Milalwy's Profile

竟然一個差評都冇，係ig 見到有foodie 介紹呢間餐廳，見到都好吸引然後就同老公book左食自己既生日飯。我地訂左7百幾蚊個set，個晚6點鐘入座，佢分左兩邊。5百幾個set就一邊（3位師傅主理），7百幾個set就坐另一邊（1位師傅主理）。咁感覺上都幾舒服，唔會話太喧嘩。788既meun 前菜：沙律加煙肉薯蓉第一道：香草牛油炒北寄貝佢為第一道菜真心覺得唔錯，北寄貝大隻厚肉之餘仲食到肉質爽彈新鮮。第二道：時令海鮮係鮑魚都係香草牛油煎原以為師傅會將鮑魚肝臟整成汁點嚟食點知冇呢回事，不過都ok係好食既。始終牛油加海鮮係唔會差得去邊第三樣煎銀雪魚又係香草牛油煎，其實食到呢到雖然食材唔一樣，但味蕾已經覺得悶。唯一讚魚皮煎得好香脆同師傅冇整爛塊魚皮。好～食到呢到諗住食最期待既牛舌芯點知waiter同我地講今日牛舌芯冇返貨叫我地轉食豬肉。。。what?黑人問號？？？你唔係呢一刻先通知客人冇呢道菜嫁嘛！當日開鋪前唔通知，然後我入座前又唔講既？到下一道菜明明係牛舌芯先嚟講？其實明屈嫁咋喎？然後因為當日係生日正日，真係唔想掃興。問有咩可以轉，有豬同雞 🙂然後我就揀左豬。就係呢三粒煎豬扒。冇錯啊！又係香草牛油煎嫁。和牛：師傅問我食幾成熟，我話3成。你地覺得呢？ 🙂鵝肝：下面個塊蕉糖青蘋果唔錯啊 😄炒飯：廉價煙肉加蔥加蛋加飯炒吸物：魚湯警世！！！！一拎埋嚟係腥到相都唔想影再利申：平時係勁鍾意食魚飲魚湯既人。呢個湯幾腥先可以令到鍾意食魚既人都唔飲。甜品：開心果雪糕好好味啊！好想知邊到叫貨叫返嚟 🥰等自己都可以去買嚟食。最後：勸告foodies 不要再欺騙有睇你既followers！ …Read More

朋友移左民幾年，終於等到佢返嚟。今晚等我收工，係附近book左呢間居酒屋因為我朋友好耐冇食過雞軟骨呢樣野 🤣見到佢meun 有就book左呢間。當初入門口個陣見到bar枱冇客，心諗會唔會中左伏。點知行到入去原來鋪入面仲有其他位同其他客人 😂我地坐低之後就睇下meun食咩，其實佢都有set揀，不過我地決定散叫。 我地叫左10樣野食（不過就唔係全部有影相）先嚟左個生蠔，大大隻好飽滿，本身都已經搽左醬汁上去。食到有生蠔既鮮味，好滿足既前菜。之後就係蟹沙律同雞軟骨棒蟹沙律係正常野，雞軟骨棒每咬一啖都脆卜卜食到有雞軟骨碎，點埋個月見真係好好食（趁熱食）再嚟個8款刺身拼盤（2切）加左口魚刺身6切呢個真心勁抵食。本身有成8款刺身都係$298，左口魚$78每款刺身都新鮮厚切，冇投訴。炸物：炸雞軟骨份量適中，滿足左我朋友燒物方面：厚切牛脷，燒白鱔，燒冬菇，燒油甘魚鮫牛脷，真係厚切，一串5嚿。好那正爽彈滿滿牛脷既味，一人一串都已經止到癮。白鱔，燒到個皮脆卜卜，又夠肥，好好食冬菇，佢冇燒乾哂，仲有菇味保留返。出面有啲燒到勁乾食落好苦油甘魚鮫，燒到魚油出哂嚟。記得每啖魚肉都要點佢個醬汁，昇華左成啖魚肉。我朋友食到尾先點，佢好後悔😂總結：兩個人食左10樣野，飽到上心口。勁滿足既一餐。呢個鋪有H.H一人叫左杯梅酒，一路食一路飲正…Read More

