SamChiu's Profile

iSQUARE7樓冇乜嘢食, 食過牛蔵幾好, 今次lunch試試隔離間錦丼.唔講唔知, 原來2間都係同一集團, 但賣嘅嘢食就唔同, 呢間錦丼主打丼飯同朋友一人嗌一個set, 佢嗰個有牛肉嘅鍋物, 我嗰個就雜錦刺身刺身嚟講都算幾厚切, 又冇乜雪味, 個海膽最好味, 唔苦之餘仲有少少甘香, 不錯朋友個牛肉鍋都可以, 牛肉唔算太靭唔夠喉仲叫咗碟小食而家埋單用銀聯卡仲有8折, 都算幾抵食…Read More

閒日放假,瞓到好晏先起身,唔想煮午飯就同屋企人落咗樓下鴻星飲茶,早餐同午餐一次過食去到可能未到寫字樓放飯時間,所以我哋唔使等就好快有位真係好開心因為之前食過鴻星其他分店,食物質素一向都有保證,今次叫咗蘿蔔糕、燒賣、粉卷、蛋散都keep到水準最有驚喜係個蛋散皇,因為超級巨型,上枱嘅時候我哋都嘩嘩聲,超級大件唔在講,睇住啲蜜糖滴吓滴吓真係好邪惡鍾意食蛋散嘅我哋瘋狂咁食都差啲食唔晒最後個個食到棒住個肚走,認真誇張!…Read More

今年年三十, 唔食傳統團年飯, 走咗去食燒肉, 果然無後悔一坐低都未寫紙仔, 店員已經擺低一盤海鮮同刺身, 刺身都係大路野, 不過就有海膽試(encore海膽要加錢)海鮮刺身食到咁上下, 梗係點d和牛試下成隻船上枱全家人即刻相機食先,因為實在太豐富, 牛肉色澤鮮艷, 廚師切到牛肉唔太厚身, 每邊輕輕烤下就食得千祈唔好燒太耐同埋成日反d牛, 每邊燒下就夠, 咁樣牛肉食落口最夠軟腍同埋夠juice食飽飽之餘仲有好多款酒任飲, 不過我唔太好酒就冇飲啦, 仲有d雪糕, 甜品等的大路野, 不過不失即場join會員仲有8折, 每人4百零蚊任食和牛燒算係咁…Read More

下午茶時間，約左朋友到附近愉景新城行街，商場都幾大，但又唔係特別多野行。之後去左附近的餐廳醫下肚今次朋友揀左食越南野，我就無乜意見，因為好少食，嘻。入到餐廳，下午茶時間唔算多人，環境都幾寧靚舒腳。我地揀左座大卡位，舒服d睇左餐牌都算多野食，自己怕唔夠飽，揀左午餐menu。我揀左焗雞扒飯，朋友就揀左生牛肉湯河。朋友個生牛肉湯河，侍應原來會響客人面前落熱湯牛肉算多，仲有粒青檸可以用，不錯。我就揀左焗雞扒飯面頭有落芝士，正，岩哂我飯底幾乾身，係有炒過，份量都幾多，岩我大胃王…Read More

星期日晚睇戲後，順便響新世紀廣場食晚飯。新世紀廣場無乜野行，食野既地方都算多既，有food court同唔同食肆。哩到相比其他旺角商場，人不算多，無咁擠湧。但唔鍾意個商場設計，中間有個真空位，搞到好似圍住佢黎行。女友人話想食金饍，於是上去拎飛等位。去到門口都幾多人等位，可能假期晚關係吧。行左個層商場一圈後，返到去差不多了。入到去職員已安排較大的卡位俾我地，雖然全場座滿人，但環境都幾舒服。我地叫左個二人燒烤套餐，份量剛剛好，都食得飽既。韓式前菜小碟，之前響其他分店食lunch都有，今次同樣都有。味道不錯，女友人最喜歡用泡菜送飯。之後主菜黎啦，燒烤併盤，可以慢慢燒，傾下計食下。有不同種類既肉類，牛舌都好食，yummy之後仲有海帶硯湯，不錯。最後食埋個雪糕做甜品就完美啦。…Read More

