Gacy Yeung's Profile

話說朋友仔收工之後覺得好攰, 工作又唔係太順利 , 於是我就去搵一間有特色嘅餐廳 , 之前去北角有一間以花為主嘅咖啡店 , 嗰時已覺得好震撼 。 點知今晚去嘅餐廳仲勁 , 全間食店都有花嘅擺設 , 睇落去當年都係女顧客為主 , 我哋點咗一個飯同埋一set dinner , 最估唔到嗰啲花係可以食得嘅 , 味道都非常新鮮 , 另外我哋嗌咗一個甜品 叫 cookie cup, 服務員同我哋講一開始唔好食咗個杯耳, 否則就攞唔起 , 我哋最後都成個杯食曬。消費方面還可以, 三百幾落樓… 之後我都見到有啲男仔上嚟一齊食飯傾計 總括嚟講都係一個好環境, 好餐廳。…Read More

今晚黎到新都會，見到泰潮竟然係呢到開左分店，於是就入去試下。鋪頭吾算大，晚飯時間都可能需要等一陣位諗左十分鐘左右，最後決定叫個泰式豬脾飯。食物好快就送到，係以往熟悉既心心碟，賣相睇落去就普通，豬脾好碎，醬汁都算夠味，豬皮好淋而且入味。飯粒煙韌,但吾係幾夠熱。值得一讚係綠色果個汁，少少辣，好開胃。但總體感覺上失準了，無論係味道同賣相。泰式奶茶都夠香濃，茶同奶配合得不錯。泰式飲品入面，最鐘意都係泰式奶茶…Read More

今日我呢個新界人又出城，專登黎到中環食拉麵，呢間長濱no1想試左好耐，今日終於有機會。叫左佢地既招牌拉麵。由於製作需時，都等左一陣先有得食。拉麵黎到既時候，仲係勁熱辣辣，試一啖湯，好濃郁既豚骨味，拉麵既韌度都好適中，十分掛湯，食到停吾到口。流心蛋都做得吾錯，食落好流心。不過我最鐘意都係將塊紫菜浸落湯食，紫菜吸收晒湯汁，完全係我鐘意既味道餐廳既氣氛好有日本既感覺，太耐冇去旅行，黎到呢到就好似係日本食緊拉麵咁…Read More

今晚難得唔使返工, 我同媽咪去咗粉嶺名都商場既元氣壽司食壽司。 其實佢都開咗好耐 , 只不過我平時只係食爭鮮, 難得今日同媽咪出嚟食飯就食好啲。 我哋去到餐廳已經係晚上八點鐘左右, 已經過咗最高峰嘅食飯時間 , 所以我哋唔係等咗好耐就有位。 唔知幾時開始 , 呢間元氣壽司都變埋有高速線, 媽咪感到非常新鮮。 由於媽咪唔喜歡食生嘢, 佢食嘅壽司大部分都係熟嘅壽司, 而我就照食生嘅壽司。 另外我哋都嗌咗啲小食, 無論生熟壽司嘅質素都唔錯。魚味非常新鮮, 又有口感。 買單最後二百幾蚊, 媽咪表示好滿意, 之後應該會再來。…Read More

今日難得唔使返工, 我同家人都好鍾意飲茶 , 基本上粉嶺上水嘅茶樓都去過不少 , 今日就去咗喺聯和墟嘅新明苑酒家, 佢個位置係喺商場裏面, 下午茶等位嘅人唔係太多, 基本上等一陣已經有位, 下午茶佢都有好多優惠點心, 我哋嗌咗一碟排骨, 估唔到份量都唔少, 排骨醃得非常入味, 豬肉同瘦肉嘅比例都好好, 爸爸成日都話媽咪喺屋企做唔到呢個水準, 咁喺茶樓食的確有另一番滋味…哈哈！ 另外我哋嗌咗個擂沙湯圓 , 味道唔會太甜啱, 老人家食。 藥膳雞腳同埋粉果嘅表現都唔差…會再同佢地食。…Read More

