Heyheistyle's Profile

今次係第2次食銅鑼灣尚鮮和牛放題，今次兩個人食和牛任食套餐，指定人數仲送埋海鮮拼盆，非常抵食。第一轉上嘅和牛擺盤非常精緻，仲要每款都幫你分埋唔同部位，係A5 鹿兒島牛牛，入口即溶諗返都流口水烤爐夠大4個放左5塊肉同3隻蝦都仲有位淨，盤邊洞應該仲可以吸油煙。近少少睇d和牛充滿脂香，只要簡單用鹽調味就已經好好食！除左和牛之外，當然仲有豬／雞等肉類可以選擇，今次我地都叫左雞翼，味道雖然唔及和牛出色，質素都對得住呢個價錢。最後再比大家睇一下2人份量嘅海鮮拼盤，蝦、鮑魚、生蠔以及帶子仲有燒蟹殼。最吸引嘅海鮮應有盡有，員工仲要好細心教埋點樣燒同燒幾耐，味道當然係正啦！總括而言，呢個食到和牛放題，仲有海鮮拼盆絕對值得一試，可惜嘅係飲品選擇較少，同埋和牛食得太多會濟。…Read More

 Wako sake bar 喺繁忙嘅weekdays 比咗我一晚輕鬆時刻今晚試咗梅鐵板2人前套餐，整個體驗非常滿意。二人餐前菜主食連甜品有8款食物，配埋Free flow清酒食飽飲醉兩個人都只係$688（另+1），個人覺得超抵食！日式裝潢同寬闊設計非常舒適，坐低就拎清酒樽出Sake bar 拎酒。首先入目嘅係林林總總嘅日本清酒，凍熱皆具加埋應該有百幾款，非常壯觀。另一驚喜就係Sake bar 隔離嘅街機，可以2人連線打街霸，如果同另一半或者朋友Chill 住打機都幾開心。食物方面，上菜節奏控制得好，食物一樣接一樣，先到嘅係豐洲直送嘅刺身三點盛，新鮮，刺身夠新鮮就好食！鐵板燒比目魚，皮脆肉嫩，坐爐邊枱仲可以望住師傅燒，重溫一下置身日本嘅體驗。串燒拼盤擺盤清緻，雞牛豬加蘆筍同蘑菇，肉嘅火候控制得唔錯，保持到肉汁唔會太老，蘆筍我最至，可惜無得encore。中間上咗碟北海道松葉蟹棒配日本小茄子，蟹肉鮮甜而且茄子清爽，可以清一清味蕾食主菜。安格斯牛肉薄燒驚喜之作，薄燒肉質超嫩，中間包炸蒜同香蔥，好惹味。主食可以烏冬炒飯2選1，感覺上炒飯可以帶嚟更多驚喜，炒飯粒粒分明仲夾雜住蝦乾同蔥嘅香味，屬於高水準炒飯，諗返都流口水。呢一餐絕對抵食之後，值得再次光臨。…Read More

由La Famille 岩岩開店個時，我已經買咗佢地的蛋糕試食，因為細細件一個，味道款式又多變化，所以可以試好多種味，而出奇地每隻味都好多特色同幾好味。今次佢地有新花款，就係出戚風蛋糕，有cut cake同原個可以選擇，咁我咁貪心嘅人當然要一次過試多幾款味至心息，所以今次就買左四件唔同味嘅戚風蛋糕過下口癮。中環呢間店搬左地方，搵的時侯我都搵左一段時間，因為無堂食的關係，所以大家只可以帶返去食，如果其他分店就可以食堂食，仲有tea set可以order tim。今次4款蛋糕入面，最令我難忘的食early grey味，入口有淡淡的茶香，而且非常鬆軟Q彈，隱隱約約食到蛋香，因為佢地係無添加化學香料同色素，所以非常天然，而佢的好味道係來自原材料的美味，所以唔駛怕食到d唔健康嘅野。而且每一細件獨立包裝其實好方便，但係有少少唔環保，我都prefer原個食，因為咁好食都唔怕食唔曬啦 ：）…Read More

