Pakchigloria's Profile

之前去過嘅葵廣人氣手工雪糕店Bunny Churros喺西沙Go Park開咗分店，今次帶埋Goma去Go Park玩，梗係要去食🐾除咗人氣意式雪糕Gelato，同西班牙油條Churros，Go Park分店仲有水果沙冰，牛角包窩夫，最開心係有寵物雪糕，可以同Goma一齊食雪糕真係好正🐖今次試咗菠蘿西沙Go Park限定椰子沙冰，仲有寵物芒果菠蘿乳酪雪糕！係天然芒果同菠蘿嘅酸酸甜甜味道，Goma都好鍾意食，食得好開心😊…Read More

米芝連海鮮餐廳，名過於實。香港地就係咁，有米芝連就會愈來愈難食，水準下降，價錢上漲。呢幾年嚟過3-4次，一次比一次貴，而且服務愈來愈差，好失望。有朋自遠方來，星期五晚上帶同朋友入西貢食海鮮，嚟到海鮮街第一間就腳就入左去。點知happy Friday都好多吉檯，似乎而家只有大陸人會嚟食。啲店員講野都有鄉音，我地坐最角落頭張檯，一路食飯，佢地一路響角落頭度拎酒瓶、櫈仔、呢樣果樣，仲要響你頭上繞過，好煩...你估下服務會好得去邊？食物方面，我同朋友響門面魚缸揀海鮮，個職員根本唔會俾你掂，你問佢佢先隨口up價錢，唔會磅俾你睇幾重，你指俾佢知想要咩，佢求祈拎一隻入袋，連佢有冇拎入廚房你都唔會知。我地要左4隻扇貝（$38一隻）、象拔蚌一隻（$388一斤）、龍蝦一隻（$288一斤）、聖子（問幾次冇講幾錢）同埋瀨尿蝦3隻（佢話一隻一斤，一斤$288）。5樣野，飲左3枝汽水，4個人食，結果埋單$3000。海鮮一個數寫$2000、工料$1000。可能我計數差，我覺得我地俾人呃。香港人都呃，何況遊客？我諗我今次係最後一次，唔會再嚟。…Read More

上open rice搜尋旺角區餐廳搵食時，見好評不少，又見上網訂座有79折，於是就同爸爸去試試，可惜非常失望。原因如下。1. 埋單時先知道二人餐唔可以用任何優惠，但入座時餐廳侍應明知我地係網上訂座要使用79折，完全冇講過咩野餐唔可以用，單點才可以用，令人覺得有欺騙成分。2. 點了二人餐，味道難吃，唔知open rice的好評點黎？碗仔翅煲好明顯係一早做左一大煲，倒一煲出黎，湯一啲都唔熱，微暖。再者，味道麻麻，街邊啲碗仔翅都好味過佢。龍蝦意大利飯好難食，本身已經唔要求好似意大利餐廳咁有水準，但啲飯冇味之餘，龍蝦唔知係咪過熟定唔新鮮，好難切，啲肉痴住蝦殻。蜆肉粉河粉啲蜆好多沙，茶餐廳的炒牛河都好味過佢。總之，所有野賣相、味道好差，我地只食左一半，打包都廢事。3. 環境超嘈吵，檯與檯之間拍得超埋，訂左檯都一樣，逼到隔離檯個袋全餐飯都挨住我，成間餐廳個個講野好大聲，傾下計傾到喉嚨都痛。4. 離開餐廳後發現我爸爸條褲同手袋都整污糟左，係坐過張櫈唔乾淨，一定係倒瀉左醬汁，我爸爸老人家冇睇清楚就坐落去，搞到返屋企時pat pat位一大撻好污糟又擦唔甩，好似失禁咁醜死。其實旺角區加一後$400幾蚊唔可以要求咁多，我地好明白，但同樣價錢我地有好多選擇，好多餐廳都好食過佢，起碼唔洗食完唔開心。另外，發現餐廳碗碟不太乾淨，勸大家留意一下該餐廳衛生環境。…Read More

先唔好講野食貴又普通，拉麵鋪、日本餐廳銅鑼灣真係一街都係，點解要特登上黎食？絕對冇下次囉。最重要係員工服務態度惡劣，黑口黑面，問佢啲野都好似唔想答，好似唔想撈咁，說話有骨，好似得罪左佢都咁。帶有色大眼仔睇人！今時今日香港就係因為有呢啲咁嘅樓面，影響香港形象。你有今地澳洲牛奶公司咁出名，動作咁快手的話，就話啫。我家下唔係去茶餐廳係去晏本餐廳，而且你呢個場唔平，走高級路線，竟然請咁嘅質素員工？為咩我要俾咁多錢黎受氣呀？…Read More

網上看見食評不錯，於是在OPENRICE訂了檯吃晚飯，慶祝紀念日。可惜吃得不太開心。因為環境很甘， 又細又空氣不流通，open kitchen太大油煙，我坐的位置距離廚房5至6米都呼吸到，一身都沾上了油煙，影響了情調。而且餐廳的經理很吵，不斷跟你說好多規條，例如要吃滿天$500才可以有免費泊車，用了泊車優惠不可以選優惠晚餐或者特價生蠔，要賺取亞洲萬里通的里數就不可以有OPENRICE訂位送的甜品，總之任何優惠只可選一，不可同時共用，令我們不能安靜的坐下來吃飯，慢慢談天。食物就算一般，服務以及環境有待改善。…Read More

