Ryan Hoi's Profile

地點方便，喺葵盛商場地下正門隔離叫咗星洲豬頸肉炒河$50 ，送熱飲，加$3轉大杯。河粉即炒，味道幾好，唔算太油，份量唔算多，下午茶嚟講OK啦，不過冇食lunch就覺得仲係好肚餓豬頸肉見到有燶邊，睇得出唔係炸嘅，估計係用電爐燒烤。整體味道都唔錯，唔算鹹。熱奶茶就好普通，茶色太濃，加完淡奶都係唔夠滑。飲到最後條脷係澀嘅，質素比以前差咗好多。坐喺窗邊卡位，見到有隻迷你小強喺地下爬過， 20幾年公屋屋村，不意外🤡…Read More

#元朗#雲家話說小弟鍾意食米線，全因16年前認識了現在的太太。佢當年係石蔭返工，我每週有兩三日搵佢食lunch，附近有一間米線老店，自此愛上呢種酸辣嘅味道。四年前，機緣巧合開咗香港米線關注組，先發現原來好多香港人鍾意食米線，發展至今已經有26萬位谷友。香港嘅米線舖頭，除咗某上市大集團和大x樂集團的米線x外，最多分店嘅應該係雲桂香（以前叫雲南桂林過橋米線，黃色招牌藍色字，現用此名只剩旺角和尖沙咀兩間）。與雲桂香一脈相承、味道相若的舖頭，有荃灣+元朗雲家、石蔭雲南小窩米線、尖沙咀雲香園、紅磡貴緣（已結業，現大角咀和北角貴緣不知是否同一老闆，有待各位網友考究），仲有屯門華都商場雲南小鍋米線。傳說中上述舖頭的祖師爺，是出自於荃灣路德圍老店，再由徒子徒孫發揚光大，推陳出新。入返正題，新界西元天屯地區，小弟最常幫襯嘅係元朗雲家。太太想食米線，首選呢間。招牌腩肉大腸份量多，冬菇都好食。湯底濃，酸辣夠層次。記得叫爽米，否則米線會太淋。兩人必點涼拌墨魚頭，墨魚頭爽脆，熟蒜香而不辣，拌以醋汁，另有風味。兩人飽腹而回，大大滿足，只係二百蚊有找。無論山珍海味、平民美食，最重要係合拍的另一半🫶🏻…Read More

#旺角#雲南桂林過橋米線朋友想食米線，問旺角有邊間好食+唔使排隊，乾淨企理嘅舖頭？又唔可以太貴喎，理論上不存在嘅舖頭，其實係有嘅🫶🏻呢間廿年老店，得益於大家冇乜留意，次次去都唔使排隊。我叫咗腩肉+豬頸肉+萵筍小窩米線，小辣。湯底濃郁，多肉碎。腩肉逆紋薄切，入味好食。豬頸肉相對較一般，上次嘅大腸好食啲。朋友叫咗金湯酸菜魚米線，佢話好食，叫我下次試吓。小食叫咗細份蒜泥白肉+海蜇頭。蒜泥白肉捲着青瓜條，精緻不肥膩。海蜇頭好爽脆，黑醋夠香，好食又抵食。兩人埋單一百幾，單以米線嚟講，香港小店絕對好過大陸嘅化學元素。…Read More

#太子#雲貴川小鬍子#最好食嘅腩肉小鬍子係賣飛佛之一嘅舖頭，今次叫 腩肉+大腸+冬菇小窩米線 小辣，喺app落單，所以唔客氣地揀咗多蔥+多酸菜+加酸汁，爽米。腩肉份量超多，好大塊，勁入味，口感軟淋，係近年食過最好味嘅腩肉👍🏻 大腸冬菇，正常好食。湯底因為多蔥+多酸菜+加酸汁，有一刻突然有一種感覺，係因為好味，而好正好滿足😋小食蒜泥白肉，蒜泥夠多，五花腩薄切唔肥膩，中上水準。小鬍子都係小弟的飯堂之一，以前叫做「雲貴川風味」，好多年前未有米線谷時已經幫襯開。算係傳統老店之中，少數味道保持水準嘅舖頭之一。…Read More

