小鴨與小豬's Profile

禮拜六晚兩個人去食 本來係門口見到有個二人套餐 覺得幾吸引 決定入去試. 後尾點菜先知weekend無套餐.睇完一輪餐牌之後, 就叫左一個蟹肉番茄salad(頭盤),白酒煮蜆(頭盤)同埋一個羊架6成熟(主菜), 再加一杯可樂首先上既係salad 用一個cocktail杯裝住 底層係salad菜 中層有d番茄粒 面層係蟹肉碎 然後再加salsa醬. 食落第一啖 幾fresh. salsa微辣 加上番茄同蟹肉 酸酸甜甜 配搭得唔錯. 但係呢個salad價錢為158白酒煮蜆既性價比較高 88蚊一客. 蜆都幾大粒 酒味好香 一擺上台已經聞到好吸引. 同埋重點係 無咩沙或者碎殼最後上菜係羊架 我地叫左6成熟. 一份羊架total有4塊 頭兩塊比較細塊既都有8-9成熟 之後兩塊比較大就大概7-8成 但係大既兩塊就比較'un' 味道唔算特別 收288一份. 反而最好食係伴菜既薯條 每一條都好香脆 但係唔會有油膩既感覺 令人會追住食. 羊架同薯條下面有一塊燒菠蘿 燒烤味唔突出 但係菠蘿都算幾甜.由於餐廳面積比較大 所以會有好多部座地既冷風機 如果風口位對住會好凍 但係吹唔到就會覺得熱.同埋餐廳燈光比較暗 見到隔離檯有個小朋友要開手機電筒尼睇menu. 座位上都上算舒服. 因為餐廳有projector, 所以感覺如果睇足球既會唔錯.總括尼講, 食物味道都ok 唔差. 但係呢個價錢相比之下就會覺得唔太抵. 後尾我地仲叫左一支可樂 埋單631.…Read More

之前都去過一兩次呢間餐廳，不過都係食定食，所以今次就決定試下佢d魚生飯。一行兩人lunch去食，我朋友叫左個三文魚飯，我叫左個吞拿魚腩蓉飯。朋友個三文魚飯就唔方便評論，因為我無食，只係見到賣相都唔錯。每一個套餐都會包一個salad，一個湯同埋一杯熱飲。上菜既速度都好快，賣相都幾靚幾吸引。我習慣將wasabi+豉油倒落飯度一齊攪拌食，開頭都幾好唔錯，吞拿魚腩都算新鮮同幾肥。不過食到最後幾啖就會感覺飯唔太夠，幾啖都淨係食緊魚蓉。份量唔算大，我自己本身唔肚餓都可以輕易食曬，不過之後3點幾4點就會感覺想再食野。坐位方面都十分舒適，同朋友傾下計都幾理想，不過當滿座既時候就會有少少熱。埋單兩個人大概170，我覺得價錢偏貴，但係都會間唔中去食下，唔錯，可以一試。…Read More

禮拜五晚想食韓國野。唔算肚餓，又唔想熱氣，又唔想排隊，見到呢間剛好有位就決定一試。坐落唔算闊落，一張六人檯，隔離三個，我地兩個，中間無隔開。我地叫左一個烤雜肉，一個炸醬麵，同一個泡菜豚肉飯。好快就上左3小碟：泡菜，茄子，大豆芽。不過見到隔離檯有薯仔粒又想食薯仔粒...烤雜肉都好香，好惹味，有d洋蔥係底所以唔會好油。炸醬麵一上檯時賣相就一般，同埋好似好細碗咁，不過食落又剛好。泡菜豚肉飯就一般般，稍微有少少咸。最後埋單300蚊有找，臨走時見到韓式豬手賣相唔錯，下次會試下。…Read More

第一次食海鮮粥底鍋，首先要揀一個海鮮set同埋湯底。然後店員會攞個鍋過尼係你面前煮d海鮮，會細心提你記得攞相機出尼影相，同埋每款海鮮既最佳品嚐時間，仲會表現個鍋著曬火。但係食落味道其實好一般無特別，反而個海鮮湯底就有驚喜幾鮮甜，好似叫龍皇湯。食完曬d海鮮之後就會加粥加湯底落去個鍋度煮，我食左兩碗就停左食唔落，但係感覺只係短暫式飽肚。每人最後200-300蚊埋單。…Read More

夜晚一行4人去食上海野，叫左個小籠包津白抄手蒜泥白肉醉雞同埋上海炒年糕。野食尼得好快，叫完傾左一陣計已經到齊。小籠包還可以，但係因為包與包之間唔夠位痴住左，所以有兩隻一夾就流曬d湯出尼。蒜泥白肉有粉皮係面，肉入面捲住條青瓜，但係攪拌之後我覺得無咩蒜味。蒜泥白肉同炒手都唔夠辣。醉雞同埋炒年糕就一般，無咩特別。店內坐得幾舒服，適合朋友一齊食下飯傾下計。今次匯豐卡仲有折，埋單大約400，整體都ok有下次。…Read More

