carmenCARMEN12's Profile

冇得去旅行但係又想食泰國嘢可以點做?緊係去搵啲高質嘅泰國餐廳食下。趁疫情放緩，一行四人好耐冇見就決定搵個地方坐低慢慢吹下水。新泰東南亞餐廳位於北京道，好近地鐵站，樓上店既好處係，有幸坐在窗邊位置的話是可以飽覽尖沙咀的美麗夜景。餐廳座位非常闊落，座位與座位間有足夠的空間，喺疫情下可以話係食得非常之放心。椒鹽軟殼蟹，香脆可口，不油，份量都幾夠!原隻燒魷魚，肉幾爽，同醬汁好MATCH!豬牛雞串燒，肉質又鮮嫩，醬汁惹味，非常之抵食!cp值好高!小拼盤就有炸蝦餅同炸魚餅，我個人鍾意食炸蝦餅多啲，因為比較爽口，食得出用料十足，魚餅嘅調味就比較濃。馬拉盞炒通菜，夠惹味，唔油!泰式蝦炒金邊粉，好少見到啲餐廳會用一個咁靚嘅蛋網將啲金邊粉包住，淨係視覺上都100分啦!而且用料都好足夠，蝦爽口彈牙，金邊粉炒得條條分明!芒果糯米飯簡係必嗌㗎喇，分量剛剛好，椰汁夠香，糯米飯夠軟熟，雖然係甜品但唔會過甜，芒果食得出新鮮高質!原隻椰青沙冰真的非常少見!份量非常十足，冰凍清甜，沒有過假過甜，非常解渴!特別值得稱讚的是侍應專業的態度，落單非常專業，反應又夠快，將MENU上的所有細項都記得非常清楚，又會自動問甜品需唔需要後上，服務非常之貼心!用餐過程中又會不時幫我地收走食完的碗碟! 好的餐廳，好員工是不可或缺的重要一環!…Read More

木船未轉新餐牌之前已經食過~最近行過見佢轉咗新餐牌所以就同媽媽嚟食~因為撞正午餐時間，餐廳都幾多人~轉左MENU都仲係咁多人證明繼續高~menu上選擇唔少價，價錢都係街坊價~叫咗海南雞飯定食配冬陰功湯~見有個餐牌特別推介燒黑豚肉飯於是都叫咗嚟食XDD跟住貪心想試多幾個小食既我哋就加錢叫咗三個小食~其實我全部小食都想試XDD加10蚊就有一款，加18蚊就有兩款，真心覺得好抵!!叫咗小食春卷、青木瓜沙律同單骨雞翼~天氣咁熱當然要叫番兩杯咸檸7~~泰國地表最強黑豚腩肉丼!!竟然係鋪滿左腩肉呀好邪惡!但係!超級好食呀!!成座小山般既青木瓜絲~酸酸甜甜好開胃，因為你食多一兩嚿肉嘅時候開始有少少膩嘅時候就可以食青木瓜絲中和一下~成個飯嘅配搭都幾無敵!! 黑豚腩肉燒得十分之香，配飯係一流呀!!竟然入面仲有隻溫泉蛋喺度呀非常之高質!肉飯嘅份量都極之足料!男仔食嘅話我覺得係非常之夠飽!海南雞飯定食都抵食，有三小碟小食仔~海南雞飯雞油飯夠香~飯粒粒分明~海南雞肉非常之滑嫩!!一口雞肉配一大口飯根本停唔到口!!單骨雞翼拆開咗即係有六隻~燒得非常之惹味~單骨食落好方便~春卷係我既至愛!! 好鍾意呢度既春卷炸得非常香脆唔油膩! 青木瓜沙律滿滿一碗，勁足料差D食唔哂，完全係超值!木船環境好舒適~可能因為樓底都比較高，唔會有焗促感~侍應有好禮貌，見我地有選擇困難症都會主動推薦餐點~值得ENCORE~!…Read More