#尖沙咀#雲香園#搵到新小店好好食腩肉+大腸小窩米線，小辣。一上枱，見到勁大碗。湯底多肉碎，勁濃，偏鹹，酸度適中。QR code落單，揀咗爽米，夠彈牙 & 滑。腩肉半肥瘦，薄切，甜甜地，似雲家和石蔭米線一派嘅味道。大腸切條少肥膏，入味，保留口感而唔會韌，少見高質素。涼拌墨魚頭，堆滿煮過嘅蒜蓉，勁惹味。點埋旁邊嘅醋汁，味道再昇華。一個人幾乎食唔晒，建議兩個人分。見到餐牌推薦奶茶，叫咗凍奶茶，少冰少甜，果然好好飲，稍嫌多奶，顏色比較淺。尖沙咀一向冇乜好食嘅米線，呢間超好食，完勝X林居🤣P.S. 不停聽到收銀系統廣播，有好多外賣訂單，睇嚟午市生意唔錯👍🏻…Read More

#深水埗#雲南媽媽小弟係深水埗嘅飯店，今年已經幫襯咗好多次。喺福榮街黃金商場對面，某米線連鎖舖隔離。腩肉甜甜地勁好食，大腸到好正，冬菇係乾冬菇炆嘅，味道比鮮冬菇濃。今次叫中辣，大約係其他舖頭嘅小辣程度。嗌咗爽米，好彈牙，但有少少硬，睇嚟正常程度應該啱啱好，唔使特登叫爽米。有幾位谷友都話雲南媽媽好食，但係冇乜人幫襯。我都覺得奇怪，可能係附近太多選擇，新舖頭少人留意。份量都幾足，唔覺意食到見底，飽晒😋…Read More

#深水埗#雲南媽媽#有靈魂的米線近來新開張，睇到幾位谷友好評，深水埗實在太方便，吸引咗我入去。腩肉+大腸+冬菇 小窩米線 小辣。湯底微辣、唔鹹，入口舒服。腩肉微甜偏瘦，薄切口感軟綿。大腸入味少肥，但稍嫌煙韌。冬菇索滿湯汁，好食。由於湯底有大量肉碎，而且唔鹹，勁好味，幾乎飲晒見底。個人覺得米線要有足夠肉碎，先至有靈魂，呢個湯底絕對係相當出色👍🏻熱辣辣嘅天氣，最後食返碗冰粉，prefect ending😋…Read More

下雨天總掛念從前，今次重拾記憶中的味道。記得10幾廿年前，香港有好多間米線舖都叫做「雲南桂林過橋米線」，黃底藍字好搶眼。 後來陸陸續續改為雲桂香，招牌顏色都改埋。今次去咗碩果僅存嘅旺角店（好似仲有一間喺尖沙咀，不過OpenRice評語一般）。腩肉+大腸+螺旋藻 小窩米線 小辣。湯底濃而不鹹，經典的石蔭米線系列味道，腩肉度薄切，肥瘦適中，微甜，直程和石蔭米線一樣。大腸厚肉，較為煙韌。螺旋藻正常無特別。大碗盛裝，食到見底，湯都飲埋，難得過咗半日都唔口渴。作為石蔭米線嘅支持者，好開心搵到一間味道相若、位置方便嘅小店😃…Read More

#元朗#常得館偶然經過元朗，見到呢間小店與其他港式米線唔同，餐牌寫湯底用新鮮豬骨熬製。麻辣五花腩 + 泡椒肥腸雙拼米線，五花腩炆得好淋，肥瘦相間而唔肥膩。肥腸食得出係新鮮貨，通常比較煙靭，呢間難得夠淋、入味。湯底好飲，老闆娘見我追住飲，主動幫我加湯。我冇特別指定辣度，結果越食越辣，下次應該叫小辣。臨走時有位姐姐order 薯粉，佢話唔鍾意食米線，但係呢度嘅薯粉好食，老闆娘話係湖南鄉下訂造，與坊間扭紋薯粉唔同。可惜我已經食飽咗，唯有下次有機會再試。小食係涼拌皮蛋，皮蛋溏心，蛋白好軟滑，靚貨。埋單$119，稍貴，但真心好食。唔趕時間，坐低慢慢打呢篇食評，聽到食客和老闆娘傾偈，好多食客都讚好味。…Read More

#黃埔#滿堂樂#米芝蓮推介街頭小食路過見到好多人排隊買粢飯外賣，堂食反而啱啱有位。街邊小店格局，環境及衛生一般。鹹豆漿，走蝦米，$13，味道普普通通。粢飯$25，勁大個，糯米蒸得唔夠熟，好多米粒都係硬嘅，嚴重影響口感，咁都可以賣俾人？雖然即叫即包，但油條係淋嘅。榨菜粒和肉鬆份量正常，但糯米實在太多，顯得餸嘅比例偏少，好似係咁食白飯🙄套餐 $36，咁嘅質素真係好普通，唔知點解會係米芝蓮推介🤔🤔🤔…Read More

