breadyi's Profile

船麵癮又起，早前去Square Mile見到有間泰國餐廳食晏時間都幾多人網上又勁多好評應該唔差呱一坐低1分鐘都冇。。我媽都未睇清楚個餐牌，其中一位職員已經不斷問可以落單未唔緊要，我諗左嘛咁就同佢講豬肉船麵要金邊粉。👤要咩麵？👩🏻船麵金邊粉👤要咩麵？👩🏻船麵金邊粉👤米粉，河粉，金邊粉要咩啊？🤦🏻‍♀️心諗？？？？咪講左金邊粉囉👩🏻金邊粉！龍眼冰。唔該媽咪點左蟹炒飯但未諗到飲咩職員立即好似好唔耐煩咁 唔好意思。我哋再諗諗即時比番餐牌佢，但媽咪留左一張睇下飲咩之後佢幫我哋落完單我媽就話要凍檸茶走甜好野喎，位職員同佢同事傾完計本身好好笑容一聽到我哋轉個頭就叫野飲就秒黑面仲要黑面黎咁同我媽講咁比我（指比番張餐牌佢）飲品先上，好彩望一望其中一片檸檬邊好似藍芝士咁嘅色咁啱收銀個位職員經過所以同佢講，態度好好立即幫我哋換碗麵一上...唉..啲豬肉唔係肉片似係豬腳飯個啲頭頭尾尾肥個啲位置切落黎面頭勁多蒜頭油。。不論係泰國或香港嘅泰國餐廳（泰國人主理）都唔會有最基本泰國湯麵要有嘅調味料4寶係冇嘅炸豬皮似走左氣。。唯一讚嘅係啲金邊粉係新鮮夠彈牙蟹肉炒飯嘅蟹肉偏少 （面頭個青檸都乾到爭啲唧唔出汁...)..雖然相比之下係好食嘅。但都未去到話好食到會再回頭龍眼冰亦都係我飲過最唔夠味嘅。得個甜字🤦🏻‍♀️食食下職員叫隔離檯賣單。我都唔贊成係繁忙時間霸住人哋個位..但人哋都係啱啱食完。傾一陣計。。杯野飲都仲飲緊。。真係有咁趕咩🫨…Read More

行花市前係銅鑼灣搵野食，見到呢間新開嘅潮州餐廳見到有我細個時最鍾意食嘅紅桃粿，整體價錢合理就決定入去餐廳係用QR Code落單。紅桃粿係必點，最鍾意係糯米餡！潮興隆就係糯米餡入面有啲花生碎有啲芹菜少少麻油香，外皮煎得香脆，好味鹹蛋卷，食落應該有蕃薯泥包住鹹蛋鹹鹹甜甜咁幾得意潮式煎蠔餅！好好食！好耐冇搵到煮得咁香脆嘅煎蠔餅蠔仔新鮮，佢哋嘅魚露亦都唔係死鹹。點完之後更加鮮味珍珠蠔仔肉碎粥，勁足料好多粒蠔仔，仲有肉碎，方魚，魷魚乾，冬菇粒，芹菜，冬菜落左胡椒粉再好食啲清心丸又係好耐冇見過！即刻要一碗綠豆爽清甜，如果清心丸再煙韌啲就好喇鐵觀音好清香油柑汁微甜，清新絕對會再去…Read More

今日一早要出旺角，又有啲肚餓咁就行入新之城..由新之城去T.O.P 好多餐廳都未開落到foodcourt見到呢間炸雞店開左。印象中有人介紹過佢哋嘅炸雞好好食咁就試一試我見Menus寫兩件炸雞＋1款小菜。。但其實有咩小菜唔係太清楚問職員佢都冇回答..唔知係唔係因為我太細聲啦於是我換過條問題，可唔可以轉洋蔥圈啊（原來係要加3蚊，只怪自己冇睇清楚）加多個蘑菇飯到飲品我問職員有咩汽水。。因為望唔到佢部汽水機唔知有咩選擇佢就好快幫我篤左要可樂只於食物方面。。 Mushroom Gravy，個Gravy打破我對佢故有嘅認識又或者我孤陋寡聞。。我所認識嘅gravy係由肉汁同蔬菜煮成。。顏色就好似KFC個蘑菇或薯蓉汁或者再深色啲但呢間個汁好似泰式酸辣醬咁嘅色再加Cajun。。。個汁辣過兩件辣炸雞（唔記得影相）洋蔥圈還可以炸雞係有驚喜嘅，外賣番到屋企個外皮都係脆肉嫩多汁呢個值得一讚…Read More

