Miss Angry's Profile

唔係住呢度，但一早聽聞呢度好好味，今早專登搭車去試下。。。外觀是懷舊嘅熟食檔，但原來真的很有內涵😍1. 炸兩-在枱上有各式各樣嘅醬料，可以自行去配搭，味道出色，家人吃了後又encore。2. 炒麵-遇上啱啱炒起熱辣辣，加上滿滿胡椒粉味道，不用浸粥食已經好好食。3. 牛肉腸粉-足料嘅牛肉腸粉4. 艇仔粥-全場最驚喜就係佢粥底，完全不用自行加任何調味料，已經好夠味，係兒時嘅味道。5. 粢飯-飯薄餡多，個人意見認為出色過某間大王米芝連嘅粢飯。總結：原本抱住現今很少呢種粥檔嘅情懷去，但真係驚喜無限。。店員亦很熱情禮貌，環境在這些舊區是已經很乾淨，祝願店主老闆生意興隆，希望未來繼續做落去，真係唔希望有日會無了咁好食嘅嘢😋…Read More

所謂嘅重慶過江龍，首先湯底並不是正宗重慶味道，其次火鍋配料又貴又小又不值+普通貨式，prime肥牛要$248/8片(全份)，桶蠔$108/2隻(半份)，份量小得可憐，其他火鍋配料大多叫半份想試多啲唔同口味，但最後可能係唔夠分，係咪要每款都叫全份才可以食得飽+3人都分配到，所謂嘅如果所有嘢係好食+份量正常，我覺得貴係合理，3人食了$18xx，可一不可再嘅火鍋，希望貴店可以改善下湯底味道及配料份量+質素，唯一嘅好是服務員態度好好。…Read More

今晚成棚人因為某報章介紹而去試下呢間講到咁勁嘅上海菜，點知中哂伏！永無下次！清真牛肉餅-難食到嘔，啲芫茜味蓋過哂啲牛肉味，都唔知係咪新鮮嘅牛肉，完全食唔出，又冇爆汁！上海粗炒-唔可以用難食嚟形容，因為係完全冇味，唔知自己食緊咩！口水雞-辣味鹹味都唔夠，仲自稱話又香又辣！上海韮菜餅-一句講哂唔好食！紅油抄手-又係無味酸辣湯-得個酸字，辣味又冇！今晚食咗10幾款餸，上海菜味道係濃味赤醬，但佢完全做唔到上海菜嘅基本要求，枉佢仲話係王家沙創辦人開，無理由同王家沙差天共地，成間舖只有一款小籠包係好食啲！…Read More

見到這麼多食評推介，又說每天都要排長龍，抱著希望去食，結果都是失望而回！我們4人叫了『越式麵包』←口感味道配搭很好『香茅豬肉撈檬』『扎肉撈檬』←香茅豬肉好味，扎肉不過不失，但撈檬竟然是暖，難道我之前在其他店吃的是凍不是正宗？『米紙春卷』←冇驚喜，一般貨色，不過沾醬可以加分，有濃濃花生香味『牛腩燉蔬菜』←味道普通，不過不失『牛油果沙冰』←都幾好飲，不過唔凍囉只能夠講呢間嘢去一次後無回頭，唔係其他食評講到咁驚喜！…Read More

以去澳門淨係識去大xx記嗰間，但上次遊澳門時已經發現到這間小店，只是上次太飽沒有吃，今次來到澳門想也不想就去買一個自私食(同行朋友話已經好飽唔食，蝕哂)，豬扒juice鬆軟，外層那個包又熱又脆，除了好味也不知說什麼！…Read More

在openrice上看到這麼多人推介，抱著朝聖的心態去一試，果然大家冇介紹錯，水果味的雪糕真的很足料，又滑，每種味道是吃得出用咩水果做的，價錢我覺得係物超所值，2款口味只是$35，如果mix榴槤味要加多$5，現在炎炎夏日，來一杯這樣的雪糕簡直是一大快事！…Read More

臨急抱佛腳嘅母親節晚飯，一早已經想試下星馬菜，立即下午5點幾先打去book檯，慶幸8點鐘有位去到就立即點菜，呢度係用平板電腦睇餐牌，好快我地就點咗"蝦餅，肉骨茶，參峇燒魔鬼魚，香辣通菜，焗胡椒蟹，沙嗲，海南雞飯，油酥餅，星洲咖哩雞", 飲品方面就點咗椰青2個同1支$400嘅澳洲紅酒。但因為掛住食嘅關係，影相影得6款食物。味道方面極力推介：海南雞飯 (油飯好香，雞好滑又冇骨)肉骨茶 (第一次試，覺得足料好好飲)星洲咖哩雞 (南薑味好重，但我地好鍾意，加配油酥餅黎食，一流)其他菜色都好味，但未至於好驚喜如果飲酒嘅人，不妨點支紅酒，因為感覺抵過你叫啤酒(啤酒賣$6x/杯) 服務一流，無論點菜或其他要求，侍應們都立即做好服務，抵讚!環境嗰度其實好靚，有室外有室內，但今日落大雨，無得坐室外享受下個feel! 由於價錢合理，下次有機會再想試下其他菜式…Read More

