eatfoodbroke's Profile

心血來潮想鋸扒靈機醒起屯門有金鳳食想當年我第一次食，都係一個十幾歲中學生，同幾個女仔一齊等位，嗰陣已經要等位，幾巴閉！而家金鳳愈開愈多，係方便左的星期六既六點半，門口都叫到幾枱人等緊，今時今日，咁既情況好難得但就搞到我地要分枱坐其實我好鍾意港式餐廳既餐包，平時都習慣左會上餐包餐湯，所以有d情懷真係唔可以無的！我叫左鴛鴦扒餐，加蒜！雞扒好好好味，豬扒好大份，個鐵扒根本就唔夠大，所以淋汁嗰陣漏左d出黎！好彩無加白飯，一定食唔晒！下次都係搵平日夜晚黎食先！…Read More

雖然中秋臨近，但天氣未轉涼，不過開住冷氣打邊爐是常識吧！近近地，係屋企附近既半島漁港食晚餐，半島又大又乾淨，坐得舒服先可以慢慢食！除左近，揀呢間酒樓原因係有海鮮拼盤，重申，作為海鮮控，真係加分！幾款海鮮，唔洗自己揀，拎，劏同洗，有時師奶都想偷下懶架嘛！驚喜係有爆膏蝦！！湯底揀左皮蛋莞茜，其實有龍蝦湯底，不過忍左手，費時痛風上菜嗰陣送埋蠔皇鮑魚扣鵝掌，賣相唔錯！如果可以分開一人一碟咁上，會更好！仲有刺身，正！牛既脂肪連我唔食牛既人都覺得靚到不得了！隊友又可以獨享美食lu！！我以為無芝心丸，但我實在太天真，芝心丸係出面自助區，任拎，唔洗俾人限制住！自助區真心多野食，咩都要少少其實已經飽晒！希望快d轉涼，就更加有Feel啦！…Read More

平日晚上，晚飯過後，要滿足糖水胃！仁芝初舖位饒有味道，於是去幫襯下！還好稍候2-3分鐘，就可以入內點餐。每張桌子是400×400，配上圓木椅，用盡每吋空間 -港式餐廳無誤！牆壁上貼著女偶像何佩的海報和頭像，顧客群以年輕人為主-旺角無誤！店務員在窄小通道中穿梭、人手下單、收拾碗筷、領位。香港節奏無誤紅豆沙、綠豆沙、楊枝甘露、蛋白杏仁茶，沒有花枝招展的配搭。吃的是最熟悉的糖水味道，感受到的是最懷念的味道！…Read More

上次返大陸食雞煲，真心無下次，排得耐，d雞又瘦！決定要留港消費!明智決定！13年既寶寶雞煲新址重開，要捧場！講講環境先，冷氣夠凍，而且唔會嘈到要大叫先傾到偈，可以悠閒地食！2人枱唔大張但有架3層車仔放食物，所以空間係夠用的。係等雞煲既過程食左炸魚蛋，大大粒，好彈牙我地揀左奇味雞煲加崩沙魚肚同豬腸，超級入味，微辣好惹味，係停唔到咁食，我同阿佬連青椒同菜都食埋。火鍋食材基本上全部都好新鮮！黑豚肉係薄切，而且肉味好濃郁，連白菜仔都要讚，我偷聽到隔離枱都盛讚白菜仔好甜！但唔該，粟米都好甜。魷魚切既大細可以食到彈牙厚肉，又唔會唔大件，唔係求其切完就上枱。力推手打蝦丸，成粒PingPong咁大咁彈，真材實料！飽肚系列其實係想叫晒，但奈何眼闊肚窄，最後叫左韓國薯仔麵。孤陋寡聞，望落似公仔麵，但食落又有薯仔麵，都埋口感都彈牙，已經準備好去超市入貨！阿佬知我唔食牛肉，永遠將牛肉放到最後，2個人相處就係咁，互相遷就配合！言歸正傳，牛肉應該係手切牛，阿佬話牛多汁有鮮味！牛丸食得出係手打，口感唔係死實實，即係彈牙！成餐飯隔離枱不停話好新鮮好好味，雖然煩，但確實係事實！意外收穫係試左艾丁格小麥啤酒，幾好飲！連2枝啤酒都肯俾冰桶，抵讚…Read More

