請會員可以免費去自助吧！出面會有前菜（辣魚皮幾好食）、水果、肉燥飯任食（肉燥幾好但飯好似太生）～但前菜被人夾哂就會唔refill，所以要早點食～加左杯野飲後一百頭埋單，性價比都算唔錯！不過我諗食佢地正價火煱會好食d… …Read More

已經係第二次黎😊係尖沙咀百物騰貴嘅地區，想搵間平民餐廳都幾難，呢間算係性價比較高的🍽️呢間野就係the one 後門對面。幾鐘意佢店內設計，牆身寫的「一碗滿滿的幸福」，感覺係到食碗麵都係小確幸🥰今次叫左三汁蜜汁烤雞扒便當，雞扒加左蜜汁好惹味，而且肉都算嫰口👍🏻個肉燥麵線爽口彈牙，對我黎講粗幼度適中～ 加上杯冬瓜茶～ 成個餐食完的確有種滿足同埋幸福感！而家晚上去人流唔算多，座位都坐得舒服～ 服務都算幾好～ 下次會再encore💖…Read More

是日同媽媽慶生🥳同親友一齊去咗呢個沉浸式中菜體驗空間「䭘」😆晚餐一共有八道菜，聽聞係個時宋朝名人鍾意嘅古菜黎💖每道菜都會有聲音導航介紹，仲有360度投影動畫牆圍繞住我地，一次過滿足哂視覺、聽覺、味覺，成個感覺好藝術~ 最緊要係媽媽同親友都打卡打得好開心🤩呢道菜叫「蟹釀橙」，出場時「仙氣逼人」😎鮮橙入面包住大閘蟹蟹粉、花蟹蟹肉同橙肉，配上法包，鮮甜嘅蟹肉好加分👍🏻呢道叫「二十年陳花雕海上鮮」～兩斤半重嘅東星斑用花雕酒蒸，配上蓮子同脆米，聞落好有酒香，東星斑都夠哂鮮味💯另一道菜「蘇軾慢煮東坡肉」，東坡肉軟淋淋 ，最岩送飯🍚有個迷你白飯仔跟埋架🥰好cuteee之後呢個「燻烤全鵝」，隻鵝皮脆肉嫩～肉質夠軟滑～相當入味👍🏻而我自己都幾鍾意佢陣煙燻味😊仲有呢道「禎州鰒魚油潑魚兒」，椒鹽大鮑魚再加上自家製嘅魚麵～煙煙韌韌～口感爽口彈牙✨都幾惹味😋呢間房係一定要預先訂位架！我同親友一共8人,媽媽同親友都好滿意😆每人$1,299～ 食左兩個幾鐘～雖然唔係話好平，但我覺得絕對值得😇唔想慶生又係一式一樣去傳統中式酒樓，偶爾去下呢種特式中菜餐廳都幾好💖菜式又有樣有味～雖然話係餐廳，但好似去左睇場藝術表演咁🤣🤣🤣…Read More

我都算半個火鍋控，食過好多大大少少嘅火鍋店，但唯一食完會再想食的就係但馬屋👍🏻有一段時間無黎，今次叫左最平個個套餐，牛及豬都係最低級，但質素超出所料地好，都算厚身而且肉味好解美！講真比起其他火鍋店的「中級」牛豬都更好食呢！ 而且火鍋配料方面選擇都多～好似墨魚丸係真係有墨丸架xD 另外各款菜都好新鮮，食完又食，又唔怕滯！90分鐘晚市放題時間剛剛好👍🏻最後食埋水果& haagen dazs ，完美💖會再有下次、下下次、下下下次💖…Read More

是次去WM 酒店順道去呢間好評如潮嘅餐廳💖餐廳樓底好高～好有渡假風～ 都坐得幾舒服！同男友一人叫左一款burger, 鵝肝安格斯牛&燒雞～相比下beef burger好食好多， 牛味好濃，鵝肝都好香😍而且值得一讚既係d薯條係好厚身，入面薯仔係好充實飽滿的👍🏻所以食完就好飽啦！提早係openrice remark左想寫甜品碟，叫左皇牌pancake， 但等左足足45分鐘左右先上菜，而且個pancake有點凍左，所以呢樣係少扣分⋯⋯不過整體餐廳食物味道係幾好，用料都幾高級，值得trytry💖…Read More

接男友收工，係佢公司附近搵左間住家菜餐廳黎試～聽男友講呢到午飯好平，五十幾蚊包小菜、飯、湯、糖水！😍😍😍姐姐服務都幾好，又主動介紹有咩好食👍🏻今次叫左碳燒牛柳粒、西蘭花斑塊及沙拉骨～每碟都夠火喉～都好惹味～好有住家飯的感覺！二人世界黎講都係唔錯嘅選擇！但原來晚餐係只送糖水，是日糖水係西米露都幾好味～但原來白飯同湯係要另外加錢，無午餐咁平，少少扣分位～下次有機會就再試下佢地個午市套餐先😊…Read More

是日同母親大人慶母親節🌹好多放題店都full哂好彩網上咁岩book到呢間～食過好多間放題店～呢間的確印象深刻！款式夠多好滿足😉而最期待的刺身如留言區一樣，好新鮮，特別係三文魚及鮑片！另外，好多創意壽司，款款賣相都好精緻，放題店黎講絕對唔馬虎～炸物個皮都炸得幾靚～唯一可改進的地方，就係收碟速度較慢，人手唔夠⋯另外，佢仲有candy corner俾小朋友大朋友玩夾糖～ 仲有仲有haagen dazs雪糕任食🥰每人3百尾埋單～ 應該會再encore! …Read More

餐廳環境比較擠迫～而等菜時間較長～叫左章魚大阪燒+和牛炒飯+燒豬～食物味道都ok～但份量較少，性價比不高⋯🔔而我想落差評的原因是🔔店員係我地一坐底就自動送上一碟蕃茄前菜～我同朋友就當然以為係免費～因為佢無話俾我地聽係收費～係最後埋單先見到$28 加一！ 所以我地食到一肚氣，仲要被收服務費，我都唔知有咩「服務」可言😅第一次遇上咁樣被逼收費的餐廳。而呢種經營手法真係好唔誠實。仲有叫和牛炒飯時（$16x)，店員就好似sales咁，sale我地不如叫2百幾蚊的炒飯⋯結果兩個人食左5百幾，但唔知食左咩落肚😞…Read More