為食豬迪貓's Profile

今日10:15pm左右到，本身諗住食隔離叉燒大王，但因為我架車咁岩泊正係《台軒》門口，而且又未食過呢間，所以就試下😁入到去全場得四張枱，但一個侍應都冇，咁我同老公就坐低先。坐左5-6分鐘睇左陣Menu，準備好叫野食，終於有人喺水吧拎住4杯野出黎，當佢放低左4杯野比另一台客人，咁我就望左佢一眼（我冇舉手叫侍應），睇下佢有冇發現多左我地呢台客啦😅 望左一眼，阿姐即刻用帶口音既口吻講：「自己填得啦！唔洗望住我呀！唔洗望呀！」我都未黎得切反應，然後望望枱面發現，哪有筆呀🙄 即刻忍唔住火起，叫野食要自己填落張紙度，但又唔放定枝筆比客人，咩料呀？仲要無啦啦比人鬧左一野！望左一下姐，連「唔該」都冇講呀🤬 咩態度呀？！其實想搵錢，但又咁唔鐘意對客，仲要鬧客人，咁不如去做掃街啦，唔洗對客會得罪客人呀嘛～忍氣吞聲都叫食完餐飯，其實除左個例湯好咸之外，其他野食係完全冇問題的，唔算難食，但又稱唔上好味。不過因為今次被鬧，點都唔會有下次👎👎👎 食餐飯一肚氣😡 唉......另外發現：餐廳用既紙巾有樓上麗豪酒店Logo，心諗：呢間應該唔會係酒店旗下既餐廳掛....... 真係影響哂酒店既聲譽囉～ 如果係的話，我真心呼籲麗豪酒店真係唔好再續租比呢間餐廳。…Read More

位於朗豪坊既monster sushi*因為佢都算收得幾夜.. 所以好多時收工都會去食^^其實已經食過N次, 但今次因為門口果位姐姐搞到我嬲嬲地..所以要上黎講一講-"-話說果日收工, 如常同男朋友去monster sushi*果個時間接近last order既時間.. 所以都冇乜人等位照常行埋去, 但見直髮馬尾肥肥地既recep姐姐好似唔係好得閒擰轉面係個櫃果邊唔知搞緊咩..完全睇我唔到.. 我諗佢真係好忙了...所以係度睇下個menu打發時間 (但其實一早已經知有咩食)企左我諗差唔多兩分鐘.. 其間有兩個waiter經過見到我地企係度..但waiter都好忙, 同recep姐姐講"有客呀!" 就行左去..只可惜個recep姐姐兩次都聽唔到/___\最後企到燥燥地.. 自己行入去搵位..我發現原來佢係同個同事係度傾計, 有講有笑-口-之後佢終於見到我- - 於是立刻問我係咪兩位, 我冇答佢, 只係望住佢...因為我真係好燥好燥... 我自己都做過recep..一個recep既職責並唔係企係度傾計..傾計都可以接受, 但當有客既時候, 唔應該睇唔到囉!仲要企左成兩分鐘 企到燥!!! 如果我係monster sushi既老板, 我一定炒硬佢! -"-…Read More

呢間野由我細細個, 媽媽買比我食...到我讀中學, 放左學自己買返屋企食...到宜家番工, 一放假就會去食=)咁多年歷史, 聽媽媽講原來明記以前係小販檔係後期先轉左地鋪*雖然係好多年, 但水準依舊冇變過..變既只係愈黎愈多人黎食^^本人都幾鐘意食腸粉.. 無論係咩地區見到有腸粉, 我多數都會買黎食*食過咁多間, 只係得呢一間真係最好味^^…Read More

