香港愛玩生's Profile

愛玩小生👦🏻最近搵到一間主打日本蠔嘅餐廳「牡蠣小屋 KAGURA」，由日本人主理，唔單止食材正宗，仲會唔定時搞氣氛，入到去好有日本感覺！🍴分享：1.生蠔三文魚籽斧飯｜飯面鋪滿三文魚籽，鹹香爆汁，加埋新鮮生蠔，海水味濃厚，口感豐富～2.日本生蠔｜蠔身飽滿鮮甜，入口仲帶少少奶香，完全冇腥味，好啱鍾意原汁原味嘅朋友。3.凱撤沙律雞肉｜沙律菜爽脆，配上芝士味濃嘅醬汁，雞肉煎得香口唔乾柴，清新開胃。4.KAGURA 日式炸雞｜薄脆炸衣包住嫩滑雞肉，油份適中，熱辣辣咬落去好juicy，絕對係人氣小食之選！…Read More

人均消費約$300多，便能享受活鮑魚和牛板腱等高質食材，還有任食滷肉飯，絕對是性價比之選。📍環境方面：餐廳卡位設計私隱度高，格調優雅舒適，非常適合與朋友慢慢吃火鍋聊天。🍽️二人套餐十分超值：▪️ 活鮑魚新鮮彈牙，煮熟後完全不縮水▪️ 美國牛板腱雖然薄切但牛味濃郁，輕涮即可食用▪️ 大份雞件滑嫩不柴口▪️ 新竹米線充分吸收湯底精華，口感Q彈▪️ 炸魚皮香脆可口，搭配啤酒簡直絕配🍲湯底推薦胡椒豬肚雞：豬肚爽脆彈牙，雞湯呈現奶白色，濃郁中帶有胡椒香氣，既暖胃又惹味。✨免費任食區令人驚喜：▪️ 滷肉飯肥瘦比例適中，醬香濃郁而不死鹹▪️ 新鮮水果適合飯後清新味蕾▪️ 豆花甜品口感滑溜且豆香濃郁，免費提供卻保持高品質🍺搭配台式啤酒更是相得益彰。整體而言，這裡的用餐體驗令人滿意，飽足感十足。推薦給喜歡火鍋又注重用餐環境的朋友。…Read More

最近喺油麻地搵晚飯，經朋友介紹試咗一間叫「金和潮菜」的小店。餐廳大，地方整潔，氣氛好似大排檔，重點冷氣好夠，幾適合同朋友聚餐。食咗幾款餸菜，整體質素不錯，有幾道印象比較深：1.蜜椒脆皮薯仔牛仔粒牛仔粒煎得香口，配上帶少少甜辣味嘅蜜椒醬，味道夾得幾好。薯仔外脆內軟，整體口感有層次。2.肉片瑤柱冬瓜湯湯底清清地，飲落唔油，冬瓜煮得腍身，吸收到瑤柱嘅鮮味，係夏天幾啱飲嘅一款湯。3.酸菜魚魚片冇腥味，口感滑，酸菜份量適中，唔會蓋過主味，湯底微辣帶少少麻味，配飯食幾開胃。📍金和潮菜地址：油麻地砵蘭街109-111號偉華大廈地下…Read More

愛玩小生一放假就捐窿捐罅搵最Hot嘅食玩買。去到PHI-cafe, 店員介紹「盛夏果漾甜蜜白桃」 主題，貴為一個生果控，今日就嚟試下！點左以下幾款：1) 盛夏果漾白桃乳酪梳乎厘梳乎厘蛋白輕盈蓬鬆嘅口感我最喜歡，再配上白桃醬及白桃肉粒，酸酸甜甜夾著空氣感滿滿嘅梳乎厘，簡直幸福感滿滿，食晒三個梳乎厘都唔會覺膩。碟內仲有原個白桃，切開原來內有乾坤，係夾著忌廉，一齊食口感好特別。2) 伯爵茶白桃布拉塔芝士沙律新鮮新律菜配上鮮白桃，白桃口感细膩多汁，味道香甜。3) 漢堡扒全日早餐好豐富，誠意之作，內有漢堡扒、多士、煙肉、烤菇、蕃茄仔、沙律菜、牛油果、煙三文魚、煎蛋、燉牛肉。食完已飽8成。最喜歡漢堡扒外焦裡嫩，肉香濃郁。4) 流雲白桃沙冰夏日必點，消暑之作清涼、甘甜的沙冰5) 白鳳梳打夏天飲，簡直透心涼…Read More

