Leafso的個人專頁

辛苦咗一日，下班時好想搵個地方歇一歇，對自己好啲。行入 Ciclo，暖調燈光襯住簡潔裝潢，氣氛舒服，啱啱好嘅音樂聲，令人慢慢放低日間嘅忙碌。我向來食正餐前會先點沙律，呢度嘅葉菜新鮮爽脆，酸甜比例自然舒服，好快就令胃口開咗。主菜揀咗 Nduja Cavatelli Pasta，手工麵的彈牙感同細膩香氣好匹配，辣勁同鹹香都剛好，唔會太重口味，係種耐食嘅好味。朋友叫我一定要試嘅黑松露薯條，一上枱已經聞到香氣。外脆內鬆，加上松露香，真係會唔覺唔覺食咗好多野。配返杯清爽MOCKTAIL，整個節奏啱啱好，既放鬆又滿足。成晚嘅感覺就係簡單、舒服、又有啲小驚喜，呢種地方真係會讓人食得幾開心，心情都輕鬆啲。…查看更多

726號呢度向來都係集合左各式餐廳難得可以搵到平日晚市都需要等返幾張檯嘅餐廳Homeland嘅氣氛好好排隊期間已經可以見到幾乎每檯都係黎慶祝生日/週年甜品上都有好靚嘅畫碟～招牌明太子海鮮薄餅味道比想像中嘅清淡三文魚味蓋過左明太子餅皮好好食，又香又有少少脆口唔油膩屬於連個pizza邊都想食埋嘅好味鮮打法式龍蝦湯配蒜蓉包蒜蓉包烘得非常好食而且熱辣辣 浸落湯度都唔會影響佢嘅鬆軟口感龍蝦湯都係調味清淡嘅類型係個幾好嘅配角唔會飲完飽到上心口香煎澳洲安格斯肉眼扒10oz配薯菜牛扒叫左5成熟食落唔韌又juicy本日MVP個人覺得係薯菜同牛扒汁兩者嘅味道好融合薯泥係有顆粒嘅口感咬咬下又可以dap真啲真牛扒汁味夜晚9點後想落order已經無曬甜品慶祝生日嘅記得提早預定蛋糕！…查看更多

平日打邊爐好少會去單點嘅鋪頭驚胃口太大會破產比起放題原來單點鋪嘅食材的確高質唔少侍應哥哥超級好服務又好笑容一坐低就話follow 社交平台送湯底又話任食鴨血同蜂巢豆腐🥹收工去食令人特別開心湯底揀左古法沙嗲湯拼胡椒豬肚湯鍋胡椒豬肚湯會食到唔少配料成條豬骨咁上，豬骨髓仲可以攞飲管吸😂好足料牛肩胛肉相對封門柳口感比較扎實，厚實但又帶軟嫩我地落完牛唔記得撈返上黎都唔會硬到橡筋咁，牛味好濃而且加上自己揀嘅調味料勁好食推薦XO醬，非常香口美國精選封門柳更加唔洗講肉質有幾鬆軟個人認為呢隻淥一淥，粉紅色就已經可以擺入口口感一流炸魚皮魚皮好值得表揚脆口，擺足1個鐘都仲係好脆半份已經好大份，夠兩個人食有突新竹米粉有個網篩俾食客裝住淥，覺得幾貼心米粉都係10秒左右就食得，已經吸曬湯底嘅精華凍龍眼蜜同罐裝飲品相比更鍾意呢種一大壺龍眼好甜好解渴甜品仲有楊枝甘露！推薦一大班人黎食！因為兩個人打完邊爐已經無胃試佢地嘅泰國菜…查看更多

觀塘區都算係有好多burger鋪嘅地方，我諗呢間店最大嘅特色就係爆多醬！作為重口味人覺得賺左，我地2個人叫左個二人餐，老闆好霸氣咁問我地想要咩醬，好似想我地試曬咁多款咁😂 最後只揀左最基本嘅3款，茄汁、蜜糖芥末同千島醬炸薯條份量好多，醬汁食落感覺唔係來貨嘢，3款都屬於比較厚身，食落都有食緊芝士嘅感覺，非常濃厚，就算每一啖都撩啖醬黎食都食唔曬！真係要多人黎食先好叫咁多款醬安格斯牛肉芝士漢堡漢堡好大份，牛肉食落係手工製嘅質感，厚度分佈有啲唔平均😂 外層煎得好香口，裡面又會做到好juicy咁，食落唔乾，唔會吸曬啲口水芝士同大量嘅醬汁都令成個包更加重口味，食得burger想要嘅就係呢種邪惡口味！脆炸雞塊本身以為會係雞肉打碎再搓成一舊嘅雞塊，原來係類似炸雞扒再切細嘅雞塊，雖然有少少油，但炸得好脆口，雞肉都好嫩滑！…查看更多