今日去左南華會個邊咁啱屋企人又係銅鑼灣就約埋一齊係時代附近食晚餐見到呢間係百樂中心新開嘅日式丼飯就決定去試下成間餐廳用木系設計，可以選擇坐榻榻米或吧檯位置一坐低職員表示只要係上菜後50分鐘內埋單就有75折丼飯有4款熱，5款凍。屋企人要蒲燒鰻魚飯正當我諗緊揀拖羅定甲羅燒個陣，店員話拖羅轉左做黃金魷魚咁我就選擇左甲羅燒小食要大阪燒餃子，豆腐魚餅再加粒溫泉蛋蟹膏甲羅燒蟹籽三文魚籽丼飯搭配埋粟米，青瓜(好香麻油味再有少少麻醬)，中華沙律，蟹肉沙律蟹膏好香搭配所有伴菜口感豐富，味道好夠。唔需要加豉油或芥辣食到一半加埋溫泉蛋，可惜唔係用日本蛋亦冇咩蛋香味蒲燒鰻魚飯，屋企人覺得多少少鰻魚汁會再好啲鰻魚下嘅玉子燒好食小食方面豆腐魚餅好驚喜，外脆內軟。好香洋蔥同魷魚味最後食完所有野都係15分鐘輕輕鬆鬆就享有75折…Read More

最近係公司附近發現一間好有情調嘅餐廳拉埋男朋友去試下一入到餐廳就比近門口嘅大玫瑰同白色鋼琴吸引場內以紅色怖置為主播住柔和嘅爵士樂，非常適合約會談心Set Dinner 788另收加一麵包配有黑松露牛油同豬肉牛油（一開始以為係吞拿魚）但職員話係豬肉用Brandy浸左一晚Starter - 季節時令生蠔 生蠔飽滿，質感係我喜歡嘅。爽口帶有海水鹹鮮味Appetizer - 焦糖法國鵝肝撻焦糖脆面恰到好處鵝肝味好濃可惜質感唔係我哋喜歡嘅，撻皮亦略嫌唔夠脆Soup - 南瓜海鮮湯面頭放左用忌廉奶泡增加順滑感，入口南瓜味清香鮮甜Main - 乾式熟成澳洲紅東星斑柳由於用左熟成方法令到魚味更加濃配搭忌係同蘆筍汁，食起來比較清新。外皮煎得香脆，魚肉結實。有機野米釀法國鵪鶉 由配菜到主角都配搭得非常好，鵪鶉肉質好嫩野米混合左菇同黑松露。男朋友話食到陣蠟鴨味正當我哋百思不得其解時同店員傾開原來鵪鶉醃好後會掛起風乾一晚Dessert - 法式檸檬撻。內餡酸甜適中，有一種referesh嘅感覺。可惜餅底有啲太硬就咁用叉唔係好切得開整體黎講算唔錯。環境舒適，服務亦非常殷勤。會途中問下你意見一齊討論菜式上邊方面做得好或可以再改善嘅地方…Read More

早前經過見到呢間店仲諗緊到底開左咩新餐廳原來係拉麵店仲要專食雞白湯拉埋屋企人黎試下🤤當日店舖有店主同一位女店員可能都仲係新開無耐所以店員都好似唔太熟悉個運作想食黑蒜拉麵好耐無奈係附近真係搵唔到間好食嘅黑蒜拉麵見到呢間拉麵店竟然有，一於試試佢屋企人就點左瑪瑙瑙麵即係雞白湯拉麵見到有得揀白麵同黃麵同屋企人討論緊嘅時候女店員話我哋知黃麵彈牙啲白麵爽口啲（呢個值得一讚）雞湯表面怖滿泡沫，兩碗麵就咁睇真係有啲難分邊碗係黑蒜總之店主分到就得啦😂撥開面頭泡沫見到淺啡色嘅湯頭好香黑蒜味啊。。。超鍾意！👍🏻兩款湯底都好香雞味，入口順滑帶啲奶香味但偏鹹（我同屋企人都覺得個鹹度係好適合最後加碗白飯）根據餐單應該係有筍同洋蔥但當日係無嘅。。可能店主忙到唔記得左慢煮雞胸肉同雞叉燒，一啲都唔柴。雞叉燒會先用熱爐烘一烘，所以多左陣焦香味黃麵彈牙得黎同掛湯啲，白麵就爽口我哋加多10蚊要溏心蛋，係好流心但唔知係咪浸得太耐，味道太鹹希望之後會有改善。支持小店…Read More