愛玩小生👦🏻今次在太子食咗一間主打火鍋米線，幾好味道呀！今次去食午餐要排隊，大概等15分鐘！✅花膠雞湯米線以火鍋一上枱，就聞到超香濃雞湯味，湯底呈奶白色，飲一啖即刻感受到滿滿膠質黏嘴唇，真係滋補到極！ ✅蜜糖炸雞翼仲試到呢款蜜糖炸雞翼，真係一試難忘！雞翼炸到金黃酥脆，外皮掛滿濃郁蜜糖醬，甜甜哋又帶微微焦香，咬落「咔嚓」一聲，入面雞肉依然嫩滑多汁，邪惡得來超滿足！ 仲有椰子雞火鍋米線都好好味，夏天都啱食呀！…Read More

原來入馬場睇馬之外，仲有咁正嘅餐廳。Vantage 係新開的，每逢賽馬日就會開店，主打多國菜，仲有甜品食。因為新開所以即刻過嚟試。1）特色Cocktail – Beauty Generation 美麗傳承以知名賽駒命名，造型夠晒打卡感，上枱時有Bubble煙燻效果，一登場已經吸引晒目光！味道偏甜，容易入口，好啱鍾意飲輕酒精嘢嘅朋友。2）雜錦芝士凍肉拼盤（細）$248雖然叫咗細份，但份量絕對唔細，幾個人share都夠食！Parma ham同Salami鹹香夠晒惹味，Cold cuts帶有油脂香氣；Brie cheese滑得嚟又唔膩，奶香柔和，配紅酒一流～睇賽事嘆住呢份Platter，真係超Chill！3）招牌手卷–牛油果卷 $88用料新鮮，牛油果夠滑、夠Creamy，飯粒煙韌唔會散晒。口感清新、無負擔，做小食一流。4） Eat Off Your Own Vantage Table 朱古力甜品 $298開初以為係簡單嘅朱古力甜品，原來甜品師傅會直接出嚟表演同製作朱古力甜品，有蛋糕、布丁，中間仲會有超大嘅朱古力蛋，加埋煙霧效果，打卡超正！值得一題朱古力唔算太甜，個人幾喜歡！餐廳最特別係有DJ打碟，超有氣氛。唔識賽馬嘅亦有Racing Specialist 提供「賽馬101」教學，此外餐廳仲有互動式AI揀馬站，AI會根據每隻馬和騎師過去的數據，進行賽事分析！📍Vantage地址：跑馬地馬場聯合看台3樓*餐廳菜單會不時更新，詳情請參閱官網資訊…Read More

