Gabriel_cl's Profile

食完飯，響太安樓附近無理由唔行下既。珍竹珠奶茶一直都係我既至愛。響太安樓入面，你可以揾到好多飲品舖，奶茶店。本來諗住貪方便買另一間伙拍炸物店既奶茶。一黎太多野要㨂，二黎位哥哥都好似做唔切。等左一陣，周圍望下就見到「茶角」喇！價錢同我本先想買既差唔多。所以就試下。芝士珍珠奶茶。已經變左紙飲筒。搖完之後唔會太咸或者無味！芝士味已經溶左入奶茶度。係可以望到既溶合。珍珠入口果下…… 嘩要即刻寫食評呀。驚自己唔記得。食過太多太粉既、一pat 野既！呢杯既珍珠係我至愛既煙靭感，微微既甜味。每一粒都要食下十多口都仲係好煙靭。完全唔想吞咗佢。超享受佢俾我咬既感覺。下次可以試下其他飲品。不過一定要有珠…Read More

黎到呢間私房菜。今日係黎開會既。其間有小食，咖啡，茶咁樣。本來諗住開完會就走喇！但係開會果陣一直聞到牛扒味！結果就俾佢吸引留低咯。雖然今日主打牛扒。但老細話佢地亦會做魚，雞，羊等菜式。今日既牛有不同部位。包括肉眼同西冷。由三成熟至七成熟。如果想要全熟就怕且要去再煎一下。牛扒先煎後焗再煎香。想唔流口水都唔得。頭盤仲有芝士夾麵包食。臨走果陣見到呢個甜品。本來以為係朱古力。原來係紅酒沉既梨，加上忌廉，係比較清淡既口味。如果忌廉可以甜多小小就更好了。…Read More

望到下午茶時間係兩點半開始就知道呢間餐廳係比較繁忙既。入座既時候好好彩仲有對外開放位。餐廳講明可以帶寵物。我都見到有寵物同主人一齊。唔知係商場規定還是餐廳，再或係主人廢事整污糟地方。兩隻狗狗都有包尿片。一入去就好想打卡。好多熊仔，有大有細。每張枱都有一隻細既。即刻攬住影下相先。下午餐有疏乎厘，同朋友一人叫咗一個，套餐包一杯嘢飲有咖啡或者檸檬茶，如果四隻飲品都唔啱的話就要+$28或者$32叫其他嘢飲。我個餐係伯爵茶味嘅疏乎厘，伯爵茶主要係淋響上邊嘅醬汁，疏乎厘好有空氣嘅感覺，入口即溶，仲有其他配搭包括一塊小朱古力。埋單每人$75都好抵，下次可以試吓午餐或者晚餐。…Read More

閒日黎到呢度，打電話果陣都話基本上星期一至四唔會限時。結果真係舒舒服服既。坐低等朋友果20分鐘都無追過我地。點野食有樣唔好就係要全部人㨂同一個餐。同埋除左餐基本上係無其他小食既。啤酒有兩款。涼茶有兩三款。再加d 汽水添！坐低就有湯飲！足料既湯。連舊豬肉都好有味！仲有兩隻雞腳添。我哋叫龍蝦餐，$259一位。唔算大隻，但連埋金蒜蒸超正。仲有膏添。鮑魚㨂左果皮蒸，算大隻既！配蘿蔔，正常就唔會同時間熟既，應該之前蒸完。有小小蘿蔔乾既感覺。蜆我地配左泰式醬，未上枱果陣都驚佢淋上面咁樣。原來佢放旁邊等大家自己點。辣得幾過癮既。全部大大隻又無沙，每人都有五六隻。蚌就真係細隻，如果唔係驚d 蠔好唔好就唔會㨂佢。豆豉蒸個味唔錯。剁椒蒸多寶魚。見就驚佢太滑唔啱食。第一次食又覺得幾好味喎。呢隻煮法真不錯😘蟶子爽口彈牙！可惜無得另外再叫。蝦就太細隻喇。我食左三四隻，每隻都有膏，講真，真係唔知要一隻大既還是幾隻細既好🤔臨尾加個八寶飯，自己㨂八種食材，牛舌陣味好rich. 魚仔同土魷令到個飯好野味，應該加潤腸既。萵苣同菇配入去又唔係咁出色喎。如果可以加多d 蔥同花生就更好飲晒啤酒埋單都只係$310 位。食海鮮食到呢個價真吸引。建議一至四過黎食。…Read More