呢日收工去左旺角食糖水.. 食完糖水行行下見到一間好吸引我既鋪頭@@間鋪都幾大間.. 叫做秋田食之店* (帶點日本FEEL的名稱haha)實在係太吸引 所以一見到呢間鋪就拉住男朋友衝左入去XDD睇睇睇........ 睇左好耐好耐, 因為真係有好多野賣啊!沙律, 蛋糕, 曲奇, 果凍, 啫喱, 三文治, pancake, 少量熟食, 仲有熱既餡餅@@多到真係唔知買咩黎食好><我地兩個簡左勁耐..... - -最後買左放係門口既曲奇餅 (勁多種口味呀!)同埋買左 puff *曲奇餅整體黎講都唔錯.. 有d口味特別好食,有d口味就普普通通..至於個puff... size係超大! 但係唔知咩原因個皮好un...可能原本已經係咁樣.. 不過我自己expect佢係脆脆地的=)另外要提一提既就係店內職員有兩個, 一男一女, 應該係一對夫婦...兩個都好友善, 一路傾計一路簡野食, 感覺好舒服, 同埋帶點溫馨*買完之後邊行邊食.. 食完之後仲忍唔住行番去買埋個美極焗雞脾*v*勁正!! 好大隻好肥美好入味.. 下次一定要番黎食多次隻雞脾! XDDDDD雖然唔及得某D麵包西餅連所店既高水準,但我好鐘意呢間鋪, 同埋一定會再番黎試埋其他野^^…Read More

差不多每日收工都會經過旺角..最近對"甜品革命"幾有興趣*第一次黎食.. 兩個人叫左3個dessert*味道其實普普通通.. 唔算好特別..最好味係d生果.. 差不多每個甜品都配生果或者雪糕..有d兩樣都有.. 我幾鐘意呢點^^但個梳乎厘完全係失敗.. 食到中間feel 到仲凍凍地- -正常焗完應該個心都會熱嫁ma...所以食到一半就冇食了...原隻燉木瓜唔錯丫* 價錢都算合理=)聽講椰果子幾出名.. 下次黎一定要試下=P其實我覺得呢間鋪頭都幾吸引丫,,位置又唔錯...點解唔做得有heart一點呢?如果店內每個員工都有heart的話.. 就算甜品其實普普通通..但食客一定會番轉頭*…Read More

呢日day off,, 之前同男朋友上網睇過小甜谷.. 好有興趣試下..呢日終於有機會!! 不過路途遙遠 >__<日式杏仁豆腐 : 可能我自己本身幾鐘意食杏仁豆腐.. 所以覺得呢個唔錯.. 真係好香既杏仁味.. 同埋都幾滑=)特濃朱古力酒香奶凍 : 好滑好香濃既朱古力味!! *V* 正呀.. 無論口感味道酒既份量.. 全部都配搭得好好*榴槤金絲球 : 我原本其實好鐘意食榴槤.. 但係呢個真係麻麻" 外面果層的確係好脆,,但可惜同裡面既榴槤味道,口感好唔match, 有待改善桂花糕 : 好通透.. 桂花味好重.. 正.. 但美中不足既係d桂花好硬.. 而且好易攝哂係牙喇= =第日有機會黎開西環應該會再過黎..…Read More

同男朋友一齊放假, 經過海港城.. 男友突然想起好耐之前食過BLT, 提議一齊去試下..間鋪都OK大, 風景都唔錯=)我地當日5點幾就去到, 冇乜客.. 只係得幾枱客坐outside原本我地坐外面露天既座位, 之後太大風入左室內既窗口位坐首先, 我地叫左個ceaser salad with grilled chicken breast份量都幾多, 沙律菜好fresh, c.s. dressing味道恰到好處本人係好怕食一d太有"趙"口既chicken breast 的呢度既chicken breast 好好味 唔會over-cooked但真係好大份 食完個salad 個肚已經50%full - -之後我同男友每人叫左個steak 而我果個係ribeyemedium-rare我覺得岩岩好*咬落好juicy 脂肪既份量剛好但係食完個salad飽飽地.. 搞到要慢慢食個steak食到尾差唔多食完果陣 已經凍左><下次真係要食快d -v-另外幾特別既就係個creamed spinach*賣相麻麻 但味道唔錯!就咁望落去 我覺得一定會好咸 好"溜"食落又唔係wo! creamy得黎唔"溜" 仲幾好味, 有驚喜=)甜品叫左toffe pudding*之前工作既地方有toffe pudding, 非常好食!於是黎到呢度見到有 二話不說就叫左了*v*個pudding尚算ok 我覺得可以再甜d配果個應該係杏仁雪糕, 唔錯! 好香滑! 仲有d杏仁碎tim! 正=D結帳 : around $1100 價錢可以接受=)…Read More