最近同朋友喺尖沙咀再去一間開左好耐，仲要超值嘅無限時任食雞煲火鍋店！有3個套餐選擇，我地就揀左中間價位$308「澳洲和牛套餐」～首先食「日式和風雞煲」， 一上枱就聞到濃郁香氣！雞件大件又多肉，每啖都爆出肉汁，醬汁惹味得嚟帶微微甜香，食到唔停口！此外，原來即場Like & Share店家社交平台post，即送 海鮮蒸鍋，抵食！有好幾款海鮮，鮑魚厚肉鮮甜、帶子爆膏又多汁，仲有蒜蓉粉絲蒸蟶子同大蝦，海鮮控必搶～食完雞煲變火鍋，加豬骨湯打邊爐，就開始任食牛肉啦！ ✔️ 澳洲M4-M5和牛：油花靚到發光！牛味濃郁，入口即化✔️ 牛白肉（牛胸爽）：脆口帶牛油香，口感似爽脆魚肚✔️ 頂級牛肉 & 牛肩胛：每片都厚切，涮3秒就食得另外，自助區都有好多款火鍋配菜，蔬菜/丸類/炸物/魚肉/餃子等等都有。飲品櫃：可樂/果汁/啤酒/真露溝忌廉鮮奶等10款甜品：木糠布甸、燉蛋、多口味雪糕📍 地點：尖沙咀 | 尖沙咀山林道21號永勝商業中心2樓A號舖…Read More

✨愛玩小生👦🏻再去食太子呢間餃子店— 豐信餃子店！每次經過都見到大排長龍，今日排咗10分左右啦！🥟 招牌推介：•芝士粟米鮮肉煎餃（10隻/$72）超邪惡！餃子煎得香脆，內餡係滿滿鹹蛋黃金沙＋拉絲芝士，鹹香味濃郁，食完一隻又一隻停唔到口！•韭菜鮮肉湯餃每粒餃子都脹卜卜，好足料！韭菜味香濃，湯底係用 椰子海帶豬骨濃湯 煲成，滋味又暖胃。🍗 小食推介：•甜蜜蜜雞中翼（5隻/$36）外皮炸得香脆，甜甜地又唔會太膩。•涼拌海蜇（$22）爽脆彈牙，食完煎餃之後嚟一碟即刻解膩！🥤 飲品推介：•柑桔蜜（$12）味道清新，甜中帶酸，飲完解渴又解膩！🌟 整體感受： 餃子餡料飽滿又多汁，煎餃夠香脆，湯餃湯底味濃，好適合鐘意食餃子嘅朋友仔！📍 豐信餃子店地址：太子汝州街15號舖…Read More

愛玩小生👦🏻今個周末又有新發現！行到西營盤，竟然搵到一間主打杜拜朱古力同開心果主題嘅Cafe【coffee by zion】～即刻開箱同大家分享啦！🥚 雜菌班尼迪水波蛋炸香雜菌配上Benedict，酸香荷蘭醬淋上，每啖都滑順又有層次，做Brunch超滿足！🍰 開心果巴克斯芝士蛋糕芝士蛋糕細滑綿密，滲出淡淡開心果香，甜度啱啱好，堅果味超加分～🥐 杜拜開心果朱古力可頌窩夫（配朱古力雪糕）窩夫脆卜卜，入面軟熟，加上香濃朱古力醬＋開心果碎，仲有濃郁朱古力雪糕，熱溶交融真係好邪惡～店員即場噴金粉，打卡超靚！☕ 杜拜朱古力咖啡杯邊掛滿朱古力醬同開心果粒，賣相超吸引！入口香滑，朱古力同咖啡香完美融合，堅果味好突出，超有層次感！📍 coffee by zion地址：西營盤第一街83號地下1號舖…Read More

趁復活節假就帶小朋友過嚟屯門遊歷下。聽身邊嘅朋友仔話悅品酒店嘅自助buffet好適合小朋友，佢嘅裝飾都好適合小朋友打卡，又有手工畀小朋友一路食自助餐一路做。仲有自助餐有一樣好開心嘅地方就係雪糕都有三種品牌選擇。包括häagen-dazs、cocoberry同埋movenpick。大人細佬見到都超開心呀最開心係成個buffet 區域以火車做主題，我地喺火車卡入面食，我地仲不斷影相打卡，興奮到不得了。食物選擇方面，都多樣化，前菜、主菜、冷盤、飲品bar、甜品，都補充上菜得快，食到我地都飽到上心口。食完buffet仲可以出去大堂影相打卡呀，成個大堂做到火車站嘅感覺。…Read More

