lilyloveeat's Profile

雖然本人唔係好食得辣, 不過好中意去十二味食下LUNCH. 因為佢連星期六日都會有午市套餐,真係好佛. 我自己好中意食佢地既酸菜魚, 雖然味道同某內地連鎖店唔一樣, 但80蚊左右一大份真係好物超所值, 仲會包埋白飯同維他檸檬茶, CP值係返曬度. 講返個餐, 賣相好令, 好香麻油味, 唔會太酸, 酸菜同萵筍都好食, 魚片好滑, 份量多, 基本上冇骨, 有都係一條半條. 既同埋好中意佢可以揀辣度岩曬我依D食微辣BB辣既人. 除左酸菜魚, 十二味既香鍋餐同麻婆豆付都唔錯, 雖然有少少油, 但都好值得一試.…Read More

冇諗過依個商場咁多人, 本身想食另一間沾面, 但係要等好耐. 朋友唔中意等, 見KIKI唔算等太耐, 我地兩個抱住都未試過既心態試一試啦. SET DINNER唔算太貴都係一百蚊左右一個餐. 叫左個花膠鮑魚面, 小食揀左雞翼, 杯飲品加左錢, 但唔記得叫左乜, 淨係記得死甜唔好飲. 講返個面, 就係一舊花膠一舊鮑魚, 之後就幾片生菜, 個湯底係清雞湯味, 家x牌果隻. 本身如果個面條好有特式既我都覺得算啦, 但個面其實同出面上海餐廳d湯面擔擔面差無幾. 咁百幾蚊個餐真係唔知為左食乜. 食一次夠, 唔會有下次. 寧願去食個拉面好過. …Read More

而家個個都中意食XX郎, 又要排又要邊嗌水準越來越差.反而我自己就中意去元氣, 主要都係因為而家好多時黃大仙依間都唔太需要排隊.  今日同屋企人去晚飯, 用QR落單所以其實都自助模式冇咩SERVICE可言,  食品方面都係十幾年都係果D野, 80%一樣, 係有D限定款. 如果要推介, 其實個人覺得中TORO都幾抵食, 入口有油脂味, 剌身又唔薄, 以前淨係食牛油蝦既屋企人而家都話TORO好食. 另外油甘魚, 帶子, 赤海蝦都保持到水準, 食到鮮味.蒸蛋份量同配料仲係咁多, 另外新出加左蟹糕蒸蛋既仲好食, 比起清清地, 多左一份濃郁既蟹味. 最正最正就係限定既生朱古力蛋糕, 真係好RICH, 係食過最好食既元氣甜品, 22蚊邊度搵. 其實最正最抵正就係佢有LUNCH同TEA SET. 真心講, 元氣係個價錢對得住佢既水準. …Read More

PIZZA HUT相信好多人都會選擇外賣, 但我自己就幾中意去堂食. 因為覺得PIZZA係要岩岩出爐熱辣辣先最美味. 堂食不算多人, 上次去MK銀城都係可以即入. 今日去的黃大仙分店其實都有位. 但我拎左飛幾分鐘先叫我的号碼. 叫左個精選二人餐, 因為係金會員, 有9折, 另外再送一客每月精選. 4月是凱撒沙律. 加錢叫了龍蝦湯. 其在比餐湯好太多. 濃郁夠味. 又多蝦肉. 加埋酥皮仲好食.跟餐本來就有一個沙律. 加上送的, 共有兩個沙律. 沙律菜都好新鮮, 水份夠. 沙律醬另上的. 味道唔錯微酸有蛋黃味. 雞肉RISOTTO 有點淡. 亦不太似RISOTTO的半生熟口感. 講真仲難食過葡汁雞王飯. 酥皮焗田螺薯蓉. 只可以話酥皮有點多餘. 同田螺唔夾. 薯蓉好SMOOTH, 味道唔錯.PIZZA因為星星形狀, 覺得比圓形批的細. 批邊食唔到芝士味, 比腸仔cover 曬. 配料雖然主要係雞肉同桃, 但因為仲有辣肉腸呀, BACON呀, 火腿呀. 雞味都不太食到. 而整個批感覺就係一個豪華腸仔包. 其實佢地好多BASIC野都好好食, 只係今次叫既全部都唔岩口味. …Read More

老媽子去左旅行, 捱左幾日茶記, 今日我地跟老豆一行四人出去外面食餐好少少既.　老豆心血來潮話想食順德經典, 我地叫左個烤魚 +幾個小菜.烤魚上檯時未全熟, 要先煮一陣, 湯底微辣, 味道還可, 但魚肉好多骨, 另外餐牌話就話有腩肉, 實際得果兩舊咸得要命既燒肉.個豪唔記得叫咩名, 味道就係同黃金蝦差唔多. 炸得幾香口而且蠔唔會好腥, 60蚊左右幾抵食.小籠包叫左兩籠, 肉既份量十足, 大大舊, 但冇咩湯汁. 比例完全唔夾.招牌炒芥蘭, 芥蘭炒得唔錯, 爽口炒得岩岩好, 本身肉都炒得嫩滑, 但一食又係勁咸.全晚唯一亮點係推介既雞燉翅, 預左所謂既翅都係果少少同埋好流, 只有一少撮. 但佢本身個雞湯燉得又熱又清甜. 甚有水準.  全晚最好食就係個湯同個蠔. 反而最貴既烤魚麻麻地. 間野其實都有推出好多三四十蚊既小菜. 下次應該淨係會叫果D. …Read More

