Ting Ho's Profile

終於知道點解呢間餐廳咁紅咁多人食。次次經過都排長龍入唔到去，終於今次試到。首先環境精美有特色，好啱想坐得舒服啲又有氛圍。首先第一樣想讚嘅係員工服務態度超好，香港地咁有心嘅服務員好難得，希望佢哋keep住呢個服務態度👍🏻主菜唔算多嘢揀，但係每一樣嘢都有佢自己嘅心思。淨係飯都有好多種選擇，除咗主菜其他嘢都係要另外加。我哋幾個朋友一齊叫試咗四個主菜，全部都唔差，但當中我哋最高評價係滑蛋豬扒，係正嘅！啲嘢飲雖然唔係特別好飲，但真係好靚，啱晒打卡📸 呢一杯富士山外觀10粒星，而味道就似波子汽水。絕對推介去呢間餐廳度試食👍🏻😋…Read More

呢間「權記牛腩粉麵」可以話係我嘅心頭好，我同佢有唔少嘅回憶。好多年前，我就已經開始光顧呢間老字號嘅牛腩專門店，佢哋嘅牛腩飯可以話係我喺香港食過數一數二嘅好味道！不過，中間有一段時間，佢哋嘅師傅離開咗，我就冇再特登去食。直到最近，我先至發現佢哋裝修咗，個店面煥然一新，地方乾淨整潔，比以前吸引好多！最令我驚喜嘅係，佢哋嘅牛腩依然保持住以前嘅超高水準！個牛腩嘅肥瘦比例剛剛好，一啖落口，香濃嘅味道即刻喺口腔入面蔓延開嚟，加上牛腩嫩滑多汁，一啲都唔會韌，簡直係食極都唔會厭！除咗牛腩，連蘿蔔都好有驚喜，煮到非常滑口，帶住蘿蔔嘅清甜，同濃郁嘅牛腩形成咗完美嘅味道組合。我真心希望「權記牛腩粉麵」可以繼續保持呢個優秀嘅食物質素，因為喺香港，要搵到咁出色嘅牛腩真係唔易。如果你係一個牛腩控，咁你一定要嚟呢度朝聖，相信佢哋嘅牛腩一定會令你回味無窮！…Read More

係商場試新餐廳，呢間可能位置同價錢關係冇咁多人排隊，所以就唔使等位直接入去。偏貴但值得的價錢，好多餸都好吸引環境好舒服優雅，仲可以望到出面公園同天空。本來想叫加拿大象拔蚌刺身，可惜冇貨再想叫薑蔥炒豬潤，可惜都冇賣了🥲最後揀咗XO醬炒龍躉腩都一樣咁吸引😋 xo醬好香，魚腩半肥瘦，算係爽口，唔係一入口就即溶果種，魚唔算多，有一半係蔥，但蔥都炒得好清香，我本身唔食蔥嘅都會食。⭐️⭐️⭐️十八羅漢炒飯，因為屋企人素食，所以走蔥蒜同肉，店員都好有禮貌，好好人幫我地落單同改煮法，廚師仲會細心問我哋要唔要蛋。⭐️⭐️⭐️佢有個橙色嘅辣椒醬，我覺得好好食！用嚟撈飯一流👏🏻⭐️⭐️⭐️⭐️另一道餸係菜圃涼瓜煎蛋，估唔到放到咁靚😍好香好出色，最推薦係呢個⭐️⭐️⭐️⭐️⭐️…Read More

路過紅磡諗住隨便搵啲嘢食吓就入咗呢間餐廳好多餸揀，晚餐見到就叫咗椒鹽軟殼蟹然後仲有雲吞雞宮保雞丁賽螃蟹本身冇乜期待，點知一食就🤩椒鹽軟殼蟹”炒得好香，估唔到咁大碟佢唔係好鹹，但係蟹好有鮮味，好Juice外殼鬆脆剛剛好，好難得搵到地方整得咁好食推薦指數⭐️⭐️⭐️⭐️⭐️雲吞雞”都係好大煲，個湯好入味，仲好足料，雲吞花膠火腿仲有大大隻嘅雞推薦指數⭐️⭐️⭐️⭐️⭐️宮保雞丁”又係炒得好入味，用嚟送白飯一流推薦指數⭐️⭐️⭐️⭐️賽螃蟹”就不過不失，道菜本身都係走清淡路線推薦指數⭐️⭐️⭐️…Read More

