mos's Profile

成班波友為睇奧運決賽搵咗間屋睇奧運。之前叫過𠮩嚨既外賣都幾好味又抵食。今次叫了8人到薈大漠豚肉炒飯1盤煙鴨胸炒麵1盤重慶蒜香烤魚1條(大)麻和青花椒炒雞1隻鮮魚湯海鮮鍋(貴妃蚌，扇貝，大蝦)炒土豆絲糍粑小店經營得老闆(主廚)及老闆娘， 座位不多所以大多數街坊都會叫外賣。大漠豚肉炒飯炒得出色 飯粒分明 好香既香料配上豚肉粒。煙鴨胸炒麵，之前試過藤辣湯手工麵已愛上佢地既麵，少少似意粉既感覺，今次唔係湯變咗炒 原來都好好味 依兜係第二快被清空重慶蒜香烤魚 超水準 無論個醬汁，菜底，烤魚烤得好香唔老 肉質juicy又滑 菜底有窩荀，蓮藕，椰菜花，薯仔索晒啲烤魚汁真係好鬼正麻香青花雞，我好鍾意食辣，依個啱晒我，超多蒜粒，青辣椒，薑絲炒青花椒，炒出青花椒既味，雞肉索晒青花辣既麻味，吞尖上的麻香海鮮鍋，老闆好好，個海鮮鍋用鮮魚及魷魚仔肴湯，湯底鮮甜，啲蝦都大隻爽口，貴妃蚌彈牙，扇貝就正常冇咩特別，湯底有娃娃菜及粉絲perfect 炒土豆絲係最快清空，大家都讚好味糍粑煙韌口感很好，但少啲甜會更好。特別謝謝老闆娘分兩次送貨上門 辛苦了。小店辛苦經營，味道好 價錢平CP值絕對高…Read More

新開專門吃羊的小店店內坐位不算多。 兩次都係lunch去食第一次吃羊肉拌麵， 第二次吃羊肉湯麵。其實兩款都好食各有特色 不過我較鍾意湯麵多一點點 因為個湯底好好味。羊肉有羊羶味，但不算濃，一般人都應該接受到，而我係鍾意食有羶味既羊，所以特意再次去食碗羊肉湯麵，真的沒令我失望。至於拌麵 個汁都唔錯 冇記錯好似有洋蔥。配羊肉又真係幾好喎羊肉不算多， 湯底清香有羊味， 麵有咬口。最重要是食完唔會有口渴既感覺。孜然羊肉串， 羊肉燒得唔乾 好味。總括值得去食及支特小店。…Read More

lunch唔知食咩好四圍行 路過官涌見到依間日式食店 見人唔多價錢又唔算貴就入去試下壽喜燒牛肉飯$98+10%飯都幾大碗 好多塊牛肉 仲要唔係薄到透果啲 係有質感 以前唔太喜歡食壽喜燒因覺得個汁好甜。 今日食感覺大改變， 唔甜好香 牛肉有咬口 加埋個溫泉蛋真係perfect match.日式咖哩豬扒飯豬扒好厚又大塊 個皮幾脆 不過可能佢太早裝飯 搞到啲飯凍咗影響口感。另外豬扒我略嚴淡口咗啲。如果兩者比 我喜歡壽喜燒多啲午餐配沙津前菜 麵屎湯 及 甜品甜品出色 沙津都好咪 麵屎湯就正常冇特別個人認為整體唔錯可以再試…Read More

一直想試 今日路過見唔多人終於試到。$98+10% 有沙津， 麵豉湯， 溫泉蛋， 白飯， 蕃茄香草醬漢堡扒， 芝士漢堡扒。見到啲相係有期望既， 但食又唔覺好濃芝士未， 蕃茄香草醬 正常冇咩驚喜， 件漢堡扒其實好細件， 問題係一夾就散唔夠實。致命傷係個飯唔夠熱及有啲硬， 最讚係溫泉蛋🫠試一次無防 …Read More