同男朋友仔無見4日，如隔十年，就算忙，都要搵佢食飯，2個海鮮怪去唔到大牌檔食海鮮，但都決定係茶樓叫海鮮二人餐！首先，以茶樓黎講環境滿分，好濶落，光猛乾淨，連茶杯都靚過人。食物上菜好快，第一碟係燒鵝拼叉燒，勁lucky,有鵝髀食！主食係龍蝦伊麵，足料，啖啖肉，個伊麵吸晒上湯既味，真係唔比海鮮餐廳失色！份量絕對不只2人，最後食唔晒，好可惜元貝大粒好味，蒜同粉絲比例都OK，2個人差d連汁都食埋！和對的人在對的地方吃對的食物滿心滿足！…Read More

幫襯左Dineland幾次，記得第一次黎，行左一個圈都未搵到間餐廳，但其實唔難搵，係寶怡花園對面就係，成個環境都好chill,落地玻璃，就算隔離係條路都有feel,但通常都會被人坐左，好搶手。食物方面，即使午市，都有生蠔加配，$24有2隻，新鮮已經抵讚!麵包控超喜歡佢地既餐包，暖住上枱，配牛油，唔太甜，又軟熟!午市主菜最推介係黑松露蟹肉野菌意大利飯，味道濃郁但又唔膩，蟹肉份量好多，基本上每啖都食到蟹肉!飲品就次次都叫奶蓋烏龍草莓，台飲對我影響太深😅餐廳服務又好，態度好nice,但最大既問題係油煙，好彩樓低高，唔會話成身味咁就走出去同埋記得預鬆時間，就算唔洗等位，本來小店都咩係自己整，慢工出細火…Read More

魚怪前一日自己煎完魚，又心思思想食魚，見到依間新開嘅川菜，就抱住試一試嘅心態。一入餐廳，環境唔錯，乾淨整潔，坐得都舒服，張枱大張，呢樣緊要，唔會無位放食物，好易倒瀉。服務員好熱情，會主動推薦新品，見到無水都會主動幫手添水。兩個人食，叫作豬肚、砵砵雞同酸菜魚，酸菜魚入味，滑身是常識吧！同埋唔會一夾就散，有配豆腐金菇，再追加寬粉，湯好送飯，砵砵雞有驚喜，爽口入味，藤椒味特別推薦，可能係第一次食，入口冰陣陣好特別。香味足，豬肚都爽口，蒜頭同香菜嘅香味好濃，好開胃…Read More

復活啦！男朋友仔好興奮咁話篤篤車係旺角開返舖啦！星期日興高采烈咁去幫襯，試下有無分別先新裝修都係行簡潔路線，d裝修有少少泰風。餐單大同小異，係飲品選擇少左d。味道方面，保持到水準，但湯底個配料望落少左d野，不過味道唔係差好遠腐乳生菜個人認為非常好食!但始終新舖，好多野都有進步既空間清湯俾左辣，但馬上主動幫手再整過無糖可樂唔記得上，提佢上，變左俾original 可樂係旺角鬧市做車仔麵，有危有機，住大西北既我地無可能好似以前咁，一個月黎食幾次，anyway希望篤篤車生意興隆!…Read More

元朗好多野食，但會令我食完又食既餐廳其實一隻手數得晒。今次要介紹既係chef's movement，已經幫襯左2年幾，我地叫佢做美國隊長，因為佢裝修好統一，連牆身都係有花心思，傢俬都有配合主題，就算坐樓梯底，都覺得自己似入左間主題房咁。食物方面，我最愛係燕麥多士，其次係牛角包，egg benedict係抵食，但英式鬆餅比較難切，所以少叫d。每次黎都會估下時令生果係咩，同常都唔同，蜜瓜，橙，西瓜，每次既小驚喜。我地另外會再叫炸魚柳，手掌咁長既魚柳，咬落去啖啖肉，炸粉唔薄唔厚，唔會太油膩，或者食粉多過食魚肉。價錢方面，大約$45一份早餐，加$20一杯飲品，性價比超高!!黎過咁多次，每次都見到唔同人，有一家大細、有行山人士，有良朋知己，地方細，傾偈大聲少少都會俾人聽到，呢樣係美中不足既地方。…Read More

