binooo's Profile

試過好多間滷水店，始終覺得西灣河順興呢間店嘅滷水味做得最好，次次行過聞到陣滷水香味都忍唔住想買啲返屋企食，所以間鋪成日啲客多到排晒長龍咁都真係有原因嘅。因為唔想排長龍，所以決定早啲黎買，離遠已經聞到陣陣滷香味今次因為食嘅人唔多，剩係買咗滷水雞翼($10/3隻)、滷水乳鴿($49)同1/4 滷水鵝上庄($128)雞翼$10蚊3隻，仲要大大隻，堅抵食!乳鴿都好香，有滷味得黎唔會話太咸，鐘意食乳鴿嘅友人都讚不絕口，話好味同健康過食炸乳鴿至於招牌滷水鵝可以話係必食，次次黎都會買，因為真係好好食鵝肉口感軟熟，啖啖滷香味很開胃! 如果想啲滷味味道再豐富啲，可以沾埋佢地自己調製嘅滷水汁同醋汁…Read More

同fd去完街，搭shuttle bus 一出就黎到荃灣，於是決定係荃灣食埋晚飯先走。係街覓食之際撞到熟人，佢就介紹左呢間中式野比我地試。熟人推介左油鹽水煮蜆$98同豉油皇龍鬚炒麵$70，我同fd 就叫左呢兩樣加碟清炒蒜茸通菜$60菜好快就到，大大碟先$60，好抵食，而且唔會好咸，清清地幾健康，不過朋友就嫌佢d 莖唔夠軟身，可以煮耐d。炒麵好好食，又係大大碟，兩個人食都夠飽!蜆反而一般，因為有沙同埋食落個味唔係好新鮮，有d 仲有陣臭味但個湯底就幾好飲，入面仲有d 粉絲tim…Read More

話說同事就last day，約左佢去東大街食farewell lunch，但本來想食果間冇開，咁岩係隔離既呢間餐廳睇落都幾乾淨企理，而且可能岩岩開鋪冇乜人唔洗等位，於是入左去搵位坐。呢間餐廳既lunch menu 選擇唔多，不過睇落幾吸引，鵝肝飯都係$98，因為本人鐘意食鵝肝既關係，好快就揀左B 餐既香煎法國鵝肝拌露荀意大利飯同同事一路傾計一路等飯到，感覺唔算等左好耐，但見到個飯既時候覺得有d 伏，賣相同menu 幅圖都差幾遠下，鵝肝好細舊，而且唔知點解好似溶溶地咁，唔似一塊完整既片狀鵝肝，不過我都知$98 唔應該要求咁高，所以算啦。食落鵝肝雖然唔似香煎但味道都ok，反而個意大利飯就偏硬，仲好咸tim…Read More

行行下行街，見到lady m，因為好耐冇食，難免有點口痕，最後同友人決定入店內食返個久違既千層蛋糕。我試過幾隻唔同味既千層蛋糕，始終覺得原味最好食，所以叫了一件原味$68，而友人因為鐘意抹茶，所以叫了一件抹茶千層蛋糕$75。雖然一件蛋糕$68黎講真係有d 貴，但呢到既千層蛋糕真係好好食，每一層薄薄既班戟都塗滿了香濃既cream，食落口感豐富，而且賣相都好吸引。友人既抹茶千層蛋糕亦有好濃既抹茶味，佢亦大讚好食，蛋糕上面仲有好多抺茶粉…Read More

難得放假，睇完沙田大英博物館後，決定去沙田市中心搵食。友人話有間茶餐廳食海南雞ok，於是過左去食。間茶餐廳因為位於舊式商場內，門面裝修比較簡陋，入面既食客睇落好多都係附近街坊。睇完menu 後決定食佢地出名既海南雞飯，因為我唔想食油飯，所以轉左白飯。另外個飯仲有中湯同熱飲菜蜜送，不過當我準備答好個陣，對面搭枱既哥仔指住杯菜蜜擰晒頭，細細聲話唔好飲，我即刻果斷加$6 換熱柚子蜜脱骨海南雞飯$57，雖然冇另外加$15 轉雞脾位，但都幾多肉，肉身唔算鞋，唔可以話好好食，但$57黎講算係咁，不過個白飯就真係唔夠熱，好似擺左好耐咁紫菜湯係送既，幾重胡椒味，紫菜都幾多，幾足料，免費黎講算唔錯。…Read More