誤打誤撞book咗依間葡國菜 真係好有驚喜 無論服務，食物都超高水準。中午店員會whatsapp confirm booking同時會問有冇菜式要訂。 因葡國海鮮飯及慢焗原隻八爪魚烹調需時 所以我就先訂咗佢先。其實間餐廳位置有啲隱蔽 地舖是買酒 食物 凍肉。 而樓上是餐廳 但坐位有限 必須要預約。餐廳裝飾很有特色 一張可坐大約10-11人長檯 對著open kitchen可以邊食邊望住外藉廚師烹調。另外有幾個露天座位。點了兩個小食馬介休及炸鱈魚條 兩個都炸得很香口唔油 馬介休既薯仔好香好軟 而鱈魚條我覺得普通咗啲。廚師送咗一碟傳統餡餅俾我地 都幾好味。主菜吞拿魚沙律 葡萄牙海鮮飯 慢焗原隻八爪魚 蒜味白酒燴蜆 深海大紅蝦 烤雞 葡撻吞拿魚沙律 正常不特別唔多講喇葡萄牙海鮮飯 長米 好多汁 唔咸 好夾啲飯好好味慢焗八爪魚真係好慢焗 一開始已煮 到最後一味菜先上 但好有驚喜 八爪魚好霖好軟味道又好 啲薯仔索咗啲汁好香 蒜味白酒蜆都好味但又唔算特別出色我最鍾意係烤雞 啲肉超滑肉又入味 啲薯仔都好好味大紅蝦有啲失色 唔關廚師問題應該係啲蝦今期來貨唔靚啲肉有啲霖馬介休即打薯蓉 入面有芫荽蔥好香葡撻真係冇得輸 平時唔鍾意食葡撻既我都大讚 佢唔甜 有流心效果 個皮仲要係酥皮 即焗即食熱辣辣超班樓下地舖有酒 葡萄牙食品賣 價錢算ok朋友飯聚chill下飲酒傾計係一個不錯選擇…Read More

在openrice 訂檯寫明惠顧$799就有7折， 於是早兩個多星期透過網上訂了檯。訂了19：30當日餐廳職員whatsaap confirm booking時話openrice個折扣錯誤只有85折。我覺得 如果是openrice錯點解佢地唔要求openrice更正。 及我唔係即日先book係咪應該早啲通知折扣錯誤既問題？雖然依間bar啲食物確實是不錯 但我覺得佢咁樣係有誤導 應該都有不少人係因為有7折才去book位。我係whatsapp同餐廳職員對話，同佢講 openrice白紙黑字寫明7折 如資料錯係應該要係openrice更正及一早要通知客人， 唔係到confirm booking才講正確折扣係85折。況且到依一刻openrice仍然係寫住7折。雖然最後職員話會俾special offer俾番7折我。但最後我都取消了booking。因覺得依間餐廳宣傳手法唔好。如在openrice book咗位既人要留意下…Read More

位於廟街附近的西餐廳，價錢唔算平屬中檔路線，喜歡佢既菜式特別創新。今日試咗個麻香海鮮意粉，微微的麻香味配上青醬汁 估唔到效果好夾好好味 海鮮是鮮蝦 又大隻又爽脆。加配前菜孜然風味雞翼 估唔到25蚊有4隻， 好香孜然味 皮脆肉香相比之下個湯一般冇咩特別。上次係食南瓜意大利飯 南瓜汁好香濃 碟飯都好大碟 係好味既 但一個人食就會覺得有啲‘’漏‘’Lunch set 湯+麻香海鮮意粉+飲品$94。依區算係上等價， 不過又真係幾好味，久唔久食下都ok既有機會試埋晚餐 睇下係咪同樣出色…Read More

路過附近唔知食咩 見到依間卡巴就試下啦 入面得兩個位。相信老闆係一對印度夫婦 兩個都好nice。點了一份羊肉卡巴 好多配菜 羊肉燒得好香 如果唔夠醬汁老闆可以成枝俾你加汁。會再幫襯…Read More