愛玩小生係Openrice發現一間好有驚喜嘅特色居酒屋🍶！好fun!上到店舖，每層裝修都有打卡位📸～油紙傘同燈籠區影相一流✨！仲有Live Band 🎸駐場表演，氣氛超Chill～餐牌有創意料理之餘，特價仲做得幾多，性價比唔錯！🍲 請勿打擾*熊之壽喜鍋有齊 A5 宮崎和牛100g＋爽脆豚肉片150g！牛肉入口即化，油香超濃；豚肉片帶爽脆口感，壽喜汁濃香惹味，好滿足！🍣 廚師發辦壽司對選擇困難症非常友好😆 每件壽司都厚切新鮮～金箔拖羅、三文魚等全部高質，有驚喜！🍗 手羽雞翼塔炸雞翼外脆內嫩，香味撲鼻，送酒一流！黑木亭📍 尖沙咀金馬倫道58號國鈀大廈1樓#尖沙咀居酒屋 #打卡居酒屋 #壽司控 #kolhk #hkfoodies #讓生活多一點歡樂 #愛玩小生推介 #iplayhk🔰…Read More

✨愛玩小生👦🏻又嚟到啟德零售館覓食～今次快食咗一間叫【麵堂】，主打東南亞風味麵食，仲有啲飯類揀，不過選擇就少啲～🍜 海南雞馬來喇沙摻摻滑嫩海南雞＋香濃椰香喇沙湯底，米粉配油麵雙拼超有層次～湯底辛香唔嗆喉，飲完仲想encore！🥗 大蝦菠蘿米紙卷大蝦彈牙，配上香甜多汁嘅菠蘿＋新鮮蔬菜，包埋落米紙度，清爽又開胃～點埋酸甜醬，好味！🍝 冬蔭功海鮮撈麵冬蔭功醬汁夠酸夠辣，超惹味～蝦同魷魚都夠新鮮，食到尾都唔會膩！🍍 鳳梨清新特調梳打（凍）飲落清爽透心，鳳梨香味天然唔假，岩哂配搭重口味菜式，飲完即刻refresh！🍨 泰式椰子雪糕椰香滿滿，口感細滑又綿密，仲食到椰絲！甜度啱啱好～好想打包返屋企再食（玩咩，講笑咋🤣）！📍 麵堂啟德零售館二3樓M2-317號舖…Read More

去中環蘭桂坊食嘢不一定飲酒呀！在Openrice 搵餐廳見到呢間日式菜館推介，見評分都不錯，決定去試試呀！位於California Tower 23樓全層，分為室內及室外餐枱，可以欣賞到另一面的中環金融中心的魅力，座位寬敞，坐得幾舒服呀！因為大家都唔想諗，就決定聽店員介紹，食佢地素食主題的放題。再加多咗2個餐廳特色主菜！ 前菜•日本雪國山菜冷奴：黑松露味超濃郁！滑嫩豆腐遇上松露香氣，呢個配搭真係第一次見，絕對要encore！•沖繩苦瓜沙律：苦瓜微苦但好清新，同沙律菜好夾，開胃首選！•綠天使他他：蔬菜清新mix香料濃郁，口感層次超豐富•海雲：滑溜溜嘅口感帶淡淡海味，好特別！卷物粉翠卷 – 以香甜爽脆的富士蘋果粒做餡料，配酸甜醬汁，好好味雜菜天婦羅勒卷 - 多重蔬菜口感+羅勒香氣秋葵卷 - 滑溜秋葵外皮微焦墨西哥卷 - 微辣帶酸好醒胃天婦羅•拉絲蓮藕天婦羅配熱情果醬 - 脆口蓮藕遇上酸甜醬汁，好過癮！•紫蘇葉素雞天婦羅 - 外脆內嫩，紫蘇香氣好突出•椰菜花天婦羅 - 偽裝成韓式炸雞嘅造型超呃like，甜酸醬好開胃主菜西瓜扒 −將西瓜切成條狀，再用火爐香燒至外層焦香，但內裡多汁，原來燒水果都可以咁好食！煙燻魚刺身盛合精選4款厚切魚生，有三文魚、帶子等，每件都經過煙燻，入口味道鮮之餘，帶有輕輕的煙燻香氣，好特別！Kyoto Joe地址︰中環蘭桂坊德己立街30-36號加州大廈23樓…Read More