雖然觀塘好多好食餐廳，不過大部份都係食完好肥就梗作為住、返工同做gym都喺觀塘嘅人，一直都想搵到間食健康餐嘅地方路過見到呢間cafe有明太子+蟹肉+椰菜花飯即刻決定要食一波坐正水吧對面，見到兩杯茶latte都係用茶筅刷，再加meiji奶ICE Matcha Latte濃厚抹茶味，而且只有奶嘅甜味，無加糖水個抹茶濃到夜晚碌咗4個鐘先訓得著..ICE Hojicha Latte偷飲左啖，溫和淡淡嘅味道，奶味更出慢煮澳洲肉眼配薯蓉呢塊扒叫左5成熟，可以叫3成都ok師傅會切好曬，覺得幾貼心，咁就唔會自己切到啲嘢飛曬出街慢煮真係有影響，雖然邊位嘅肉偏熟，但都唔會韌全塊肉都好juciy，薯蓉好creamy調味都係偏清淡嘅味道食完都無話飽到好唔舒服明太子蟹肉椰菜花飯呢個飯唔係行好重明太子味嘅路線健康餐果然無得咁放肆食咁多明太子蟹肉好新鮮，而且拆殼拆得好乾淨，完全無咬到有任何殼第一次食椰菜花飯，原來感覺真係似食緊細粒啲嘅米但偏食L嘅我好在意裡面有好多洋蔥洋蔥其實煮到好軟腍好甜，不過食到後尾碟飯開始凍就有好大陣洋蔥味整體黎講（怕洋蔥嘅話）就係要趁熱掃曬入口酸種多士脆口煙韌，加埋牛油果食應該更正btw當晚所有侍應哥哥都好有禮貌，環境氣氛都perfect～…查看更多

明太子薯條：呢間既明太子份量都好足, 上菜既時候熱辣辣, 而且炸到好脆口, 唔會太油, 明太子既sauce都好重味, 中意食明太子既人必點!!巴馬火腿辣肉腸薄餅:見到附近幾張枱都有叫呢個pizza, 就心郁郁都好想試下. 佢上菜既時間可能會比其他野上得慢, 因為佢係order完即焗, 新鮮出爐. 平時出面食呢類型既pizza, 上面既ham份量都會好少, 但呢到比勁多! ham既鹹香味好足! topping既火箭菜中和左pizza既膩, 令成個pizza既口感層次都升lv!! 冬陰公軟殼蟹意大利飯:見到呢個咁fusion既rissoto 就充滿好奇心咁order左!呢個rissoto係我同朋友都一致覺得幾好食同幾特別少少辣口,冬陰公隻味幾出, 出奇意外地同rissoto 既口感夾, 軟殼蟹都炸得岩岩好 菠蘿百香果汁:夏天太熱,想要杯清涼又開胃既飲品結合左新鮮既菠蘿同百香果，帶來了豐富的口感和酸甜既口感台灣阿里山烏龍茶：阿里山烏龍茶既茶香清新，口感順滑，具有獨特的花果香氣, 同出面既烏龍茶唔同!…查看更多

拍拖日又搵到間坐得好C伏嘅日式小店，好鍾意佢個裝修，關左門之後好似去左旅行咁好feel而且店員又勁nice，有少少日本居酒屋feel日式漢堡扒配溫泉蛋飯本身以為除左有碗飯仲可以加錢叫多一兜仔咖哩烏冬🥹 原來係升級先有；但久保田米都好好食，比起一般嘅飯更加有咬口，漢堡扒屬於外層煎得脆同硬身少少，但啲肉味好出又唔會碎曬咁，醬汁除左同肉好夾之外仲好夾沙律菜；溫泉蛋仲可以整埋TKG大滿足日式鰻魚炒飯鰻魚炒飯必食！鰻魚呢家嘢都幾易腥㗎嘛，佢呢個炒飯做到炒飯質感而且入味之餘，鰻魚又唔會有腥味，調味又唔淨只有燒汁，唔會死鹹；雖然呢個飯無set揀但都值得一試明太子玉子燒玉子燒本身好juicy，明太子醬調配得啱啱好，早排去福岡食嘅明太子都覺得有啲過鹹，佢呢個醬嘅明太子味唔算好出，但同玉子燒好夾，我覺得整體嘅鹹味係靠木魚片絲帶出甜鹹適中，非常推介自選燒鳥串（雞肉、三角雞胸軟骨串、月見汁雞肉棒串）月見汁雞肉棒串係需要見一次食一次嘅串串蛋汁啱撈曬呢3串串燒之餘仲好啱撈飯；雞肉串係穩定發揮嘅好味道；個人口味黎講三角雞胸軟骨串最唔啱口味，無牙力，覺得軟骨加肉嘅口感好奇怪，不過男朋友就覺得好好味…查看更多

