kumaveggie的個人專頁

上星期約咗朋友放工去觀塘APM睇波鞋😄行咗兩三間波鞋專門店之後，雖然仲未買到波鞋，但朋友話佢有啲肚餓，而且驚再遲啲會好難搵位食晚餐😅所以我同朋友決定先去醫肚😁朋友提議喺商場裏面嘅food court食晚餐，一嚟選擇較多，而且亦比較平☺️行咗一陣，我同朋友決定食俺の天嘅定食😄朋友揀咗豚肉生薑燒，而我就揀咗壽喜燒牛肉☺️ 兩款嘅賣相都十分吸引🥰😆 除咗主食，仲有醃蘿蔔、玉子燒、小肉丸串、薯仔沙律等配菜☺️再加埋麵豉湯，份量足夠😄 其中薯仔沙律嘅醬汁又特別，又好味，我好鍾意🥰😋食飽飽之後，朋友仲話下次要再嚟試吓佢嘅天婦羅😆😆…查看更多

九月初一個星期日，我同朋友去咗尖沙嘴河內道嘅K11 Art Mall 食午餐😄由於我哋去到餐廳嘅時候都已經差唔多下晝兩點，所以我哋諗有啲食午餐嘅食客已經食完走咗，可能因為咁我哋唔使等就可以直接入座😁我哋叫咗仙台香蔥牛舌沙律、燒肉拼盤、魚乾、夢王蛋海苔飯一齊食😋 朋友另外再叫咗一杯沖繩黑啤😄 朋友非常之好，佢負責烹調燒肉拼盤嘅燒肉同埋魚乾，佢好有心機，整得好好食😋☺️ 我同佢都覺得仙台香蔥牛舌質素好高，我哋都強烈推薦😋😄👍 另外夢王蛋海苔飯都好唔錯，份量亦都好足，我哋食完都覺得好飽肚😄👍餐廳外部同內部嘅環境都唔錯，內部環境有格調，整體氣氛幾好，我哋都坐得好舒適自在，可以悠閒咁食個午餐☺️…查看更多

11月初嘅第一個星期六，晏晝做完義工後，我約咗好朋友喺九龍城食晚餐😄 由於九龍城嘅泰國嘢食好出名，所以好朋友提議我哋食一個泰式晚餐😆😋好朋友趁我做緊義工嘅時候，已經預先行咗幾條街去揀一間泰式餐廳☺️ 佢最後揀咗金麥泰泰國菜館☺️ 我哋叫咗泰式蝦膏炒飯，由於我哋只係得兩個人，所以朋友決定叫個細份量試吓，因為驚我哋會食唔晒😅☺️ 朋友非常之鍾意食呢個炒飯，佢食得好開心😋😄我哋又叫咗泰式青咖喱雞，同埋泰式明爐梅子烏頭😄 我哋將青咖喱汁撈埋落炒飯度一齊食，一啖青咖喱雞，一啖魚，一啖炒飯，我同朋友都食得津津有味😋😆由於朋友好鍾意食甜品，我哋叫咗西米椰汁糕（4 件），非常好食😄😋 好食到朋友另外再外賣多4件西米椰汁糕帶返屋企俾屋企人食🥰😋飲品方面都非常驚喜😄朋友叫咗芒果沙冰，賣相好靚，好鮮芒果味，非常好飲😄👍我哋一路享受我哋嘅泰式晚餐，朋友已經話我哋有時間一定要再返嚟幫襯，因為實在係大滿足😆💪…查看更多

上星期我同幾個朋友去咗油塘大本型既和平飯店食午餐😄 由於我哋到達餐廳時仲未夠12點，所以唔使等位，就可以直接入座😄餐廳內部佈置優雅，侍應小姐俾咗我哋一張景觀好好而又寬闊嘅卡位，所以我哋都坐得好舒服☺️ 安頓我哋坐低咗之後，侍應小姐好殷勤咁幫我哋打點，服務態度好好，我哋都覺得好滿意☺️🙏🏻我哋點咗一個四人餐，主菜包括蔥爆牛肉、雲吞雞鍋、黃金蝦球等等，都好有水準😋👍 但最得我心嘅係四款嘅前菜，其中雞絲粉皮嘅粉皮被芝麻花生醬包滿，同清爽嘅青瓜絲一齊食，真係好夾😋😆 脆膳炸得通透，唔油膩，而醉雞同燻魚亦都好啱胃口😋😄 最後嘅甜品高力豆沙更加替我哋嘅午餐畫上完美嘅句號😄👍…查看更多