自從麥當勞宣佈三個包要下架之後, Facebook被洗版幾日.  之後立即推出三款新既My Signature Collection系列, 不禁令人有所期待. 星期六中午收工就決定去買黎試試, 話就話有得你自由配搭, 不過我見D人都係指住廣告果三個黎叫. 揀都冇揀過. 係唔係因為宣傳不足呢?不過我自己都係叫左個芝味蘑菇安格斯, 因為覺得佢既配搭幾好, 我又樣樣岩食. 一打開, 個外皮面包真係好令. 有光澤又飽滿.  好過之前果D巢皮包. 不過D生菜反而好老, 又巢又黑. 唔多新鮮. 牛肉同食足三兩感覺差唔多. 不過個蘑菇汁有少少怪, 唔多MATCH個包. 苦苦地. 我仲幻想佢會係肯X基果隻蘑菇汁添. 整體黎講都係足三兩好食D.…Read More

越色離我公司有好一般距離, 如果要食LUNCH最少都要花20-25分鐘來回. 今日心血來潮, 去了越色. 發現唔洗等位. 仲以為咁好彩. 拎左餐牌我地立即點餐, 因為印象送餐都要等幾耐.   但越等越唔妥, 連遲過我地入座既大檯都有得食, 我地連野飲都未有, 詢問之下, 原來佢地漏單冇落到. 侍應話立即整返比我地, 等左陣終於有得食. 一食就更加對依間野失望. D湯濁得黎又冇味, D生牛肉半生熟食都可以好UN, 又冇牛味, 唯獨牛丸還可以. 但同事食頭話D肉有怪味囉. 但係已經覺得好大不如前啦, 而家又漏單又難食, 唔怪得已經冇人等位.…Read More

細細個, 最中意就係飲阿媽煲既蕃茄薯仔魚湯. 大個左, 成日出街少左湯水,  想飲魚湯, 就會黎魚米整返碗魚湯米線嘆下. 最平既一餸米, 先係$32蚊, 豐儉由人. 清湯就即係魚湯底啦, 唔洗另外加錢. 正. 朋友叫左個推介N4果醋豬軟骨韭菜餃, 因為比起自己拚, 叫N4平左$3. 依度D豬軟骨好好食, 有D似人地生仔薑醋果D味, 酸酸地, 又煮得淋, 連舊軟骨都可以趙埋. 佢D韭菜餃入面仲有蝦架. 朋友加左底, 成碗勁爆棚. 先$48蚊. 我就自己拚豬軟骨+豬扒,  自己拚我覺得D配料好似比得重手D呀. 成碗又係滿既. 都係$45蚊. 豬扒佢煮得好軟呀. 不過蜜汁豬扒浸左湯食落去就冇左陣蜜汁味啦, 下次當小食另叫好D. D魚湯太好味啦, 淨飲湯都滿足, 野飲都可以慳返唔叫. 另外一提, 米線都煮得頗淋, 食開硬身既要落單講聲啦.…Read More

生日同事請客， 食好少少去六本渥食日本野。唔好意思叫咁貴， 點左個中間價既滑蛋豬扒飯。午餐包個沙律吧， 有青瓜，生菜，車厘茄 粟米， 菠蘿同扁豆。幾新鮮的， 任食， 還不錯。午餐冇餐飲叫， 但出面有茶水吧， 可以提供最基本的咖啡奶茶檸水等等（只有熱飲）.豬扒飯蛋汁有加冬菇洋蔥，出來呈半生熟, 好香滑味道唔錯，但豬扒外皮反而因為d蛋汁淋曬，而且厚粉, 食落口, 就係一PAT PAT粉漿包住一舊又乾又硬, 索唔到蛋香味既豬扒肉. 口感說真的不太好. 而且好味既滑蛋, 就只有面頭的少少, 下面一大碗都係白飯. 見到隔離張檯食緊鐵板燒, 炒到出曬火咁, 下次大時大節或者會黎試下.  …Read More

好耐冇食過泰園， 行過見到7折，好抵。其實佢既lunch唔係貴， 又多選擇， 味道都唔錯， 太耐冇食係因為公司附近有間新曼谷。上到去爆曬場， 岩岩好有人走先有位食。兩個餐牌大概共有15個選擇， 包一杯熱飲同湯， 今次叫一過未食過既豬頸肉炒粉絲。好足料Wo， 勁大碟。粉絲炒得偏濕， 林林地， 但仍然有鑊氣。豬頸肉有燒過， 肥瘦適中， 爽口有肉汁。 另外配料有蛋有蘿蔔， 芽菜， 感覺好健康。餐飲熱奶茶， 勁濃， 似泰式奶茶， 我落左1／3包糖已經甜過龍。 餐湯清清地， 幾好味。趁有7折不妨叫d貴野試下。…Read More