之前都黎過呢度食兩三次…價錢經濟…咁唔會有高要求…今晚去食真係嬲到震…叫咗一個二人C餐$218及二人套餐$240二人C餐食物如下：湯&蒜蓉飽牛油帶子配牛柳卡邦尼意粉餐茶&甜品二人套餐食物如下：湯&蒜蓉飽薯蓉焗田螺加拿大AAA穀飼牛蕃茄鮮蝦墨魚麵餐茶&甜品我地一行四人好似要輪住食咁…我地係一人食一份…冇share飲完湯後首先黎咗墨魚麵…跟住當我自己食哂墨魚麵後…再黎兩份牛油帶子配牛柳…叫咗兩個餐唔同嘅牛…黎錯咗…落錯單…fine…咁一個啱照食…食牛柳嘅人食完…追單…先到卡邦尼意粉…跟住又到食意粉嗰位食完…先再黎所謂加拿大AAA榖飼牛…之前黎食都一塊扒啦…上到檯就多多薯條…啲榖飼牛得三條仔咁多囉…main point: mini size成餐飯已經食到無心機…唔想當場嘈佢地…唯有返黎openrice發洩…講真…咁嘅價錢唔會望佢係靚牛…但起碼足夠人食得飽吖…唔好話男人…連女人都食唔飽…仲有啲上菜速度真係不敢恭維…四個人成餐飯係一個食完先到另一個…永久black list呢間嘢……Read More

今日放假同屋企黎左呢度飲下午茶~不過掛住食...唔記得左影其他相~淨係影左叉燒飯同鮑汁雞腳....之前成日聽人講呢度D鮑汁雞腳好好味~今次終於有機會試下喇~$28~但都好多隻...真係好好味~YUMMY!!!!另外叉燒飯都唔錯...佢個蜜汁真係做得幾好~I will be back~~~~~極力推介!!!!!!!…Read More

生日慶祝~有朋友推介黎呢度食...因為好味同多嘢食又抵食...一早訂定檯~入到去無咩人...可能出面天氣唔好~好大雨...坐低後店員問需唔需要飲品~原來某d係任飲~有d只可以叫一杯~好混淆~一係全部都任飲啦~攪到咁麻煩~開始上菜喇...第一道菜 - 梅子蕃茄仔 (好地地蕃茄仔無啦啦加d梅子粉上去~攪到一望到就唔想食)第二道菜 - 貢菜 (差不多我地全部人都無咩食過...因為唔好食..)第三道菜 - 涼拌青瓜 (最好味~個個爭住食~青瓜爽口~Good!)第四道菜 - 白灼魚皮 (魚皮夠爽口~不過嫌個汁唔夠味唔夠多~攪到好Dry!)第五道菜 - 炸春卷拼蝦丸 (一般貨色~唔會難食~唔會好味囉!)第六道菜 - 素魚刺身 (呢碟嘢真係叫救命~食落去唔知想點~好嘔心!)第七道菜 - 鹵水雞翼 (雞翼唔夠入味)第八道菜 - 蒜蓉蒸青口 (都係一般貨色啦!)第九道菜 - 豉油王中蝦 (呢個都ok既~)第十道菜 - 豉汁蒸魚雲 (豉汁還豉汁~魚雲還魚雲)第十一道菜 - 燒豬頸肉 (千祈唔好點佢個汁~簡直錯配)第十二道菜 - 炒雞球 (又係好普通嘅餸)第十三道菜 - 海鮮魚湯 (加d胡椒粉好味d囉!)第十四道菜 - 咖哩巨型豬扒包 (特別~個包佢焗得好脆~係個咖哩差少少)第十五道菜 - 紅燒魚腩 (無咩特別)第十六道菜 - 芝麻雞 (呢個都ok既~)第十七道菜 - 海鮮扒豆腐 (好考刀工嘅餸~最好味呢個!!!)第十八道菜 - 酸辣湯雲吞 (雲吞皮好厚~湯底味道麻麻)第十九道菜 - 白玉冬瓜拌小唐菜 (呢個都好好味~清清地!)第二十道菜 - 蒜蓉蒸蝦飯 (D飯好香~)第二十一道菜 - 炒河粉 (呢個無食過~我估麻麻地~)第二十二道菜 - 梅菜蒸茄子 (兩樣完全唔夾嘅嘢~都唔知點解會放埋一齊)第二十三道菜 - 桂花紅豆糕 (好好地嘅桂花糕~無啦啦仲乜加D紅豆落去呢?)第二十四道菜 - 壽包 (呢個係老闆因為知我生日而送嘅~不過D蓮蓉有燶味~哈哈)我地Total有10個大人~1個3歲嘅小朋友...之前book檯時佢話小朋友唔收錢~但到埋單果陣...佢就話收10大1小~咁同佢講返...佢話起左11個人嘅菜~有冇攪錯?另外飲品果度我地自己都計唔到飲左幾多杯...總之覺得有d唔老實囉~明明之前話小朋友唔收錢~埋單果陣又話起左11個人菜~不過算啦~總之都無下次架喇!…Read More