餐廳位卡尖沙咀K11附近，不算難找，食完仲可以去K11行街街~ 因為冇得飛日本非常痛苦，行完DONKI後就決定食番餐日本菜一解思鄉之苦。平成不只店名有日本風，連內部裝潢都非常有日本居酒屋風!肚子很餓，於是叫咗燒五花腩三重芝士蛋餅、泡菜牛肉燒餅、紫薯沙律、三文魚籽紫菜胡麻冷麵、巨峰提子乳酸梳打同荔枝乳酸梳打。紫薯沙律，唔好睇佢細細地一碟，因為佢係用真材實料嘅紫薯mix埋少少沙律醬黎整，所以纖維十足，非常地飽!! 紫薯味濃，食落又幾滑口，幾新鮮既食法。三文魚籽紫菜胡麻冷麵~冷麵彈牙煙韌，芝麻味濃，三文魚籽份量都唔少，食落唔會滯，非常之清爽，好適合夏天食~我最鍾意都係呢個燒五花腩三重芝士蛋餅!雖然係落咗五花腩但係唔會過於肥膩，三重芝士芝士味濃郁，芝士蛋餅係成個小鍋仔咁上，非常之熱辣辣~呢個好適合兩三個人開心share，因為一個人食真係會唔哂!泡菜牛肉燒餅燒得幾香脆，估唔到泡菜可以整燒餅，呢個組合幾新鮮~泡菜量十足~兩杯梳打嘅味道都唔錯，幾開胃又唔會太甜~真係有巨峰提子嘅味道~如果你係好想體會日式居酒屋風格嘅朋友可以嚟呢度試下~靜靜地坐喺度傾計都幾開心~冇得去旅行既我都仲有呢度一解相思之苦~…Read More

因為疫情關係，好久未試過和三五知己一眾朋友們相聚了，為左就大家收工方便，於是我們選了這間有得食，又可以坐低飲嘢慢慢吹水的餐廳。有選擇困難症既我地決定叫個4人SET DINNER: 四人慢煮星級盛宴，價錢係698。美式搖搖海鮮盤是用一袋裝的方法盛出來。唔知係咪因為搖下搖下咁倒出黎所以先叫搖搖海鮮盤呢HAHA都幾得意第一次見。海鮮處理得不錯，不會覺得腥或煮得太老。我們最愛的主菜絕對是西西里肉醬芝士焗意粉！真心是意料之外HAHA意粉煮得恰到好處，不會焗到一餅糊狀。肉碎，芝士和牛乳味煮合起來很香濃，我們很快就清了一整兜！這個可以encore! 慢煮肉眼牛排跟烤豬仔脾4支跟大雞腿跟烤雜菜是一起上桌，真沒想過，還以為是分開一碟碟上。烤豬仔脾4支都幾OK，幾滑，肉都幾嫩，大雞腿份量都十足，肉都係嫩既，皮都脆。Strawberry Vodka 也是今餐的另一個亮點，入口很順，也很有士多啤梨的果肉香。完全不會有嗆喉的感覺，連我們這些不是常常喝酒的女士也會喜歡的飲料。加上環境設計也比較上似一間酒吧，是一間很適合小酌的好地方。…Read More

今日朋友話想食韓國嘢，於是約埋三五知己一齊去位於威達商業大廈一樓嘅梨滿園韓國料理去食韓國菜囉。見間餐廳好似新推出咗一啲放題，於是想挑戰一下。入到去都見到坐咗唔少人，三個店員要招呼全場嘅客人都真係有啲辛苦。宜家餐廳有90分鐘任食炸雞同120分鐘任食，包括韓國壽司、拉絲芝士紫菜捲蛋同埋韓式拉絲芝士雞。90分鐘任食炸雞仲有薑蔥味、甜辣味芝士味、蜜糖味、秘製醬油味。叫咗蜂蜜紅棗茶飲，因為我唔係幾飲得酒。先來上枱嘅係韓式拉絲芝士雞，放左滿滿嘅邪惡芝士。韓式芝士炸雞一上枱就係有齊五隻口味，個人比較鍾意薑蔥味同甜辣味。韓式壽司都同出面嘅韓式餐廳質素差唔多，總係要有啲飯落肚先夠飽。韓式拉絲芝士紫菜捲蛋，我個人今日就係最鍾意呢碟餸，唔知點解莫名地食到有章魚燒嘅感覺，不過係幾惹味，上枱都係熱辣辣嘅。原本呢個好食到我哋想再encore，但係因為時間所限結果都係冇嚟到。餐廳都預留咗足夠嘅時間畀我哋一行人慢慢吹水傾計，冷氣太凍。…Read More