九月初一個星期日，我同朋友約埋諗住一大朝早去一個喺港島嗰邊搞嘅活動，點知因為天氣惡劣關係我哋去唔到有關活動😅 由於突然有咗空閒時間，朋友建議我哋去金鐘太古廣場嗰邊食早餐☺️朋友帶咗我去位於太古廣場裏面嘅wellwellwell 食早餐，佢話佢之前都食過，覺得環境都唔錯，想帶我去試吓☺️ 我覺得佢講得好啱，餐廳環境真係好唔錯，可能由於我哋去嘅時候真係都幾早，大概朝頭早七點幾，所以餐廳冇乜客人，我哋坐得好舒服☺️😄我哋叫咗兩個早晨套餐，一個西式一個中式，賣相好唔錯😄早餐裏面有黑松露炒蛋，有南瓜粟米粥😋 飲品方面，朋友叫咗凍咖啡，而我就叫咗熱奶茶☺️我覺得不論係食物既賣相同埋食物既質素都好唔錯，餐廳環境好舒適，兩個早餐加埋大概HK$170，價錢合理，整體感覺良好☺️👍 之後如果有機會，我都會想再去食佢嘅早餐😄…查看更多

九月尾一個星期五，我放咗工之後約咗朋友喺啟德嘅Airside 行街同睇展覽😄 睇到咁上下，我哋決定喺附近食埋晚餐先返屋企😄睇咗一大輪，我哋決定去Airside 既 city’ super neighbourhood 買外賣晚餐😄 我哋揀咗三文魚拖羅刺身、三文魚刺身同帆立貝刺身、紅蝦壽司、挪威三文魚壽司，對於兩個人嚟講非常豐富🥰😋 我哋買外賣嘅時候超級市場內唔算太多人，我哋唔使點排隊就可以直接俾錢，好快捷方便☺️壽司同刺身都好新鮮美味，質素唔錯，我同朋友都食得好飽好滿足☺️😋 以食物嘅質素嚟講，我哋覺得價錢都算合理😊…查看更多

星期日突然好想食MOS Burger嘅早餐，所以特登行咗去東廣場，點知去到嗰時先知舖頭裝修，要11月尾先會開返😅正喺度猶豫應唔應該轉食其他嘢嘅時候，見到對面有間吉野家，於是行過去睇吓有乜嘢食😄餐牌上除咗一般西式早餐之外，亦都有提供日式早餐😆其實一般餐廳好少有日式嘅早餐，而我亦都好少有機會食到，於是就好想試吓☺️😆我叫嘅早餐包括有仿鱈場蟹棒蕃茄濃湯烏冬、一件天婦羅野菜餅同三隻日式雞肉炸餃子，再配一碗麵豉湯😆💪早餐賣相唔錯，而且份量足夠😄我今次試吓將餃子浸係蕃茄湯裏面同烏冬一齊食，發覺味道其實都唔錯😆👍以34蚊一個早餐嚟講，我覺得都算抵食☺️ 假期我通常都係鍾意喺屋企慢慢嘆早餐，所以我今次買早餐都係外賣自取☺️ 返到屋企之後我仲沖咗杯熱咖啡，熱咖啡加上日式早餐，簡直係一個完美嘅假日早餐☺️😋😆👍…查看更多

今個月天氣都幾熱，好多時天文台仲發出酷熱警告，所以大部分時間都只係想食啲清淡啲嘅食物，例如三文治或者湯粉麵等😅魚米嘅米線就係我其中之一嘅心水選擇😄公司附近嘅商場咁啱有間魚米嘅分店，但分店嘅空間唔算太多，好多時都需要等位，所以我多數都會選擇買外賣返公司食😁餐牌上嘅選擇算多，亦都可以隨意配搭食材☺️落咗單之後。我通常都會喺商場行逛一陣然後返去攞外賣，一般來講都唔使等太耐，其實都好方便😄我今次揀咗韭菜餃，加豬軟骨米線作為午餐😄韭菜餃餡料十足，而豬軟骨亦都鬆軟入味😋但最得我心嘅始終係嗰個濃郁魚味嘅湯底😆😋，加埋芽菜、韭菜、腐竹等配料，真係一絕😆👍簡直就係回味無窮😆👍…查看更多