朋友揀咗依間Omakase 價錢確實幾貴 叫埋清酒每人over $2000前菜有六品壽司11貫湯甜品飽就一定夠飽雖然地方細少 位唔多 環境好好 服務也很貼心 廁所好日式設備 有晒牙線 潄口水 消毒劑入坐後侍應先端上小吃 再問要凍茶或熱茶 我要熱茶 侍應俾咗杯熱綠茶 再問各人有冇咩係唔食及咩食物敏感前菜六款 每樣都好精緻 壽司師傅將每件食物好似藝術品咁擺到好靚 亦會介紹每份食材造法我地叫了一枝清酒 有12款唔同杯俾我地揀 每隻都好靚11貫壽司都十分新鮮好味 （因冇mark低所以唔記得晒係咩壽司）開始壽司時侍應將綠茶轉為熱焙茶 唔知係咪焙茶襯壽司師傅每上一件壽司都會講解壽司個名，肉既產地。我自己鍾意油份重既深海魚食完壽司後有一碗好熱好甜既魚湯 之後再有熊本蜜瓜及兩款雪糕可揀分別菠蘿及黑糖味總括整體係好味且服務係100分不過我覺得如果壽司上菜次序由淡味魚到濃味會好啲。味道我覺得係好食 但又覺得唔駛依個價 overall環境 服務係值得試既 不過對我黎講2000蚊一餐飯又真係太貴 所以一次就夠…Read More

上次自己生日 請媽媽黎食Omakase 本來想叫$480 有15貫 含一件海膽但媽媽食唔晒15件 所以揀咗12件$380第一次食完已很驚喜 , service 環境冇得輸。介紹同事一齊再戰omakase不過事隔一個月 15貫既加咗價 去到$550不過同事都話15件太多 所以都係叫$380 set再另叫うめしゅ ハイボール今次啲壽司都好好味壽司師傅及侍應好細心 會問有咩唔食 有冇食物敏感前菜鵝肝xx唔就得個名朋友對蝦敏感 佢地即刻蒸過杯冇蝦既日式蒸蛋其實佢地既酸薑都好好味廚師會睇客人情況調節上菜速度如客人邊吃邊傾就會慢慢上菜 每上一件就會介紹壽司係咩魚及用咗啲咩配料， 依間既壽司飯用赤醋米 日本朋友話唔多壽司店會用 多數高級日式店先會用赤醋米。其實啲魚名我都唔太記得 總之好好味。 壽司師傅會按魚既味道由淡輕到濃上菜。 以我個人而言 我鍾意油份重既魚。 深魚池魚， 左口魚邊群， 金鯛等好香有口感 有啲配上薑蓉或柚子汁另一番味道。如果食到一半覺得開始飽 可以叫師傅細飯 相反唔夠飽可以大飯最後個魚湯好正 好白好香濃。 甜品就一般冇咩特別男同事唔夠飽 師傅特別整咗舊漬物壽司卷請佢食 4人共吃了$1800非常滿足下次想試其他食物 如意炒， 丼…Read More

一大班朋友想坐得舒服 真係唔多餐廳 酒樓會有咁大張檯北京老家啲檯可以坐到14個大人。 今次我地10人book咗間房 最低消費$4000。 間房空間好大 有足夠地方俾我地放袋 坐又舒服唔迫。廢事諗食咩就叫咗個$4180套餐(10-12位）五福大拼盤-好驚喜 好好味 海哲頭好爽脆，菠菜香甜，麻辣肚絲微辣入味，豆腐皮蛋好都好好味宮保大明蝦 - 有啲似酸甜蝦 蝦肉彈牙排骨炆鮑魚 - 有點怪既配搭 樣都一般 有薯粉墊底 味道可以珠聯壁合魚翅 - 湯係有少少醋酸味 配上髮菜 幾特別北京填鴨 - 不用多講 好正胡同炸脆雞 - 有點失望 可能已飽啦 肉有點乾草捆牛骨 - 少少辣 牛肉出奇好味 啲牛味好濃好香滑老家柚子魚 - 最鍾意依個桂花魚 炸到皮脆肉嫩，配上柚子汁 好清香好特别瑤桂扒時蔬 - 溫室豆苗 正常味道 唔差北京水餃 - 皮薄好好味炒刀削麵 - 有啲似炒上海年糕但係刀削麵啲麵好彈牙唔霖 好食拔絲香蕉 - 賣相一流 但可惜蕉唔熱是凍的 依個有啲失敗整體係中上 碟頭大 overall係好味值得依個價。 service好 地方舒適…Read More