自問都係樓上CAFÉ中過唔少伏，但係呢間真係冇令我失望，反而要大力推介支持食店!!!之前係openrice都見到餐廳擺滿阿仙奴的裝飾，黎到現場都覺得幾震撼xddd我叫左香烤熟成牛舌洋蔥牛肉汁，配扁意粉，朋友叫左香燒可持續石斑魚魚柳配法式龍皇湯，都係配扁意粉。嗌咗兩杯凍咖啡。個蒜香牛油法包，烤到熱辣辣，食落勁香蒜味，口感仲非常鬆軟。個湯係有蘿蔔蓉喺度，第一次飲幾特別，磨得好細滑，好足料，幾好飲，唔似得有某d餐廳係味精湯。塊牛舌真心勁厚切!!超級大舊!!未食過咁有口感既牛舌!!好抵食!!香燒可持續石斑魚魚柳估唔到同個龍皇湯又幾match，平時啲餐廳好少有扁意粉可以選擇，佢嘅扁意粉份量對女仔嚟講都幾夠多，又煮得夠入味，又幾有咬口，好鍾意佢既口感!!有D餐廳會煮到啲意粉淋哂但呢間絕對唔會!個石斑魚柳同個龍皇湯幾夾，煎得幾香脆，魚肉入口好滑，值得一試。跟住見到隔離枱有學生食松露忌廉海鮮意大利天使麵，嗰份量都幾多。下次都想試下XDD後面個座位都幾特別。侍應反應好快，見到有客人個野飲等左一陣都未黎都會主動跟進，夠細心，非常之抵讚。餐廳外面仲有個健康驛站， 有口罩同搓手液等等比食客用，體貼地為食客既健康著想，真心好欣賞呢間餐廳!!有機會既話想食DINNER既時候再過黎~…Read More

今日同朋友去咗好耐冇去既奧海城度行街街同食泰國菜lunch~~餐廳有室內外座位，因為外面座位都比較滿，於是就決定坐入面~裝修都幾有泰國風情~座位數量唔算好多，食飯途中都聽到有客人打黎book定夜晚位~lunch set同下午茶選擇都幾多，價錢都好合理。因為貪心想試多d野食，所以同朋友share個冬陰功海鮮湯粉，另外再叫個泰式煎蠔餅、招牌炸蝦餅、泰式鴛鴦串燒同埋三色冰~炸蝦餅炸得夠香脆惹味可口，炸粉份量適中。海鮮冬陰功湯粉~海鮮份量十足，有青口、有大蝦、有秀珍菇、有魷魚等等，冬陰功味都幾夠。三色冰唔會過甜，椰奶夠香。熱騰騰既炸蠔餅嘅份量比我哋想像中大!!!亦都唔會過油，蠔仔嘅份量都非常之豐富!!!煎得非常之香脆可口惹味!! 大推!!泰式鴛鴦串燒雞肉同豬肉，串燒嘅肉質都幾嫩滑，燒得幾香。很喜歡這店的店員很有禮貌，亦都好親切，想在這裡食晚餐的朋友可能都要提早打黎book定位~…Read More

疫情放緩決定帶媽媽去沙田行下街食番餐好，今日黎到沙田既和氣食堂~好耐之前去過超高質既黃大仙分店食，所以我地對呢間都非常有信心~~因為非常肚餓所以都叫得比較多野食haha~先來珍寶赤蝦壽司~非常新鮮~隻蝦仲超巨型~28蚊一件非常抵食!黑豚肩燒丼~份量十足，黑豚亦燒得非常惹味，油脂分佈平均，肉質都幾嫩滑。飯粒粒粒分明，跟附送的泡菜是一絕配。日式炒野菜，食d菜先健康嘛~厚燒鰻魚牛油果卷，這碟絕對是超越我地預期地好味!!一堆蟹籽下的鰻魚燒得夠香夠厚夠惹味，原來跟香滑的牛油果是非常match!!誠意推介!!三點刺身盛，活赤貝、 三文魚同甜蝦~好新鮮，沒有雪味， 三文魚勁厚切又肥美，甜蝦同活赤貝都好鮮甜~千迴火鳥3隻~燒到很脆口，咬落口都幾嫩滑，頗有雞味，幾香口脆口。餐牌上的選擇真的非常多，價錢同份量都幾街坊幾抵食，係高質又cp高的日式食堂，非常值得推介。店員反應又夠快，又有禮貌，下次再去沙田想食日本野時都會再行過黎~…Read More