八月尾既一個星期六，我放咗工後約咗朋友喺九龍灣既MegaBox 食午餐😄我哋去到MegaBox其實都差唔多2點😅🤣 於是我哋決定搵咗餐廳食咗嘢先，因為都已經覺得肚餓😅😅 我哋睇咗一輪餐廳之後決定去10樓食Pepper Lunch 😆 可能由於已經接近2點，過咗最多人食飯嗰個時段，所以我哋去到唔使等直接搵到位😄我通常食Pepper Lunch 都係叫珍寶黑椒牛肉飯😋😆今次都唔例外😆 因為我好鍾意食佢哋嘅黑椒牛肉，好惹味☺️，而由於我通常都好大食，所以叫珍寶份量就啱啱好🥰😋😆 我基本上每一次都可以食晒成個牛肉飯😋😋😆😆　雖然每一次去Pepper Lunch都會諗會唔會試吓佢哋其他嘅食物，但每一次最後都係忍唔住叫咗珍寶黑椒牛肉飯😅因為對我嚟講實在太吸引🤣每一次食完之後都係覺得好好食同有大滿足既感覺😋☺️…查看更多

八月中一個星期五，我同朋友去咗香港迪士尼樂園玩😄 我哋一入到去就先玩咗奇妙護照，又睇咗午間巡遊，之後由於我哋開始覺得有啲肚餓，所以就決定先去食個午餐先😄 由於我同朋友其實都好鍾意食煎炸嘢，而且火箭餐廳係其中一間最近午間巡遊嘅餐廳，所以好快我哋就揀咗去火箭餐廳食午餐😆我哋去到嘅時候其實已經有好多人喺度食緊嘢😁火箭餐廳有室內同埋室外嘅座位，由於朋友係好怕熱嘅，所以諗都唔使諗我哋就一定係會盡量搵室內嘅位😆🤣 好好彩搵咗只係幾分鐘我哋就咁啱搵到一張室內嘅枱☺️ 朋友同我都係點咗香脆炸雞套餐配薯片，都係配16安士嘅可樂😆 我本來對樂園嘅快餐都冇特別嘅期望，因為始終係快餐，但估唔到佢整嘅炸雞嘅肉係非常嫩口，佢個皮係好脆嘅，但係佢個肉係好滑嘅，真係好驚喜，非常好味😋 我唔肯定佢係唔係次次都可以炸到個皮咁脆同啲肉咁嫩口，但今次真係好好食😋☺️另一個亮點係佢個薯片，亦都係非常之好食😆😋 我同朋友一開頭以為會係平時食零食嗰啲薯片，嗰啲其實都已經唔錯，但其實佢真係一個薯仔然後切片，所以個薯仔味更加濃，我哋都好鍾意，好啱我哋口味，薯仔切片對於我哋嚟講係超驚喜😆👍我都幾肯定，下次我再去迪士尼樂園嘅時候，都係會再去火箭餐廳再食一次呢個香脆炸雞套餐配薯片😳😆😋…查看更多

八月尾一個星期五夜晚，我同幾個好朋友一齊去咗位於MOKO嘅千海水產餐廳食晚市海鮮火鍋放題😆☺️我哋知道呢間餐廳都幾受歡迎，所以一早就打咗去book枱，因為唔想排walk in，因為walk in係唔保證可以攞到枱😅 由於因為book咗枱，所以我哋都順利喺預定嘅時間入座☺️我哋一行六人，入座之後有啲朋友出去攞海鮮，有啲朋友就出去攞飲品啦蔬菜啊嗰啲，我同其他朋友就負責喺app度order肉同埋其他食物，分工合作☺️食物整體質素唔錯，朋友佢哋覺得可以自己出去攞海鮮呢個主意幾得意😊 尤其我哋當中有啲好鍾意食海鮮嘅朋友，呢個安排好啱佢哋，因為佢哋可以自己出去揀自己想食嘅海鮮😄餐廳環境整體感覺好熱鬧，晚市滿座，食物送上枱嘅速度都保持到，唔會話覺得要等好耐，同埋收用過嘅碗啊碟啊嘅速度都好快，呢個值得一讚😄👍…查看更多

星期六下晝，我放咗工後約咗朋友喺將軍澳食午餐😄食完午餐之後，我哋就喺將軍澳Popcorn商場行咗一陣☺️ 我哋經過Venchi雪糕舖，朋友就問不如食少少甜品，我覺得呢個主意都唔錯，於是我哋就去揀雪糕嘅口味😄 由於我哋前面都有幾個家庭喺度揀緊雪糕同埋俾緊錢，所以我哋大概都要等10分鐘先到我哋😁但係唔緊要，因為我哋一路排緊隊嘅時候一路諗緊我哋想食咩雪糕口味，排隊嘅時間過得好快😆我揀咗巴馬臣芝士加提拉米蘇口味，而朋友就揀咗開心果同榛子口味，而我哋都係揀雪糕筒，唔係用杯，因為我哋都想食嗰個脆脆😄😆我第一次試巴馬臣芝士口味，口感好似奶蓋咁，幾得意，而提拉米蘇口味就保持一貫水準😄 朋友亦比我試咗少少佢嘅開心果同榛子口味😄我覺得開心果口味都好好食，下一次如果再食嘅時候我可能會選擇開心果口味😄👍雪糕筒嘅脆脆都好脆，我哋好快就食晒成個雪糕連雪糕筒，Venchi雪糕係一個唔錯嘅飯後選擇😄👍…查看更多

