MonsterHungry's Profile

兩個人叫左個三橋慢煮紅燒牛肉麵(半筋半腩)、龍式香煎雞扒便當，跟餐要杯冰綠茶同埋甜蜜紅豆奶茶，總共$118。真心呢個價錢唔貴，相信係因為主力做街坊生意；食物質素方面亦都交到功課。落單嗰陣問老闆有無介紹，佢就話多數人會揀個牛肉麵，至於其他都好平均。好彩我有揀到牛肉麵，因為事後先知原來係限量50份。咁點解話好彩？因為：香！一送到黎已經聞到個湯好香，結果飲完杯奶茶之後，我仲飲左大半碗湯，直到飲唔落。當歸本身係苦澀，但係佢份量控制得相當好，你唔會感到佢澀，藥材味恰到好處，你只會覺得佢清香。講完湯，到主角牛肉。應該係佢嘅煮法，令到佢嘅牛腩都係咁香。不過我可以食得比較重口味少少，我會鍾意啲牛腩再濃味啲；又咁講，味道無咁重，又更凸顯浸牛味。至於牛筋就做到淋滑嘅效果，相當好食。個麵亦都爽滑彈牙，滿意。個便當主要唔係我食，不過畫面見到嘅每一樣野我都有試勻。個黑木耳同藕片相當清爽開胃，我尤其鍾意個藕片，佢帶有柚子味，味道相當夾。個肉燥飯好食嘅，不過太基本，唔多講。個煎雞扒要講喇，塊雞肉仍然好嫩，但係外皮爽脆。依家寫返出黎我都想食個煎雞扒，坦白講呢個係頭先寫咁多樣食物入面最念念不忘（雖然人地主要做牛肉麵😂；當然，牛肉麵都好食嘅）。最後就係兩杯跟餐飲品，冰綠茶同甜蜜紅豆奶茶。兩樣飲品嘅甜度對我黎講都係合適嘅，唔太甜，適合食完個餐解膩；就咁飲就可能唔夠甜，唔夠過癮。總體來講，食得出製作用心，用料亦都唔錯。缺點係佢堂食位置係露天，位亦唔多，落雨就麻煩嘞。建議街坊考慮外賣。…Read More

深海精選套餐 $768 有頭盤，生蠔，牛扒，最後仲有拉麵加甜品，呢個價錢真心很化算。而食物都很高質！前菜: 首先要讚生蠔拼盤4隻 真的有驚喜！生蠔quality很好，很新鮮，很鮮甜～其他的前菜都很不錯，刺身拼盤都很新鮮安格斯肉眼： 沒想到份量很多，真的是二人份量～ 而且煎既火喉剛好，肉汁爆滿最後忍唔住再叫咗幾隻生蠔，因為想試唔同款式，老闆話可以外賣生蠔，xmas 節日聚會可以call佢訂生蠔！法國 Prieur 後勁的甜度很高，喜歡！日本渦潮王 好大隻！加上餐廳的秘製sauce 很美味～最後，總體來講，很推薦的fine dinning的餐廳，餐廳位置不算多，假日應該要book枱。生蠔是一定要點的…Read More

係香港有唔少韓國連鎖炸雞店，呢間選擇特別多，又有烤雞，又有炸雞仲有好多配酒既韓國食物，環境仲好大好闊落，好岩一班人黎食今次係想食韓國炸雞，一次過滿足大家既願望，分別各叫一款試試！香辣脆雞 - 意想不到帶有甜甜地既味道，唔只得辣味，多左一層甜味既層次感更加令人可以一件接一件咁去食！蜂蜜牛油香蒜焗烤雞 - 叫呢個真係要警告小心熨傷點解？因為烤好即上枱，一咬開好多肉汁勁熱香蒜唔算好濃烈，更出既係蜂蜜牛油味，惹味好好食，推薦呀！炸魷魚鬚薯角一行四人超大食再叫左個炸魷魚鬚好岩餸酒一齊食柚子Cocktail soju同Apple cider味道唔會錯穩陣必點，Apple cider既造型亦好岩打卡…Read More

同朋友係K11 見到呢間餐廳滿座，再睇openrice見龍蝦意粉好岩打卡就入左黎試下～坐底有提供水，水內有備長炭，個樽好有儀式感～環境闊落舒適，唯一缺點係枱比較細張一面牆係大鏡，更顯空間感Lobster Pasta 龍蝦意粉除咗打卡影相外，味道都很不錯，龍蝦比自助餐既龍蝦大隻少少，燒得岩岩好唔會太乾身～保留到龍蝦既鮮味，無雪味，鉗都大隻有滿滿的肉在內。意粉係好粗既bucatini，第一次試，口感不錯醬汁好夠，沽滿每條意粉，隔離枱見到我地既Lobster Pasta然後都有叫 哈～羊肉都很不錯，只是份量較少叫左杯mocktail - Grapefruit Buddy味道好特別，有層次，飲品選擇好多，如果唔係dinner 都想試佢地既coffee…Read More

