tangrainbow's Profile

今日帶住人個老人家同一個細路仔，叫左兩樣野，另加兩個小食，上枱賣相都吸引。招牌海南雞檳城滷麵兩溝（米粉+油麵），個雞幾滑，碗麵好足料，夠一大一細食😆大碗肉骨茶油飯，有4條排骨，加埋2隻雞腳，重有豆卜同油炸鬼，重藥材，大份足料好食👍🏻小食都份都好食，要左無骨鳳爪同沙嗲牛串。👍🏻…Read More

炸雞辣醬牛角包窩夫 （$78）有驚喜，炸雞好香脆厚肉，食落唔肥膩，加埋椰菜青瓜同牛角包窩夫一齊食，一啖食晒超級滿足推介指數：🌟🌟🌟🌟🌟蟹肉海膽醬意粉 （$138）對得住個價錢，味道濃郁嘅🙂推介指數：🌟🌟🌟🌟韓式無飯手卷（$78）特色野，用雞蛋取代咗平時嘅飯，成條飯卷都係蛋絲😆雖然有酸蘿蔔，食落比較清淡，成口都係雞蛋味😆推介指數：🌟🌟🌟🌟🌟至於間餐廳，成個環境比較科幻，高枱櫈為主💁🏻‍♀️…Read More

呢間餐廳係daddy 選既，仲同我講係鄉下地方，記得要做好防蚊😆如果唔係有車，應該都唔會搵到呢度食🙈呢間餐廳，有位泊車，有得訂位。到左之後，已經畀佢個燒雞既爐吸引左。佢有戶外同室內既位，不過出面成30度，都係入室內好。坐底睇完餐牌，都係決定唔叫餐，因為我地兩個都食唔到咁多野，加上一開始就決定要叫燒雞🤣最終叫左暖蟹肉牛油果沙律， 魔鬼魚，燒雞。暖蟹肉牛油果沙律($6x)都幾特別， 不過掛住食唔記得咗影相。 佢用咗一個牛油果切開兩半， 入面放咗雜果沙律加蟹肉， 個面仲有啲芝士焗過嘅， 除咗平時食嗰啲炸沙律卷之外，第一次咁樣食沙律。魔鬼魚($8x)就好好肉，加上同泰式醬都好夾， 而且就算燒完啲肉都仲好滑，正呀😋燒雞($11x)就真係好有驚喜啦， 佢有四個醬汁可以揀， 當中可以四選二， 我哋要咗芥末甜酸汁同蘋果肉桂。 個雞一上台果陣，出曬煙超新鮮。 我哋本身諗住可以好易咁用手撕開隻雞， 點知一搣開嗰陣，一地都諗由雞髀開始，點知得條骨出咗黎 😂 個雞就算唔加另外加醬汁，個面都燒得好好食。 一路食隻雞都仲好熱，食到雞胸果陣都仲出緊煙，熱到我地要等左一陣先食到。 講埋個醬汁， 芥末甜酸汁就幾開胃， 台蘋果肉桂就估唔到咁夾。因為真係有特色，又新鮮好味，推介！🤗最後埋單$290。價錢都好合理。👍不過留意， 始終鄉郊地方， 就算室內為都見到有蚊，要做好防蚊措施。😉…Read More

今日喺烏溪沙跑完步， 同媽媽兩個人行咗15分鐘， 再等咗陣，屋子生活終於開門啦！走到入去，成間食肆都係和式風格， 去到最埋邊仲有榻榻米座位， 成個感覺好疏乎好relax！喺最埋邊坐低之後睇下個餐牌， 有好多樣嘢都想食， 最終都係嗌定食再加甜品。主菜方面， 有泡飯/飯團/烏冬/定食， 如果泡飯/飯糰/烏冬想轉定食，就加40蚊， 會包麵豉湯、沙律、前菜，同埋一杯嘢飲。 首先上場有百利甜酒咖啡(熱)($45/ 跟餐加$25)， 呢個冇想像中咁好飲， 酒味同咖啡味都不太濃， 加上上面冇latte art， 整體感覺一般般。接住有鮭魚綜合泡丼($69)， 入面都好足料， 有鮭魚蝦乾海帶等等， 佢係碗邊仲有 wasabi， 不過我同媽咪都覺得， 因為個鮭魚唔太腥，唔加wasabi都好好食啦。跟住係秋葵雞絲冷麵定食($88)， 雖然啲餸唔太多，可能因為天口㷫，而佢個冷麵汁又好開胃，覺得佢特別好食！ 而麵豉湯、沙律、中華沙律都正常。 甜品先食清酒香梨窩夫(荔枝)($50)， 佢個窩夫同出面嘅好唔同，有啲似冬甩， 一個圓圈型食落煙靭， 喺個心放咗荔枝肉， 上面有清酒香梨提子乾， 外圍就係cream， 雖然酒味都係唔濃， 不過香梨同埋窩夫一齊食真係好fresh。之後有燕麥榛子梳乎厘(香草雪糕)($68)， 佢個梳乎厘其實焗得好靚，不過可惜係原味， 而燕麥榛子只係喺啲碎， 不過個香草雪糕都好正，係用雲呢拿籽整嘅。最後埋單$300，另收加一， 總數$330。 …Read More