蒸氣海鮮鍋係香港都有段時間但晚餐普遍黎講人均都要600以上見到呢間最近有優惠出左個餐係449 - 9款海鮮+有機蔬菜籃一於去嚐下鮮一入到店舖職員就會幫你開爐蒸下啲餐具咁就唔駛驚有菌啦係揀緊海鮮嘅時候職員已經準備好粥底揀左韓國釜山鰻魚，澳洲青年龍蝦是日精選係翡翠螺同蟹皇大元貝所有海鮮都由職員為你蒸煮只要安坐係位置到就可以職員推介竹蓆茅根冷泡茶店舖嘅竹蓆茅根竟然有紅棗。紅棗帶出香甜味。好欣賞😆全部海鮮都好新鮮啖啖肉完全唔需要配任何醬料到最後食埋充滿海鮮精華嘅粥底滿足😌…Read More

韓國菜食得多但fusion就真係第一次銅鑼灣就有間樓上cafe係食韓國fusion地點位置好方便就係希慎附近一入到餐廳職員就好nice咁問我哋食唔食得辣再話我哋知邊款無咁辣餐單一款主菜或兩款小食+66就可以升級做套餐套餐跟粟米湯： 面頭落左少少味素。本身已經好夠味，唔錯主菜-辣炒八爪魚拌意大利飯：有驚喜喎。意大利飯creamy底配泡菜同韓式辣醬令個辣到減低左。旁邊伴有香辣炸蒜夠惹味但可惜當日炸蒜唔夠脆。扣左少少分小食-蜜糖芥末雞翼，炸薯條： 好鍾意佢果黑松露蛋黃醬（松露味好出）同蜜糖芥未醬（唔會過甜或嗆，非常平衡）。炸物十分出色！即使凍左都仲好脆但又唔係炸到柴個款。一邊慢慢食飯一邊傾計都唔駛驚啦濟洲柳丁美式 - 橙汁味道突出。。我哋都認為多番少少啡會再正啲朱爺咖啡 - 個名好有趣。原來係 Affogato跟朱古力同椰子雪糕。大學個陣超鍾意飲Affogato提神。跟朱古力同椰子雪糕真係第一次試出到黎就變左好濃滑嘅椰子Mocha. 我鍾意啊❤️蛋糕有6款比大家選擇～星期一至四+28就有蛋糕放題焦糖果仁海綿蛋糕 - 好香焦糖味，忌廉打得好幼滑。正啊😍伯爵茶慕思 - 好香伯爵茶味。食得出慕絲部分係有落朱古力所以令到成個蛋糕有唔同層次嘅伯爵茶，味道真係100分可惜嘅係慕絲部分唔夠軟滑。改善埋呢部分就真係prefect💪🏻餐廳唔駛加一。環境又坐得舒服，今時今日真係好難搵到絕對會再同朋友去！…Read More

之前食過位於太古嘅Chatterbox Express原來圍方都開左Chatterbox Cafe一於睇下有咩唔同餐廳裝修設計相對下比較開揚亦好有南洋感覺 今次要左個二人套餐馬來特式炸豆腐 - 本身望到個醬汁。好似望落麻麻地喎🌝唔好意思！點知佢先係靈魂所在😲食落甜甜地好香沙嗲味。我對面個位直情想用黎撈飯食咁制🙈😂文華海南雞飯 - 招牌菜。油飯食得出好香蒜頭味同斑蘭味。但雞肉方面同太古比..呢間分店好似冇咁嫩滑。雞湯相對比太古濃味，幾好飲白胡椒肉骨茶配麵線(+20) - 4件排骨都好大件。肉質鬆軟，用筷子就可以夾開。點黑醬油好好食！微微嘅白胡椒味真係會忍唔住一啖接一啖咁飲，麵線吸哂肉骨茶嘅味道好似好食過配飯。蒜頭煲到粉粉地充滿甜味🤤蠔油小棠菜 - 可能其他菜式味道偏濃。碟菜可以平衡番凍美祿恐龍(+24) - 新加坡就一定會諗到美祿恐龍。明明上次就話要飲斑蘭咖啡嘅🫢😂凍玫瑰咖啡(+24) - 初時我仲諗會唔會好香精。又估唔到佢係淡淡嘅玫瑰香味，凍咖啡面頭嘅奶泡仲打得幾滑添👍🏻值得一試…Read More