約食晏當然早小小好啦！約左十二點真係啱，十二點九開始，餐廳就滿座了。我地到既時候兩位就俾二人枱。後來二人枱滿左，就兩位都可以坐四人枱，而唔需要搭枱。食物上枱有點慢！有可能人手不足！朋友既鰻魚飯到左成十分鐘我既刺身餐先到！好彩等我既朋友打開盒既一刻都見到煙漂出黎，（仲暖）$280 既刺身餐，本人覺得非常抵食。雖然平時見既海膽無咁深色，但無苦味，全鮮甜，有全蝦、整隻鮑魚！吞拿魚佢輕輕燒過，但有筋麻麻地。帶子唔係好甜。雖一唔明白既係，飯果方面，其實小小既酸味仲好食，唔明白點解要加飯素，味道太濃影響晒。餐廳供應茶或水，茶方面比較淡！而且都係人手唔夠，加水方面差小小。午市只有餐牌後面既追加小食。牆上面寫住果d 無供應（串燒，要晚市先有！甜品方面就無問喇）而朋友既鰻魚佈滿左飯盒，望落去都幾厚身。野食方面本人覺得五分環境方面，枱與枱之面窄左小小價錢吸引…Read More

食完午飯入西貢行吓，海旁嗰邊又真係幾多嘢睇，仲可以買下海鮮咁添。行完一個圈等啲午餐消化到咁上下，就搵咖啡廳坐吓，淨係飲咖啡又好似齋咗少少，所以搵一間有嘢食嘅。望到呢間啲窩夫又好似幾吸引喎，見兩點幾又冇咩人就入去坐。一邊大約有八張枱，計埋我哋都係得三枱客。叫咗美式咖啡，莫卡咖啡，之後就叫咗全份嘅窩夫。冇話過俾我地知要等幾耐。不過預佢即叫即整的話都要15至20分鐘，出到嚟都嚇咗一跳。份量好大，可以揀自己想要嘅果醬！我哋揀咗雜莓，佢仲有一球雪糕（芒果味，冇問過我哋亦都唔知有冇得揀）同埋少少生果（奇異果，蘋果同香蕉）份窩夫好味摩卡咖啡亦都好味。舖頭淨係收現金或者EPS ！係冇諗過原來有收加一，呢部份失望咗少少。見佢係賣果醬嘅就專登買一樽返屋企試吓。服務方面2分只是因為沒有什麼服務的。…Read More

兩點幾去到附近揾野食。行下又望下餐牌咁樣。望到呢間話午餐做緊推廣有買一送一咁樣，而且野又啱食。所以就入去試下。平時見佢晚市都有其他優惠既。但無諗過有買一送一。於是入去叫兩個餐！啤酒都仲Happy Hour 添！種類幾多既。而且大約$50 一杯！餐廳都冷清既，可能過左午餐時間啦！話晒都14:30 喇！得我地同另一枱！個餐有三個course. 先黎頭盤，可以㨂湯既！不過都係想要呢個凍肉多d. 然後就係主菜，我㨂左青口，佢煮得好滑，呢間餐廳都主打青口既。睇主餐牌會見到佢有成五隻唔同味既方法煮青口。呢個午市就係女house cooking style. 主要食到忌廉味，可能我鍾意蒜味，所以覺得佢加返小小蒜味會好好多。而且呢隻青口係中間有一小束毛果隻，所以都要花時間除毛。配上薯條都比唔上塊酸菌包。堅好味！呢個時候就覺得個汁唔夠濃喇。另一個主菜就係火雞，應返佢既聖誕主題！而且顏色豐富。配上紫薯小甜，唔會搶走左多肉汁既火雞，廚師真係煮得好好火喉。甜品就有呢個！唔太甜而且好多果仁。或者你可以㨂咖啡。但原來佢本身既咖啡只係俾糖，如果想要奶就要問佢拎喇。清潔度就真係唔知喇！叫啤酒既時候，侍應好好咁幫你倒，但竟然俾我地見到有水響水杯度。同佢講佢竟然話佢洗完隻杯先拎出黎，但唔洗抺既咩？佢好意思繼續倒俾我地！我諗佢地無咩客係有原因既。…Read More