#紅磡#上海真真入去前見到評語好一般，有啲猶豫。之前粢飯關注組有人話呢間好食，所以去試吓。鹹豆漿$16，好濃，唔鹹，不過個人唔係好習慣食鹹豆漿。粢飯$22 ，即叫即包，份量足。脹卜卜，以為有好多餡，原來裏面有兩條油條，佔據咗大部份空間，可惜唔脆。榨菜和肉鬆薄薄一層，少得可憐，味道淡。成個粢飯一齊咬，感覺似喺度食白飯。單以粢飯來講，呢間仲衰過附近嘅滿堂樂，滿堂樂雖然白飯硬，起碼啲餡夠多；上海珍珍榨菜 & 肉鬆少得可憐，食完個口好淡，浪費咗一個早餐嘅quota 😢…Read More

#荃灣海之戀#譚仔#六點後第二碗過橋米線半價仲記得年輕時，經常和女友兩人食一碗過橋米線，使費唔多，就係為咗組織將來的家庭。前日傍晚係海之戀商場，和太太叫咗一碗過橋米線，湯底和配料味道和當年一樣，身邊嘅另一半都係一樣。唔同嘅係譚仔被收購上市，女友被我收購回家😆望著落日黃昏，對著藍巴勒海峽，浪漫情懷油然而生。講返正題，過橋米線用巨碗盛載，有十多款配料，琳瑯滿目。小辣湯底越食越辣，邊個話譚仔唔夠辣？🥵去到六點，譚仔姐姐更換餐牌，原來六點後第二碗過橋米線有半價，早知行多陣街先至食啦🤦🏻‍♂️如果能找到一位願意和自己食過橋米線的伴侶，係一件幸福的事。希望大家可以喺現實或米線關注組裡搵到鍾意食米線嘅另一半❤️…Read More

#大埔#滷至尊太太突然話想食滷水鵝片，大埔有好多滷水店，呢間新開幾個月，試新店。呢間滷水鵝係照稱 $120/斤，想要例牌鵝片，師傅話要買上莊，稱重約一斤4兩。順便要埋滷水豆腐、鵝肝、大腸、鵝腸。鵝片夠薄，每片差唔多厚度，師傅刀工幾好。肥膏唔多，味道唔錯，鵝肝有驚喜，口感綿滑，好似$30左右就有一份，點米醋食更好味。鵝腸爽脆，油脂豐盈，世間美食皆邪惡之物。淺嘗三兩條後，剪走肥膏才敢繼續食。珠玉在前，豆腐和豬大腸沒特別，可以略過。加埋清蒸海上鮮，一家四口大快朵頤。…Read More

#荃灣#麻辣風雲係荃灣想食米線，去咗唯一附近嘅某舖，入到去地下油淋淋，未坐低就掉頭走。之前生記重開人氣高漲，最近偶然路過唔使排隊，點知今日冇開😬原來附近有間麻辣風雲，樓上舖，午巿上到去好少人，得窗邊卡位有客，應該主力係做晚市。叫咗小窩米線轉薯粉，酸辣小辣中酸，萵筍片+肥腸。一上菜覺得好油，食落又唔覺。小辣唔辣，湯底濃，薯粉滑溜爽口。萵筍片唔錯，肥腸一般，整體都幾好。中午真係好少人，可以慢慢坐hea時間，檸茶底比較淡，普通。以整體環境 + 食物質素，真係偏少客人，可能樓上鋪少人留意，我就覺得可以一試。…Read More

#北角#VV尾線難得到北角，去德成號買蛋卷碰門釘（都預咗），再行過幾個街口食米線。...叫咗「豬大哥麻辣米線」，唔知點解個湯底有啲酸味 & 怪味。米線比較彈牙，小辣偏辣，豬肚絲有唔少，但冇乜味。薄腩肉有3塊半，向廚師求證過，單點腩肉$12 的份量會較多。大腸味道最正路好味。...話難食又未至於，好食又談不上。咁就 $65 + $10 凍檸茶，埋單$75，性價比真係低，寧願食茶餐廳嘅炒粉麵飯。無乜野我下次都係出返九龍食米線……Read More