話說今日同朋友都係放平日 , 我哋又係住北區附近 , 亦都好鍾意向海 , 於是我哋就去咗大尾篤行下, 另外我哋book咗間餐廳晚餐, 我哋今晚所選嘅係印度餐廳 , 大尾篤食印度菜？ 感覺非常特別。 一去到門口, 已經有位服務員介紹印度菜, 由於我哋本身已經訂咗位 , 所以我哋都冇理咁多, 直接入去。 可能係平日關係, 都冇乜人。 我哋點咗蒜蓉薄餅同埋芝士薄餅, 芝士薄餅非常非常好食，有拉絲。 另外因為朋友唔食得太辣 , 我點咗咖哩魚同埋唔辣嘅雞, 味道都係重味同偏咸。不過印度菜都係咁, 最後食埋印度咖哩角, 味道都唔錯, 消費都唔係太貴。可以再黎。…Read More

之前聽朋友介紹，上環呢到有間餐廳既pizza好好食，於是我呢個新界人都專程過海，黎睇下到底係點。呢個就係我遠道而黎既目標，藍芝士蘋果pizza。應該都算係呢到既招牌菜，我見好多枱都有點呢個。一上枱，已經覺得好吸引，批邊烤到起焦，中間佈滿芝士，仲有好多蘋果片食一啖果然有驚喜，藍芝士有點咸咸既味道，再加上蘋果既甜味，成個感覺就係好夾，而且好開胃，可以食幾塊都吾會覺得膩一般食開既pizza 都係以肉為主，今次試呢款果然有新鮮感又好味，值得一試…Read More

今日經過上環信德，行到攰攰地想食番碗拉麵，咁岩見到呢間緣屋，就俾佢吸引左入去下午茶時段好抵食，仲包埋野飲，份量可能會比正餐時段少，但其實都夠食。湯底色澤呈金黃色，仲有好多蝦乾係面，未食已經聞到好香。食拉麵一定係飲一啖湯先，一飲有驚喜，好有鮮味，配埋蝦乾， 成碗湯既鮮味又再提升。麵質都好彈牙，而且掛湯，每條麵都充滿湯汁值得一提係有粟米筍，好少見有拉麵有呢款配料，口味清新，可以減低拉麵既油膩感覺。總括黎講，呢間拉麵絕對值得一試…Read More

晨早收工之後突然間想食腸粉, 諗起聯和墟有喲叫四眼仔腸粉…出哂名平靚正, 於是就去排隊。 一早去到已經有好多人排隊 ， 但我都冇擔心過冇腸粉賣, 20蚊有找已經有腸粉燒賣魚蛋, 仲要大大份.. 先講魚蓉燒賣, 咬落去吾會太粉, 而且好Q , 再加上醬汁既加持… 一粒普通嘅燒賣即刻好食十倍。魚蛋方面就一般般…冇咩特別, 唔覺特別有魚味 , 覺得醬汁還醬汁, 魚蛋還魚蛋。 至於主菜 - 腸粉, 基本上都係以價錢取勝, 廿蚊就可以食到飽飽…仲想點…希望呢個兒時回憶能一直保存。…Read More

我同朋友突然間想食日本嘢 , 咁啱我同佢都係住北區 , 又唔想去得遠 , 我就搵到一間喺粉嶺中心嘅日本餐廳 , 位置相當唔顯眼 , 今晚去到已經係八點鐘 , 還好人唔算太多 , 我哋嗌咗個拉麵同壽司 , 仲有天婦羅同茄子, 先講個拉麵 , 味道都係正常, 當然唔可以同專賣拉麵嘅店舖比, 我同朋友覺得喜出望外係佢哋嘅壽司 , 食材方面都幾新鮮 , 不過價錢都唔算平 , 帶子就要36蚊兩件 , 不過同朋友咁耐冇見, 食好少少冇所謂, 茄子同天婦羅嘅份量就一般 , 質素還可以 , 最後買單每人二百幾蚊 , 一定唔算平 , 不過地點就方便我地北區人。…Read More