之前食過一次覺得好好食，跟住今日再同啲同事一齊去買，見到舊鋪無曬貨但係新鋪就有好多。咁就去左新鋪買啦，星期日特別多人，啲人買完唔知點解要企係鋪入面食已經塞住哂個門口。見佢寫到明話特別版要成22蚊個都買嚟試下。個staff仲同我地講話手搓杏仁皮係貴啲嫁，好好食嫁！點知。。。一食落口硬到講粗口，食完一個成個上顎損哂 😮‍💨拎嚟磨牙石咩大佬？明明舊鋪就係隔離，點解啲質素差咁遠。明明話係麻糬但係食落去完全冇煙韌既口感買左3個，望住淨低呢44蚊真係得啖笑。…Read More

明既，而家啲人食打卡唔係食食物為主。打卡係首要，間餐廳野食先係次要。可能間餐廳都知道係咁，啲客日日都咁多跟本冇服務可言。我同朋友一行7人去到呢間餐廳慶祝生日，我book左7點坐樓上，去到reception 話我地可以食到9點，ok 冇問題。上到去其中一位朋友點左6樣野食，到8點 一樣野食都未嚟，咁我地諗諗下就話不如叫多幾樣驚唔夠食。個staff同我地講唔俾叫因為就嚟落雨，但你叫酒係冇問題可以落單。（聽完黑人問號？）到8點15分冇啦啦拎張單嚟叫我地俾錢，但一樣野食都未到 唔係諗住叫我地走下嘛？😓咁我地就問佢係咪仲有其他booking 佢話係（個staff反我地白眼）。但明明仲有好多吉枱由我地7點嚟到8點3都冇人坐。之後我地講完個情況，第一8點15分一樣野食都未有，第二我地仲有蛋糕未切，第三我地真係想叫多兩樣野食。講完以上情況個staff最後肯俾我地叫多兩個小食。而第一樣叫既野食栗米都上到枱，而其他都跟著上枱。（個陣都差唔多8點45分）都唔講食物質素點啦，因為係嚟打卡嫁咋嘛。我同啲朋友都快快脆食，廢事真係落雨。到10點鐘左右開始真係開始落雨 野食因為份量唔多既，咁我地7個人一人一啖都清左。個蛋糕我地係樓梯門口個到切（離座時間10點3x分🙂）（因為打去book個陣個staff講明如果落雨係唔會係樓下室內位置補枱俾我地）總結：打卡餐廳都係餐廳姐，都係要有服務卦而且7點到走個刻 個啲吉枱依然係吉枱嚟。唔好咁趕客啦好心就…Read More

因為住得附近所以平時都係外賣，但係見平日人就早少少去排隊食堂食。我唔覺得啲服務姐姐冇禮貌，基本上堂食真係好full，好多人。尤其係食晏時間今次散叫左個酸菜魚（江團）大辣新開呢到個酸菜魚比以前好食，夠酸夠辣又冇咁油加多個米線走湯，最鐘意加酸菜魚既湯落去食，米線夠滑唔會煮得太淋。另外叫左乾鍋（大辣）好大兜，麻香好足但可以再炒乾身啲。環境比以為好坐好多，而家又光又大食都食得舒服左。可惜得兩個人食想食埋個紅糖茲粑，唯有下次同多啲朋友嚟再叫…Read More

某日既晏晝係尖沙咀自己一個人都餓喇就諗食乜鋪頭細細 都差唔多滿座好彩一條友唔難搵位叫左個招牌芝士牛肉漢堡餐加薯條加多枝烏龍茶，等左一陣好快就有食得。堂食始終會好食好多 麵包烘到包面脆脆地我拎走枝竹籤，毫不猶疑就咁用紙包住個漢堡包黎食 呢個食法真係相當有滿足感隨住一路食牛肉汁同醬汁就流返落麵包既底層，好快我已經鯨吞哂成個包。食完個包都已經7成飽，但薯條都仲係脆身 自己覺得略咸，但薯條就係要咁先自好食。黃得黎咁好食真係好痴線。…Read More