八月尾嘅一個星期六，我去咗一個朋友既屋企傾偈😄傾到咁上下佢話覺得有啲肚餓，問我想唔想一齊去元氣壽司食晚餐，因為佢都係元氣壽司嘅捧場客😆我覺得呢個提議都唔錯，所以就決定一齊去😄離朋友屋企約15分鐘行路嘅距離就已經有一間元氣壽司，其實都好方便😄由於我哋大約傍晚6點左右已經到咗，所以唔使點等就可以直接入座☺️我同朋友都各自點咗一啲自己鍾意嘅食物，而其中最值得提起嘅就係我哋都想叫元氣甜品一齊食😆😋 我哋叫咗海鹽焦糖麻薯生乳軟雪糕 同埋 雜莓麻薯特濃朱古力軟雪糕😆　我哋一致認為海鹽焦糖麻糬生乳軟雪糕超好食🥰😋😆 而雜莓麻糬特濃朱古力軟雪糕都唔錯，但我同朋友都係比較鍾意海鹽焦糖麻糬嗰款多啲😆😋由於我哋食咗超過港幣$180，可以扭蛋抽獎一次😄 我哋扭到小新磁石，非常開心，係我最想抽到嘅獎品款式🥳☺️😄…查看更多

我同朋友都好鍾意食火鍋，尤其係任食嗰啲火鍋，因為可以食得好盡情，又可以揀自己想食嘅嘢，唔使就住就住😆由於朋友住喺九龍西，所以我哋見面通常都會揀喺旺角食午餐，因為旺角對佢嚟講會比較方便😄我哋好鍾意星期日去馬辣食午市火鍋放題，因為佢基本上可以由下晝12點坐到差唔多四點，雖然其實係唔會食到咁耐嘅，但係心理上就會覺得好舒服，因為唔會覺得需要趕住食😅所以我同朋友都好鍾意呢種安排☺️😄我哋比較鍾意食佢嘅牛肉，同埋佢嘅滑雞😄😋 我又好鍾意食佢嘅沙白同埋鯇魚腩😋 另外我又好鍾意去自助區攞蟲草花加蔬菜🥬😋朋友好鍾意食甜品，佢每次都會攞好多甜品食，有時仲食多過主食😅😂🤣 我同佢大家都好鍾意食格仔餅，馬辣餐廳通常每隔一個月就會有格仔餅食，如果有供應嘅時候，我同朋友就會狂食😆加埋煉奶簡直冇得彈😋😋😆朋友差唔多每隔三個字就會出去攞一轉格仔餅，我哋每一次都係食到攬住個肚走，但係我哋真係好鍾意食佢嘅格仔餅，因為水準真係一流😄😄😋☺️👍佢嘅罐裝烏龍茶都好啱我口味，又解渴消脂，通常係我嘅首選，每次都會飲1-2罐😄😆👍…查看更多

八月尾一個星期六，我同朋友去咗鑽石山荷里活廣場食午餐😄 朋友揀咗一間日式餐廳，好好彩唔使點等就可以直接入座☺️我哋睇咗一輪餐牌之後決定食佢嘅自選二人套餐☺️😆 我哋可以喺指定嘅自選二人套餐餐牌裏面任揀兩款拉麵或者飯同埋任揀三款小食😍 我同朋友商量完一輪之後，朋友主食就揀咗吉列豬扒奄列咖喱飯，而我就揀咗燒雞扒咖喱飯😋 而三款小食當中，朋友揀咗天婦羅魷魚，我就揀咗芝士年糕（三塊），而最後一個小食我哋就一齊揀咗燒牛舌😋 而且揀自選二人套餐仲有指定蛋糕送，我哋就揀咗疏乎厘芝士蛋糕一齊食😋送餐速度好快，我哋等咗一陣啲食物就陸續送到面前☺️ 我覺得我哋叫嘅所有食物都好啱我口味😄，基本上我哋將所有食物都食晒😆 天婦羅魷魚有驚喜，我嘅燒雞扒咖喱飯都好唔錯，其他嘅食物都有佢應有嘅水準😄👍以佢嘅食物水準，我覺得呢個自選二人套餐嘅價錢合理，而且份量都足，如果唔係好肚餓去食嘅話可能會食唔晒😅🤣…查看更多