屋企長輩生日想食好啲啲，愛玩小生一家人就揀咗位於ICC 101樓嘅「閩粵軒」，一邊食精緻小菜、一邊睇住維港夜景呀！餐廳的樓層咁高，價錢當然都高啦，而服務態度和質素都好高水準，老人家們都很滿意！揀幾款小菜分享一下：頭抽芥末伴海螺片頭盤的海螺片爽脆彈牙，搭配黑色一粒粒的頭抽和芥末醬珠珠，將味道層次增添豐富，每一口都帶來微辣，開胃又醒神。閩南五香卷外皮炸得香脆，內裡是滿滿的肉餡與五香調味，非常香口，鹹香中帶點甜味。大紅袍乳鴿擺盤夠曬特別，聽侍應介紹，乳鴿會先炸至外皮焦香酥脆，再以香葉、八角等材料煙燻入味，當中大紅袍的茶香滲入其中，令乳鴿帶有獨特的回甘風味，果然是有功夫的一道菜式。荔浦黃金匣外皮金黃酥脆，內裡包裹著綿密的芋泥與鹹香的內餡，口感細膩，微甜微鹹的味道剛剛好！鮑魚肉絲炒麵球精緻設計，將炸至金黃的麵球成為一小小的圓餅型，外脆內軟，加入鮮味濃郁的鮑魚肉絲完美融合呀！荔枝石榴露甜品就選擇了荔枝石榴露，荔枝的香甜與石榴的微酸相互平衡，清爽得來又不膩，好適合飯後解膩的甜品呀！閩粵軒地址：尖沙咀柯士甸道西1號環球貿易廣場101樓C號舖…Read More

愛玩小生👦🏻去完M+博物館，就跟朋友經過圓方商場。我地就揀咗一間韓式Cafe，當中開心果口味的甜品是意料之外呀！飲品韓國柑橘梳打⭐️⭐️⭐️清新的柑橘香氣與氣泡梳打完美融合，酸甜適中，每一口都帶來清爽感，特別適合配搭較濃味的食物，解膩又解渴。LOTUS焦糖奶昔⭐️⭐️⭐️⭐️濃郁的奶昔帶有LOTUS焦糖餅的香脆甜味，口感絲滑香濃，焦糖的微苦與奶香平衡得剛剛好，每一口都是滿滿的甜點享受。主食烤牛肉紫菜包飯⭐️⭐️⭐️紫菜包飯包裹著嫩滑的烤牛肉，肉香與醋飯的微酸融合得恰到好處，口感豐富，層次分明，是飽肚又有滿足感的選擇。甜品/輕食士多啤梨芝士蛋糕牛角包窩夫⭐️⭐️⭐️⭐️⭐️牛角包窩夫外脆內鬆軟，搭配香濃的芝士蛋糕餡與酸甜多汁的士多啤梨，甜而不膩，每一口都帶來香脆與軟滑並存的口感，非常適合甜品愛好者。開心果刨冰⭐️⭐️⭐️⭐️⭐️綿密的刨冰帶有濃郁的開心果香氣，滑順而不過甜，搭配香脆的開心果碎，口感豐富，既清新又帶堅果的獨特風味，是一款特別的夏日甜品。餐廳：Coffee Hwajeon地址：尖沙咀柯士甸道西1號ELEMENTS圓方水區1樓1028B號舖…Read More