whitneywongws's Profile

食物質素好有驚喜！南瓜湯非常香濃。單骨雞翼配上乳酪醬，以及特製的西瓜加燈籠椒辣醬，非常清新，多吃也不會覺得油膩。而且新鮮炸起，很香脆和熱辣辣，炸皮不厚粉之餘蒜香味濃。🥗吞拿魚表面則有孜然和茴香，沙律配上牛油果蓉，清新不俗。🍝卡邦尼意粉充滿蛋香，SRF和牛juicy，有肉汁，旁邊的薯仔和雞髀菇配菜也見有心思。🍹飲品coffee sunrise 其實是一杯橙汁咖啡，兩者味道融合得很好，可見咖啡啡底很不錯！下次可以專程再嚟一試咖啡☕️至於甜品方面，開心果巴斯克蛋糕有濃郁的開心果味之餘，也保持到軟滑的口感，內裏不會死實有粉🫶🏻整體非常推薦！二人餐，包埋飲品，人均才$300多，必會再訪！…Read More

環境精緻，餐廳嘅裝修帶有濃厚嘅中國宮廷風格，令人一入到去就有種置身於古典時代嘅儀式感。每一個角落都設計得好雅致，特別適合打卡留念。而且還特意選用龍紋鍋，配搭得宜，滿滿的儀式感！食物方面，佢哋提供嘅湯底味道非常濃郁，原來是大廚特製熬煮，我試咗花膠筒雞湯鍋，湯底鮮香，讓我感受到食材嘅原汁原味。而且，佢哋堅持手工製作餃子同手打丸，食落去口感滑溜，非常足料。另一個湯底叫左鮮帶子冬瓜湯鍋，湯底清甜，口感非常清新，冬瓜本身嘅清甜味同帶子嘅鮮味完美結合，我都飲到係咁加湯。牛肉方面，佢哋選用本地牛，老闆教我將肉浸入牛奶中30秒後再放入鍋煮，結果牛肉原來會變得滑嫩，口感令人驚喜。而且，搭配即炸的響鈴更係一絕，裡面加咗鹹蛋黃，香味撲鼻，令人一口接一口。…Read More

簡簡單單想食碗餃子，見到呢到有好多款特別既餃子，一於就試試。見到有墨魚馬蹄餃，外層是墨魚汁整成的餃子皮，入面包住彈牙既墨魚滑，而且外皮仲有少少墨魚肉！另一款試紫洋蔥牛肉餃，用料新鮮，咬落去好juicy，好多肉汁。今次加左5蚊選了蟹湯作為湯底，鮮！下次可以試埋其他湯底。見仲有紫菜蛋花同埋南瓜雞湯，應該都會好夾！加埋先$67。飲品揀左杯海洋梳打，入面有一粒金魚橡皮糖，好可愛🐟最近天氣咁熱，望住都覺透心涼！…Read More

食物質素同服務態度都係一流，珍姐舊班底！係今年最滿足既一餐打邊爐！😍佢哋嘅牛肉拼盤超大，仲有唔同部位，真係食肉者的天堂！特別係封門柳，肉味濃郁，仲帶有一股鮮甜味，食落去真係好過癮。而牛頸脊同匙柄都好香甜，肉質鮮嫩。牛小排就更加唔使講，油脂適中，咬下去滑滑淋淋，每一啖都有驚喜。至於白肉部分，五花趾（後腿肉）口感爽口，帶有一啲筋，非常好味。佢哋仲提我地D肉只要淥6-8秒，令到牛肉保持最佳鮮嫩度，真係細心考慮到每一個細節。而且，佢哋嘅雞湯底都係一絕，使用原隻雞煲，先湯後食，雞肉好嫩，湯頭又香濃，真係令人回味無窮。牛丸、門鱔丸同鮮蝦韮菜餃都好新鮮，又彈牙又有鮮味。原來新開咗兩個月！🔥如果仲未試過，絕對值得一試‼️…Read More

最近第一次去咗小胖台灣麵，真係有啲驚喜！一入去店裡就感覺到濃厚嘅台灣風味。佢哋嘅牛肉麵特別，我試咗加咗自家製嘅黃牛油，真係好好味，令牛肉麵散發出濃郁嘅牛香味，即使係唔係牛骨湯底嘅麵，味道都一樣出色，真係值得一試。飲品方面，我冇錯過佢哋嘅冷泡茶系列，特別係古坑冰咖啡，味道甘甜又香濃，完全冇苦澀，真係飲完心情都好好。仲試咗鴨屎香手打檸檬茶，酸中帶甜，茶味好濃，感覺好清新。而珍珠烏龍奶茶更係唔錯，茶香濃厚，奶香味十足，珍珠又滑又Q，飲落去好順口。我發現佢哋仲有會員app，食得多可以獲得積分，唔單止迎新優惠，仲有升級優惠，幾抵食！另外，佢哋提供唔同折扣嘅優惠券，無論係平日去定係特別日子都可以享受到好優惠。新推出嘅單點小食都幾吸引，酥炸和風牛蒡條金黃酥脆，口感好特別，仲有淡淡香氣。鹽酥雞就香辣又有海苔味，食落去好刺激，真係一口接一口。總括來講，小胖台灣麵真係一個值得再去嘅地方，食物好味，飲品多樣，服務又好，真心推薦大家去試下！…Read More