朋友來港住金鐘，就揾下附近有咩食。結果佢㨂左呢間韓國野，主打燒烤。用OpenRice 訂座。好快有覆到，之後當日仲有打電話黎確認。入座後無限時，本人認為係行高級的餐廳必須的。唔太肚餓本來想叫一個餐再加野食。點知原來至小要兩位起。呢度係有失望既。因為想食下海鮮類，但依家唯有凈食燒烤卜啦。最終朋友想食多啲牛，就叫左$780位既餐。成個餐既餐牌只需要響主菜度㨂湯同炒飯。坐低後就問我地想要氣泡水還是普通水。蓋起燒烤爐就先上小食。但無咩特別，牙菜小食有蝦，不過淡淡的。泡菜應該是最好味的了。還有蘿白乾，海草以及菠菜（小有地無麻油味）然後上生牛肉他他，先俾相機食先，然後就有員工幫我地攪拌好再分俾我地享用。當呢d 都食完，就上燒烤肉了。員工有問我地洗唔洗佢地幫我地燒。有專業的當然等佢地燒啦。個人認為牛舌好滑。但就唔鍾意熟成牛扒喇！正如藍芝士一樣，有人鍾意有人討厭啫。反而兩塊豬腩肉不錯。燒完後唔覺果陣油膩。燒烤配既生典唔夠，要力廿錢添加！原來佢地燒肉係唔配生蒜既，如果真係同韓國朋友去，就應該會俾人話唔正宗喇。不過加錢係可以既！主菜係和牛炒飯。其實只係燒左薄薄既和牛，伴上雞蛋黃同白飯。薄薄既和牛甜甜地加上雞蛋黃。又真係可以食到成碗飯。我㨂左海鮮湯。無乜特別！食物方面真係好好！價錢亦唔算貴。門口放住熟成牛，斧頭扒咁。都好吸引。餐廳偏暗，但二至四人食都應該覺得舒服。空間夠大。但服務方面就一般。我可以講廣東話，朋友英文。佢地就只對住我講廣東話。但其實唔係外地黎既先應該對佢地好d 咩？小食方面其實只想添加一樣。結果全部都拎過黎。好係好，但食唔晒就浪費啦！主菜得兩樣。一人㨂一樣。結果初初黎果陣變左兩個炒飯（應該係無人會㨂海鮮湯既關係啩）用OpenRice 訂座可以八折。點知埋單果陣無俾！記住要check 單啊。…Read More

約九點食早餐，但係八點半就到。成個商場無乜幾間開咁早。本來約另一間，但見到呢兩間既價錢差唔多，反正又揾唔到另一間就試下呢間。企響門口既時間係唔知到底點樣點餐既。唔知係坐低先？自己揾位？直至我同朋友行入去，就有人招呼喇。佢放低餐牌話俾我地知邊度點餐。無店無加一。唔知係推廣期還是因為唔洗招呼？🤔初初成間舖睇落去得兩個人手。但上餐速度唔慢。本人點左雞扒奄列加mocha. 黎到真係好大份。而塊雞扒係捲着咗響蛋。食落去好腬嘅感覺唔知係因為有埋雞扒響入邊定係個餐太大份？ mocha 凈係飲到朱古力味。唔覺得有咖啡味。由於想飲大杯，所以響餐度轉左大杯，但原來唔係補差額（因為餐本身包一杯正常大小既飲品）加左$16。朋友叫左牛油果蕃茄意大利包，同樣係太大份食唔晒。$70-$90 既價錢，有呢個份量都物有所值既。新開張，門面頭頂得d logo, 右邊有店名。如果餐牌上都有，就容易d 話俾朋友知去邊間喇。早餐質素ok, 可以再試…Read More