呢一日同2個朋友聚會黎到旺角朗豪坊行遠少少搵食，3個女仔食一份$298加一嘅2人餐都食唔晒...嘩....!!而家物價騰升...食咩都貴,今時今日響OUTBACK或RUBY TUESDAY一個DISH嘅價錢可以滿足3個人的食慾，夠份量又好味!真心好抵食!梗係要同大家分享一下啦!2人餐包2杯飲品，仲有湯，個MANAGER仲好好人幫我地分個湯2變3!但係個忌廉湯好濃好"傑"好好味的關係，一黎到就掛住食，唔記得左影相...蜜糖雞翼拼芝士薯條推介!!!雞翼精嘅我，去到邊度食野都一定要嗌雞翼。哩間蜜糖雞翼真係好有蜜糖味，好多HONEY響面，唔同出面果啲得果少少響面就話係HONEY WINGS。燒牛肋骨係我食過最好味嘅BEEF RIBS!燒得岩岩好，又好易食唔怕痴牙...可以保持LADY形象!HAHA!蕃茄意粉份量OK，都算多海鮮，唔同出面好多餐廳得果2粒青口就話自己係海鮮意粉。食到呢度我地3個已經好飽，甜品真係食唔落!如果2個黎食我諗要打包!甜品係好特別鐵板心太軟加雪糕好似個名叫冰火咩野朱古力...見到隔離幾檯都有ORDER火焰鐵板烤雞，個賣相幾靚，係韓國餐廳果隻睥酒燒春雞咁樣，成隻聖誕PARTY燒雞咁，好大隻，睇落好似好食咁，下次一定再黎試!香港周圍都咁多人，就算平日子響旺區食野一定至少等1,2個鐘位。呢間野係朗豪坊轉2個街口就到，地點方便，唔洗響朗豪坊等位同人逼，算係旺區嘅一片靜土。…Read More

話說好耐冇去崇潔街食飯，今日心血來潮想去細個成日去既加太賀食晚飯，於是行左去崇潔街。入到崇潔街，見到呢間野上過小儀金鋼既節目咪入去試下囉...點知...一坐低1分鐘都冇，我地都未睇得晒佢果4頁MENU，個老闆娘就行過黎勁問我地食咩食咩我地話未睇完一陣先嗌，個老闆娘就黑面走左去之後想ORDER又叫極都唔過黎由於佢得3頁食物，1頁飲品，冇咩選擇，我地首先嗌左3樣野食先，諗住一陣唔夠再嗌，於是叫佢唔好收個MENU，KEEP住先，但個老闆娘話唔得，一定要收囉我地話想再睇下ORDER D咩食，個老闆娘就已經收起晒2本MENU入去廚房，仲話D MENU一定要放響廚房佢間鋪得果幾張檯，當時晚飯時間，但係得2,3檯客，佢又唔係唔夠MENU用，都唔知佢咁急收起D MENU做咩?!有生意唔做?!定係驚我地COPY佢本MENU??!當我地等梗食物黎既時候，隔離有一對男女ORDER完食物問個老闆娘要2杯水，點知就俾個老闆娘鬧個老闆娘講左一大輪野，又話水都要錢，洗杯唔洗錢咩，食物又加價我加得你地1,2蚊都冇得賺呀....之類一大揸野最後佢話佢呢度要ORDER野飲，冇水俾，一杯水要收2蚊，2杯水要4蚊結果果對男女就ORDER左一杯野飲同一杯水。等左一陣有野食喇，D食物水準普通...賣相普通...喇沙有少少辣,都OK我地打算SHARE人個喇沙，勁有禮貌地問老闆娘:「唔該，可唔可以俾隻碗我?」老闆娘俾左2隻細碗我地，咁我分左1碗俾我FD，另一個碗咪放左D蝦殼上去囉...點知俾老闆娘見到我放蝦殼落隻碗，佢又鬧我一輪，又話洗碗唔洗錢咩，食物又加價我加得你地1,2蚊都冇得賺呀....之類一大揸野之後又話唔好張檯面，放響張檯面污糟，做餐死.....最後佢話要返我地一隻碗2蚊於是我fd就好嬲，就串佢叫佢收返我地錢，2蚊隻碗啫我地仲俾得起!沙嗲個樣同我響吉隆坡食果D差唔多，味道就不太好，重點係個SAUCE唔得，唔係人地沙嗲個SAUCE。馬拉盞炒通菜得個辣字，完全冇馬拉盞味因為個馬拉盞炒通菜辣，見到隔離檯對男女ORDER水都俾人鬧，又話要收錢，於是ORDER左杯荔枝特飲。本身我地2個女仔食量一般，食晒吒3樣野都唔夠飽本來想耍嗌野食，但係真係食到一肚氣，佢D野又唔係話好食，於是我地走左臨走果陣我同我FD見到佢有張剪報貼出黎有老闆娘個樣，份報導寫住「無笑臉不開門」我同我FD即刻大笑左出黎!…Read More