hwmnikki's Profile

女兒朋友介紹，見價錢又親民，即管去試，比對剛旅行拜訪嘅豊州市場廚師發板，價錢一樣，但見師傅處理食材及如何配搭食物嘅用心，做法亦好啱香港人嘅口味。幾位師傅都好健談，又專業，服務態度非常好👍🏻…Read More

已經係第三次幫襯，整體食物質素好高，環境舒服（除咗老闆娘？要招呼親朋戚友外）服務殷勤，貓耳朵意粉非常之香，入口潤滑，川椒雞漢堡落咗孜然粉，非常香，特別欣賞漢堡包嘅脆飽面，薯條香脆，冇hea。凱撒沙律菜10分新鮮，鹹芝士片有畫龍點睛之妙。一定要食佢嘅pancake，蛋味10分香，今次試埋窩夫，質感上邊比較偏向多脆面+邊，實體餅底會比較薄，但整體都係相當之好。唯一美中不足嘅係OpenRice訂位時冇自動轉8折，白白要俾正價錢，希望程式能改善。…Read More

上次試完$2000隻嘅乳豬，覺得物有所值，所以再去食第二次，發覺完全係兩回事。首先想要壽包，落咗單又話冇（我哋已經係6:00入席）其次時令推介有上湯蒜子浸豆苗，阿姐話豆苗唔靚，已下架，叫我哋轉菜心。阿姐帶恐嚇嘅語氣，原先不以為意，但食食吓見到隔籬枱有碟炒豆苗，何解呢？最令我忍唔到真係要寫食評嘅，就係最後甜品有個芒果布甸，擺上台已經見到上邊成灘水，質地完全唔係布甸，但係認為米芝蓮餐廳可能有佢特別嘅做法，點知去到半夜，又屙又嘔，全餐飯俾咗四千幾蚊，真係一肚氣…Read More

冇相片嘅食評。一坐低見到有推廣話預早訂位主餐牌享有七折，好開心，當點菜嘅時候想confirm多次，落單嘅哥哥好堅持話你用OpenRice訂位唔係打電話訂位，唔計🤬其實OpenRice訂位乜嘢折扣都冇，只係你消費滿$100可以$10 一隻生蠔，餐廳本身有promote，頓時心情極灰，雖然食物環境保持水準，但係冇咗個七折優惠，勁失望😞…Read More

第一次幫襯，感覺非常好👍🏻座位安排雖然和後座略嫌近，但整體人流不算多。佛跳牆可無限order，足料。海鮮熱盤賣相佳，味道中上。雖然也是外取食物，但有專人夾埋，分瓶的設計抵讚。整體食物用料講究，雖款式少了，但75折後330左右，加埋海景及超殷勤的服務，在限聚令下可以鬆一鬆了😄…Read More

看了上篇為海鹽朱古力再來，也決定來一試。整體食物賣相精緻、吸引，等入座已預揀定甜品。餐湯南瓜味香滑清甜，沙律乾身、爽脆。主菜海鮮意大利飯用料新鮮，牛小扒軟身亦有肉汁。不得不提兩杯飲品拉花極美，海鹽朱古力好好飲，鮮奶咖啡亦香濃。惟一扣分係檸檬撻，個人認為餡醬太多，亦偏甜。建議大家可跟套餐點，會較優惠。…Read More

以前尖沙咀凱悅是物質的保證，今次趁慶祝母親節想食好啲，點知一開始已失望得很。先送的海鮮拼盤尚可，到壽司刺身就真係食吾落，吾係好新鮮之餘帶子有啲澀腥。期望的鵝肝同龍蝦味道一般，調味可更佳。其他餸菜也是一般，只是牛扒未見黑椒汁、燒味沒芥辣和甜酸醬、雲吞麵麵的梘水多，如有浙醋更佳。不過服務水準仍佳，整體只是食物唔值呢個價錢。…Read More

已是第二次低價入貨，今次試埋火焰芝士撻，大滿足😍芝士涵有流心feel，新鮮撻皮好鬆化，但比起芝士蛋糕有啲多咗。以前未試過火焰系列，怕甜，但試過就番唔到轉頭，芝士嘅少鹹配脆焦糖，勁夾😋仲有貪新鮮試埋棉棉牛角，幾特別，棉花糖唔太甜，牛角包香脆，但都係差八月堂少少😅…Read More

