LiCheongHo's Profile

係外賣平台見到附近有間新開既台灣菜，見到Menu都幾吸引就叫黎試咗😍仲有9折優惠，覺得份量都好唔錯，大件加抵食🤗叫咗鹽酥雞肉燥飯便當，勁大碗飯，肉燥一d都唔少😌肉燥味都好夠，唔會死鹹，唯一係覺得有少少太濕，不過整體上撈飯都好食😚鹽酥雞唔會太乾，炸得出裡面都幾多肉汁，值得推界💪🏻套餐加20幾蚊有支冷泡咖啡，飲落口都幾香，十分nutty☺️雖然我就比較中意果香味重既咖啡，不過呢個價錢有支cold brew都真心抵飲🤣…Read More

經朋友介紹呢間係荔枝角既漢堡包店，話抵食又幾得意。平時好中意食pancake既我，見到都好想試下😚Lunch Time發覺都幾多人買，等既時間都有d耐，不過體諒到佢係即叫即做😍整體上都好抵食，$60左右有包有薯條有汽水。Pancake略帶甜味，食落個豬柳蛋好有早餐Feel，炒蛋好creamy好滑😂只係略嫌個pancake有少少乾。美中不足係薯條有少少淡，無咩薯仔味，不過係荔枝角外賣都係個唔錯既選擇！😌…Read More

其實已經黎過Lungo好多次，覺得佢既咖啡向來都好高質，好好飲。但有好多時星期六日都好多人排隊，舖頭位置又比較少。一路都好中意佢地既Dirty，連平時唔飲奶既我都好欣賞😋覺得佢地做得好Balance，唔會覺得好似飲咗一杯凍奶咁，啡底同奶好夾，飲落好香濃。佢地既咖啡豆都係香港炒，支持本地💪🏻今次係黎咁多次第一次食鹹食，估唔到個all day breakfast原來都好唔錯😍菜好新鮮，蛋都炒得好滑。最有驚喜一定係個Bagel，焗得岩岩好夠脆，淡淡既藍莓味，口感十分好。…Read More

閒日下午去到呢間波希米亞風既咖啡廳，唔洗排隊之餘舖頭亦好少客人。雖然已經唔係第一次食，好彩水準都keep得唔錯😚叫咗泰式奶茶窩夫配豆腐雪糕，覺得窩夫質感好唔錯，唔會太硬，食落好軟熟好棉滑，奶茶味都頗重😍雪糕就快溶咗少少，但味道都唔錯，唔會太甜。咖啡都唔錯，叫咗美式咖啡，唔會覺得苦澀。個杯超靚，影相都好唔錯❤️最舒服係閒日人好少，同朋友坐係到傾一日計，店員又唔會趕你，係個休閒好坐既地方。下次可以試埋鹹食😛…Read More

係長沙灣一帶都有唔少cafe，競爭都唔細。附近仲有長期大愛既lungo。難得有一日去試新野😍雖然咖啡廳唔係好大，但勝在夠光猛，影相打卡都好唔錯，仲有幾個窗邊位，影相一定好靚😚野食都好唔錯。朋友食既墨魚汁意粉質感取勝，軟硬適中，只係會食到成口黑色😂份量都唔細。我叫咗無花果巴馬火腿芝士酸種麵包，份量超大，菜好新鮮，只係無花果唔太夠甜。值得一讚係個sourdough唔會太硬，同d芝士非常夾，融為一體😌唯一挑剔係咖啡普通咗d，不過咖啡價錢都算好抵🙏🏻😚…Read More

雖然聽好多朋友講話覺得野食一般般，但假日要係旺角搵間cafe坐下都唔簡單😂好彩去到唔洗排隊等友人食既定食都唔錯，但選擇就唔太多。都係日式定食個類型。不過性價比都ok，因為真係好飽好大份😌😌Iced Black Coffee都唔錯，價錢正常，唔會太酸太澀。可以加$5揀fruity option，但我就無加到。焙茶芝士蛋糕就略嫌唔夠芝士味，少竹甜咗d，不過都算好抵食😚😚不過就有限用餐時間，因為之後都有booking…Read More

知道香港一路有天天海南雞，但做既形式就同新加坡唔同。香港就完全係餐廳格局，當然價錢都upgrade咗唔少😂當然雞係最好食，都幾淋，雖然唔算好滑😛我最欣賞係佢個油飯，好香好正中，但感覺唔會好肥膩，軟硬適中🙆🏻‍♂️以前食過其他炸物，就覺得比較油，所以今次叫既野都好唔錯，適合一家大細去食🤗個人覺得佢d野食都偏大份，叫少少都可以share食😋水果茶勁大杯，少少甜，但好抵飲，建議share飲😚…Read More

本來對Megabox嘅餐廳冇咩期望，點知今次體驗出奇地唔錯！侍應態度親切，食物水準不錯🤩晚上有二人/四人餐，二人餐價錢係$398，有兩個前菜、一份意粉、一份pizza。選擇唔太多，但樣樣都幾好食😍餐廳係走日式洋食既風格，但質素又唔會變得好cheap。好似真係係日本食咁😂我覺得意粉尤其好食！質感做得好好，唔會淋曬，但又唔會都煮得太生。整體份體都好夠飽。有位侍應叔叔周不時走來同我哋傾偈，又會關心我哋野食啱唔啱食，好有禮貌。🙏🏻…Read More

👉🏽吉列牛扒Set $188其實我就覺得還好嘅。吉列牛煎熟咗都頗有牛香味，但係煎pan上本來就有舊牛油，再加上牛肉出既油，就覺得油膩感偏重🥲套餐裏面仲有飯、沙律、豆腐，其他我就無咩印象，飯都幾好食既，份量都岩岩好👉🏽 石燒和牛燒肉 +$68油香味偏重既牛肉片，薄薄一片價錢都抵食，叫兩個套餐就可以用優惠價$68去換購。店員好細心，見到張枱無位都等我煎曬吉列牛扒先上。👉🏽 飲品加小食 $35舖頭做緊優惠，叫一杯無酒精飲品會送薯條/雞翼。薯條意外地好食，外脆內軟😍但可惜我未影相就食咗😂不過我就覺得真係抵既，$35有野飲有小食。整體我就覺得還好啦，吉列牛可能都係餐廳既gimmick野。我見其他枱都會叫正常既牛扒Set，我覺得牛肉肉味都濃既，下次叫其他set可能好啲！不過值得一讚係店員好nice好細心，就算佢地好忙都唔會要等，有野叫佢地都好快手💪🏻…Read More

野食質素都普普通通，價錢唔算好平。雖然食剩咗少少野，但餐廳經理不停俾說話我地聽。成餐飯就行黎行去係我地枱催我地食野。其實我地食得曬只不過食得比較慢，但又要夠鐘交枱。個經理就話啲食材係貴野又話應該charge我地錢；夠鐘交枱其實講聲我地就走，但佢企正係枱到黑晒面睇住我地執野走。明明隔離枱都夠鐘走佢地就仲食緊。唔平野食普通仲要受氣，情願食其他。…Read More