因為見到特飲都唔需要額外加錢，所以就揀左優惠二人套餐。我地揀左生牛肉湯河、雞絲湯河，跟餐小食就揀左安南鮮蝦紙米卷，飲品就揀左兩杯特飲，一杯鮮芒果西米露，另一杯揀左椰汁三色冰。雞絲湯河雞絲粉量唔少，食落都有鮮雞味，再加上青檸汁，一次過食哂雞絲同埋湯粉，食落更加清甜。生牛肉湯河牛味好濃郁，河粉都無煮到一夾就散。吱埋青檸汁上生牛肉度，味道會更新鮮。安南鮮蝦紙米卷每件紙米卷入面都包住鮮蝦、生菜、米粉、青瓜、紅蘿蔔絲。紙米卷入面仲夾有花生粒同埋薄荷葉 ，食落有清香的甜味。即使無點醬汁，都已經好夠味。紙米卷包得好實淨，並無一咬就散開哂。田園灼時蔬生菜需然係跟餐，但都配有炸蒜頭。河內小食併盤小食併盤有扎肉、越式炸手打蝦餅、香茅雞翼、炸春卷、鮮蝦紙米卷。越式炸手打蝦餅炸得香脆，蝦味好夠，食落彈口。炸春卷並無炸到想象中咁硬，用料多但又唔會炸到散修修。香茅雞翼炸得好香口，食落有肉汁同埋少少甜味。鮮芒果西米露芒果同西米份量都唔少，每啖都可以飲西米、椰汁同芒果嘅香甜。椰汁三色冰椰汁香濃，唔係死甜，甜度適中。…查看更多

Honey Mustard Portobello Beef Burger首先個漢堡包本身彈牙又軟綿，牛肉漢堡有豐富嘅肉汁同香氣，一口咬落去，啖啖都係鮮味十足，再加上蜜糖芥末醬，帶嚐酸甜同埋微微辣嘅風味，令人回味無窮。漢堡裡面仲有新鮮蔬菜同番茄，增添口感！整體嚟講，呢款漢堡好平衡，食完唔會覺得太油膩，而且真係有種滿足感Twister Fries作為扭扭薯條擁躉，漢堡包就梗係要配扭扭薯條！薯條本身外脆內軟，口感一流，而且新鮮炸氣就上台，夠熱，無得輸Bacon Cheese Burger呢兩個漢堡嘅份量真係好多，煙肉質地唔似出面咁乾身，仲有啲嚼勁，牛肉漢堡好juicy，每一口都係肉汁四溢，加埋融化嘅芝士，係最typical嘅美式漢堡滋味話說呢間舖仲有酒飲，感覺同同事happy hour下都ok唔飲得酒嘅都有其他野飲，蜜桃茶幾足料，堅有果肉…查看更多

行尖沙咀周不時都會見到呢間cafe，今日路過又未食飯就決定試下！2人套餐計落都幾平，話曬都係尖沙咀嘅晚市餐廳內啲位幾多幾闊落，坐落都舒服，甜品可以選擇嘅類型都好多2人套餐有蘑菇湯煙三文魚凱撒沙律一上檯係嚇親咁大份😂三文魚煙燻味夠濃，就算好大份都要爭住食，沙律酸酸地好清爽，係個好好嘅開胃菜帶子黑松露意粉帶子煎得超好，外表有好靚嘅焦糖色，入面係好滑嫩多汁嘅質地昇華左成個意粉；黑松露意粉好creamy，黑松露味濃郁，係屬於非常飽肚係意粉，而且份量都係完全唔手軟，有少少懷疑呢個已經係2人份量，鐘意食意粉一定要食呢個西班牙黑毛豬鞍架呢個豬鞍架嘅熟度啱啱好，切嘅時候都已經feel到好juciy，跟左個應該係青蘋果+醋味嘅醬汁，係好清新嘅配搭；咁啱我地嘅意粉屬於比較濃郁嘅類型，就可以一啖意粉一啖肉，超滿足朱古力心太軟配雪糕本身一坐低已經見到隔離檯個心太軟幾靚仔，就跟住佢叫左份心太軟；呢度嘅心太軟應該係即叫即整，落單都上檯都起碼等左20分鐘，一上檯係熱辣辣，吉落去係好成功嘅流心，朱古力味比較大人口味，唔係低b朱古力黎，比較甘口，配埋雲尼拿雪糕食就啱啱好！…查看更多