趁疫情開始有緩和嘅趨勢，事隔多月終於可以輕鬆下出黎同朋友食番餐好~嚟到太子行左一陣都係決定食下好耐都未食既越南河粉!!~ 朋友話之前同同事黎食過，大讚呢度嘅河粉好食~MENU上選擇唔少，我地兩個都研究左一陣先下到決心~叫咗火車頭牛肉粉~價錢都幾合理呀~最重要係可以免費加粉!!男仔都唔洗驚食唔飽，夠哂經濟實惠! 我最欣賞佢個粉，非常滑，我好怕D河粉又油又厚，火五既河粉完全冇呢個問題!值得一讚!!同事之前去過越南旅行，都大讚呢度嘅河粉夠薄夠滑好正宗!火車頭既料有生熟牛肉、牛丸同扎肉，佢哋嘅生牛肉真係半熟狀態，嫩嫩的粉紅色入口又有牛香。我哋仲叫咗個招牌小食拼盤~牆上既宣傳好吸晴~個拼盤有炸蝦春卷、青木瓜沙律、香草大蝦、黃金脆魚皮、大蝦米紙卷、扎肉米紙卷，幾香脆，又唔油膩，非常之惹味，兩款米紙卷口感非常之豐富紮實，女仔細食啲嘅話其實淨係食個米紙卷都幾夠飽XDDD好欣賞佢個越式香濃滑咖啡~係以膠杯裝上~甜度適中~膠杯裝嘅話仲可以飲唔曬嘅時候就直接拎走~夏天時邊行邊飲夠哂方便XDDD幾鍾意呢度既裝修好簡潔，又夠光猛，仲有部大電視。店員有禮又醒目，下次黎開太子想食越式野一定會再ENCORE~!!…Read More

同朋友慶祝升職就當然要去找間氣氛好又高格調既餐廳啦~點菜全交由朋友負責選擇困難症患者表示全部看起來都好吸引好想食!餐包上桌時還是暖的，麵包外脆內軟!非常香和好食!要慶祝當然要點些白酒來慶祝W SeafoodPlatter & Caviar 海鮮拼盤伴意大利黑魚子醬上桌時我們都有點驚呆了，超級大盤的!! 而且海鮮獨有的鮮味撲鼻而來!生蠔、龍蝦、鮑魚、螺肉全部都非常新鮮，沒有腥味。口感極好，海鮮控的友人食得非常滿足。這螺肉的SIZE真的超巨大，令人非常滿足WWW這龍蝦肉真的非常鮮味，啖啖肉~Pan Fried Foie Gras 玉桂脆煎法國鴨肝 配紅酒蘋果蓉，無花果，分子黑加侖子魚子入口先是淡淡玉桂香，法國鴨肝煎得外脆內軟，入口即融，跟紅酒蘋果蓉和無花果非常匹配!一口鴨肝的膩感被清新的果香完美中和了!!讓人欲罷不能，不是朋友制止我的話真想再來一碟。PorciniRisotto 黑松露牛肝菌意大利飯用料極足，意大利飯軟硬適中，每一口都有極香的黑松露和牛肝菌，還要加上罪惡的芝士薄片，滿足感和罪惡感滿分。U.S.Tomahawak 美國一級肉眼斧頭牛排 我第一次見到那麼巨型的斧頭牛排，不愧是36OZ的分量!!看，比我的手還大!!真的超級誇張!! 肉的質和量也是極佳的，非常Juicy，入口嫩滑，充滿牛味!不費吹灰之力就讓人一口接一口的! 脂肪分佈非常平均，沙律菜也非常新鮮爽口!!這個真的值得大力推薦!!!Mango Chestnut Log Cake 金箔芒果栗子卷伴青檸雪芭美味的斧頭排其實已經填滿我們的胃，不過已經甜品是別的胃嘛!!~來到那麼高級的餐廳怎能不點個甜品來為高質的一餐畫下完美的句號呢? 栗子卷甜度適中，芒果香也十足~連平時不愛吃甜品的男友人也多搶了數口來爭吃w青檸雪芭帶來了refresh 的感覺~非常推介lab eat比想係高格調又優雅的餐廳慢慢盡情欣賞美食的朋友，環境氣氛非常好及令人放鬆，員工也非常熱情有禮，很主動，對菜式也非常了解，是一個令人愉快的用餐體驗~…Read More

