Eatwin's Profile

本人覺得佢嘅豆花很出色，豆味香濃而且很滑。芝麻糊嘅稠杰度都適中，而且佢哋嘅甜品嘅甜度都偏低，即係微甜嘅程度，對於注重健康嘅朋友就啱曬。其實我都係同附近嘅街坊傾開計先知道呢間舖係由一家人幾口子自己營運的，街坊話加上西營盤夜晚10點半後除了老麥，附近應該都無其他食肆可以比人坐低堂食傾吓偈，糖水款式其實都好多。有中式西式經典舊派、新派都有，大家如果經開嗰度有機會咪去試吓。不過大家留意佢嘅舖頭好似堂食去到12點之後就只做外賣。…Read More

最近半年尖沙咀都開了幾間甜品糖水舖，研香應該就是最新嘅一間，用自動落單機買咗碗熱嘅合桃露加湯圓，甜度揀咗日本代糖（因佢寫住甜度約相等於半甜，等咗大約5分鐘就有得拎，買一碗糖水比咗一個大到可以放個女裝鞋盒嘅foodpanda紙袋我，仲要走埋餐具。食物方面合桃糊不夠滑仲有幾嚿似渣嘅糕狀，應該是無用篩網隔渣，這點絕對要改善，至於甜度方面半甜好似零甜咁嘅，湯丸就OK。選擇方面款式唔算多，定價方面算是合理。…Read More

朋友喺面書見到佢哋嘅日本和牛放題，4位預早兩日訂座仲送一隻龍蝦刺身，必須點和牛放題餐才送，每位$458另加一服務費。選餐前已問清楚職員「飛驒牛」刺身都係任食，所以便選了和牛餐。最終飛驒牛刺身點了一次轉頭想再用手機點餐系統點多一次就已經表示「沽清」無得再點。其他所謂日本A5或A4嘅和牛差唔多有9成都係有筋、太肥、咬唔開，應該是啲和牛切走完啲靚部位後剩低嘅和牛下欄部分。送嘅龍蝦刺身要追兩次先嚟，上菜時仲要夾雜埋其他好多款唔係我哋點嘅刺身，搞到好似好豐富咁其實都係想掩飾龍蝦刺身嘅份量超少 （有種令人覺得比多啲刺身餵飽你，等你哋點少啲和牛嘅效果。海鮮方面更加差，蠔有石，扇貝又多沙。如果大家覺得$458任食和牛好抵就要諗清諗楚先好決定。…Read More

今早叫咗個早餐C餐，火腿通粉，配炒蛋、腸仔、多士，啡走。啡走落得好少煉奶都唔係太大問題，令人最失望嘅係佢份腸仔炒蛋亮然倒埋落碗通粉度，嗰條腸仔仲要係烚，唔係煎(茶記應該都係炸)嘅，正常堂食時都會分開上同埋唔會烚熟就算，係咪外賣就可以做得求求其其？定係個水吧師傅諗住倒曬落個碗就封蓋啲主管都唔知自己出咗啲咩嘢食比個客就可以瞞天過海？另外塊多士變咗方包，希望店主睇到改善下！因為平時都有幫襯開晚市嘅出品係正常好多！…Read More

近半年來開始在這區返工一直間中都會專登行過去食早餐，一星期都最少有一次，因為覺得佢哋嘅奶茶咖啡做得好，食物亦如一般茶記的正常，甚至比較同區嘅茶記來講好少少，早兩日再去食早餐，出事了，啲鴛鴦、咖啡差得好離譜，沙爹牛又無曬味。開頭還以為係咁啱撞正佢啲員工放假，直接問過佢又話無放假都係平時嗰啲師傅。最嚴重係當喺杯鴛鴦飲到粒檸檬核之後，佢嘅處理方法竟然只係回應一句：「我們會改善。」相信今次真係最後一次嚟光顧，返唔到轉頭了！…Read More

$88 自助火鍋 任飲任食兩粒鐘食物: 唔評論, 因為一分錢一分貨價錢: 在呢一區應該唔算特別平又唔算貴啦, 服務: 據網站所講佢地收凌時12:00點, 我地約22:00到, 食到大約22:45經理走來說Last Order, 我地不約而同都覺得太早喇, 跟住好快手轉個頭就隊張單埋黎...其實應該係因為收銀小姐要收工, 所以咁早就要截單, OK, 但d食物飲品已經唔再refill, 問佢仲有無可樂, 佢話無之前剛剛上來時已經問左樓面仲有無可樂, 跟住樓面叫個阿姐入去拎D出來, 但聽到果個阿姐應左"哦"之後轉頭就消失了......都算喇, 食到11點幾D樓面已經走得八八九九......得返個一個經理一個樓面一個唔知咩員工.......燈又熄左部份, 令客人感覺很差…Read More

