eatsthgd's Profile

春水堂咁出名，加上本人係珍珠奶茶愛好者，一直都好想黎試下。係疫症其間，一田大部份舖都冇咩人，我三點幾黎到，估唔到竟然滿座，果然非常有人氣。嗌左碗牛肉麵，幾鍾意呢個牛肉麵，比珍珠奶茶有驚喜，牛肉一啲都唔老，煮得好林，湯好濃，不過唔夠辣。另外一提，佢份量真係偏少，我一個女仔食都略嫌唔夠。最期待既珍珠奶茶，其實味道有點似茶湯會😂好似冇叫少甜，佢冇一般既台式奶茶咁甜，甜度係岩岩好。味道係ok，不過冇驚喜，價錢黎講都幾貴下。…Read More

呢間Cafe真係好岩女仔黎呀，成間都係粉紅色，不過舖頭有啲細，而且係半開放式，冇門隔開商場同埋舖，而且間舖係近個商場門口，人來人往係比較嘈。食物方面質素唔錯，價錢都合理。嗌左牛油香草燒春雞配日式薯仔沙律，薯蓉都幾有心思，加左入左蔬菜粒，口感更豐富。雞肉幾嫩滑，而且都幾多，應該係半隻雞。沙律菜幾新鮮。飲品嗌左oreo 奶昔，幾大杯，而且上面既cream好大舊，好飲！不過覺得佢用一次性既膠杯唔係咁環保，希望佢轉用玻璃杯嗰啲啦！…Read More

想食日本野，所以同朋友黎食日式放題，呢間好似開左唔係好耐，裝潢好新。唔同時段係唔同價錢，價錢唔算貴。刺身好新鮮，而且種類都多，炸物都炸得外脆內軟，雞翼好香，而且唔會乾。炸芝士對我黎講有點膩，一件起兩件止。牛舌都唔錯，唔會燒得太老。仲有熱食選擇，我嗌左冬蔭公，好濃味，而且材料好豐富。朋友嗌左蟹粥，佢大讚好綿好好食，成碗食哂～壽司細細件，一啖可以食完，好易入口。估唔到仲有幾款海膽簡，另外仲食左海膽手卷，好鮮甜。呢到最抵讚既係個自助區，前菜﹑飲品同甜品選擇好多，冷熱飲豆漿涼茶都有，就連冷熱清酒梅酒都係任斟，呢個價錢黎講幾抵～佢係用apps黎落單，比起啲放題用紙落單更環保，而且落完單好快就上枱，幾有效率。不過個人認為啲坐位之間太近，如果坐得再寬落啲就更好。…Read More

想搵個cafe傾下計，朋友推薦黎呢間cafe食野，所以黎試下。環境幾舒服，坐窗邊可以望到彌敦道街景。六點黎到好少人，環境比較安靜。Dinner set送蒜蓉包、餐湯及34蚊既飲品，比單叫抵食，款式都多。留意番34蚊既飲品只有熱飲，如果想要凍飲就另外加錢。蒜蓉包好香脆，蒜蓉味濃，相比較下忌廉湯味道則較淡。明太子海蝦意粉非常creamy的意粉，明太子的味道，唔辣，醬汁帶有蝦既鮮味，加左檸檬汁有小小酸味，令個汁濃得黎唔會太膩，喜歡酸味既可自行擠多啲檸檬汁。蝦肉幾彈牙，而且比得幾大方。軟殻蟹黑松露意粉醬汁有好香既黑松露味同菇菌既香味，c比明太子意粉較清香，另外加青椒、紅椒、蘑菇，令個味道同口感更豐富。軟殻蟹見到原隻蟹既樣，好易咬，係面有蟹肉，幾鮮甜。🥤焦糖黑朱古力邪惡的飲品，飲品上仲有舊搽左黑古力醬既cream。🥤玫瑰咖啡嗌左少甜，的確食到冇咁甜，有好香既玫瑰味，同咖啡味好夾。整體黎講食物質素唔錯，坐得幾舒服，係一間唔錯既cafe～…Read More

中午黎呢邊食午飯發覺原本既餐廳執左轉左素食自助餐星期一至五午餐$78自助餐黎講好平一於入黎試下佢分左幾個區有熱食，炸物，甜品，糖水，飲品粗略數過起碼二十款食品算係好多選擇雪櫃有豆腐花，不過寫住晚餐先有提供餸方面有酸齋，辣炒西蘭花，苦瓜牛肉（用豆整既牛肉），魚香茄子等等味道似茶餐廳食到嗰啲全部都好入味見佢refill得好快，啲餸唔會攤凍哂主食有西炒飯，狗仔粉，炒面等等不過不失最愛炸物區特別推薦炸薯條，反沙芋同埋pizza熱飲有菊花茶同埋非洲茶兩種茶都幾好香菊花係清甜，非洲茶就有啲似麥茶凍飲選擇都好健康，例如蝶豆花不過我就唔係咁飲得慣都係鍾意熱飲多啲甜品選擇都好多泡芋好好食～見到有人拎個食物盒裝食物原來可以自己帶一個盒/向餐廳買一個臨走時裝一盒走值得一讚係要客人自己收拾碗碟分類後放係回收區…Read More

下午黎食甜品，舖頭比較細，只係坐左幾枱人，所以舖面得一個人serve。夏日炎炎，嗌左雪花冰食，呢道叫芒果森林，真係滿滿的芒果味，雪花冰同爆珠都勁重芒果味，而芒果肉就偏酸， 如果簡啲更熟既芒果就好了。…Read More