留意左呢間餐廳好耐 上網睇啲相真係唔錯所以疫情稍為緩和終於都嚟試下，預早book 左位坐榻榻米時間係晏就1點半，環境舒服 就算本身座枱既位置都唔逼 。同朋友分別叫左$119 $149餐睇下個分別上面係$119set 大慨有7塊左右 厚度適中下面係$149set 雖然得4塊 但都大大塊嫁百零蚊set 絕不欺場，和牛入口即溶 配埋個set既日本米 話咁快食哂成碗飯真係 仲叫左頂級牛舌芯，但真係美食當前 不能夠相機食先厚厚既牛舌 燒佢幾十秒 表面燒到金黃 咬落軟淋 滿滿油香 真係好正 （大家幻想下）係幾咁好食 最後仲有杯雪糕食下 呢餐lunch 真係大飽口腹。值得一去再去…Read More

之前一直都好想試呢間buffet， 但係價錢都真係幾貴 但係呢一次因為男朋友生日 所以就一早喺openrice度訂位 。仲remind咗嗰日係慶祝生日。 我地book咗六點半 嗰日閒日冇乜人安排坐窗邊位置 雖然外面係普通街景 但係啲位置都坐得好舒服如果情侶一齊食嘅話就可以好舒服咁樣傾計。我哋首先試下啲冷盤先，啲ham配埋蜜瓜真係好正，另外自家制既鵝肝醬好好食一定要搽係多士上面另外都有鵝肝多士 ，但因為唔係即煎所以係微暖麵包都有少少淋 略為遜色之後呢度每人有一隻龍蝦係可以order 嘅有三款唔同嘅煮法 我哋揀咗牛油同芝士焗但就覺得冇乜特別好食 。反而覺得佢地既熟食做得唔錯 ，生蠔當日係有4款 但蠔身偏瘦同細隻 鐘意食蠔既我就覺得一般。食到咁上下當你食到 dessert 嘅時候， 會有一個小cake出嚟慶祝 而且樂隊都會奏出生日歌。…Read More

話說呢間餐廳初嚐其實都已經係一個月前食 打呢篇食評之前都已經再食左3 次人懶啊嘛 拖到而家先打 😂其實邨屋突然多呢種類既餐廳都會驚伏集團式咁開分店開得好快。好奇心下又睇下op其他食評又幾多讚嫁喎咁口味既野 個個人都唔同 。決定去挑戰下 ---＞試新野 個人真係好鍾意飲酥皮湯 佢呢個飲幾次都係岩岩焗起夠哂熱 而且酥皮好鬆脆唔係焗出黎塔哂 又唔夠熱個啲黎嫁裡面會有少量既急凍海鮮 都ok既 冇雪味主菜加錢轉價錢實惠。 呢個雜菌湯係加錢都唔會有既 一定係叫扒餐先會跟啲菌粒粒分明 係可以咬下 而且個菌味幾濃叫個小食試下焗田螺 味道同價錢都係薩xx既級數 個薯蓉幾好食 外面焗到少少脆黑松露意粉呢個同預期係有出入因為意粉個汁係稀稀地 我諗住係好稠身 好creamy 個隻黎 嗱嗱嗱 到塊扒喇係影得有少少衰既 真實冇咁差 90蚊 有薯條 肉醬薯蓉 加啲配菜 仲想點?仲要味道唔錯 有牛味 叫左5成熟岩岩好 再配個牛肝菌汁薯條超級好食 勁脆 野飲係半價 個紅豆冰我覺得同茶餐廳飲既差唔多紅豆有沙 同埋飲到有牛奶味 如果有埋雪糕就仲正。…Read More