搜尋時發現有任點任食，選擇亦不少，即刻要試試😌當日老火湯係川弓魚頭（其實問到第三次先聽到😂），藥材味重，不俗。點心各有水準，蝦餃傳統做法，春卷鬆脆不油膩，黑糖馬拉糕味香，較突出。小炒四季豆加筍更惹味，咕嚕肉肉質好，酸甜度適中，但都係要趁熱食，否則醬汁超”琼”。欖菜炒飯粒粒分明，用米亦有質素，連同炒河粉也是有鑊氣👍🏻其餘甜品不太甜，紅豆糯米煙韌度有口感。由於太飽，所以未能全數淺嘗。唯美中不足：1 冷氣不足，有啲翳焗2密集編位，似為方便員工做野，妄顧疫情，最慘隔離三個人坐圓梳化位，一位師奶寧願座位放袋，與同枱人保持距離，自己加櫈坐走廊，但卻正坐在我後旁，又阻塞通道，侍應何不另編座位？3 蝦片每籃另收$28，雖知道宣傳$250全包，有少少掠水之嫌…Read More

已經第六次幫襯，每次都keep到水準。朋友介紹的龍躉兩味，是每次必吃的，炆既一碟記住趁熱食。蝴蝶蚌當造，肥美奄仔蟹蟹膏勁香，也是必吃。黃金魷魚咸香一流，連炒菜心也用心批摘，無楂。食埋最後既果盤，完美終結…Read More

諗住叫做有品牌，就即管一試。叫了套餐頭位既和牛炸醬刀削麵，無味都吾緊要，最重要係刀削麵太林身，完全無口感，幸好沒免費加麵，不然更浪費；洛神花茶只有澀味，買壽桃牌自己沖既仲好過佢百倍。早知叫蔥油拌麵，就算吾係好好食，起碼都可以入口。花枝丸只係一般，比一般台灣食肆明顯較遜色。…Read More

第一次自己訂私房菜，預早落單純粹睇推介同食評，結果出乎預期的好。前菜精緻巧手，用料亦講究。糖心蛋茄子下面嘅醬酒先至係精粹，好香芫茜味。沙律菜新鮮，但伴碟車厘茄既香味先係驚喜。燉湯足料，蜜瓜清甜。蝦球水芙蓉下面是蒸蛋白，超滑；軟殼蟹附送多士，加話係有蟹羔既汁，但似辣蛋花蕃茄醬多D，不過都好惹味。茶王雞雖多汁，但味道與其他地方食既相類，反而田雞腿係我全晚最愛，嫩滑厚肉多汁，羗蔥味齋聞都醒神。加埋最後木瓜雪耳糖水，湯水底有濃厚既木瓜味，潤曬不過始終係工廈，如要去洗手間，建議之前或留番過APM去…Read More

雖然位於舊廈，裝修有D工廈feel，球迷佈置亦不特別吸引，但勝在有折得尼食物也不錯。蕃茄湯係搞爛煮嗰款，感覺很新鮮。意粉有D辣，但味道不錯。魚柳適合吾太想飽肚既客，魚不會太乾，但反而薯菜有驚喜，尤其係紫薯蓉，好creamy。最後朱古力甜品好幼滑，也分不清是慕絲定係雪糕。更抵者用apps訂座有85折，二人合計$119，連加一都無收👍🏻👍🏻…Read More

睇到有團購，之前試過尖沙咀間利寶閣，以為都有番咁上下水準，點知原來中伏😑每人一份既龍蝦，水準一般、佛跳牆只有一片硬花膠，勁伏。牛柳同片皮鴨要出一去攞，星期五晚都有廿枱客，但一出新既就被三、四蛇人輪曬。任點既餸水準一般，椒鹽雞翼最伏，炸漿厚到呢⋯⋯燒味、乳鴿就好ok，不過份量少，但都好，吾使嘥野。甜品方面杏仁茶、馬拉糕較好。團購價$268，去到再要俾$48.8加一費同$17.6茶錢，加埋都要$330幾，咁既市道真係吾平😑另外，其實吾使團購就咁walk in都係呢個價，再覺被搵笨😑因為被安排坐個勁風口位，為免吹凍，所以快食，跟住嗰D都無心情影相了😔…Read More

一出K11出口便是，地點好方便午市套餐多選擇，價錢亦相宜。前菜青瓜同雞絲粉皮味道清新，酸辣湯係傳統嗰，雲吞雞都足料。上海粗炒鐵板上，有鑊氣，存熱，同四季豆一樣，味道醬汁濃郁。蝦餃皮薄涵靚，都有水準。整體食物有質素，性價比高…Read More