Openrice搵銅鑼灣食咩好見到呢間日式Fusion餐廳都幾受歡迎無理由唔去嘅餐廳工業風裝修對住維港景色真係好打卡able甲羅燒龍蝦汁海鮮意粉 -  滿滿嘅蟹膏，蟹肉同蟹籽。個sauce好creamy，濃蟹味多過龍蝦味。都幾多海鮮粒，由於好鍾意食蟹膏所以我係好滿足嘅☺️M5和牛壽喜燒溫泉蛋意大利飯 - 試左少少個飯，意大利米煮得軟硬度適中。但壽喜燒黎講略嫌少左陣甜味。我對面個位話似食緊某連鎖店嘅牛肉飯大家都+48配飲品同是日甜品白桃柚子茶 - 餐前就咁飲都已經覺得佢好清新。茶底好香帶點新鮮白桃香 。食完哂所有野再飲就發現更加清新柚子味都突出香蕉朱古力咖啡 - 其實呢個配搭對我黎講真係無得輸🤩朱古力慕絲蛋糕 -  朱古力味夠濃但偏甜，如果面頭Ganache可以再多少少黑朱古力嘅甘苦味就會再平衡啲整體上唔錯可以再去試下其他食物同飲品…Read More

自從養左貓貓後都會到處留意寵物友善餐廳係社交平台見到有人介紹呢間餐廳一於去試一試佢。成間餐廳以木系設計坐位寬敞，真係好適合帶埋寵物一齊去要左兩個為食之選上湯燉菜- 一飲啖湯..點解有咁熟悉嘅味道有啲似婆婆整嘅炆雜菜，上湯有淡淡菇味夠鹹好啱送飯忌廉蟹肉薯餅，夠creamy外脆內軟溏心蛋好夠味，煮得剛剛好招牌腐乳鹽酥雞，食到淡淡嘅腐乳香味雖然上到檯唔係好熱但都仲好脆又唔會話油淋淋仲要有肉汁比目魚西京燒(+20)，真係超鍾意西京燒！好夠味道好嫩滑。開心仔～～😍鰹魚花涼伴茄子又係我另一最愛 - 茄子有咬口，鰹魚味好夠。日式醬油蛋拌飯(+12)使用日本無菌蛋，先試試果蛋黃好濃嘅味霖味。撈埋日本米真係好夾每個餐都配一份漬物。尋日搭左一份柚子蘿蔔漬物食完個餐都忍唔住要食哂個漬物 蛤蜊海帶湯，飲到一陣炭燒鰹魚味但唔會太濃。清清地好飲要左兩杯飲品，招牌茉莉奶白同爆打香水檸檬茶(各＋18)兩款茶味都香！值得一試👍🏻店員黎問下我哋意見又話餐單會定期作出改變咁就唔駛驚大家食到悶正喎！～下次就可以帶埋貓貓一齊黎喇🥰…Read More

仲好記得第一次經過就比玻璃牆上嘅燈籠吸引感覺好有日本味道不過當時好多人排緊所以就打消念頭之後經過幾次都係好多人排隊今次終於無咁多人一於入去試試佢點左果二人餐有兩碗拉麵，一粒溏心蛋再加多一個小食母親大人鍾意濃味啲所以點左濃厚蝦湯拉麵本人今日想食得清淡啲。所以要左果柚子鹽湯蜆肉拉麵小食揀左黃金熔岩蝦球拉麵一上檯見到仲有煙夠哂熱母親大人表示湯底非常濃郁櫻花蝦都好香。我果湯底好香鰹魚味。飲真啲有少少炭燒味加埋柚子皮好清新蜆肉清甜飽滿無沙兩片慢煮叉燒肥瘦適中 麵量十足唯一美中不足係果拉麵淋左啲溏心蛋夠入味，半隻係絕對唔夠喉。好彩二人餐係多隻溏心蛋果黃金熔岩蝦球幾驚喜。外脆唔油一咬就有流沙餡流出黎。好味😋…Read More