食過尚鮮幾次，今次竟然出咗日本a4和牛任食，而且海鮮同酒都有得任飲，超正。一黎就上個海鮮拼盤，新鮮到d海鮮係仲生的，隱約可以見到鮑魚仲旭緊。個鮑魚仲旭緊架＞＜呢個蟹蓋好香好好食主角出場啦，你睇下d a4和牛油脂分布得幾靚，每一舊都係入口即融而且上碟上得好快，食完一轉即刻叫另一轉，唔會食唔飽。牛肉有分幾個唔同部份，當然越好食嘅部位就愈多油啦，今次主角係牛，所以無特別影其他，但係豬肉其實麻麻地，因為難燒而且有少許嘅豬肉腥味，都係建議食返牛。睇下燒個陣油花四濺，真係好香。飲品方面，有可樂、啤酒，茶類等等任飲，最令人驚喜係最後嘅雪糕竟然係movepick，呢個價錢食到呢個質素同埋野食，真係無得彈。總括黎講，呢個價錢任食有和牛食，而且仲要係好食唔係hea你嘅和牛質素，其實我都比好高分，但係呢個和牛任食嘅活動係有限定的，係呢幾個月先至有，如果想食的話，記得早少少睇定日期同mark定schedule去食啦。…Read More

一到冬天就想食火鍋，而任食係我一向嘅選擇，因為唔駛煩，而且價錢仲可能平過係屋企食。豐碩火鍋一入到去就見到好多活生生嘅海鮮，對於鍾意食海鮮嘅人黎講非常吸引。火鍋其中一個最重要嘅元素當然係湯底，今次簡個雙拼，而我哋火鍋料嘅選擇都係針對肉類出擊。肥牛當然唔少得，肉質其實唔錯，對於呢個價錢任食黎講都幾抵，而且雪火分佈得幾靚，而河粉驚喜地滑，而飲品亦都係任飲，鍾意飲酒嘅 人可以無限任食燕京。總括黎講，呢間算係非常抵食嘅任食火鍋，上菜好快，質素都對得住個價錢，如果唔想煩又想打邊爐，呢個係唔錯嘅抵食之選。…Read More

中環又開多間台灣茶飲店，而呢間係黑人同范范創立嘅茶飲品牌，係台灣都非常出名。今次黎香港開我都覺得好驚喜，因為我係每日都要飲一杯茶嘅人。呢3杯可以講係佢地鎮店之寶，用甘庶鮮奶、黑糖珍珠（相信好多人都飲過）同檸檬愛玉。由於我個人唔係好鐘意好甜，但我想試佢哋最推薦嘅味道，所以叫咗少甜（我平時會飲走甜）3杯其實都好飲，但檸檬愛玉少甜對於我黎講都有d甜，因為檸檬佢地用咗特別手法處理，飲得出同其他檸檬飲品唔同，值得一試。而我最愛係甘庶鮮奶，鍾意飲奶類飲品嘅人應該會鐘意，唔會好甜，有少少庶愛，非常特別而且間店有個特別打卡位，影相好靚。…Read More

上環新開嘅小型西餐Cafe，佈局係律師樓嘅主題，除咗餐牌係用上庭文件格式之後，亦都有類似參考書嘅書櫃，相信唔少律師行工作嘅人黎到會有一番熟悉嘅感覺。午餐價錢大約$100上下，而且份量都唔少，包括前菜、湯、餐包、主菜及飲品，仲可以另外加埋甜品。首先上菜嘅係沙律，除咗菜類之外仲加咗超級食物藜麥，非常健康。餐包及當日嘅廚師推介．南瓜湯。湯唔係好夠熱，但係味道唔錯，配埋餐包食非常開胃。主菜牛扒味道中上，但今次嘅Medium well有少少過熟。但Buffalo wings嘅味道同口感都好滿意。額外點了tap beer，係一道好嘅下酒菜式。主菜二，炸軟殼蟹risotto！呢道主菜無論味道定份量都滿分，軟殼蟹炸到好脆內軟多汁，食落好香嘅軟殼蟹味，而且risotto飯粒有口感，少少硬係我最鐘意，2個人share食都足夠。由於大家都食得好飽，所以最後甜品只係加咗一份，為整餐畫上完美嘅句號，呢個甜品好出色，上碟嘅擺盤好有心機（Brownie Sundae)，呢個Brownie質感係軟淰，朱古力係份口即溶嘅口感，無得彈。…Read More