人總係犯賤既 其實食之前已經睇左食評 但見到新開真係想試試佢其實3十幾度啲食材咁樣攤開任人夾 好唔衛生另外一個出前一丁同噹噹鳥外都要12蚊 真係好過去搶 😂個啲海鮮包 係急凍海鮮黎 見到個樣都覺得有陣臭味 當然啦 如果係好食係值既有咩所謂 柑桔檸檬同檸檬益力多 冇特別所有食材唔係啲咩貴價貨 午餐肉食cheap 野個隻黎 午餐肉都咁難食 真心係大陸食仲好食過呢間野麻辣湯 得個辣味 完全唔冇麻味 同埋成碗都係辣油黎 本身佢個湯係冇味既呢碗就係我碗麵整出黎既油 其實有好多人好唔理智 一味係咁夾餸 但其實食唔哂根 佢啲野食就算一條菜都係計緊錢到埋單個陣就話貴 所以想試既朋友諗清楚先好夾見佢個餐牌啲野食係唔平 …Read More

今晚嚟到形點新開左北京樓梗係要黎食下片皮鴨啦呢日係星期日我哋7點半黎到門口拎飛等咗個半鐘頭先至入到去 門外拎飛大概派到九點鐘佢就停止派飛啦唔少人都等等下就走左 😂可見我想食片皮鴨既決心生煎包一咬落去裏面會有湯汁流出嚟 好好食炸豆腐麻麻地雖然炸得香脆蛋豆腐冇乜味糖醋排骨不過不失酸酸甜甜幾開胃口水雞 炒萵筍絲烤羊架 正 到主角片皮鴨片皮鴨真係好好食佢先起左鴨皮底層係鴨肉 鴨烤得好香 皮亦做得鬆軟 兩者夾住一齊食味道真係唔錯（呢到係一隻份量）…Read More

我會記住8月15號 呢一日本身同男朋友想食另一間日本菜 但去到門口竟然冇開 。又熱又餓情況下 去試左食呢間成日有人排隊既丼家。可能已經差唔多9點 唔洗等 我同男友係好鍾意食蟹同海膽 所以諗都唔諗就叫左蟹皇丼同海膽丼 （加左18蚊有一個做定食） 仲叫左火炙三文魚腩壽司 燒左口魚裙邊壽司 中拖羅壽司 燒玉子壽司同珍寶帶子壽司 。係滿心期待底下最先黎係個蟹黃丼 賣相吸引上面佈滿蟹子同蟹肉 蟹腳都唔算細隻 下面佈了一層蟹膏 有啲蟹柳 玉子得伴菜 *但呢一切都只係得個樣*首先一黎就食個蟹腳 唔好見佢燒到燶燶地以為係熱 食落去冇蟹味得雪味 仲要未完全解凍 面上層薄冰 入口即融 。旁邊既蟹肉更加唔洗講 當你諗住食到啖啖肉個陣 只係食到啖啖既雪味 蟹膏個層 都叫做有啲蟹味 啲蟹子係腥味極濃 真係唔知想點 擺就擺得咁靚 但啲味道係超級市場賣到既質素 心諗算啦 百零蚊 都唔係貴 。但到我個個海膽丼定食真係呆左 首先定食多左一碗沖劑既麵使湯 一小碗什果沙律 同一兜仔凍縲肉 如果menu 有寫定食係有以上既野食 我一定唔會加 睇得出完全係hea 。講返個海膽丼 以呢個價錢 一定係可以食到更好 海膽未算難食臭腥味個種 但亦冇鮮甜口感 點左幾款壽司每樣2件 已經成餐飯都預左唔好食同街邊可以賣外賣壽司個啲質素冇分別 左口魚裙邊滲出黎唔係油脂香 係水份黎。仲叫左一件珍寶帶子壽司 我食哂上面個啲壽司帶子都未黎 問員工佢地話整緊同我估既一樣 就係帶子未解凍。。。送上黎個陣舊帶子係暖嫁 暖既壽司入口個個感覺真係好難受😔乍乍林食完 埋單差唔多6百蚊 元朗而家係好多野食 但唔係間間都係有心煮野俾客人食囉。…Read More