之前喺土瓜灣已經成日幫襯，見到尖沙咀開咗，一於就試吓！一喜車仔麵嘅招牌10寶配河粉真係超級豐富，咩都有，魚蛋、牛丸、墨魚丸、紅腸、豬皮、雞翼尖、魷魚、蘿蔔、豬紅、牛腩，食到真係好滿足！講到牛丸，佢哋嘅「爆漿瀨尿牛丸」真係一絕，咬落去好彈牙，裡面嘅湯汁一啖爆出嚟，真係令人開心！同埋加咗豬皮，脆脆嘅口感同牛丸一齊食，真係好搭，咬落去有層次感，超級過癮！我特別鍾意佢哋嗰個豆豉辣椒醬，炒得好香又唔會辣到你受唔到，食嘢嘅時候加一啲，味道立刻升級！河粉煮得剛剛好，唔會腍到斷晒，真係好好食。講到瑞士汁雞翼，簡直係絕配！肉嫩得嚟又好入味，咬落去軟綿綿，完全無抵抗力，食完一啖又一啖，真係唔夠！仲可以試埋佢既小食，好多選擇，今次試香辣單骨雞翼同涼拌魚皮，夏天食落去好清爽開胃。驚熱氣仲可以叫埋自家製石斛竹蔗茅根水，配埋雞翼，match! …Read More

四妹廚房係荃灣一間小店，雖然地方唔大，得三四張枱，但老闆同店員都好親切，服務態度真係不錯。每碟餸都係即叫即做，味道都好有家的感覺。手打檸檬茶帶有清新的香茅味，飲落去好清爽，仲可以食到檸檬果肉，真係幾好味。炸乳鴿外脆內嫩，令人食得開心。椒鹽雞翼尖有濃厚嘅蒜香味，味道都幾惹味。加州鱸魚清蒸，魚肉鮮嫩，簡單又好食。特別提一下，佢哋嘅五指毛桃粟米蘿蔔湯完全冇用味精，味道清甜，健康又好飲。餐通常都會跟一碗湯，配合得幾好。最後，涼瓜肉碎炒蛋中間加咗榨菜，味道好啱送飯。總體來講，四妹廚房係一個值得一試嘅地方，食物好味，服務又好，環境輕鬆。下次有機會再去！…Read More

最近終於搵到飲Black Coffee既好地方，更加可以呈現烘焙既咖啡豆風味。呢到可以自己選擇唔同既Single Origin 咖啡豆，而且咖啡豆都係由店家自己炒。好貼心地唔同樽身有唔同顏色，係代表返果啲顏色嘅水果或者食物既風味。🥭今次選擇Ethiopia Guji 既日曬，黃色既樽身，飲落有Tropical fruit 既酸味，而且口感好圓潤，原來用咗中烘焙炒豆，飲完好有驚喜。而且仲見到店舖入面有唔同咖啡豆出售，下次要試埋熱既Black Coffee，期待唔同既感覺🤎…Read More

經開中環，有機會試到鳥駅👍🏻入到去環境好闊落，有串燒之餘，原來仲有酒吧位。今次點了8款串燒，再加主食同甜品▫️前菜日本水茄子、紫蘿蔔，配上味噌，非常開胃。長芋，中間有wasabi，清爽爽脆。煙燻蘿蔔，中間有芝士，脆同軟既口感加埋一齊，送酒一流既前菜👍🏻▫️串燒當然要試雞唔同部位😬試了雞皮、蕃茄豚肉、雞腎、雞肝、白鱔、雞頸、秋葵、牛舌，燒既火候恰當，外香內嫩，配上不同的醬汁，調味剛剛好！▫️主菜燒飯團配雞湯&雞湯烏冬，香濃嘅雞湯，飲落去飲到充滿滿滿嘅骨膠原，好滿足！飯團唔會太乾，燒到外脆內軟🍙再配一啖雞湯，絕配！▫️甜品水信玄餅，清甜得來帶有啫喱嘅口感，滿足嘅一餐不得不讚，服務很貼心，食完串燒會主動提供抹手紙紙抹手，而且又會介紹每一道菜式👍🏻…Read More

文哥廚房係市政大廈3樓，燈光明亮又乾淨，仲可以望到入廚房，見到師傅好專注咁操控爐頭，感覺好有氣勢。佢哋嘅炸乳鴿，外皮炸得金黃色，口感香脆又唔油膩，內裡肉質又嫩滑，真係食得出火喉嘅功夫。跟住叫咗乾炒牛河，果然冇令我失望！牛河炒得夠乾身，鑊氣十足，香味四溢。蒜蓉白菜仔都唔可以錯過，炒得好香，仲保持住蔬菜嘅鮮嫩，鑊氣夠勁，完全唔會乾。最後蒸白鱔，鱔肉肥美，調味得宜，豉汁夠味，豆豉汁如果整得唔好嘅話，會偏酸，呢一度完全唔會有呢個情況。而且，成餐嘅價錢真係好相宜，差唔多比起其他地方平咗三成，真係超值！下次一定會再返去，試多啲其他菜式！…Read More