元宵佳節❤️同男朋友試左間好抵食嘅銅鑼灣西餐，我覺得呢個價錢認真抵玩，試過某啲貴價過佢嘅餐廳都無佢咁好食咁好feel而且餐廳職員招呼好周到，不時留意我地有無咩需要，好貼心嘅係飲完杯熱檸水都會幫忙refill熱水，最後食左接近個幾鐘先食完餐飯😂真係好食好坐餐湯特登揀左2款黎試下，當日有Old Bay Sweet Corn Chowder同Minestrone 兩款湯都係濃郁之餘唔會太膩，麵包仔睇樣就知烘得又脆身又香口House Caesar Salad🥗緊接住就上左個沙律，其實我個人好少食呢種會有parmesan cheese嘅沙律，一直都覺得食完呢種沙律就會飽曬，好彩呢間嘅沙律醬汁調配得剛好，酸甜鹹香開胃Steak & Egg 揀左Medium well，一上檯忍唔住影多2張相～我覺得個蛋煎得好好！牛扒都係，賣相靚仔之餘真係好好味，好食嘅牛扒真係淨係落鹽已經足夠好食法式焦糖燉蛋燉蛋上嘅焦糖一上檯熱辣辣，燉蛋本身就係冰凍冰凍嘅，焦糖又唔會太厚太多，薄脆又唔會燒得太苦Soft Shell Crab Burger軟殼蟹本身已經好大舊，面頭嘅包同普通食開嘅burger唔同，個人覺得係有加奇亞籽嘅健康包，食落好香麵包味道，並唔係好重牛油味；軟殼蟹炸得好酥脆又唔會太油，醬汁係第一下食落唔覺得辣，有後勁嘅辣味New York Cheese CakeBrunch set好可惜無得揀呢款甜品，忍唔到口特登加多左個芝士蛋糕，忌廉芝士味非常濃厚，質感滑身，餅底又唔會hea，唔太死硬，有肚淨就可以叫黎食下…查看更多

六両三一直係我嘅觀塘台灣菜口袋名單，有一排無食過，佢地居然有埋台式火鍋，而且幾有誠意咁

蔬菜養生鍋套餐加左錢轉左澳州黑安格斯牛肩肉，大份又好食而且菜盤嘅嘢都好多，菜有2種之餘，仲有幾種台灣丸；我覺得湯底味道係偏健康嘅類型，唔會好鹹，帶有淡淡嘅蔬菜香味，食完都無罪惡感！如果唔想食得咁健康，外面都有好多醬料選擇，一人一鍋黎講可以話係非常有誠意滷難腿便當呢個係我每次黎都忍唔住要嗌下嘅便當，佢地嘅便當真係好足料，有齊幾樣小菜、滷蛋，雞腿都好大隻，而且可以碎上，可以同朋友開心share，覺得呢個真係營養滿分而且係好食嘅飯
滷甜不辣
醬汁係微辣嘅酸甜醬，甜不辣好有咬口，非常開胃