呢晚原本約了位朋友食晚飯 本身想到旺角打邊爐食雞煲。但有位朋友放飛機 我馬上改變策略 2位女生一齊共進西餐 在下午時份打去james kitchen booking 幸好還未滿座 。想到已經有一段時間冇來james kitchen 決定帶呢位朋友來試試 。james kitchen 第一次來既時候係一位好朋友帶我來食 當時覺得呢間小店 食物好 質素高 所以每隔一段時間我都會來光顧一次 。 晚上8點正來到餐廳門口依舊門面純樸 只放了幾塊貼上meun的木牌 *重點一提這間餐廳員工並不多* 待應只有一男一女 男的是老闆 所以即使看見眼前有吉枱 我還是等待他們安排入座 還望各位心急人士 靜待1至2分鐘 。當安排入座後 女侍應奉上餐牌 本身想點dinner for two 但chef's recommendations 比較吸引 所以還是點了後者 還加了2份鵝肝 。餐酒係送既 不過不失 係易入口既品種。因為客人唔多 我倆可以坐在卡位 暢所欲言海鮮拼盤兩個字 鮮甜 生蠔隻隻飽滿 爽口 生蠔控必食翡翠螺大大隻 口感滿足 牡丹蝦 肥大 手掌咁長 食完呢個海鮮拼盤有種幸福既感覺鵝肝醬多士 煙燻靖魚 24個月黑毛豬火腿兩女生好快就清哂一整碟 每人另加$90 可食到鵝肝一份 鵝肝並唔細小切落去油脂滿瀉雜菌湯 每一口都可嚐濃郁既雜菌味 餐牌雖說美國頂級有骨肉眼扒 但其實沒骨的點了5成熟 煎得剛剛好 肉質軟淋 牛味充足 底下仲有一層配菜 扒的size有一個女生的臉那麼大食完以上的 其實已經飽了 但女生就算食得多飽 看到甜品這樣美食仍會吃下去心太軟 熱辣辣 一切開 心裡的朱古力醬馬上湧現看得我心都軟了 一口熱心太軟一口冰凍雪糕 簡直一絕 旁邊的焦糖布丁 面上的薄脆焦糖烘的剛好布甸軟滑 滿滿蛋香 不會太甜 為這個晚餐劃上完美句號。題外話 ：標題係不想失去的私房菜 因為在現今的飲食業 難得遇上自己喜愛的小店 但可惜好多時都會因為多種因素而消失 而我就是不想讓它消失 。這店 論食物質素 論環境 論價錢 都好比這區其他的西餐廳 james kitchen 絕對對得住我個胃 。…Read More