今次終於試到Aedes! 期待左好耐，果然無令人失望！😍▫️Pumpkin Soup ▫️Burrata Cheese ▫️Pappardelle Bolognese ▫️Basque cheesecake ▫️Prosecco先飲一杯refreshing 既Prosecco🥂南瓜湯足料，打融晒又好creamy! Burrata Cheese 好香牛奶香，配上清爽既蕃茄🍅絕配 ! Pappardelle Bolognese 肉醬調咪恰到好處，仲有千層麵既質地彈牙有口感，好掛汁，配上肉醬令人想一啖接一啖。最後甜品既Cheesecake 都唔會令人失望，中間軟滑，外面焗香既外層，完美的一餐🤎推薦大家到跑馬地必試，同埋記得book位呀，望落都好full 呀…Read More

最近經開又新街，發現了呢間新開的台式餐廳✨🔸鹽酥雞排配肉燥飯這個套餐真係超值！鹽酥雞排外脆內嫩，咬落去有肉汁，juicy!! 份量又夠大，66蚊真係超抵，肉燥飯有落五香粉，味道層次分明，食完真係回味無窮。🔸台灣牛肉麵可以選半筋半肉，湯底濃郁但飲完唔會口渴，麵條有咬口彈牙，牛肉唔會柴，入味得來又嫩滑，真係一流。🔸蔥油餅香口又夠脆，咬落去真係滿足。🔸地瓜角第一次食，原來係切左既蕃薯去炸，再加話梅粉，平時食蕃薯會滯，但有話梅粉中和左，食多多都唔怕。🔸黑糖珍珠鮮奶、檸檬茶跟餐加十零蚊就有大大杯，質素仲要高，珍珠甜度和煙韌度都岩岩好。成晚見到佢外賣單都做唔停手，真係好受歡迎。仲要老闆都好好人，食完後好貼心會問你菜式如何。當晚堂食都座無虛席～下次去元朗，必會再訪！…Read More

元朗雞地的「麵麵俱到」巷仔入面既一間小店，位置唔多，個日6點幾都坐爆場。試咗佢哋嘅「麵全食」，入面包左日式濃汁牛肋條壽喜燒湯、豬皮脆脆同埋讚岐烏冬。烏冬口感煙韌，唔會太冧。牛肋條入味，搭配嘅日式醬汁甜甜酸酸，味道好好。湯底用骨湯，味道濃郁，烏冬食既時候仲掛到汁，天氣凍凍地飲啖湯，正好～另外，佢哋嘅豬皮脆脆，真係好得意，未試過食咁脆嘅豬皮。仲有「雞胸和風沙律」，雞胸肉厚切，非常juicy，份量都夠，多到可以當正餐食其實都夠飽。最後，燒汁雞皮餃子外皮脆，裡面有汁，口感都幾好。如果有機會經開雞地，值得一試！…Read More

係門口見到咁多人，一於試試！今次叫左兩款牛扒，厚切美國平鐵牛扒，咬落肉味重，有肉汁，肉質完全不會老和柴口，而且店員好主動問我們喜歡幾成熟，替我們燒到三成熟！另一款是鵝肝配安格斯封門柳，封門柳肉質嫩，而且肉味比平鐵牛扒更重，配上鵝肝和自選的牛油，可以選蒜香、洋蔥和香草味🌿放上熱板上，牛扒更加香，之後自己隨意灑上鹽和黑椒。另外，其中一個加了$58有酥皮湯加特大杯飲品！大滿足！絕對會encore! 😎…Read More

非常推薦燒海鮮和啤酒！環境有兩層，樓下是吧枱，裝修很有特色。Sapporo 啤酒買一送一 $68最吸引的是啤酒優惠，還要是Sapporo!🍺價錢真的很吸引！明太子釀雞翼甚有驚喜，雞翼鮮嫩多汁，外皮香脆，而且入面釀了明太子，咬下去不但提升鮮味，還令雞翼更惹味！蜜糖燒菠蘿菠蘿燒燒完之後，更顯香甜多汁，而且只是燒得表面焦香，一咬下去仍是充汁果汁。蒜蓉原條茄子🍆茄子燒得很惹味，而且蒜蓉不會過鹹，配上啤酒是絕配！燒牛油蒜蓉生蠔🦪 生蠔很新鮮，燒完後仍很鮮嫩，配上牛油蒜蓉🧈的調味，剛剛好！白鱔串新鮮彈牙、爽口。另外點了不同的串燒，厚切牛舌芯、雞頸爽、豬腩串、雞腎、雞腿肉串🍢整體質素非常高，調味適中，不會過趕，而且亦都不會燒得過乾。值得前來一試！…Read More