家陣真係得返唔係好多大排檔，呢幾次食既都係響深水埗。由於無一間就小一間，食到就食喇。朋友走得一個又一個。約埋食飯既時間又真係唔太多。今日七個人結果叫左13個餸，真係搓晒肚走。中菜真係無咩色水，唔係黃就係啡咁樣。顏色唔靚唔代表唔好食。仲食左好多屋企唔會整，出街又未必食得到既野。薑蔥霸王雞，d 肉好滑，好似啱啱浸熟咁樣。而且唔見有血水響骨度。薯仔牛柳粒，d 薯仔好甜呀！牛柳亦都好焾。唔洗叫飯可以凈食。不嬲唔係好食魚既我，見d 人咁鍾意食魚皮就去試下！好爽口，無腥味，唔講係魚都唔知係魚，點下豉油就已經好好味喇！豉油皇鵝腸，爽口，豉油味夠，加上有勁多既芽菜。爽加爽！薑蔥生蠔，筒蠔黎既，所以一人唔夠一隻！但就大大隻咁樣。再多d 蔥會好d 囉。煲類都係配菜最好食。豉油王煎蝦，脆就好脆喇。但就無味。無豉油味無咸味啫啫雞煲，呢個真係叫錯左，唔記得叫左成隻雞，應該凈叫啫啫豬膶，成煲得四塊豬膶，個個都想食，係自己失策。又浪費晒d 雞。北菇鵝掌，鵝掌爽呀，北菇夠厚。椒鹽鮮魷，可以再椒鹽d. 唔太油膩，好多肉，反而感覺唔夠魷魚鬚。鬼馬油條，估就估到係油炸鬼，但唔知佢夾咩野做餡。開估喇，係墨魚滑。配炸汁，甜甜酸酸咁樣。食既時候有難度，因為太大舊，好難一下放入口。焗魚腸，呢樣真係無試，朋友好鍾意食，而且唔係度度有得食。買魚腸返黎果d 工序，清潔要做得好足。蛋望落去有小小老身。但面頭就好似好脆咁樣。蝦子柚皮，聽就聽得多，食就第一次！芡汁係蠔油汁底，柚皮溶晒咁樣，冇匙羹就真係食唔到啦！淡淡蝦子響面，添加咗少少鹹味。如果餐廳嫌麻煩唔做就真係買少見少啦。最後當然要加個菜啦！馬拉盞炒通菜，無得再加相，咁呢張就唔放啦！雖然係星期六，但餐廳有好多鋪位，所以都冇趕客嘅感覺。飲埋啤酒汽水，差唔多坐咗兩個鐘先走。…Read More

黎到坑口村揾呢間餐廳都揾左一陣。佢位於大馬路既位，基本上沿住馬路就會揾到！地方不大，大約可以坐20 個人，今日我地到既時候只有我們一枱。周末都有做下午茶，包一杯伯爵茶，如想要其他飲品，平日會係半價，周末減$10。伯爵茶很香，不過我想飲cappuccino 多d. 叫左兩個餐，抹茶紅豆同埋Oreo, cream 就真係唔甜，食入口果下先有抹茶味，裝一豆味之後先出，底部係用牛角包夾成的，咸咸地同上面既料唔襯。唔知係餐廳自家製定係外面買牛角包再加工。用QR Code 落單，之後食完櫃枱俾錢！紙本餐牌無寫周末下午茶。但入到QR Code 落單就有。…Read More

本來訂左枱既，但朋友係咁遲，結果被取消了。最終變成walk in 客。坐低果下都仲有出返去既衝動，因為禮貌真係欠缺，或者因為只得兩個人響樓面負責帶位，出菜，同收銀。有㨂午餐，有㨂餐牌既。不過由於要手機點餐，餐牌上睇到既同QR Code 牌睇到既都有出入。可以問返侍應。兩個朋友㨂左黑毛豬。一個份餐黎到就咋咋聲咁樣。一個塊板靜到爆。結果要揾人換，但最初既反應就好似我地搞事咁。但一d 蒸氣都無，話晒都係豬，好難搞喎。好彩係兩個人都叫呢樣，而一個有蒸氣啫。（圖中就係無蒸氣果塊）我就叫左牛舌。牛舌厚身既，侍應介紹話本身已經熟既，只需要烤返熱就可以。結果我由佢上枱到我食晒，有牛舌都係得微暖啫。好彩我叫熟牛舌。好鍾意食熟蒜既我。到食完都係要食生蒜午市就真係唔貴既。$70-80 有一個餐。包飯，湯，沙律任飲任食。不過都係無下次喇。未入去就已經覺得好趕咁樣。成兩點先食，無咩客都勁唔耐煩。🤷🏻‍♀️…Read More