今日又跟同事嚟到大埔搵好嘢食啦因為天氣都開始轉涼，有番多少秋意，同事決定嚟番一個煲暖下身。調味料種類都好多，任君選擇。嘢飲嗌咗竹蔗茅根同埋酸梅汁，兩種都好好飲好欣賞好解渴。叫咗胡椒豬肚鮮雞煲，至尊牛三拼，唧唧魚麵，脆肉鯇片，手打四寶丸8粒，自製脆響鈴等等。佢個至尊牛三拼係物超所值！餐牌嘅選擇勁多，真係令有選擇困難症嘅我哋諗咗好耐先諗到食咩好。食物嘅份量真心好多。我哋四個都爭啲食唔曬。佢啲脆肉鯇片好新鮮，份量亦都好多。我仲好鍾意佢個胡椒豬肚鮮雞煲！！！一啲都唔肥膩，胡椒味夠濃，辣辣地，好啱我食haha豬肚同埋雞嘅料又夠多喎。我特別鍾意佢嘅自製響鈴，唔會似出面嗰啲響鈴咁得個油字，脆度十足。唧唧魚麵可以自己唧，同事玩得好開心。我特別欣賞呢間餐廳除咗用料份量好足同好新鮮之外，佢哋每一位員工都係非常之熱情友善親切！！呢樣我覺得係令顧客想再三光顧嘅主因之一！！好多謝熱情既佢地令我哋有一個愉快的晚上！！誠意推介喺冬日裏面想搵個舒適嘅地方打返場靚邊爐，同三五知己談心，又有親切嘅員工在場嘅餐廳！！！ …Read More

為咗慶祝朋友 考日文試N2合格， 我哋就去咗呢間餐廳度食番個高水準嘅火鍋同佢慶一慶祝！！！好彩我哋有預先book位如果唔係分分鐘有排等。呢間火鍋店 除咗打邊爐之外佢仲可以食埋沙律、天婦羅、壽司、刺身、串燒同埋甜品。初頭因為佢呢間店以火鍋為主，所以以為佢啲壽司、刺身、串燒等等都係麻麻地，點知食過先知佢每樣餸菜都唔會馬虎，值得一讚。打邊爐嘅一般菜式佢基本上都有，例如丸類、餃子類、肉類等等。而佢D蔬菜係自己去出面自助取。喺今次打邊爐裏面最令我哋驚喜嘅就係美國極上牛同埋紐西蘭羊肩肉。美國極上牛既脂肪比例比平時食嘅肥牛少好多，所以牛嘅味道就更加濃郁。佢脂肪分佈相對較平均，所以食落去，牛肉又嫩滑又味濃。紐西蘭羊肩肉 絕對係好羊者嘅美食。 佢食落口有一浸好濃沃嘅羊騷味。 鍾意食羊嘅人絕對會encore再encore。除咗呢兩樣比較有驚喜嘅肉類之外，另一樣有驚喜嘅就係佢個甜品。 佢嘅甜品種類都幾多，而我最鍾意最推介嘅就係扭紋綠茶新地。 呢個扭紋綠茶新地既綠茶味真係好濃郁，食完後，口腔都仲有一陣綠茶味，絕對值得大家去試。…Read More

