sophiayi's Profile

星期日隨意在鰂魚涌選了一間茶餐廳以為很多在太古坊工作的人都光顧過應該會有信心保證況且也算是連鎖式怎料。。。一開始落錯單2個茶餐落咗1個茶餐＋3杯飲品（員工用好輕挑嘅語氣話落錯單）到落啱單雞脾黎到切開係生肉黎（好快比人收走影唔切相）另一員工講做咩阿？生得濟阿？我忍唔住覆一句原來雞脾可以生食？咁你食咗佢而家唔係食牛喎點解佢好似覺得我地嫌棄雞肉生得濟？最後成條街好多茶餐廳真係唔需要特登比貴啲嘅價錢去食間咁嘅野仲要有分店行前2步食『旺xxx』或『樓xxx』或其他仲好，價錢同食物質素都好過呢間好多！！！！！！！！！！…Read More

其實我好少寫食評，但忍唔住些牙真實情況比大家知。🤷🏻‍♀️同樣係IFC，我首推『唐_』，『國_軒』就普普通通。回歸正題，間舖頭係連卡佛入面，基本上經過『唐_』，『國_軒』望住連卡佛行入去望住右邊就會見到，唔識到時再問人。😂舖頭極細，食客很多，所以勁嘈，唯獨去商場洗手間極近。🤦🏻‍♀️如果坐近連卡佛果邊有好有唔好。好嘅係你會覺得涼少少，但夏天去其實都唔夠。唔好嘅係，你唔會有望到所謂嘅維港view，除非你一直起身去望。🙃但如果坐靠近窗口/outdoor果邊，都係有好有唔好。我唔肯定果日係我黑仔定點，係坐到張望到維港嘅枱，但係真係熱到懷疑人生，係《無冷氣》嘅。得2部坐地冷風機但吹唔到我地果邊，啲『_國』食客又成日開門走出outdoor影維港大媽照。🌡️☀️🌞🔥食物質素無可否認係賣相係靚嘅，適合打卡，但口感味道好一般，同普通連鎖式酒樓差不多，但價錢差很多。茶位25蚊一位未加一，但絕對係茶包黎。🤦🏻‍♀️Book咗位如果你早到，記得拎飛排隊，時間到先會比你入去。🌚點心啲野幾乎係無一樣野係熱嘅。🌬️果日去到外國人、韓國人、_國人多過香港人，好多人幫襯，一枱食完好快又有下一輪。⭐8樣點心加一加茶錢，好似係8百幾蚊落樓。…Read More

呢個好似係我第一次係openrice開嘅post。因爲真係忍唔住想分享比大家。我記得幾年前特登由港島入元朗，就係想試下B仔同永年，但見到永年排哂隊，無反一頭半個鐘都唔洗旨意食，所以當時無食到......直到今日適逢單身狗的日子，就決定去試下，都幾多人食但好彩唔洗排隊。43蚊3餸加粉麵叫咗菜芯＋韮菜餃＋蟹籽丸米粉，唔辣啲菜芯好硬，不過預咗；韮菜餃，係灣仔碼頭，又預咗。個湯底OK ge, 完。等我差不多食哂嘅時候，得反細半碗，就發現咗一樣唔係食物嘅野 （可能係食得）即係昆蟲，仲要唔係蚊唔係蟻果種。難怪我覺得個湯底ok可能好補🤔食完之後，覺得我不如比同樣價錢去食同區嘅榮x，果邊好過呢度大概20倍。不過咁，可能純粹因爲我無點佢嘅招牌餸啦，謝謝各位。…Read More