夏日炎炎，行尖沙咀真係好像受苦咁。大汗撘細汗咁，補充返多d水份就岩啦，以前就好多仙跡岩，可以周圍飲下野，傾下計。但近年真係少左好多，樓上cafe都唔太多。哩間主題cafe都係尖沙咀屹立好耐，當然要支持下啦。Snoop café星期六下午，上到去真係幾多人。幾乎滿座，人頭湧湧。等左一陣，終於有sofa位座下。叫左杯朱古力曲奇菲巴冰，好香好正，夏日炎炎真係一流。…Read More

一田大shopping完，滿載而歸。行到攰攰地，要食飯醫下肚。沙田一直是人多的地方，即使餐廳眾多，好多都要排隊等位。七點多過返去火車站個邊食飯一定無位，所以揀返o向一田個邊食。友人話想食小籠包，行左一個圈，去左嚼江南到食。環境不錯，被安排座卡位，可以舒舒服服透下食下。睇menu都幾多野食，價錢都唔算太貴。兩個人唔叫得多野食，食左小籠包，擔擔麵，宮保雞丁，豆沙窩餅。擔擔麵，份量適中，但唔太夠味，但都可以的。小籠包，不錯，擺左一陣，內裏肉汁都好熱好香，推介。宮保雞丁，份量都算大碟，很開胃。本身想食高力豆沙，見到menu相好吸引的，但最後友人話要食豆沙窩餅，無咁肥。唯有下次啦d員工都幾好，我地order左甜品後，職員見我地食哂正餐，幫我地清理枱面，然後再上返餐具食甜品，唔好又咸又甜。服務值得一讚。豆沙窩餅，很熱，係即刻整的，good。出面有d餐廳係預先整定再返熱，很實。這個很香口又好食，豆沙甜度適中。…Read More

馬灣裏有大大小小的不同餐廳，不部份都不錯。但令我想我去多一次的衝動。桃源都算係其中一間。桃源係一間台灣野食為主，但當然都會有說有中菜餐，西餐等。之前食飯會播周杰倫d歌，都幾得意。其實令我會再幫襯佢，因為d野真係幾好食，價錢又不算太貴。當然要再平d既話，都有其他既選擇。但食物質素，環境，價錢配合到的話，我覺得好合理。同朋友黎食晚餐，佢話要食扒餐，咁我就選個西餐飯試下啦。之前食既台式豬扒肉燥飯好正，但今次熱氣唯有選其他。朋友的西冷扒餐，大大塊，叫左7成熟。剛剛好，有牛味，唔似出面d連鎖快餐餐咁。我的紅酒汁牛肉飯，個汁唔錯，出面唔係成日可以食到，味道不錯。…Read More

星期六返半日，收工當然要去happy下啦。約左女朋友行下尖沙咀，夜晚要睇蜘蛛俠。收工要醫下肚啦，同女朋友周圍行下，睇下有咩食啦。見到有金饍，之前行過旺角新世紀想試哩間，但晚市要排隊，所以打消念頭。今次午市唔使等位，當然入去試下啦，門口睇個價錢，又唔算太貴，都ok。門口有個著大長今的姐姐招待，入到去，見到大部份都係卡位，而且地方以木為主，環境感覺不錯。女朋友睇左餐牌好耐，左揀右揀，最後我發板啦，叫一份lunch set，一份燒烤啦大家可以兩份食，good!女朋友揀了烤牛肋骨定食，我揀了燒肉定食韓國餐廳的細細蝶，哩度都有，味道不錯，自己最愛吃泡菜。上菜時，職員問要唔要切，我答左ok，服務不錯。烤牛肋骨有驚喜，以為味適一般，吃落有牛味，而且肉汁鮮甜，燒得剛剛好。燒肉定食就不過不失，一口牛就幾好食，豚肉一層肥一層瘦，燒落幾香，而且燒哂d肥油出黎，女朋友話食落都可以接受。見到隔離枱食緊個韓式粉絲鍋，好似幾正。下次試下先星期六午市客人唔算多，員工的服務不錯，但笑容好似少左d。…Read More