入到黎比人好放鬆既感覺，裝潢好靚，所有cushion及碟用植物做主題，窗邊有燈泡裝飾，如果唔係人太多有點嘈吵，都幾浪漫架💕晚市有套餐選擇，比單叫抵食，包餐湯，蒜蓉包，沙律，餐飲，仲可以半價嗌甜品。餐湯係南瓜湯，好creamy好滑好香。呢個餐包都睇得出係用心整，上枱時仲係熱既，好香蒜蓉味，好脆。估唔到前菜個沙律係咁大碟，早知佢咁大碟，主菜就唔會叫沙律A餐牛油果雞胸香橙有機紅藜麥沙律。材料既味道好夾，有咸味既雞胸，酸味既香橙，再加埋啲菜同牛油果，好豐富。嗌左杯zen，好杰身，淡淡地，幾好飲，不過佢係牛油果黎，所以好飽肚！作為薯條愛好者，小食當然要食薯條，呢份薯條感覺係岩岩炸好，好熱，要攤凍啲要入到口，另外個黑松露醬非常夾薯條，比茄汁好食！…Read More

呢邊通常係酒店住客過黎，夜晚黎到唔多人，夏天竟然安排左坐室外，有風扇唔覺得熱，加上海邊有風，氣氛本來係幾好，但係有蚊！建議一定要坐室內啊講下食物先餐包，外脆內軟，正正常常。第一次食馬介休，友人話馬介休係葡國菜必食，所以叫左試下。原來味道同咸魚差唔多。個飯炒得好香，粒粒分明，唔會太乾太淋。咖喱雜菜，啲菜好入味，而且菜既種類都幾豐富，加上有咖喱汁，好適合送白飯。葡國菜，我覺得個味道同咖喱雜菜差唔多，不過呢個有肉類。雞件大塊軟身，好易咬，同個汁好夾，好淋好入味雖然價錢唔平，但係份量好多，性價比唔錯👍🏻今次嗌啲野食大部份偏濃味，我地不停飲水，waiter服務好好，一見杯水少左就即刻過黎斟。…Read More

係商場見到呢間cafe，即刻被佢既裝潢吸引，一片粉色，周圍都舖滿花，充滿少女情懷。入到去好闊敞，有唔同種類既座位，周圍擺放左唔少花花裝飾，坐邊都岩打卡！食物非常精緻，份量偏少，黎食下午茶就ok，正餐肯定唔夠飽。坦白講，食物味道係ok，但冇佢外表咁吸引，不過啲客黎志在打卡同傾計，呢個環境真係好適合同朋友坐低慢慢傾計～…Read More

間舖係地下，門口入去仲要落一層樓梯。平日既中午唔係好多人， 好多位坐，唯得一讚既係啲座位都幾寬敞，坐得幾舒服。趕時間就冇食燒肉，嗌左普通set lunch。四十幾蚊有幾碟前菜，包括泡菜，另有湯及罐裝飲品，幾抵食。呢幾款前菜幾好食，泡菜夠濃味，唔會太酸，十分開胃送既湯略為味精烤豬肉飯有好多豬肉，非常豐富，加左生菜冇咁油膩，一碗都幾大碗豆腐辣湯飯，友人話幾好食，不過嫌個湯略油其實呢間應該出名食燒肉，下次時間充裕會黎試下。…Read More

可能因為附近多工廈，好多打工仔黎食lunch，幾間都拎左飛，呢間最快有位，啲姐姐好忙，等左陣先有人過黎落單。嗌左海鮮喇沙，配料非常豐富，有蝦、蛋、青口、魚蛋、豆卜等等，湯底都幾濃，不過唔夠熱，可能擺耐左先上枱。…Read More

黎到荃灣行街，順便黎試下食吉列牛。今次係第一次食吉列牛，外層吉列邊好香脆，入面係生既要自己燒，呢種食法都幾得意～加錢有紫菜飯同溏心蛋，味道都唔錯，特別鍾意個飯，有調味料，唔洗食餸都食得落一碗！…Read More

趕時間或者一個人食晚餐的話，呢間都係唔錯既選擇。好似快餐咁，嗌左等叫numver去拎餐，野食好快就上。有意粉，酥皮湯同埋咖啡。意粉普普通通，有啲淋，醬比較少。酥皮湯唔錯既，湯比較濃味。…Read More

唔聽講觀塘工廈隱藏不少美食，果然冇錯！呢到裝潢好懷舊feel，好適合打卡，坐得寬敞，幾岩同朋友傾計食飯。柚子大蝦沙律材料非常豐富，而且用既菜好新鮮，推薦！主菜嗌左黑松露野菌意粉，啲菇好多好大舊，啲忌廉都岩岩好，好入味。呢個係我最最最鍾意既薯條！無論係薯條定魚都係炸得岩岩好，唔會淋或者太乾，仲有兩隻醬比你點！真係會食唔停口。飲品都唔馬虎，有舊cream係上面，香蕉味好濃！啲食物無論味道或賣相非常好👍🏻…Read More

今次唔係黎食點心，而係食主食同小菜。一坐低見到隻碟已經好鍾意，淺藍色上面有條錦鯉，好靚呀，食野心心情都好啲。喜歡麻醬既朋友不能錯過，麻醬好足，豆腐夠薄。雞絲粉皮搭配青瓜絲，非常開胃。近黑者黑，食完成口都黑色xd 味道香口，唔錯。…Read More