結婚一周年，特意找間米芝蓮慶祝吓。我用openrice網上訂枱，餐廳第二天便有專人打電話來核對內容及溫馨提示(dress code)等，對方很細心問我是否有特別紀念日，還建議可在甜品上寫上小句子，可能大家覺得這是理所當然，但對一位少出外慶祝的人來說，是一件溫暖事。早了10分鐘到，我們被安排一個空間先坐坐，睇定有乜想食先。我選了4個course，丈夫選了5個。先來home made bread，再有一口三文魚小吃。每道菜都會有人講解用什麼材料及用該材料的目的；佢地知我地係結婚記念所以會稱呼我為太太；任何服務（斟水、上菜、收碟...）都會Lady first；去洗手間會帶你行到去洗手間附近確定你識行去為止（亦會帶返你入黎坐位）；真的只能說服務周到，給米芝蓮是很合理的事。食物味道及處理都很好：龍蝦沙律底部有用龍蝦汁所做的啫喱；南瓜湯是在你面前倒入湯碗；main course隻碟是暖的，確保食物唔會凍。這是丈夫的鵝肝醬。甜品來了寫上Happy Anniversary! 圖中的雪糕溶了是因為我們食之前不停影相所導致。侍應上菜時已主動問要不要幫我們拍照。起初還擔心法國菜要食三小時，最後 一個半鐘完成。這兒空間感很好，色調也很舒服。最後的餐茶和小甜品都好好味！他們還很細心叫我們要先吃芒果撻才吃爆谷小蛋糕。很滿足！…Read More
路過聞倒咖哩味道好強烈，門面又大大隻字話自己最好味，就入去試試。係冇睇menu下叫了一個豬扒包同一份咖哩魚蛋，未食先俾錢，盛惠$66大元。我諗係咪個豬扒包好貴，定係這兒有min charge，誰不知原來豬扒包同咖哩魚蛋價錢相同，每樣$33。$33的咖哩魚蛋我地就諗應該好多粒，或者好特別的煮法，送到黎卻是一碗5粒的份量，我們都呆了。算啦諗住蝕一次食完去其他食店再戰，但在堂食的十幾分鐘內，已聽到「疑似老細」的男士向最少三枱人（其實間店計埋我得五枱人）大讚自己的豬扒包有幾好味，同埋勁講氹仔X利 豬扒包有幾難食。說公道話，豬扒包係新鮮整，落了牛油 所以香味夠，但豬扒好薄，豬扒包的靈魂材料不足，大家可以想像好味得去邊。至於咖哩魚蛋，是彈牙的，咖哩都香，但要$6.6一粒，大家諗吓值唔值喇。（兩樣食物同一價錢咁我零願要豬扒包，起碼飽肚啲）但令我最反感是操守問題，一間店的食物好味，係唔駛自己講的，也不應該直呼競爭對手全名踩到盡，咁做生意只會令客人唔想再黎。當然都要怪自己冇看menu，算是一個教訓吧！
