SydneySo20's Profile

由榕樹灣行到索罟灣，見到有幾間海鮮酒家，搏一搏食吓地道海鮮，就試吓呢間海鮮酒家，老闆話開咗好多年了，食一個套餐，送炒蜆，清潔得幾好，沒有食到砂粒，好欣賞條蒸魚，夠新鮮蒸得剛剛好，蝦新鮮，元配好大粒，配料也很多，又有楊州炒飯，味道唔錯，又有菜，送兩個飲品，四百幾蚊，沒有+1服務費，非常之抵食，而且老闆好有禮貌，整咗張海邊的枱給我們，個廁所非常清潔，有別於一般海鮮酒家的廁所，絕對值得再去食多一次，近碼頭， 2分鐘行到去。…Read More

叫咗2個午餐，一個炸魚蝦沙律，一個芝士肉醬意粉， 個炸魚好新鮮，包兩隻炸蝦，沙律份量豐富，芝士肉醬意粉，味道剛剛好，而且好大碟。仲包兩個湯，叫埋特飲，兩杯雜果冰，啲雜果有一半杯，唔使加錢，又冇加一 ，呢個價錢，大家X都做唔到！懷舊餐廳，餐具足夠，調味料齊全，張枱有磨樽形的胡椒粒！侍應服務態度好好，我哋倒瀉咗個湯，即刻有兩個人過嚟幫手清理，仲問你有冇整親，不時會走過來問你叫咗嘢飲未，加油加油，會再嚟幫襯！…Read More

個午餐真係好好食，價錢合理，沙嗲串燒好正，個醬汁野味，主菜沙律好豐富，雞肉調校味道一流，雞肉又唔會韌，好食，甜品crème brûlée 好美味，服務亦都好好，值得推介。個裝修都好靚，中國風，環境清靜。…Read More

Good good with reasonable price. 豬扒法包，蜜糖芥辣，好少喺其他地方可以食到，仲有個雪糕和月餅 tea set , 幾好食，價錢唔貴，值得再試。而且環境唔錯，寬敞和寧靜。…Read More

今晚和朋友到這裏，點了一個香草炒大蝦意大利意粉，這個真的很好味，而且很大分量，朋友點了一個牛尾燴意大利飯，朋友說牛尾很入味，這裏環境也非常整理和幽靜，是吹水的理想地方 。…Read More

每次去都有驚喜，今次午餐煎魚整得好靚而且又好味，甜品也非常精緻，有貓貓的圖案，價錢好合理，下次會再嚟。不過如果能夠整多啲特色的飲品和三文治，下午茶來坐下都非常好，因為環境清幽，地方清潔又大又幾靚。…Read More

喜歡這間老牌小店的雲吞麵，越來越少有了，非常彈牙爽口，又少鹼水味，魚蛋麵也有魚味。牛什粉麵也好好吃，要支持下小店，因為真是買少見少，喜歡入邊那隻好可愛的店長貓，知道店一定沒有老鼠橫行的。 …Read More