之前食過兩次 一次中環 另一次美孚 兩次都係pancake + coffee依到啲pancake係堅好味 我覺得好食過人氣店幸碌pancake。抹茶pancake 無花果pancake 什莓pancake tilamisu pancake 各有特色 款款都好好咪 而我最愛係抹茶。豆花咖啡都係無得輸 香滑豆腐花配咖啡非常和合。我鍾意去中環店 舖夠大 位多唔駛等今日去試意粉 牛肝菌意粉 係細碟咗啲但牛肝菌味強烈 意粉煮得恰到好處 好正。但杯抹茶latte 就幾失望 看似好濃抹茶。 應該都濃既因為飲時感到仲有好多粒粒抹茶粉係口但我唔鍾意佢既抹茶帶草青味 感覺似五青汁溝咖啡。 下次都係其他咖啡算。中環店門口還擺了counter有位畫家小姐幫人畫畫 但價錢我冇問 係啲Q版人像。 …Read More

打完波成班波友8個人唔知食咩好突然有人提議品記 開到12點又有大檯 唔駛諗即去去到好多大圓檯 正 啱晒一大班朋友。 朋友發版叫了麻辣雞煲 中辣 個煲好大洋蔥好多 其實雞既味道唔太特別 普著通通麻辣鴨血 味道可以 略厭唔夠麻辣炸大腸 好味唔會成口油麻辣夫婦肺片 牛展 牛肚 皮蛋 海浙頭 涼拌唔錯 可以再叫既菜腊肉炒窩荀 炒土豆絲 我喜歡的味道 特別係窩荀 好好咪不過就油咗啲 成層油係碟底白灼鵝腸黑柏葉最出色 鵝腸爽脆 配上麻辣汁 一流百香果汁唔太甜都好飲整體唔錯 可以再試…Read More

見openrice咁多人讚就去試試係咪真係咁好味芫茜麻辣拉麵$110芫茜比我想像中少，成碗麵得1舊叉燒，芽菜，蔥，粟米荀係咁多麻辣中辣中麻唔算辣可以大辣麻就一啲麻既感覺都冇叉燒，一舊長方型，唔滑味道可以芫茜 唔新鮮，有啲乾乾皺皺粗麵與湯唔夾 啲麵掛唔到湯味湯冇特別 飲完後超口喝總括$110冇蛋冇紫菜得1舊叉燒仲要唔好味 真心覺得超唔值額外加芫茜一碟要$30大元。😱啲芫茜是日本直送嗎？貴到離地依個價錢好食過佢既拉麵大把。…Read More

本來book唔到，撞正8號風球，冷手執咗個熱煎堆。店舖不大檯數不太多，5人要坐4人檯確實有點迫。先來雞煲，因朋友不能吃太辣所以只叫了小辣。雞煲比我想像中好味 因平時出面食果啲唔係太鞋就太咸。依到啲雞好滑，味濃唔咸好入味。食完雞煲仲問我地要唔要再加雞。 我地唔要喇 咪飽晒打唔到邊爐。蒜蓉蒸海鮮有蝦，帶子，聖子，蜆，龍躉，烏冬。 職員話因打風冇咗鮑魚好唔開心呀。海鮮用荷葉墊底蒸，剛剛熟，好香蒜味 係隻蝦麻麻地太細隻冇咩肉。之後到蟲草烏雞湯。嘩。。正呀，好好味，飲咗兩碗。 其實食到依到已經飽，但仲未正式開始打邊爐。加湯後哥仔拎咗碟牛肉黎，太細碟了 每人得幾塊唔夠喉。飲品及其他邊爐食品在雪櫃取。 款式唔太多，基本野有齊 其實邊爐都係尾聲。都飽咗8成食唔到太多最後黎多個椰汁燕碎糖水 唔太甜都幾好。由於假期前夕要加多30蚊即269+30+10%=$330/位食物質素再加上冇時限，依個價錢可接受。會再番兜…Read More