放工想食下牛扒，於是約埋朋友黎到太古城既simplylife。黎到已經差唔多9點，可能時間晏關係，係店出面等左唔夠5分鐘已經有位一睇menu 已經好快決定左要食牛扒，所以叫左燒美國安格斯肉眼扒(10oz) $208，另外由於呢個唔係set dinner，於是加$30 飲品要左是日餐湯配汽水。甘筍湯感覺一般，似係粉溝出黎既，而且佢加左d cheese 落去飲落怪怪地，唔係好慣。法包乾身同硬，而且係凍既，個人比較鐘意熱同埋軟身既包，所以對佢個包興趣唔大。牛扒我叫左medium rare，賣相相當吸引，而且煎得幾好，肉質唔會因為太熟而過un，牛扒煎得黎有少少燶味，但又唔會令牛扒變得苦，火喉可謂岩岩好!…Read More

聽聞鴻師傅既叉燒都幾出名，今日行經東廣場，決定去會一會佢。鮑魚汁叉燒皇飯$53一個叉燒飯$53，係觀塘黎講其實都不算便宜，但如果好食，就叫貴得有道理。不過，鴻師傅呢個叉燒飯就真係貴得冇道理。首先，汁方面，雖然個名叫鮑魚汁叉燒飯，但完全食唔出有任何鮑魚味。其次，叉燒方面，通常半肥瘦就最好食，但鴻師傅既叉燒就全部都好瘦，唔講以為自己食緊煲湯個d 瘦肉，瘦得黎仲要冇乜叉燒香味，剩係得個硬字，以後都唔會再幫襯。…Read More

最近有d 想食泰國菜，上網search 後發現呢間餐廳comment 唔錯，價錢亦唔會太貴，決定黎試一試。食得泰國菜一定要試下泰式生蝦。呢間餐廳相當衛生，蝦下面既冰會用保鮮紙包住，令d 冰能夠幫生蝦保鮮得黎又唔怕融冰影響到蝦既新鮮度而蝦本身亦很新鮮，咬落爽口鮮甜，配上蒜蓉汁食很開胃。另外菠蘿海鮮炒飯亦份量十足，炒飯內有很多配料，如三色豆、腰果、提子乾、蝦、魷魚、肉鬆、菠蘿等，口感相當豐富，而且亦很香口最後我地仲叫左個黃咖喱炒蜆，黃咖喱汁好好味，完全唔辣，多左既汁仲可以用來撈飯蜆方面雖然唔係話特別新鮮，但勝在冇乜沙。…Read More

係中環上完堂，見lunch hour 周圍既餐廳都好多人，行經翠華見入面有位就決定入去食。呢間翠華面積相當大，而且有兩層，可容納大量食客。坐底後，發現選擇困難症開始發作，因為翠華本menu 都幾厚下，有很多食物款式供人選擇。最後因為荷包瘦削，決定選較便宜的順德魚腐米線$36。呢碗米線食落有驚喜，雖然先$36，但魚腐都幾多同幾大粒，味道亦相當好。米線方面都好幼滑，即使浸得耐亦唔會發漲!另外佢既湯亦都好好味，$36 黎講簡直平靚正!…Read More

夏日熱辣辣，最岩就係食冷烏冬消消暑。係朋友介紹下黎到鰹烏冬，試一試佢既手打烏冬。店鋪雖然位於觀塘工廈樓上鋪，但依然有好多客來幫襯，好彩黎得早，否則又要等位。睇完menu 後，我揀左冷海苔烏冬配味噌焗鯖魚$77雖然烏冬都變了綠色，但其實海苔味只是淡淡的，沾上冷冷的醬汁後，清甜的醬油味甚至連海苔味都覆蓋了，吃下去的冷烏冬慢慢隨著喉嚨向下滑，頓感涼快。至於鯖魚則烤得香脆，沾上一點檸檬汁，令魚的鮮味更加突出，更好吃!不過食鯖魚真係要小心有骨，朋友吃得一時忘形，差點比魚骨哽親…Read More