聽講屯門泳池開左好多間餐廳，趁假期，就拜訪一下。結果係芸芸咁多間餐廳入面揀左peloton。首先係要留電話，等電話，本來都幾好，可以周圍行下，但問題係附近無乜野行😅結果等5張枱等左10個字左右已經係等既過程睇埋menu,入去即叫。然後等野食既10-15分鐘左右，望下間舖既裝修，好令人疑惑，因為似係有主題，但除左一個角之外有單車，背包，完全感受唔到其他氣氛，但呢d唔重要😅講返野食先講虎蝦意粉，重口味既人一定鐘意，因為啖啖都係醬既味道，咩蝦同蟹肉基本上都係食質感。另外仲有賣相十分不錯既牛油果burger,薯條係幾好食的，但個burger不停食到d筋/骨，可以慢慢食，小心食。就算一個人黎都唔需要擔心寂寞，因為一路食，一路有蚊係你身邊陪你食!…Read More

第一次晚餐食篤篤車，同時係最後一次係元朗食篤篤車。話說男朋友仔係篤篤車fans,又初認識到而家話要結業，連我都有d傷感。希望日後有機會再見。芸芸食肆中，篤篤車可以令奄尖男友不停回頭，食物質素一定有返咁上下。首先，佢並不是普通港式車仔麵，佢係做泰式車仔麵，湯底有冬蔭功湯或者泰國鱷魚湯，出面唔係到到有。小食方面，有泰式鳳爪，馬拉盞炒菜。我今次叫左泰式炸雞翼，雞翼超脆，熱辣辣，無揸流攤。原來我自己都認識左篤篤車2年幾，雖然無男友咁癲，每個星期食(仲試過為左食篤篤車，同我分開食下午茶)，但當存在成為習慣，離開便會不捨。期待未來再見!…Read More

是日晚餐，我點左幾樣我日常會叫同埋如一餐廳的招牌菜：第一樣鹹蛋黃蝦球：鹹蛋黃嘅分布好平均，係完全成隻蝦都包住晒鹹蛋黃， 食落仲要好脆口。 啫啫蝦醬唐生菜: 蝦醬與生菜既配搭，我是第一次吃， 平時都係食開蠔油生菜。 出奇地match, 蝦醬嘅鮮味配上生日， 為平平無奇既生菜增添了一點色彩。 欖角骨： 完全係餐廳既招牌， 本人第一次食， 欖角整既排骨， 味道超正， 下飯一流！ 推薦各位食下。 薑蔥煙肉焗生蠔： 生蠔好新鮮， 焗完出黎唔食好乾食， 仲有水份鎖住到係入面。 杏汁花膠白肺湯： 好補好好飲既白肺湯， 仲要有花膠熬製，膠原蛋白提升。…Read More

lunch hour本來都預左要等位。雖然有book定，但都等左陣。明明係一間文青cafe,但座落係工廠區，環境唔太chill,但食物的確唔錯。餐廳有一半用左黎做廚房，得7張枱，但咁更加可以有快既出品!叫左燒春雞配炸蕃薯條，燒春雞唔老，好juicy，每啖都好享受。炸蕃薯條雖然好味，但如果改烤就可以更加食得出佢既味道。飲品叫左matcha latte,其實係因為為靚所以叫，味道濃郁，岩晒抹茶控!唯一缺點係擠迫環境，但大概呢個係香港大部分餐廳所面對既問題，尤其係工廠區，係lunch hour可以做多轉得一轉。…Read More

炎夏初至，食飽黎到石門都要搵地方坐坐涼冷氣。見到呢間小店有芋圓，雙眼發光，睇menu見到可以有好多組合，已預知都係將不關連既甜品放係一碟，滿足客人雙拼什至三併既願望。一枱三人巧合地都叫左芋圓，我見左黑糖仙草芋圓。名符其實，好甜，唔知係補甜搶走芋圓味，定芋圓唔夠味。另一款係豆腐芋圓，朋友勉強食晒芋圓，但實在無法完成豆腐，可幸係尚算夠凍，夏天食都岩!最仲椰子西米芋圓，椰汁俾得夠大方，應該係好事啦！menu見到有炸芋圓，如果有下次，可能都會試既!…Read More

班同事日見夜見都見唔夠，收工都話要一齊食，最後就選擇左食放題本來都唔係高期望雖然多人，我地又臨時決定，所以無提早訂位，但係都好快可以入座試下最喜愛既甜蝦，擺盤靚!食落又有鮮味!不過油甘魚真係油左d羊鞍肥瘦適中，仲有燒菠蘿，水泡魚，水準以上甜品有馬卡龍，焦糖布甸，movenpick同Hagan daz雪糕，我唔記得帶第二個胃黎，後悔!睇下有咩飲品先!無睇錯!竟然有梅酒同清酒，肥都係留返下次先減!同事話牛舌好味，我就無機會試啦！人均消費都係320有找，性價比真係超級高!下次一定會再黎!!…Read More