旺角TOP頂層有幾間餐廳，lab eat成日聽但都係第一次黎一於試一試午餐！午餐套餐好多選擇，套餐包括有沙律/湯，一個主菜，仲有飲品同甜品最後叫咗個沙律，三文魚，薯蓉，雪糕同茶沙律既醬汁應該係自己調配，酸酸甜甜，好特別呢一個係意料之外地好食！主菜三文魚外層係酥皮，夠哂香口，底有藜麥，醬汁同溫泉蛋，三樣嘢一齊食好夾，三文魚熟度剛好，推薦其實三文魚份量比想像中多一開始怕唔夠食既關係加咗個薯蓉，都不錯～甜品係自家製意大利雪糕，雲呢拿味底底有餅乾碎，增加口感，再次感到餐廳係菜式上好有心思飲品就叫左earl grey，所有野既擺盤都100分，連茶都係分茶壺同茶杯上整體而言，食物質素高，性價比高，餐廳環境乾淨舒適，有戶外位置，天氣涼小小坐出去都唔錯有機會會再食…Read More

呢一間以前讀書都會間唔時過黎食，過左咁多年，環境都好似冇變過咁，唯一唔同就係中間多左膠板，隔開啲人。豬手麵以前就冇食過，不過不嬲都知呢間出名豬手麵。以前唔係好食豬手，人大左，好似接受既野多左咁，今日一場黎到，就食豬手！▧ 南乳豬手米米粉底就麻麻地，有點浸左好耐既感覺，食落少少鞋，唔滑身。不過南乳豬手就炆得好淋，好入味，係唔錯既。湯底就唔太突出，都還好。▧ 蛋牛治呢個就真係由以前都而家都咁好味，上手熱辣辣，多料，烘底又香，正。整體黎講，唔貴，好食，正要提提就係，老字號餐廳，見到會員工同熟客係咁傾計，比人感覺幾親切。…Read More

假期去左T-Park參觀，因為太早入黎，未夠鐘走又肚餓，就食左佢地唯一既餐廳。要提既就係佢地係宣傳環保，所以佢地台櫈都係用癈既木去整既。同埋佢地食既都係簡單既食物，唔洗煎炒。▧全日早餐有煙肉雞蛋沙律，栗米薯仔之類，中間有三文魚。不過不失，我覺得有點貴。▧有機菠菜忌廉火腿有機意粉意粉煮到有點淡味，火腿就好厚，味道唔錯，但溫度好似凍凍地，似冷盤。整體食物黎講不過不失，不過裝潢環境好好，風景好，又可以教仔女自己食完自己清潔，唔錯家庭教育。…Read More

刨冰有驚喜，初時以為好似棉花冰，本身冰係有味，或者係白開水冰上面加醬汁，味道會完全分離，但食完係好評既。佢冰碎之前會加醬，一層冰一層醬加上去，令整體味道平均點，食落口感好細，所以溶得快。冰山勁高，如果唔小心係會成座山倒塌。隔離個台人，唔小心撞到，就成座山倒了，幸好冇整到成身都係，不幸中大幸。冰山咁計，食既係汁既味，如果要其他料就另外比錢。因為山好高，我估加料都係最頂加? 如果佢每座山中間都比返少少料你，例如紅豆呀，小丸子呀之類，食落口感就有層次好多。整體咁講，佢真係打卡同消暑唔錯既選擇。不過要講既係，價錢真係好貴～ …Read More

觀塘出名多人，有幾次都想黎食，但拎完飛就會發覺個號碼跟本係等唔到。所以想食既話，盡量揀平日，一開鋪就過黎食，食到既機會就會高好多。睇睇餐牌，分為金牛，紅牛，黑牛三隻，全部都係放題，只係可以選擇既肉類種類唔同。金紅既差別唔太大，但紅同黑既可選擇種類就大得多。一般黎講，紅牛既性價比就好好多，食物質素都唔錯，推薦！▧ 紅牛，豪華燒肉放題要提一提就係佢地既上菜速度真係幾快，基本上係電子Pad落完單，幾分鐘內就送上黎。每碟份量大概二至四塊，岩晒兩個人細細食但又想試好多唔同肉類既人。但有個唔好既體驗就係佢地既電子Pad有點癈，好多時禁落冇反應，中途仲彈左apps一次。肉就有豬牛羊，又有少量海鮮。野飲就驚喜地有啤酒叫，仲唔洗加錢，唔錯。同埋而家做緊暑假優惠，紅金牛都免費升級做波子氣水任飲，不過我就唔太好。係店出面都有個小遊戲，限時做到指定任務好似係減唔知幾多錢，不過我玩左一陣就知難度好高，都冇深究了。…Read More

今日去左大嶼山玩，出發前就約左大班人係度食飯醫肚先。坐底左店員都幾nice既，提我地佢地做緊推廣，要做份問卷同like fb page就可以平２０蚊。咁計落都幾開心，冇啦啦又平左少少，積少成多嘛。同行人都叫左迷你天丼 & 稻庭烏冬，不過有人就叫冷有人就叫暖。暖既會有一大個盒比晒配料你自行加，個盒好大，上台個陣都嚇左下。好似化妝盒咁大。入面有隻蛋，木耳等。冷就冇呢個服務喇，一開始已經落晒去，冇等咁樣比你玩個盒。味道上個人覺得都唔錯，我幾中意個冷烏冬，配汁好fresh。不過朋友話有食過更好食既烏冬，期待佢推介。…Read More