日式炸串店係日本大阪地區非常出色，無論遊客定日本人都非常熱愛。以炸漿再落油炸，非常香口而且食得出食材嘅原味，再點上特製酸酸甜甜嘅沾醬，相信食過嘅人都回味無窮，而香港偏偏難搵到水準相若嘅炸串店。呢間位於銅鑼灣嘅JunG39係大廈嘅高層，店裡裝修有日本居酒屋風味，而且坐位舒適夠闊落。今次一坐低就叫咗個炸串界嘅Omakase，最先上枱嘅係數碟前菜鮟鱇魚肝同啤酒，我本人對醬汁濃厚嘅前菜一向都無特別喜好，但呢個魚肝令我食咗半碟，原因係非常下酒。海鮮沙律隨後送上，海鮮唔算好多，但依然鮮美。係炸串之前食點蔬菜，無疑係可以將罪惡感大大降低。章魚小丸子相信大家都食唔少，我開頭都無包任何希望，因為係香港同日本食到嘅章魚小丸子味道實在差太遠，但呢個令我有驚喜，醬汁好出色，小丸子內軟腍同大大粒嘅章魚彈牙口感交集。呢份炸蛋係其中一款驚喜，細滑流心嘅蛋黃，炸到鬆脆嘅外殼，實在回味無窮。主角終於上場，8款廚師發板嘅炸串，大約有蝦、牛、豬、雞同特色菜類。炸串口味與日本水準相若，會有突然去到日本嘅感覺，由於沾醬係另外附上，唔需要同人Share，所以唔需要再「只可點一次」。食曬以上嘅菜式基本上已經7分飽，當然一餐內對亞洲人黎講都要有飯落肚，所以最後呢碗炸咖哩串飯上場，日本咖哩都係甜甜哋少少辣，呢個都係差唔多，飯用日本米粒，飯香口感都上乘，但同其他食物對比相對失色。總括而言，呢個日式炸串店質素係中上水準，價錢亦都唔算貴，所以係可以encore之選！大推…Read More

好少係香港食Omakase，因為價錢唔平，而且未知質素如何。今次機緣巧合之下，試咗壽神之神嘅$1200 Omakase套餐，發現原來香港小店都可以有驚喜！$1200套餐最先上的當然係前菜，前菜有三款，配以手磨嘅Wasabi，非常有誠意！刺身應由淡味食到濃味，所以最先上嘅都係比較清淡嘅魚鮮！非常肥美嘅深海刺魚。呢款紅色堅魚，口感彈牙，入口酸酸地，啖啖肉非常過癮。油甘魚，配以柚子、胡椒，辣辣地又甘香！以赤醋飯作為飯底，酸酸地之外仲帶甘香。Ooturo，係拖羅中最肥美個款，香港人至愛。醋青魚，有少少中式魚嘅味道，非常特別，香港好少食到。半盒馬糞海膽嘅手卷，每一啖都滿滿的海膽，非常滿足！雖然價錢唔平，但用料非常充足同新鮮，每食一款都會為你介紹，食嘅途中亦見到好多客人入黎食！推…Read More

星期六晚約咗兩個兄弟Boys Night，Mini Club新推出咗海鮮套餐，非常適合兩三個人的聚會，而且價錢好抵！套餐首先上咗一隻白酒，同一個海鮮拼盤，白酒易入口，女仔都適合飲！而海鮮拼盤有龍蝦、大蝦、青口、螺等等！一啖海鮮一啖白酒，慢慢傾計慢慢啖。之後就上咗生蠔、總共6隻、海水味唔算濃，食落清甜爽口。主菜我就叫咗牛扒同埋一碟意粉，呢款牛肉調味重手咗少少，好香香草味但咸咗少許，但個煙肉薯蓉就恰到好處，三個男仔食呢個餐有少少唔夠，女仔應該就岩岩好！甜品係呢個餐其中一個賣點，每款甜品都好精美，放係一個好靚嘅巴黎鐵塔上面，配合埋店內嘅裝修，影相好靚，店員仲會放乾冰比你影相，同女仔黎食實冧死！總括而言，呢個價錢可以食到海鮮、白酒、兩款主菜同甜品，係物超所值！…Read More

非常盡興的一餐，與朋友相約在socialhouse晚餐，一進入餐廳正播放微微的輕音樂點餐後，非常貼心準備了餐包等給我們，但未有拍照。之後便上了白酒煮蜆，非常鮮甜而且份量不小，是一個非常好的前菜。最值得推介的其中一樣是西班牙燒乳豬，肥而不膩，皮脆肉嫩，另外還點了一杯laychee 白酒，白酒能夠中和肥肉的油膩感。不得不提這此的waiter都非常細心，而且很有禮貌，非常出去食除左食物味道之外，很大部份都是吃service跟環境，我覺得這裡算不錯了。…Read More