 聽朋友講大埔開左一間新既日式店~今日難得準時收工，就約埋朋友一齊入去一向美食多多既大埔搵好野食~~一鳴丼距離大埔墟港鐵站都幾近，位於一條巷仔入面~餐廳入面座位唔算好多，但勝在裝潢非常有日式風格~又可以睇到師傅準備刺身既過程~本來都想試店員推介既火灸3點壽司，但又驚眼闊肚窄食唔哂，所以我地都係決定下次再試~個餐牌D 畫好靚啊XD黎得有 丼字做店名既餐廳~點都要叫番一個丼黎食既~ 丼既選擇都幾多~一輪掙扎後決定叫北海五品盛!見佢有三文魚、油甘魚、帶子、海膽同牡丹蝦~我最鍾意食海膽~覺得呢間D海膽非常新鮮! 其他既三文魚、油甘魚、帶子、牡丹蝦質素同份量都有保證! 好鮮甜! 而且個份量對一個女仔黎講都真心幾多! 好抵食!另外仲叫左一個極上壽司九點盛!因為我地好貪心，想每種壽司都試D 哈哈~到底九點盛有邊九款壽司呢? 有三文魚、章紅魚、左口魚裙邊、 海膽、赤蝦、珍寶帆立貝、三文魚籽、活赤貝同6件卷物~全部都好好食!!  條三文魚係超、級、長!! 活赤貝好爽口!所有壽司用料都好新鮮! 唔會有雪味!更值得一讚既係，店員全部都好有禮貌，好親切，又會不時主動地加茶(店內是奉上玄米茶，茶味幾夠，同朋友聊天太開心都不自覺飲多左幾杯XD)餐廳的食物有水準而且價錢也合理，難怪座無虛席。我們離開時見到門外已有幾位客人等緊。下次要番黎食火灸3點壽司XDD…Read More

今日因為工作關係黎到荔枝角 ~所以午餐時間都係去荔枝角既餐廳到解決~~荔枝角都幾多嘢食~好快咁行咗一圈之後覺得今日都係想食日式拉麵~行行下黎到呢一間叫做元札幌拉麵嘅餐廳~一睇~裝修都真係好有日本風格~好大個叮噹擺喺餐廳面前超級可愛!!入面座位都唔少㗎，不過可能因為食LUNCH時間~所以都超級多打工仔過嚟食同排隊~每張枱嘅旁邊都有各式各樣的調味料~辣椒粉~七味料~仲印左D說明貼係牆提醒客人，好細心~叫咗雜錦拉麵~再加咗餃子~同埋叫多咗碟牛舌~因為做咗成日嘢真係好肚餓~仲叫咗個無糖可樂~ 好少見到餐廳會畀一支玻璃樽嘅可樂~就咁樣成枝飲真係非常之爽~拉麵好彈牙~豬軟骨入口即溶~非常之夠味~糖心蛋非常之好食~個湯底唔油膩、好夠味、好濃郁~牛舌好入味!!切得夠薄，都幾大彈牙~餃子我鍾意佢夠皮薄餡靚~煎得夠香脆~~!下次再黎開呢頭做野都會再過黎呢間到開餐~…Read More

今日難得早收工，於是約左媽媽一齊黎黃大仙行下街食下野~以前細個成日黎黃大仙，估唔到而家變左咁多~見到呢間餐廳好多人排隊，媽媽又想食日本野，所以我地都排埋一份~果然質素有番咁上下保證~XDD因為我地實在超級肚餓，所以都叫左唔少野食XD叫咗刺身~大阪豬扒丼~安格斯牛扒他他沙律配黑醋汁~帆立貝黃金燒、加埋電擊雞翼配炸薯條~~甜品仲有宇治抹茶芭菲~刺身非常新鮮，鮮蝦勁大隻，身為海膽控既媽媽仲大讚呢間D海膽 夠新鮮!份量都唔少~安格斯牛扒他他沙律配黑醋汁 ~沙律好新鮮，蔬菜好嫩口，好FRESH，牛扒幾有牛味，成個沙律配黑醋汁 非常健康亦都好MATCH~帆立貝黃金燒 ~好大隻XD 個味道整得唔錯~媽媽好欣賞~電擊雞翼配炸薯條 ~我自己幾鍾意個電擊雞翼~凍凍地又幾脆口外層包昔糖漿~我都係第一次食~ 我覺得個薯條仲炸得好食過出面D連鎖店~個大阪豬扒丼~超級誇張囉嗰份量~好夠大! 女仔一個一定食唔哂XD 椰菜堆到超級高成座山咁! 豬扒整得好入味， 份量非常之有誠意! 宇治抹茶芭菲~好鍾意佢個抹茶味夠濃，配料都幾多~有小丸子~仲有我既最愛~蕨餅(わらび餅)~出面食わらび都唔平架~呢個甜品真心物超所值~餐廳環境好光猛，坐得好舒服，待應有禮反應又夠快~下次黎開黃大仙一定會再ENCORE~!!…Read More