係大嶼山玩左成日，本身都知東涌唔太多野選擇，但而家好多鋪都１０點關門，出得市區排得隊黎都餓死，就同朋友們搵左間台灣麵食。排排下隊發現佢係咩得獎既食店，個台灣麵係唔知邊度既冠軍咁款。唔睇都還好，睇完緊係充滿期待啦。個門口仲話做緊promotion，有指定信用卡可以食指定既麵買一送一。選擇有３種，分別係紅燒半筋半肉麵，紅燒半筋半肉麵同麻麻雪花牛肉麵。我同朋友就叫左半筋半肉同麻麻雪花牛肉。一行５人，位少人多，都知要分開２，３人咁坐。唔知係咪溝通不足啦，等左勁耐，見住好多２人３人咁入去，我地就係出面等。以為店員唔記得左我地啦，問下，就好似有少少燥我地話記得，話安排緊咁。黎到呢度都唔太滿意啦，好啦照等。等到終於入左去，叫個麵食。點知比左個期待你，個失望係仲大。叫左個麻麻雪花牛肉麵，成個面得２塊肥牛……相都唔想影，拿拿林食完走人算。…Read More

係上水放lunch期間，無啦啦落大雨，嚇到我唔敢周圍去！唯有係商場度周圍行睇下有咩食。不過來來去去都係果幾款，心癢癢無聊就走左去個街市熟食中心。嘩原來個中心都幾乾淨，同我想像中既污糟環境好唔同。（不過所謂乾淨，係比較同類熟食中心，相對上佢地方係比較大，位置多，走廊闊，亦冇明顯地下濕晒咁，暫時見唔到咩老鼠等生物，算唔錯）搵左間都幾多人食既餐廳食飯，叫做發記。食物黎講價錢質素都還可以啦，但要讚既係，佢地既態度真係好好。笑笑口又會同人講笑。本身冇咩期望但係佢地既好態度令我幾鐘意。…Read More

呢間野比朋友推介左幾次，話係大廚開既鋪，平民得黎又好食。但係我一直都冇試，因為怕觀塘區放lunch 多人丫嘛。星期六日去食，就一定多人；平日去，喂觀塘咁多寫字樓，就仲多人！直到今日，係等食晚飯既時候，靈機一觸！晚飯時間飲茶咪冇咁多人囉！哈哈，真係天才。我同朋友跟住個地址去搵，個入口真係好普通，普通到冇招牌，係普通住宅後樓梯咁款，真係少點眼力都miss左個門口。上到去，果然，好！少！人！難怪既，夜媽媽邊有人想飲茶丫，不過都好，靜靜地，可以專心食個飯傾下計。呢間野總括黎講質素真係好唔錯，由其茶款選擇多，竟然有玄米茶飲。其中有２款都幾推介，分別係月光寶盒同鮑魚雞絲腸。月光寶盒入面有好多野食，可以唔洗逐個叫（包左XO醬蘿蔔糕，鹹水角，流沙包，蝦餃，燒賣，粉果，手帕青瓜，麻辣雲耳，懷舊啫喱)。而鮑魚雞絲腸就夠滑身…Read More

一直都想試呢間野，但佢同返工時間撞到應一應，星期六日又唔開，夜晚又唔開，只係開平日既中午，好似仲要３點就收。雖然佢只係開中午，但係人流一直都保持到咁旺。佢有幾樣招牌拿手野，其中一樣就係黑鼓油乾撈麵。呢間野係熟食中心入面，熟食中心歷史都睇得多有咁上下，所以呢，環境就殘舊左少少，污糟左少少。行左幾層樓梯，終於到左。佢分左幾個倉，我就坐左係最入，呢個倉係最乾淨，我個人都接受到。▧ 黑鼓油乾撈麵(怡保炆大細腳) 大細腳姐係雞腳加豬腳。２樣都蚊到好林好入味。食落感受到好多骨膠原。黑鼓油乾撈麵炒得好香，條條都有色水，炒得好均勻。不過油份好多，成個碟都好多油。食落唔會好油膩感，不過見到碟底咁，無論有幾好食，都要適可宜止。…Read More

近排成日都係旺角出沒，唔知食乜好就緊係幫襯返自己熟悉既鋪頭啦。無錯，我又黎啦，呢間食過真係會想繼續食。上次食過辛辣沾麵真係好好食，又辣又刺激，食完好似會上癮咁，發夢都掛住佢。哈哈我的確誇張左少少，但無可否認佢真係好食。不過試左辛辣味，又冇理由重覆的，所以今次就轉一轉，叫左特濃豚骨沾麵。食落今次驚喜就冇上次咁多，雖然佢好食，但特濃豚骨真係特濃，加上沾麵本身就比拉麵濃味，變左味道就咸左少少。可能食返拉麵會平衡返少少。同朋友討論過後，都係覺得辛辣最好食。…Read More