記得第一次食outback個陣，係因為黑糖包而鐘意左呢間餐廳。隔左年幾，突然又想食扒，於是約埋朋友黎食。黎到只見門外已有一條小人龍，好彩我地book 左枱，否則應該有排等。黎得outback 一定要試佢既黑糖包，鬆軟而帶有甜味既黑糖包沾埋cream 一齊食真係冇得頂食完覺得唔夠喉仲可以叫staff 黎多round tim，但因為我地叫得多野食，費事眼闊肚窄，所以最後都冇refill 到黑糖包。首先我地叫左蟹肉釀蘑菇$82，睇menu 個陣以為係大啡菇，但原來係普通蘑菇，見到個下有d 失望雖然蟹肉就唔係好食得出，不過食落都幾juicy。之後叫左燒雞肉芝士夾餅$118，都幾足料，夾餅內有好多芝士同雞肉，鐘意芝士既朋友可以一試。最後叫左medium rare 既紐約牛扒，有兩款配菜可以揀，我揀左焗薯仔同炒飯，但個人不建議揀炒飯，因為味道一般，冇乜味。而焗薯仔就不過不失。至於牛扒方面，雖然揀左medium rare，但肉質依然過硬，同埋牛扒亦缺少了應有既牛味因為水準欠佳，短期內都唔會係呢間餐廳食牛扒。…Read More

happy friday 決定lunch 同同事去食西餐happy 下。最後我地決定去食蘇豪東既salted pig。因為驚去到人多，所以lunch time 一到就拿拿聲飛的過去，唔怕冇位。雖然呢間餐廳出名食德國咸豬手，但鐘意食牛既我睇完set lunch menu，最後都係揀左炭燒美國西冷牛扒(8oz) $168是日餐湯係烤甘筍薑湯飲落幾清甜，薑味又唔會太濃，另外個包亦烤得香脆。過左大約10 分鐘，牛扒亦隨即趕到。由於我揀左medium rare，所以覺得牛扒煎得岩岩好，食落唔會過生或過熟，牛扒質素亦不錯另外，佢既薯菜亦好食，配上醬汁味道一流，份量亦岩岩好，食完剛好飽!…Read More

行經中環，咁岩撞正lunch time，見到呢間台灣餐廳幾清靜，決定入去試試。lunch menu 款式唔多，最後決定試原條蒲燒鰻魚飯($138)雖然餐廳內冇乜客人，但可能燒鰻魚需要既時間比較耐既關係，我等左差唔多成30分鐘先有得食。lunch set 鰻魚飯包埋沙律同湯，沙律菜同蕃茄仔都幾新鮮，但湯就嫌佢太淡味，好似飲水咁。至於鰻魚飯方面，鰻魚本身夠肥同厚身，而且燒得岩岩好，唔會過火，配埋燒汁食，口感一流…Read More

突然想食拉面，於是約埋友人黎到一蘭。一如竟往，雖然已經9點多，但依然要排隊。排隊期間，店員會每人派發一張落單紙，等客人一坐埋位就可以點餐，加快速度口味濃淡: 濃味油膩度: 普通蒜泥: 1/2份蔥: 無叉燒: 有赤紅秘製醬汁: 1/2 倍 面硬度: 超軟$95比左點餐紙後過左大約10分鐘，店員就將熱辣辣的拉面呈在眼前。由於揀左普通油膩度，所以湯面既油唔會太多。而濃郁既豬骨湯配上秘製醬汁(少少辣) 令到碗拉面既味道昇華左不少，甚至會愈食愈開胃雖然一碗拉面黎講$95 並不算便宜，但值得一試!…Read More

難得同朋友見面，食完飯當然想傾多陣計，咁岩大家都想食中式糖水，於是決定入呢間糖水鋪坐陣。相信呢間糖水鋪都幾出名，因為一入店內已坐滿好多人，其間陣陣薑味撲鼻而來，我同友人等左大約15分鐘終於有位。只見餐牌上款式繁多，最後我揀了熱冰糖燉木瓜($22)，打算潤一潤喉。店內員工手腳都幾快手，等左一陣糖水已經到。糖水碗因為高身關係，份量比想像中多。味道方面，個人覺得冰糖落唔夠，甜度差了一點，令糖水食落淡味。不過對於鐘意少甜的人士來說，可能是不錯的選擇。…Read More