上週五揀左呢度同朋友慶祝生日，因為我地人多所以揀左後廳的大圓枱，雖然後廳無前聽的靚裝修，但好處係成班Friend可以細聲講大聲笑都唔使就住就住嘛。講返呢度o既食物啦，有不少值得推介的菜式，1.鹽燒茄子 - 成班Friend都一致決定要Encore的菜式，因為佢外面炸得好乾身脆口又不油膩，但茄子的水份完全無流失，所以一定要試下。2.炸蝦丸 - 蝦丸應該係用人手打成蝦膠做的，因為食落唔覺係果D混入好多麵粉或魚肉的蝦丸。3.冰梅骨 - 唔油膩，調味做得很好，不太酸亦不太甜，肉質鬆軟食完唔"黐"牙最緊要。另外還試了椒鹽魷魚鬚、豉椒炒梘、鮑汁炆鳳爪、帶子蛋角、小炒王. . .等等都唔錯~。最後不得不介紹老闆推介的招牌甜品: 奶皇流沙包 - 雖然外表平庸但餡料真的很好，唔會太甜，不過細個左少少，我諗要食兩三個先夠喉。 …Read More

其實呢間野幫襯左都應該有5-6次, 尋日下午又再去, 今次無叫到油麵, 叫左米粉, 因為之前女朋友話呢度d米粉同出面成日食到果d唔同的, 餸方面今次點了:1. 大腸: 食車仔麵我一定會點的, 不過如果你想食好肥果隻大肥呢度就唔係太o岩了, 呢度d大腸係我自己較鐘意鹵到好腍果隻。 2. 蟹柳: 第一次試點, 合格, 不是任食火鍋好假果種囉, 仲有3條咁多添。3. 豬紅: OK。4.時菜: 我揀左生菜, 菜無乜野講。最後想講係其實衛生無大問題, 但如果該店老闆見到呢篇食評, 希望你真係研究下點解經常會有飛行物體飛來飛去, 上次女朋友已經同我講, 尋日我就眼見有三隻, 快d諗諗啦。…Read More

小弟好耐無上黎寫食評了, 今次其實專登想讚下前幾日朋友邀請我去到蘇豪區呢間意大利餐廳, 先講講環境同氣氛先, 佢地既由外到內的裝修都配以黑色為主調, 有一種高雅又有點神秘感, 內裡既燈光挺浪漫, 有機會我都會帶女友黎撐枱腳先。至於食物方面, 我地都吃了大約10道菜, 但我唔敢誇張到話10道菜全部都非常好, 不過真係無一道菜會令我失望。特別係Salmon tartar with avocado 同埋 Prosciutto e Rucola Pizza, 仲有一味係羊架, 不過唔記得左影相。呢三道菜大家記住要試下。…Read More

選擇呢間燒烤場係因為諗住踩單車加BBQ,見租車公司話可以直接係呢個燒烤場交車,就行過方便啦...一行大人到步就見到外面好多不明飛行物體在眾目睽睽之下飛來飛去,相信應該係蚊黎架。行到去櫃位有幾種plan揀架, 見到有一個$700元的大人餐同埋有另一個有埋海鮮的套餐, 但一 心諗住任食都無留意其他包d咩, 任食就$85包四個鐘加一個飲品, 唔係自助形式的。係比張紙你自己剔,再由佢執比你, 食物的份量好唔平均, 先講第一Round, 平價的如丸類, 腸仔已經就佔左半盤, 扒類加雞翼等食物就每樣少少咁啦, 之後第二Round, 甚至剔左的都無比到, 豬扒比左成十塊, 雞扒, 叉燒,無比, 牛扒牛柳各四件, 之後又係丸丸丸, 任食唔包任何菜,麵包,栗米,蕃薯等都無架...每枱得一個盤, 一定要你食曬先可以再拎, 親眼見到有一枱主動埋怨,廿個人比一包炭一個盤, 你去埋怨都仲好會比多個你, 唔出聲佢就慳返。但食物質素其實係OK, 不過如果以佢地收$85咁樣"任食"就好難滿足到大部份香港人, 環境方面, 個廁所唔係好掂。…Read More