今次同屋企人到灣仔古琴食北京填鴨玫瑰荔枝紅茶依然係我嘅首選最近轉左餐牌係金秋蟹逅，秋天就係要食蟹😆要左蟹粉扒豆苗，古琴酸菜魚（兩位起）同半隻古琴北京填鴨-蟹粉扒豆苗： 蟹粉同蟹肉量多。忍唔住一啖接一啖，好快就清左碟豆苗-古琴酸菜魚(推介)：鍾意佢細細盅，但份量一啲都唔細。好多魚片夠爽口，盅底仲有粉皮同木耳。入口果嘴即刻覺得有少少麻嘅感覺好過癮。粉皮吸哂湯底，好正啊-烤北京填鴨(半隻)：  鴨卷餅上到檯仲出緊煙好夠薄，鴨肉份量多。每件夾2-3片肉再加片一口酥配埋青瓜，京蔥，哈蜜瓜，甜麵醬，秘製蜂蜜黃梅醬，一啖放入口真係好滿足。食左咁多次...都係尋日先知原來可以要求要多啲配菜..次次都就住食青瓜，京蔥同哈蜜瓜。下次可以要求要多啲不經不覺古琴雅苑踏入六周年。而加古琴雅苑推出超筍現金禮券套裝，1套6張$100現金券，買1套9折，買2套85折最重要係可以即買即用…Read More

每次去億利都係去4樓個間超紅台灣餐廳果間餐廳冇左之後我先發現原來大廈仲有其他餐廳🫣INN - I'm Not Nothing. 咁玩味嘅名字好快就吸引到我。印象中係九龍灣同觀塘都有前排食過佢哋嘅豬肉眼扒之後有被驚豔到咁啱今日同媽媽出荔枝角就帶佢去試下啦今日去到發現竟然新出雪花冰餐廳裝修偏歐陸式花園。自然光打入餐廳內都幾舒服點左兩個set lunch餐湯係粟米湯，用新鮮粟米打成，入口香滑香煎北海道帶子墨汁扁意粉 - 帶子表面煎至金黃色，口感嫩滑。墨汁好香洋蔥味定有淡淡海水味，意粉口感al dente。正啊🤤！美國豬肉眼扒伴蘋果果醬 - 之前令我念念嘅豬肉眼扒，今次都冇令我失望。外表煎到香脆但肉汁同肉質都保持到。本身已經夠肉香味唔需要點蘋果果醬都可以最後點一個雪花冰做甜品 - 選擇左Melon。哈密瓜好甜🥰雪花冰好綿密有淡淡牛奶味。如果想要甜啲可以再加煉奶…Read More

一向都知荃灣好多正野食同朋友傾開。佢介紹我去Vision8呢間西餐廳點左一個廚師推介嘅V8經典蟹餅沙律朋友推介食威靈頓牛。。可惜我唔食所以要左蘋果木燒西班牙黑毛豬鞍再點多個煙三文魚Pizza頭盤係麵包加黑松露牛油麵包本身好鬆軟，烘得好脆黑松露超香V8經典蟹餅沙律配油醋汁。沙律菜加甜醋汁好refresh同開胃蟹餅外脆內軟又夠熱。入面好多蟹肉佢地個Pizza係薄脆款，好多芝士多到可以拉絲。每啖都食到千島醬，煙三文魚，芝士同火箭菜味蕾大滿足蘋果木燒西班牙黑毛豬鞍我唔知發咩神經揀左紅酒汁...本身有啲後悔但原來本身個豬鞍都已經好夠味個豬鞍冇騷味勁Juicy仲有好香嘅炭燒味根本唔需要任何醬汁下面有芝士焗薯仔片。水煮甘筍同Brussels sprout甘筍還可以。Brussels sprout 就... 始終唔係人人都接受到陣苦味雖然我本身唔抗拒整體黎講真係可以回頭。唔怪之得我朋友成日幫襯                                                       …Read More