鹹酥雞
炸得酥酥脆脆，而且九層塔嘅味道好出好香，就算凍左食都係好脆口
蜂蜜咸金橘/檸檬紅茶
兩杯都係香港人口味嘅甜度，大大杯🤣超飽…查看更多

一路都對呢間韓式餐廳印象深刻，畢竟一開張就有好多人話環境好似真係去左韓國咁，好有feel；第一次黎呢度其實覺得有少少似酒吧～打開門之後先有種韓國街邊檔嘅感覺

蟹膏拳頭飯除左面層蟹膏之外，飯本身撈左好多蟹肉，因為係凍食嘅關係，整體食落唔會有腥味，調味偏淡，配搭埋其他小菜一齊食啱啱好
炸紫菜粉絲卷新鮮滾熱辣炸起，表面做得好脆，似泰式春捲，裡面嘅粉絲煮得啱啱好，而且乾身唔會太硬或者太爛，而且有比埋醋比你點，好解膩，個人好鐘意呢個醋
薯仔煎餅呢個煎餅唔係平時我地去大排檔食，好脆口熱氣嗰種，煎餅本身口感係有咬口嘅類型咬落仲帶有薯仔嘅香氣同口感，又係跟左碟醋比你點，同樣十分出色
一雞兩味揀左原味同甜辣味嘅有骨炸雞，呢個真係新鮮炸起，打算攞手套食，熱到攞唔起😂原味會有種鹽同胡椒嘅香味，而且應該係醃完先炸，可以食到個炸皮都有味道，炸漿應該都有調味過；另外甜辣偏香港人口味，唔會過份辣，係啱啱好，一啖肉一啖醃蘿蔔就可以解膩又解辣…查看更多

每年情人節都會想揀返間西餐食下，但今年要返工，於是book左間最就腳嘅INN；我本身就已經食過荔枝角分店，對於食物質素有信心，而且觀塘呢間分店個裝修好靚，好華麗嘅感覺
餐湯揀左蟹肉龍蝦湯
湯望落好濃郁，不過飲落唔係jam口嘅質地，蟹肉嘅味道相對比較重，龍蝦味會由尾韻出黎

牛油香煎蟹餅辣根蛋黃醬
蟹餅似係炸可樂餅嘅口感，炸得比較乾身內餡有少少類似三色椒嘅菜，配搭蛋黃醬咁食會比較濕潤

慢煮雞胸凱撤沙律
全餐裡面最鐘意呢個，雞胸肉非常軟嫩，而且調味適中，有少少黑胡椒粒，表皮應該有煎過，有少少外脆內軟嘅感覺；另外有配烤麵包粒，稍微有啲硬，可以浸餐湯咁食～

香煎虎蝦扁意粉
虎蝦又大隻又彈牙，而且去腸去得好乾淨，個汁有微微辣味同蕃茄味，食落好清爽；扁意粉嘅份量好多，仲有少量菠菜係裡面，係比較健康嘅意粉，無油膩嘅感覺

燒安格斯西冷牛扒8安士
叫左5成熟，煎得剛好呢塊扒係側邊嘅油脂比較多，所以連埋中間嘅肉一齊食，可以食到肉質香氣，又可以咬到淡淡肉，好滿足；伴碟有大蒜粒，大蒜已經烤到好軟爛，配埋肉食更加增添風味

肉桂蘋果杏仁片焦糖忌廉班戟
班戟本身就好似平時食到雞蛋仔嘅味道，齋食會有少少乾，肉桂蘋果嘅味道集中係層醬度，連埋班戟咁食先比較濕潤，杏仁片融入其中，會令整體更加有口感，好好食，如果叫呢個set可以揀甜品，感覺抵食過飲品！
…查看更多

最近好多朋友會po呢個igable嘅漢堡扒飯，見到咁鬼靚又想回味一下日式漢堡就過黎試試佢雖則係喺工廠大廈裡面，但個室內裝修，無論係燈光、檯檯凳凳擺位，都令人感覺好舒服秘製漢堡汁手打和牛漢堡扒丼飯第一啖入口會覺得個汁味道好似有啲鹹，dap真啲又唔係好鹹，係溫和嘅鹹味，漢堡扒個top有wasabi酸瓜，即係平時嘅醃製小黃瓜打碎再撈wasabi做成醬汁，唔會食到wasabi衝擊嘅味道，反而有較多嘅酸味；微微嘅辣味！漢堡扒本身好香牛味，洋蔥份量應該唔多，一啖食曬所有element口感好豐富，但個人喜好黎講覺得酸瓜係開胃前菜，我比較鍾意漢堡扒配漢堡汁同飯日式牛肉薯餅做到好綿密，薯餅本身炸完無咩油係底，但外脆內軟味道上有微微甜味，好好食芝麻雞翼面頭會有七味粉，所以有少少辣，好脆，肉質嫩白味噌汁手打芝士安格斯漢堡扒丼見有個咁特別嘅醬汁就必定要試下味噌唔會太鹹，係溫和嘅味噌味，食完唔會口渴，正常跟個汁都唔會想食曬，但今次叫左多汁都清盤，安格斯嘅肉味比較明顯，而芝士會帶少少酸味，應該係俾芥辣酸瓜影響左，個人覺得無芝士嗰款好味啲！…查看更多