我同女友兩個去到大約8點55分，果晚天氣剛剛轉冷但都好多人。不過我地都算快等到位，意識到要等好耐但一場黎到都照等啦(落單都要等架)。我地等緊位時想落單，但阿姐話唔知我會坐邊佢話轉頭先，到我地搵到位，個頭轉左幾次再加上我煩擾佢多次之後佢比我在下一輪第一個落單；我地叫左一碗鴨腎菜干豬骨粥，一碗皮蛋瘦肉粥，燒鴨拼豬膶腸，牛肉腸。過左二十分鐘，女友話怕唔夠食，加單叫多了一個炸兩。再過多十五分鐘，餓~!!! 我過了隔離買了兩件蘿蔔糕，同時兩碗粥到了。菜干粥:好夠味，好多菜干；內有一件好大件的豬骨下火: ok，都幾好，但我覺得皮蛋少左D食食下，市政黎掃場，話佢阻街要收枱。查左十幾廿分鐘先完事。之後加單的炸兩黎完就黎埋其餘的野喇~炸兩: 唔ok~!!!燒鴨拼豬膶腸: 燒鴨香口但太肥膩，豬膶還好。 牛肉腸: 一般，不過不失(應該唔會再專登去。)…Read More

之前一直都未去試, 今日試過只覺得非常普通, 兩個人叫左雞翼, 蕃茄魚片麵, 蕃茄煎蛋麵, 熱奶茶, 可樂。雞翼 - 都ok, 不過我覺得$27唔值蕃茄魚片麵, 蕃茄煎蛋麵 - 個湯唔係好得, 因為我係如果個湯正會飲埋d湯的人, 會魚片唔好食, 女友試左一塊話唔怕腥都覺得佢好鬼腥, 最後我都無食到d魚片, 因為口感又差熱奶茶 - 女友話唔好飲…Read More

朋友帶來食晚飯, 時間大約20:45 - 21:00到 , 有兩張大枱可以坐7-8個人, 兩張4人枱及一張2-3人枱, 環境同衛生都勉強合格, 上菜速度必須盡快改善了~!!! …Read More

上月某星期日老表帶我黎呢間茶餐廳食下午茶(我係第一次黎) 老表就叫了一個好似叫金牌茶餐之類的東西(大約係$25), 費事寫單果個人(假設稱呼佢為A君)等,所以我都好快咁叫了一個麵餐(大約係$23), 跟住茶餐廳慣例兩杯餐飲都黎左, 咁我地繼續傾計啦, 傾傾下A君就拎了一碟火腿奄列來並指住我話:"你的", 咁我就好不以為然地食啦, 跟住兩個麵都黎埋啦, 食食下老表話點解佢個奄列仲未黎, 諗清楚之後原來我個餐係無奄列的, 咁老表提議我同A君講可唔可以將我叫的餐改為佢的金牌餐啦, 咁我就同佢話因為佢之前令到我誤以為係我而食左所以想改, 佢話無得改, 我話可唔可以幫我問下, 佢問都無問就拒絕左我啦, 跟住行左去做野, 再返轉頭我又再問, 佢就好唔客氣咁同我講: 如果要加個奄列就照餐牌上就要照價錢加($17) …Read More

尋晚屋企人黎慶祝生日，剛剛好一打12個人。唔知佢地叫左咩餐。食物有: 銀雪魚， 澳洲活鮑魚兩隻，龍蝦四隻，原條鰻魚， 鵝肝，薄切牛肉，和牛，炒飯，炒菜，另外order左四客燒牛舌。好唔好就而家即刻同大家分享啦 :銀雪魚 - 中規中矩活鮑魚 - 唔靭，無鮮味，只覺得有海水的咸味，刺身可能會更好龍蝦 - 幾好，有部份拎左去煮miso，牛舌 - 幾好唔錯~!!!鰻魚 - 我第一次食鐵板燒鰻魚，燒到皮好硬咬唔開，要成塊放入口先咬得開 鵝肝 - 咁大個仔第一次食鵝肝，無乜感覺，好油薄切牛肉 - 以蒜片炒，好好味和牛 - 以蒜片炒，好油，我覺得薄切牛肉好好多炒飯 - 好普通炒菜 - 非常普通甜品 - 心太軟 ok啦但要一提係個生日蛋糕係其中一個鐵板燒廚師專登為我屋企人整的藍莓芝士蛋糕 - 又靚又好味~!!!…Read More