嚟到仲有live music聽細細間，但係好舒服裝修有特色可以去打卡嘢食好好食，今次叫咗三文魚，雖然多骨，但係味道唔錯，醬汁好味個蛋好得意，撈埋烏冬一齊食啱晒個湯好香唔算好鹹，剛剛好聽講餃子好好食，下次要試吓餃子套餐😍…Read More

難得搵到一間係雲疊附近嘅日本餐廳價錢唔算好貴，但餐牌好多選擇，想食刺身又得，燒物熱食又有。野食有驚喜，以呢個價錢嚟講唔錯有時突然之間好想食日本野，唔使專登走去搵貴餐廳～ 豬屋幫到你🤣…Read More

難得入愉景灣，梗係要搵個有海景嘅餐廳一邊望住個景，一邊食美食先係風味不過之前試過樓下兩間餐廳啲嘢食一般般所以今次想搵間好食嘅，見到食評唔錯，就試吓呢間。果然好食😍坐喺2樓室外都唔錯，餐廳仲好細心咁準備咗暖爐燈。可惜我最想食嘅生蝦賣晒好正宗嘅泰國菜，算唔錯。…Read More

本身好鍾意食拉麵，但覺得香港好多拉麵店都唔夠日本好食，有一日經過廣華街，無意中見到一間小店喺轉角位，好有日本道地小店嘅感覺，就即刻Mark低好想試。尋晚終於試咗，果然冇失望，叫咗碗豚肉+海鮮濃湯，個湯真係好濃好鮮香，豚肉都燒得剛剛好，唔會好油膩但又好啱重口味嘅我，差啲忍唔住飲晒啲湯。雖然坐得有啲迫，唔算話好舒服，但係又好食嘅嘢就滿足，下次會再幫襯試吓其他拉麵！佢仲有啲自家嘅調味料，辣粉/拉麵胡椒等等，悶悶地想轉口味都可以試吓🥳…Read More

本身想食海南雞，見到呢間個招牌雞都好似幾吸引，就坐低試吓。叫左叉燒豉油雞雙拼飯套餐$75（加豆漿）通常我去餐廳食都係食佢招牌，呢度應該都係試雞為主，雞味就唔算濃，不過不失，反而蔥油幾香😂但係叉燒就好瘦，我地都係鍾意係半肥瘦/肥啲，所以有啲失望，同埋佢嘅蜜糖味都唔夠出，亦冇咩香味，可能鍾意食瘦叉燒同啖味嘅會啱食？套餐個湯有啲奇怪，只係淡味嘅味精湯，好一般。總括嚟講，好一般，如果想搵美食唔會再去呢間，自己求其食個快餐還好，但都唔平。…Read More

同朋友經過搵個闊落嘅地方坐下，佢嘅燒味好似幾出名就試吓。叫左叉燒燒腩雙拼估唔到咁大碟，幾個share食都ok燒腩嘅皮少少唔係好夠爽口但味道還好叉燒半肥瘦，味道不錯合格但沒有驚艷。…Read More

去到嗰陣以為冇位，但係佢哋安排咗我地上樓上。原來上面裝修都係好靚，好似日本嘅榻榻米風格，要除鞋入去。整個氛圍好有家嘅感覺，好溫馨。我叫咗佢哋嘅招牌軟殼蟹蛋多士，真係驚喜！唔單止外觀靚打卡一流，仲好好味。窩夫嘅造型好有趣，上面有隻蛋，整得好靚，一切開嘅時候仲會有芝士拉扯嘅感覺。但係食唔慣芝士會覺得有啲溜，配咖啡會好啲，咖啡都好有特色，好香嘅味道，仲有我鍾意嘅cream。果然喺入大圍必試咖啡店，鍾意影靚相又食好野唔好錯過😋…Read More

這家餐廳真的有驚喜！這裡的環境真的很浪漫優美。走進餐廳時，我被柔和的燈光和精心佈置的環境所吸引，感覺非常溫馨舒適。而且，他們還有現場音樂表演！一位音樂家手持結他，走到每個客人旁邊彈唱，讓整個用餐過程充滿了愉快的氛圍。你還可以點歌，他會即興演唱，非常好聽。讓我特別推薦一下他們的鵝肝，味道真的是一流。每一口都散發著濃郁的香氣，口感豐富。他們的生蠔也很不錯，還有半價優惠，超值。不管你喜歡清淡還是帶點海水味的重口味，這裡都能滿足你的需求。另外，他們的牛扒也相當美味。烹調得恰到好處，口感嫩滑多汁，真的很讓人愉悅。最後，他們的自製提拉米蘇是我用餐的完美結尾。這款甜點輕盈細緻，帶著濃郁的咖啡和可可風味，每一口都令人陶醉。…Read More