由於返凌晨間嘅關係, 收工之後非常肚餓 , 突然諗起大埔熟食中心嘅排骨麵 , 於是收工後搭巴士直接入去大埔 , 去到都只係上午九點半左右 , 已經非常多人 , 果然係名不虛傳 , 由於唔只想食排骨咁齋, 我另外再嗌咗個雲吞 , 價錢一共係40蚊 , 雖然有買雲吞, 但排骨嘅數量一啲都唔少, 一個人食連埋個面一定夠, 先講個排骨 , 出面嘅脆粉唔會太厚, 而排骨嘅味道適中, 亦都唔會炸到好硬， 鍾意食排骨嘅我…最鍾意食有骨嘅位置， 唔會只係啖啖肉， 而雲吞方面數量都唔會少, 非常不錯！$40 價錢食到飽飽了…Read More

因為有朋友生日 , 又想買一個特別啲嘅蛋糕, 我一早去咗美心西餅…買咗一個蛋撻型嘅蛋糕, 正所謂少食多滋味 , 呢個份量都足夠六個人食 , 一攞個蛋糕出嚟嘅時候…我地都以為中間都係蛋漿, 原來都係同其他蛋糕差不多, 值得稱讚嘅係味道唔會太甜, 適合一家大細, 特別係老人家去食。價錢方面 都唔係太貴 , 而且會員價仲可以平少少, 但要留意返佢要下載個apps。 令我最估唔到嘅係, 幾個朋友再問…下一次幾時再買呢一個蛋糕, 下一次生日嘅時候我一定會再考慮呢個蛋糕…哈哈！…Read More

一直以來我都好鍾意食西式早餐 , 粉嶺最近開咗一間新嘅茶餐廳 , 餐廳設計格局有啲似外國嘅感覺 , 呢間新開餐廳燈光方面都好猛, 位置亦都好充足, 今日同朋友約咗食早餐 , 不如就試下佢哋嘅西式早餐 , 我叫咗牛扒, 上碟嘅時候份量都唔少 , 特別係雜菜方面 , 價錢方面亦都好有競爭力 , 加埋個熱飲都只係約40蚊左右 , 如果食番同一個份量嘅早餐 , 我估喺市區需要大約一百蚊左右 , 不過始終係街坊嘅茶餐廳 , 收費方面都唔會太進取 , 下次都會試下佢哋嘅下午茶同晚餐 。…Read More

由於工作嘅關係 , 我返工係放平日嘅 , 今日既我又好想食日本嘢 , 於是就搵下附近有咩日本菜好食, 搵到聯和墟有間叫大統領嘅日本菜餐廳, 聽到個名咁霸氣不如就去試呢間.. 因為得我一個人食 , 我所選擇嘅都唔能夠太多, 於是就叫左一個魚生井飯, 可能係因為中午食飯時間 , 人流都非常多, 我坐咗落一個角落頭度, 而個井飯亦都好快上盤, 味道方面估唔到咁新鮮, 魚生肉方面都非常肥美, 甜蝦亦都非常有咬口, 個井飯約一百蚊左右, 而質素方面真係唔錯, 下次有機會過嚟再食佢嘅晚餐。…Read More

好耐之前嚟過華都, 已經好喜歡呢間餐廳, 除咗食物之外, 餐廳附近嘅環境都非常重要。 我最喜歡佢嘅地方就係喺海邊食飯 , 欣賞黃昏一流, 我同朋友仔點咗兩個餸, 一個係豪仔炒蛋, 另外一個係菠蘿咕嚕肉。 反而我哋有冇特別嗌海鮮食 , 因為我哋主要來係欣賞呢度嘅景色 , 蠔餅方面大大碟, 蠔仔份量亦都唔少, 而且唔會太油 , 食完之後都唔會有好飽嘅感覺 , 至於菠蘿咕嚕肉方面…就同出面嘅小菜差唔多 , 但因為配合一個非常好嘅環境 , 食落去特別好味 , 再加上叫多兩支啤酒 , 喺呢啲環境之下非常之 chill, 我一定會再來第三次…哈哈！…Read More