今次去左黃埔上瑜珈，上完又去食好野先!🤣雖然呢間美味佳已經開左好多年，但是水準都仲保持得好好，都仲咁好食佢除左串燒既好味程度係無得輸之外，佢既蛋炒腸粉又係好正！今次，我淨係叫左蛋炒腸粉咋。見到佢一開始，起熱個鑊，跟著落d油，再拎d腸粉過黎剪落個鑊度，煎左一陣又反下d腸粉。到左腸粉都夠哂熱同煎香左，就落蛋，好快手咁炒香佢。佢都真係幾快手，搞到影個鑊鏟果陣得番個影😂最後，見佢兜起咗之後，落左豉油甜醬麻醬芝麻。一個字，正！…Read More

佢有下午茶餐，不過第一次食，我叫左好食評都有推介既蝦多士餐， 盛惠45蚊，加9蚊要個奶茶紅豆冰(小冰小甜)(懶係養生同健康🙈)， 總共54蚊。由於未食午餐，好期待呀！奶茶紅豆冰(小冰小甜)好快就到，應該只係等左1分鐘度！紅豆好足料，有成半杯，奶茶味適中，小冰果然係2粒冰，小甜得幾好，真係好滿意！味道：5/5過咗大約5分鐘， 個蝦多士就送到喇。 第一眼望落去有少少燶， 果然係熱氣嘅嘢食🙈。 個蝦多士嘅整法有別於平時。普遍嘅蝦多士系用蝦肉剁碎整成蝦膠，再搽上麵包拎去炸。 呢度嘅蝦多士， 係將一塊去皮方包，對角切成四塊三角形， 再喺每塊三角形上面放上三粒蝦(大約一隻左右)， 加啲粉漿， 最面嗰層再加啲麵包糠，再拎去炸。 呢個做法係好特別， 好有特色， 你可以見到成隻蝦喺度幾滿足， 不過味道上就比較清淡，唔太食得出蝦味，加上粉漿個味道都偏重， 相對傳統做法蝦味就冇咁濃郁。咪道：3/5特色：5/5…Read More

話說今日好趕時間，睇住錶已經下午5點2，得番4個字時間，要食完野出發去上堂，又想番一番屋企，又想慳錢，又想食熱野，行行下發現左呢間川味美食，竟然滿足哂我既願望！😍我叫左個最普通既酸辣薯粉$25，跟住發現下午茶(下午5點半前)送埋野飲。問一問個呀姐，話飲品櫃入面既都得，裡面有罐裝汽水之餘，仲有原味同黑芝麻豆漿，咁我就要左好似好抵既黑芝麻豆漿。最終，連埋外賣加1蚊，盛惠$26咋！講番食物先，個薯粉都好足料架，係典型既酸辣味，又唔會好油，仲有好多肉碎，兩個字講哂，抵食 …Read More

之前睇資料話呢間鋪頭，野食無落味精，加上有養生既燉湯，仲要有養顏既花膠，已經一路好想試。🤤今日同媽咪去開荔枝角，終於試左呢間燉湯🥣啦！今日好好彩， 睇到原來五點半前落單， 買燉湯加一個飯有得平8蚊，完全滿足哂師奶心態🤣今次呢一心想食花膠野， 所以好快就決定咗， 要一個花膠螺片燉雞湯， 再要一個魚肚滑雞飯。個燉湯其實好足料， 可惜好明顯食得出係雪雞， 同埋嚿肉好鞋口， 不過以呢個價錢呢種水準，好ok！至於個飯，啲雞同埋魚肚都ok滑， 可惜用咗外賣餐具， 不過以性價比嚟講，ok😆食完正餐之後，忍唔住叫多個甜品， 諗都唔諗，要咗鮮奶燉花膠！ 呢個真係超正超好食！ 好食到我同媽咪一致認同， 有機會要再嚟食過！🤣 因為佢個底係薑汁鮮奶底， 加埋有花膠嘅膠質， 仲要有真材實料嘅一大片花膠， 真係冇得輸呀！🤗…Read More

記得上次大約夜晚六點半黎過【老闆娘雲南米線】，但係排隊排到去樓梯口，於是放棄左無等。今日未食午餐，收工去到荃灣已經差唔多三點，同媽咪諗食咩好之際，決定去試下運氣，平日下午茶時間應該無咁多人呱。果然，今次邊寫單邊等大約5分鐘，就入到去啦！呢度，每人最少要叫一碗米線。我同媽咪就分別叫左蒙古湯米線（$42），同蟲草花薑酒湯雞肉米線（$50）。另外，我地仲要左4個小食，每個都係$10，包括有:野菌腐皮卷,魚肉響鈴,反斗蝦膠豆卜,招牌酥炸雞球。今次服務畀夠5粒星，因為今次唔多人等位，冇吹我哋執枱，不過如果食午餐或晚餐，就未必得啦…Read More

早幾日同家姐係文化中心睇完opera，夜晚十點幾，想食番d野先，見呢間都幾好評，又幾實惠，就去食下啦。可能係已經宵夜夜夜時間，唔使等位就入得啦。我地兩個人叫左好多野食😆黑松露阿布素意大利麵 ： 一般，個湯底黑松露味唔夠，不過有片黑松露紫菜嘅物體，幾特別。黑魚子醬提子包：有新意，但不推介。鹿兒島豬軟骨：味道有d濃，不過性價比高。九轉大腸：正常野，腸都幾乾淨，有幾粒茄子。黑毛豬叉燒：幾香口， 鹹左d，有4件，瘦叉燒有啲鞋口。紅燒花膠扒：推介，18蚊，大大件花膠扒，又抵食又好味😋。海南切雞：正常野，無特別。熱腐竹洋薏米： 好味😋食到尾先留意到，佢有最低消費，每人要最少2餸1麵或3 餸，唔緊要，我地夠哂數。…Read More