荃灣食肆種類真係好多 午餐過後周圍行 見到呢一間阿爺粥品手工涮涮鍋 即刻上網做research原來係食粥底火鍋週末時間特別多人但係我哋去嘅時候先至係六點鐘 所以就即刻入去入到去冇咩人可能因為仲早啦！ 因為我哋walk in入去 員工都同我哋講如果八點鐘前可以交到枱就冇問題 反正我哋都唔想咁晏先至食夜晚所以我哋就入咗去啦入面嘅座位都好寬敞有一邊全部都係坐梳化位嘅餐牌佢有兩個套餐分為$198 $298我哋最終揀咗298因為海鮮多啲種類佢個套餐如果加多30蚊嘅話下邊嘅配料就會變咗又任食 真係好吸引呀加多30蚊就可以變任食我覺我哋覺得好抵但係因為我哋得兩個人所以我哋就冇加到啦佢哋嘅快仔好得意呀佢個快字頭係木做嘅會另外畀你感覺上衛生好多。餐具都好精美 我哋嗌嘅298套餐 啲海鮮真係好新鮮呀 龍蝦有一隻有手臂咁長㗎啲蜆做全部都好大粒鮑魚有手掌咁大隻而且個拼盤上嚟嘅時候都已經砌得好靚即刻要影返張相呃like呀我哋將啲海鮮逐樣逐樣淥嚟食啲海鮮又唔會過老仲可以即刻食到佢嘅鮮味一開始我哋將所有硯放落粥底度熟曬之後個粥底好有硯味 食曬啲硯之後就淥鮑魚啲鮑魚好大隻好淋呀 再之後就係到花蟹同埋龍蝦 佢哋全部都有膏架 雖然花蟹冇乜肉 但係落左蟹之後個粥更加好食 多寶魚就仲好厚肉 仲冇咩骨 食到啖啖肉嫁自選配料可以畫五種 我哋揀咗 鵝腸 響鈴 雞子 豬肉青 牛栢葉haha 大家一定好奇怪點解會揀雞子 因為我係一個會食雞子既女人（常常遭朋友歧視😂） 佢嘅響玲長度真係長得好誇張有一隻呢到既筷子咁長 呢度嘅筷子長度唔係平時我哋食飯嘅快子如果你嚟到呢度之後就知道呢度嘅快子有幾長喇😂😂😂建議大家食響鈴都係浸5秒就好即刻拎返上嚟喇咁先至仲食到佢嘅脆卜卜手切肥牛真係好好食呀好有牛味可惜每人只係得三片佢送嘅蔬菜拼盤都好豐富有靈芝菇金菇粟米油麥菜同埋鮮冬菇個豬頸肉好好食薄薄地一片熟咗之後好爽脆仲要砌咗一朵玫瑰花真係睇得又食得呀鵝腸就一般 有少少苦味 當你食完所有以上嘅食物之後 重頭戲就嚟啦 就係個粥底呀 真係好好食 裏面充滿曬海鮮味臨尾侍應會比一碟有味菜你加落個粥底到咸咸地嫁 所以你地唔洗加鹽落去調味食完個粥都已經好飽 待應仲送上兩件桂花糕做甜品今次真係捧住個肚走呀😋😋當我哋食完之後啱啱好八點幾唔覺唔覺咁就食咗兩個鐘啦。到我哋行出門口嘅時候出面已經有成十幾人排隊喇早食果然早享受…Read More

星期六放假必定要出外走走 逛逛街 要到處尋找美食 才算是美好的假期 難得這天陽光不錯 下午時份來到荃灣 上網找一找 發現多了不少新餐廳這次來到CAFE WAN 呢間餐廳裝修挺吸晴的女孩們一見必定會吸進去。吸晴原因是門口放了一隻裝滿咖啡豆的大天鵝以及裡面佈滿童真的裝潢。店子裡頭細小 天氣雖然炎熱，卻無阻門外排著十多人來潮聖的決心呢！ 我們到後馬上拿了號碼 過多十分鐘左右 在門外的員工會首先安排拿了籌的客人下單 當入座後很快就會有食物送到。店內是有限進食時間的 入座起計每張枱張90分鐘。 排了差不多半個鐘頭 終於到我兩進去了其實我是很想坐粉紅色咖啡杯座位 可惜這天食客確實太多 安排不了座位 唯有下次再來吧。卡邦尼溫泉蛋忌廉意粉 一上枱我急不及待已經將溫泉蛋融入意粉之中食落去有煎香左的煙肉味 忌廉咪亦很重 意粉軟硬適中 我倆很快便將它清光了。鵝肝巨人漢堡 這漢堡真的很高 鵝肝及漢堡扒非常的厚 就算是男生也不能一口食進可惜漢堡扒肉質鬆散 欠缺牛味 但包面能吸收鵝肝的油脂 食落去麵包亦很鬆脆 裡面的蔬菜都新鮮不得不介紹當配角的薯條 新鮮炸起 外脆內軟 好食飲品方面 我點了ROSE latte 滿滿玫瑰香味與咖啡不會互搶大家位置 奶泡打得幼滑而另一伴點了Mint latte 一飲那清新的薄荷味停會留在喉嚨之間 建議食完食物才飲用 不然會遮蓋味蕾今次以午餐為主 所以未能試盡想食的看見這店的窩夫賣相很吸引 在場食客都點的不過有質素的餐廳不需要只來一次 留待一點新鮮感給自己 讓自己有藉口多來幾次…Read More