放工返家後，呀媽話唔想煮飯，想偷下惰。於是等埋呀妹放工，一家人落去屋企附近睇下有咩好食啦。富善邨唯一一間日本野食，晚市未食過。但呀妹就推介食哩間，可能佢真係鍾意食日本野啦。呀媽都無異議，就揀左哩間。七點半入座，入座率一半，閒日屋邨吧。三個人都叫左自己鍾意食既野妹妹點了一客三文魚刺身，豬骨海鮮鍋，夠熱，材料都足既，味道一般，無驚無喜什錦天婦羅，炸煆都不錯，份量都算多。我的最愛一客鯖魚，都幾大條，味道足，燒得剛剛好最後唔夠飽，叫左一個泡菜石頭燒飯，辣辣地都幾開胃，哩個飯真的不錯。以屋邨餐廳質素來講，中上級數，價錢亦合理。暫時唯一一間日式主打餐廳，應該會再幫襯。…Read More

有親戚黎到香港，當然要盡地主之誼。帶他們周圍食周圍玩。時代廣場，當然係必到之地。有得shopping又有得食飯，出面公眾地方不時仲有展覽。臨近英國奧運，展出左代表英倫的雙層巴士模形。遊客必到影相位。行到夜晚，去左旁邊的 “食通天” ，周圍都係餐廳,Good! 親戚話想食中菜，最後揀左 “鴻星海鮮酒家”一入到去，環境都唔錯，門口有個花圈的內拱，好似人地結婚擺酒咁，哈。好彩時間尚早，未算有太多人。座低之後，見隔離枱d人，食緊黃油蟹，問左d職員，原來合時令開始推出黃油蟹。其實入黎之前，大家一心想叫小菜食飯。最後大家維持原判，叫返小菜，下次先食黃油蟹。我地叫左乳鴿，蒜香九肚魚，乾扁四季豆。親戚話乳鴿好食，熱熱地，很香口。九肚魚炸得不錯，粉槳薄薄一層四季豆一般水準，拌飯不錯。整體服務不錯，周不時都有換碟加水。最後主動問我地要唔要糖水，有得要，當然要啦。滿載而歸。…Read More

夏天的尖沙咀真的很熱，行商場真是不錯的選擇。Isquare商場是首選，要等四點零鐘睇戲。周圍睇下有咩野食今次去左錦丼--主打日式丼飯，刺身等。餐廳環境裝修唔錯，很有日本魚市場感覺。門口有個太鼓，都幾得意。講返野食，見佢menu d刺身幾吸引。我同女友人叫左一人一個丼set。我叫左個黑鮪魚子丼，女友人就叫左錦丼。黑鮪魚子丼 --- 未食過黑鮪，就試下。黑鮪食落都有魚鮮味，味道不是太重，質感是餬狀。而魚子大大粒，都好鮮味不錯。份量適中，如果多d就好啦飯就係珍珠米，沒有太黏的感覺。成個set仲有個蒸蛋，夠熱夠滑，味道ok錦丼 --- 就係各類不同魟刺身加飯，咩都有d有三文魚，拖羅，油甘魚，蝦刺身，魚子等友人話一個丼，試哂咁多種魚生wo =.=魚生都有鮮味，最正就係蝦刺身丼set都係有前菜，味噌湯，蒸蛋價錢屬於中上，尚算合理。相比連鎖日式店的魚生飯這裏算不錯。可以再來的。…Read More