由澳門去到氹仔~加上仲打緊風~風大雨大唔知去邊度食嘢好~噚日已經食左翅~不過男朋友今日話仲想食多次~Fine~打電話去澳門間舖問佢氹仔有冇分店~原來有既~即管去試下...其實無噚日抱咁大期望~因為之前上網已經睇到好多都話唔好食~一入去...上樓上坐低~店員一介紹就叫我地食$688個翅~嘩~全店最貴果個...我咪話唔想食咁貴...但佢繼續sell我食$3xx果d~跟住唔鬼睬佢...自己叫~跟住旅遊書仔叫左『有米佬泡飯』同『石鍋中鮑翅』~上檯望個樣都好似幾吸引嘅~但一食就知龍與鳳~多味精~味道偏鹹~食完勁口渴~終於明白點解咁多人話唔好食!!!…Read More

今次係本人第一次遊澳門~之前係香港做定哂功課去邊度搵食好~係討論區到見到網友極力推介『翅客』~於是唔理旅遊書仔介紹~入去博一博~入到去店員拎左三款翅版出黎俾我地睇~豐險由人~有$20~$50~$70~我地叫左一個$50嘅翅同埋一個雞湯花膠翅~點知一試...難忘...服務好~店員老實推介~味道好~食完一定唔會口渴~~價錢合理~雞湯翅個湯底真係好濃雞湯味~另外高湯翅味道剛剛好~不會過鹹~而且翅份量以佢呢個價錢係合理~真係好令人回味!!!!下次去澳門一定會再黎過~佢一定好過旅遊書介紹嘅翅~!!!!…Read More

之前只係打過一次食評~平時懶得打~但今次黎呢度食真係嬲嬲地~今晚約左朋友去荃灣睇戲...於是就係荃灣廣場搵嘢食...我地又想搵到個地方可以傾下計...朋友話想試下石燒飯...咁望落去環境都幾好~但佢好唔起眼...入到去先發現原來係味千集團嘅..望一望餐牌...一人前同二人前好似都無咩分別~仲好似貴左d添~跟住我地分別叫左兩個一人前食...兩個套餐分係...一人前A :前菜 豚肉手打烏冬醬油雞翼咖哩薯餅一人前C :蟹子沙律芝士海鮮焗飯珍寶春卷味噌湯當豚肉手打烏冬黎到時...見到佢熱辣辣...仲滾下滾下咁...好似好正...點知我朋友話好淡無咩味~而我果個芝士海鮮焗飯~我第一啖食落去又係無味~淡到死...於是我問侍應...我問佢係咪平時都會無味架??佢既然答...我幫你拎返廚房加D鹽落去呀~你宜家係咪玩嘢先?好明顯你應該要換俾我啦~跟住我話唔駛喇~你俾支七味粉我啦~但最後我食左一半都放棄唔食...但佢唯一叫OK嘅嘢係D小食...可能都係交貨黎唔係自己整...味道不過不失...但呢間嘢我保證永無下次!!!!…Read More

之前好想食buffet~上網睇左好耐都唔知去邊度食好...發現左呢度預早訂位有7折...Try Try啦~加上好多人寫食評都ok~好~就book檯出發...我地一行二人去食...坐低無幾耐侍應就放上麵包...之後就一人奉送一客既黃金帶子鮑魚粒意大利飯(好味!)冷盤 - 生蠔, 長腳蟹, 龍蝦仔(呢兩樣水準ok~pass!) - 另外有青口同蝦 (不過無試到) 沙律 - 凱撒沙律, 水牛芝士沙律 (D水牛芝士完全唔得~凱撒沙律就好味,裡面仲有煙三文魚添)刺身 - 三文魚, 吞拿魚, 八爪魚, 立魚 (全部水準都好差~好難食)湯類 - 焗酥皮鮮茄魚湯 (幾好飲架!)熱盤 - 燒牛肉, 燒羊仔柳, 芝士意大利炸飯團, - 即叫即做既有機PASTA(都有幾款選擇) - 芝士扒蔬菜 (食完呢個好滯~除非好鍾意食...如果唔係一定食完已經滯哂)甜品 - 英式芝士餅, 岩石泡芙, 麵包布甸, 朱古力噴泉 (甜品呢PART不過不失~水準一般~其實仲有其他~不過我無機會試... 因為俾D芝士攪到食唔到野落去)總結: 抵食~我去果晚係星期二~所以唔係咁多人~唔會出現搶野食情況~服務好好~ D野食都Refill得好快...侍應同廚師都好有禮貌~不過食物方面唔算特別~ 只係一般自助餐應有既食物~但都值得再去!!!!…Read More