香港既台式火鍋多不勝數，但真正有台灣味道既火鍋，老鍋應該係我試過既首選！呢到價錢唔平，但味道好正宗，同三個朋友黎呢到食，個個都話！嘩 好台灣味道。點一個麻辣鴛鴦湯底，麻辣個邊有鴨血、水豆腐等等，而另一邊係豚肉白湯！兩個湯底既配料令到你有飽肚感，而且好好食麻辣非常之香，唔算好辣麻道適中！金鍋又點少得肥牛，肥牛貴精不貴多，質素好高，煮得耐都唔會好乾硬，而且濃牛香味！唔講唔知原來所有丸類同餃子都係自家手工製，心機值得一讚！值得一提既食加湯方面，係加返湯底既湯比你，而唔係清湯，呢d就係所謂既高質火鍋！！！…Read More

星期三，係辛勞既一星期之內梗係要放鬆一下！所以就約左朋友黎Mini Club 試個二人套餐，飲下酒吹下水。一入門口就見到Wine in the City，真係超適合我呢日既心情，酒應該係我人生不可劃缺既一樣野！餐廳中間仲有一棟倒轉左既巴黎鐵塔，好有Feel，而且窗出面既view都好空曠，唔會有壓逼感。主角終於到，一黎到緊係上左白酒同埋Nuts先，再慢慢等主菜，而呢枝酒係二人餐包埋，正！一枝白酒二個人黎講其實都足夠！有白酒又點少得肥美多汁既生蠔，食落淡淡海水味，唔會好heavy，配埋白酒真係好夾。生蠔之後仲叫左海鮮拼盤，超常足料，鮑魚，龍蝦等等，食呢兩個海鮮盤已經飽左8成！真係估唔到一間Club 既野食會咁出色，海鮮正，熱食都唔差，牛扒medium肉質好軟腍，食落好濃既牛香味，焦糖表面好香脆食到呢到已經好飽，但估唔到竟然仲有個甜品塔！！靚到唔捨得食，職員仲會係下面放乾冰，不斷有煙沖上去，影相真係一流，而且每款甜品都好精緻，食得又望得！非常滿足的一餐…Read More

呢日放左工同朋友去左荃灣食半自助放題，勁抵食，因為除左打邊爐之外，呢到仲有魚生同埋自助炸天婦羅！！半自助既有菜吧同天婦羅吧，另外仲有一大堆調味料任裝唔嬲。首先上左魚生，雖然款式唔算好多，但係有三文魚、甜蝦等等，二百幾蚊有魚生又有得打邊爐仲想點！？之後就去左自己整天婦羅，牆上面有張紙教左你點樣自己炸，可以體驗一下自己做大廚既經歷，幾好玩，而炸出黎又真係幾好食wo！打邊爐我相信主要係食肉架啦，豬牛羊任選，牛肉肥膏多左少少，羊肉唔會羶，豬肉都算爽口。食完咁多肉都要食返d菜中和下，菜款非常多，而且有好多丸類等等，唔會怕食唔飽，呢間可以一戰！！…Read More

過完忙碌嘅一星期，星期五放工，當然要去飲杯酒輕鬆下！由於朋友喺旺角返工，作為好朋友嘅我就去到旺角同佢一齊食個飯飲杯酒relax下！呢個水牛城雞翼，更加係非常惹味，喺旺角食到呢個質素嘅水牛城雞翼真係好驚喜！味道可以揀辣/唔辣，當然揀辣嘅先夠正宗啦！雞翼好香脆，薄薄一層炸粉，唔會咬落成舊炸粉咁。加上辣得過癮嘅醬汁，真係幾好食架！仲點左個原隻德國咸豬手，上桌時有少少驚訝，豬手個size都幾巨型，而且份量都幾多。配左個蜜糖芥末醬喺旁邊，可以點少少黎食。隻豬手整得幾好味，表皮好脆卜卜 內層嘅肉就好軟腍，一試就愛上！啤酒我就揀左draft beer，我果隻係啤酒花較淡，帶點果香，最緊要夠凍，飲落好舒服！朋友選左Apple cider 拖肥味道，蘋果味都幾出，再帶有甜甜嘅拖肥味。我就唔係太喜歡甜酒，不過朋友就話勁好飲，話陣拖肥味好易入口！…Read More