因為朋友介紹，所以決定一試。我地兩個人每人叫左一個井，加一個廣東蠔。前菜有一塊芝士同一碗湯。我地聽足老闆娘話，食完芝士先飲湯。發現個湯好清好甜，飲完又唔會飽左一半，唔錯。井既份量剛好，唔加調味單獨食飯都已經夠味。魚生好新鮮好肥美。唯獨海膽有點兒失望，份量夠大，但有其中一舊有一陣新鮮海膽開完但係未洗乾淨既味。廣東蠔係將生蠔放係一個微酸既汁入面。我自己就覺得個汁可以濃少少，但男友覺得還可以。總括尼講都唔錯，埋單400頭，可以有下次。…Read More

見到網上有介紹呢間cafe，所以決定去試一下。一行兩人係禮拜日大概2.30到達餐廳，到時非常多人買野食，要排到出門口！因為呢間餐廳係快餐店形式，但係好彩我地都好快搵到位坐，然後開始排隊。排隊買野食既時候就有d失望，排左15分鐘條隊郁都唔郁，有人企收銀都唔落單。當時亦都已經搵定附近餐廳打算如果排多陣都係唔郁就去第二間(其實都聽到條隊前後d人都有咁既打算)。不過條隊之後就郁番，10分鐘之後都成功購票。我地叫左一個拼盤，一個all day breakfast，同埋兩杯野飲。等左半個鐘先出拼盤同兩杯野飲，拼盤食左一半先出all day breakfast。食物一般，尤其拼盤入面既雞翼略嫌細隻，但係味道唔錯，其他都無咩特別，唔會特別令人回味。all day breakfast入面既漢堡扒就好似m記果d，炒蛋都幾大份，但係都係果句，無咩特別。野飲叫左一杯咖啡同一杯玫瑰蝶豆花蘇打。蘇打一開始飲都唔錯，但係飲唔出玫瑰。去到尾段已經完全無曬氣，得番一杯有冰既糖水。整餐都有d失望，因為本身係大埔工厦，泊完車都要行一段路先到(近既車場full曬)，但係上到樓上order+等既時間都要差唔多成個鐘先有得食，感覺係因為廚房嚴重做唔切(所以有人企收銀都唔take order)。雞翼係ok，但係唔值得為左佢而特登再去，所以無咩特別都唔會有下次。…Read More

禮拜四夜晚八點幾 周圍都排曬長龍 打算去睇下Gordon Ramsay既餐廳 好好彩即刻有位 雖然坐bar檯 但係都尚算舒服兩個人叫左一個Grilled Octopus 一個Pork Pie 一個Rib Eye 同埋一個Salmon Grilled Octopus 雖然得兩條 但係都算大條 一上已經覺得好香 食落唔韌 辣辣地幾好味Pork Pie 超級推薦！英式pork pie香而唔漏 加上cheese同mustard配搭得非常好！超級好食！Rib Eye 夠曬大份 d汁鎖曬係入面 同埋真係medium rare剛剛好 可惜太大塊扒一個人食到尾就會凍左 同埋會食唔曬Salmon (估計係slow cooked salmon)加上芝麻青瓜片 賣相吸引 但係食落味道一般 係salmon有d甜甜地唔錯 portion剛剛好 一個女仔剛好完成到一份總括尼講都唔錯 唯獨因為我唔食牛 只有男友一個食 我去到就有d覺得無咩得揀 但係男友食牛扒就食得好滋味 埋單千幾無叫野飲會再去 不過下次就應該唔會選擇salmon 可能會揀barbeque ribs試下…Read More

放工肚餓想食d唔洗等咁耐既野食，大概7.30入去唔洗等位，餐廳亦唔滿，仲有位剩。兩個人被安排坐2人位，左右兩邊係2人檯同4人檯。我地叫左5個小食1個pizza，叫完之後隔離4人檯走左，我地就問可唔可以轉過去，個個職員都話：要問另外個同事。d野食開始上，檯開始唔夠擺，餐廳仍然有位剩，隔離張4人檯仍然無人，我地再問可唔可以轉過去，問左幾個人之後答案係唔得因為已經叫左野食。之後d野食繼續上，後上既野食要擺係隔離張4人檯，但係仍然唔俾我地坐過去，其實已經問左起碼4-5次，位姐姐都係好惡地話唔可以轉檯，只可以'擺住d野食係隔離檯'，但係唔可以坐過去。切pizza切唔到，夾野食都要隔條河，好似偷緊隔離檯d野食咁。最後要同經理投訴先可以坐張4人檯，經理見到呢個情況即刻同我地轉檯，當時餐廳內仍然有位剩。食物味道同其他分店差唔多，但係員工態度完全接受唔到，下次唔會再去呢間分店。…Read More