一直想打電話去訂位，但一直無人聽，試埋The Gulu 都係無反應！無計喇，唯有排隊食頭輪啦。四個人叫八個餸真係唔過份，凈食餸丫嘛。加左兩條單黎叫，都唔係等好耐，全程食左兩個鐘啦，完全無被人趕既感覺。唔想等位，真係要去食頭輪，如果唔係唔知要等幾耐。叫左小炒王，覺得海味唔夠啫。椒鹽九肚魚，以前食開既九肚魚咬落去有滑潺潺嘅感覺。但呢碟好乾身，卜卜脆。豉油王鵝腸，竟然覺得佢唔夠咸喎。鵝腸爽口既，夠晒多蔥。煲仔點都要叫既，叫左啫啫雞煲，d 雞唔會話得骨，豬肝切得薄，無乜彈牙感覺。配菜永遠係最正既。叫左避風塘炒蟹，一隻幾個分，有大隻同細隻㨂。夠晒辣呀頭輪都無晒蟶子，後尾先知佢細既賣晒，有大隻既。但聽到果陣已經太遲喇。叫左其他野咯。無蟶子就叫左蜆。豉椒炒蜆唔夠辣，硬係覺得呢d 要辣親個咀唇先過癮。最後加既兩碟又黎多個煲仔，今次啫啫田雞。真係好耐無食呢味喇！而且由細到大都係食田雞髀啫，夾牙厚肉炸大腸結尾。有乾晒身，又有肥膏響度。個人都係鍾意脆卜卜多d. ，有肥膏果d 我咬走左一半😜埋單每位$320 唔洗！可能因為無咩食海鮮！但依家出去食餐飯都差唔多啦。…Read More

坑口村開左呢間牛肉麵之後都未食過。見佢地開11 點就去試下。反正屋企人鍾意食粉麵！就去買黎做午餐。午市套餐無咩特別，而且外賣返屋企又唔洗要佢果杯餐飲。小食有8-10樣，但基本上都要加錢既。魚皮就唔洗。單叫兩碗麵，一碗元洲牛肉麵，一碗雙拼（可以響牛舌，牛肉，牛筋㨂）我㨂左牛舌牛筋，呢個精彩。麵有兩種，粗麵同幼麵！外賣盒已經分開左麵同湯（牛肉牛筋果d 就湯浸住，牛舌就放麵面）幼麵好淋無咬口，粗麵似人手拉既，會睇到粉頭，煙煙韌韌好好味！牛肉麵就有三舊肉。雙拼就有兩塊牛舌，三四條牛筋（呢個真抵仲只需要$60）藥材湯雖然唔知有咩料，但飲完好舒服！外賣唔要膠袋都收左$4，兩碗麵收$119 值得試，下次有時間再試埋佢地既小食。…Read More

位於灣仔/銅鑼灣中間既笑林寺，響南洋酒店附近。對面全都係賣燈的地方，基本上唔太多人。下午五點幾坐低，到六點鬆小小突然間佢地拉閘，嚇死！原來佢地last order 1800, 七點收鋪。其實咁晏就唔係咁想飲咖啡既，咁除左咖啡佢地有茶、果汁、熱朱古力。但最終見佢地連咖啡豆都有得㨂（巴西/埃塞俄比亞）就試下咖啡。叫左杯Cappuccino, 中文名叫化骨綿掌，基本上中文名同飲品係無關連既。純粹搞下笑嘅啫。裝修就無咩特別既，係杯咖啡用上功夫茶杯啫。仲要每杯有唔同既字，我既係國色天香。咁$40 一杯茶，同方間既基唔多。而且感覺relax 既。加上有野食，下次可以試下下午茶時間過黎。…Read More