咁鐘意食好嘢嘅我，以往住係太子就當然要係附近搵下有咩好野食啦！其實出開旺角又唔想太迫人，行過少少到旺角警署嗰邊其實有好多好嘢食，當中呢一間Victora Restaurant就係我誠意推介，佢嘅裝修好有情調，好適合情侶黎撐枱腳，價錢唔算貴，但質素真係唔錯，仲有好多選擇添，前菜頭盤主菜甜品都各有特色，唔駛怕女友揀唔啱，想食西餐嘅你不妨搵日黎試吓😉呢度嘅湯無論係紅定白都係咁有份量⋯係好足料！蘑菇忌廉湯好滑好creamy, 而海鮮湯係一半海鮮一半湯，鮮味十足。鵝肝多士份量大滿足，鵝肝嘅油份含量啱啱好，多士好夠脆，食完唔想抹咀。「原隻澳洲龍蝦伴芝士忌廉汁」龍蝦肥肥白白，鮮香之餘又多膏，廚師已預先分好數份，一啖食落去好正。「炭燒澳洲M6霜降西冷」西冷肉身比較有咬口，以炭燒方式烹調更香更有肉味。另其油花比重較高，所以吃來口感也較豐富。「蒜香鮮魷配墨魚汁忌廉意大利飯」蒜香但唔算好濃，墨魚汁嘅味道比較特出，各種配料都配搭得好好，好有層次。甜品冰鎮菠蘿同椰子好似雪糕咁，菠蘿味比較清甜，椰子味就明顯濃一點，放入口冰冷嘅感覺，過2秒後就會散發出椰香嘅味道，係比較有心思嘅甜品。…Read More

有冇試過半夜去飲野又有朋友仔話肚餓，諗緊dump低朋友仔毒自去食好，定係食埋野先再轉場？ 其實唔係咁頭痕，去到太子酒吧街有一間叫「Lava燒」嘅Bar, 可以一次過滿足你3個願望！可以一邊飲野又可以有串燒食，串燒嘅質素夠你坐成晚密密食唔洗急住走👍🏻呢間位於太子嘅串燒店開到4am🍢樣樣串燒都係即叫即燒，夠哂新鮮熱辣我一去到就發現有個菜式名叫「一試難忘」，勇者當然要即刻試下，到底夠唔夠初戀咁難忘呢？ 原來「一試難忘」就係雞頸串燒，一隻雞只有好少部份，所以好珍貴之餘重好滑，黎到一定要試下。 鐘意韓風嘅可以試下「韓燒豬五花」咬落去啖啖肉超爽口，一d都唔肥膩除咗陸上，海鮮類串燒都有唔少選擇：勁長嘅「珍寶松葉蟹棒」、大大粒「珍寶燒刺身帶子」、重有軟腳蟹😏 真係有海鮮敏感嘅我都抵受唔住誘惑大大啖食左佢地😍除咗肉類，重有平時最受歡迎，又甜又多汁嘅燒菠蘿串；大廚精心製作嘅燒蘋果片，外脆內軟有薯片嘅感覺，好清香，最適合用黎點綴一下咁濃味嘅串燒大餐最後推薦大家試下「雞拼盤」，裹面會有意想不到嘅驚喜🎁 我亦因為呢一串奉獻左我第一次，係到賣個關子先…Read More

相信大家都去過尖沙咀諾士佛台飲野，但其實除咗一般酒吧，原來呢到有一間叫Penthouse有野食有野玩之外重有特色飲品，呢4杯咁特別嘅飲品就係走中國風嘅調酒，最啱注重健康又想出去玩嘅你呢4杯酒都有真材實料，各有特色，喜歡清花香味可以揀「閉月羞花」，鐘意濃烈d可揀「國香天香」，4杯嘅共通點就係有好香嘅花香味，同埋都係健康嘅👍🏻當然除咗呢4杯酒之外，重有好多其他雞尾酒同美食等，以後行開尖沙咀不妨試下😉…Read More