wodehaomajiushile's Profile

朋友介紹之下今日第一次去試咗呢間私房菜，朋友話每次都會有小小唔同款，今次係圖片裡面呢幾款，真係好飽，個飯要打包鄰走。但每款都好有心思好好味，最鍾意係個蛋白蘋果同埋心型蘑菇炸餅，叉燒包都真係好似叉燒包。四個人埋單1051，平均每人$263，呢個質素嚟講算係抵食了。下次會再去anchor，如果細食既建議可以4個人叫3set私房餐都夠食。未試過散叫，下次考慮試下其他款～～食完測過血糖係正常指數，證明食材唔錯…Read More

兩個人叫咗4樣嘢，好飽，最鍾意個海苔薄餅，樣衰D不過好好味！兩個人埋單248，好抵食個雪菜豆腐捲米粉都幾唔錯，清清地，感覺幾健康萵筍黑木耳蔬菜拼盤都幾有味。係個羹有D食唔落，因為太飽了位置都幾方便，近佐敦地鐵口，約朋友聚餐都方便，今晚去見都幾滿座，好多客。會考慮再次光顧，食完仲有兩碗綠豆沙糖水送，唔錯。見好多人叫鹵水拼盤，不過份量都幾大，兩個人就唔好叫了，4個人就差唔多可以叫得，下次再去試下～～～～…Read More

估唔到中西fusion 有驚喜，第一次帶外地朋友去，坐係戶外位置，幾寬闊舒適。推介豬腩肉包，黑松露薯條，炸墨魚丸同茄子前菜。服務員態度都好好，我哋坐咗兩個幾鐘都冇趕客（香港好多餐廳個幾鐘就開始趕客😂），仲會問我哋食物如何？有咩feedback咁。我哋3個人叫左一個二人餐再加小小嘢，$600 幾埋單都算係咁。下次會再去光顧，試下唔同款～～^_^ 係同朋友聚會傾計既好地方，同埋附近行下街環境都唔錯～～～～～…Read More

加埋1，接近$500一位嘅lunch set, 嘢飲都無，服務又差，仲要自己叫waiter俾水，出面茶餐廳都包埋熱檸水啦！無一款嘢係好食嘅，塊魚似係雪藏咗好耐，又硬又幹，飯完全無味，我諗出面呢個質素$100有找。十分失望！我叫咗中餐set,朋友叫咗西餐set 同日式set,無一款嘢好食，都幾難可以做到咁樣本身諗住係文化東方應該都唔會差，點知跌嗮眼鏡個餐包又係完全無麵包香味，仲差過樓下啊婆麵包舖，埋單果刻真係覺得係俾人呃咗…Read More

環境幾好，位置寬敞，安靜，服務都幾好。4個frd一齊食咗晚市放題，雖然唔係超多款揀，不過優惠價$277/人，呢個價錢嚟講都算係超值夠食啦。刺身都幾多選擇，串燒強烈推介燒蝦，燒秋葵，燒菠蘿，燒迷你雞脾菇，雞軟骨，軟腳蟹，另外紅豆雪條有俾到我驚喜。…Read More

連接戶外天台，環境開揚，食物都好好味，招牌青口雖然肉唔大粒，但好鮮甜，mini 漢堡包都好好味。天氣好係戶外天台食都幾好，有海風。不過價錢偏高，1kg 青口$400幾，偶爾去下都OK。…Read More

整班人去，全部人唔同款嘅老火湯都冇味，但睇落去個湯料好足同埋D料煲到爛曬咁，點會完全冇味似飲水咁呢？有無可能D湯渣其實之前已經煲過再攞黎茶餐廳重複煲？？？否則無可能咁多料完全無味㗎湯+飯 $79 完全唔值！…Read More

海鮮同刺身都夠新鮮鮮甜，呢排做緊$298一人套餐，好抵食，好味又夠曬飽，值得同朋友仔一齊去呀多數係大臺，4人以上同意book位。🙌🙌🙌❤️❤️❤️❤️❤️❤️❤️❤️❤️❤️…Read More

處處係呃錢陷阱！千企唔要去，俾人玩！炒蜆$100蚊，量少細粒又唔新鮮，1/3係開唔到殼。呢個都算，$180蒸扇貝，餐牌張相個碟就8-10個，但底下細細個字寫住4個，好彩我見到，（其實呢個係咪可以去消費者協會投訴佢哋圖片虛假誤導？）我心諗扇貝4個180蚊，咁應該係大隻果D啦，於是問服務員，佢話係好大隻㗎，仲用手示意個size，大概普通碟仔咁上下，咁我見呢個價錢同埋伙計咁講，相信係靚嘢，結果上來係我Po張圖裡面咁（相裡面仲要係有埋粉絲包住之後嘅size），老細係咪對‘大個’呢兩個字有D誤會？呢個咪就係出面燒烤檔賣緊$20個果款，同埋得番根部，上面裙邊果Ｄ位冇曬，我問服務員，佢哋話因為好難洗，所以切左😮，另外我哋叫咗個炒通菜$65同一個白飯$10，果碗白飯個碗size都真係細到我唔知係邊度有得買？我諗要tailor made先得，大過平時酒樓飲茶個茶杯小小😮。買單$400，我覺得條數有問題，叫老細計番，哦，原來仲要加一喔！咁嘅嘢食同服務，仲要加一？ Excuse me??? 臨走，服務員仲話：嫌貴就唔好出黎食嘢啦😤。講真，間嘢真係專業呃錢，門口餐牌唔寫價錢，然後有個姐姐係度sale你話經濟小菜，生猛海鮮，哇我DLLM，完全調返轉講嘅，仲要大澳好多唔同國家遊客會去，真係影衰曬香港人個朵！呢D冇良餐廳遲早等天收！…Read More